Դավիթ Տոնոյան

ՀՀ–ն ո՞ր դեպքում կմասնակցի Սիրիայի ռազմական գործողություններին. պատասխանում է Տոնոյանը

213
ՀՀ պաշտպանության նախարարը խոսել է հայկական առաքելությանը Սիրիա ուղարկելու մասին:

ԵՐԵՎԱՆ, 12 փետրվարի – Sputnik. ՀՀ–ն Սիրիայում հումանիտար առաքելություն է իրականացնում օրենքի տառին համապատասխան։ Այսօր այս մասին ասաց ՀՀ պաշտպանության նախարար Դավիթ Տոնոյանը։

«Եղել է գրավոր խնդրանք Սիրիայի իշխանություններից, դե ֆակտո իշխանություններից: Եվ ՀՀ հումանիտար առաքելությունն իրականացվում է օրենքի տառին համապատասխան: Եվ ի հավելումն կարող եմ ևս մի բան նշել։ Եթե լինեն այդպիսի հանգամանքներ, եթե ռազմական գործողությունների մասնակցելու անհրաժեշտություն լինի, ՀՀ–ն դա ևս անպայման կանի օրենքի տառին համապատասխան։ Իհարկե, մեր այդ որոշումը կայացնելու ժամանակ կաշխատենք համագործակցել արտախորհրդարանական ուժերի հետ»,– ասաց Տոնոյանը։

Հիշեցնենք` Սիրիայի ժողովրդին մարդասիրական մասնագիտական օժանդակություն ցուցաբերելու նպատակով փետրվարի 8-ին հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբը (ընդհանուր՝ 83 անձ) ժամանել է Սիրիայի Արաբական Հանրապետություն (ք.Հալեպ)։

213
թեգերը:
Սիրիա, Դավիթ Տոնոյան, Հայաստան
Ըստ թեմայի
«Իրականում». ՀՀ ԱԳՆ-ի ամենախոշոր վրիպումներից մեկը սիրիական զարգացումներին չմասնակցելն էր
Սիրիա ուղարկվող օգնությունը ոչ միշտ էր հասնում նպատակին. հայերը բացում են փակագծերը
Սիրիային մարդասիրական օժանդակությունը անհրաժեշտություն և դաշնակցային պարտավորությու՞ ն է
Գրիգորյան. «Սիրիայում 2019–ը կարող է ավելի թեժ լինել»
Գազամուղ. արխիվային լուսանկար

Հայաստանին բնական գազի մատակարարումը 4 օրով կդադարեցվի

33
(Թարմացված է 13:44 01.06.2020)
Շուրջ 28 տարի հնարավոր չի եղել Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ իրականացնել։

ԵՐԵՎԱՆ, 1 հունիսի- Sputnik. Հունիսի 2-ից 96 ժամով կդադարեցվի Հայաստան բնական գազի մատակարարումը։ «Գազպրոմ Արմենիա» ընկերության լրատվական ծառայությունը տեղեկացնում է, որ դադարեցումը Հյուսիսային Կովկաս-Անդրկովկաս մայրուղային գազատարի և Կարմիր կամուրջ- Բերդ մայրուղային գազատարի նորոգման աշխատանքներ իրականացնելու նպատակով է:

«Նշված ժամանակահատվածում հանրապետության սպառողների գազամատակարարումը կիրականացվի առանց սահմանափակումների: 1992 թվականին շահագործման հանձնելուց ի վեր՝ շուրջ 28 տարի, Կարմիր կամուրջ-Բերդ մայրուղային գազատարի զննման և անհրաժեշտ շահագործման ու տեխնիկական սպասարկման աշխատանքներ հնարավոր չի եղել իրականացնել»,- նշված է ընկերության տարածած պաշտոնական հաղորդագրության մեջ։

Ընկերությունից տեղեկացնում են, որ նշված ժամանակահատվածում մայրուղային գազատարների վրա կկատարվեն մասնակի վերանորոգման աշխատանքներ։ Դրանք իրականացվում են հայ-վրացական միջկառավարական պայմանավորվածությունների ադյունքում։

Հայաստանը պնդում է, Ռուսաստանը` պարզաբանում. հնարավո՞ր է ԵԱՏՄ–ում գազի միասնական շուկան

33
թեգերը:
«Գազպրոմ Արմենիա» ընկերություն, Հայաստան, գազ
Ըստ թեմայի
Նիկոլ Փաշինյանը խոսեց գազի գնի ու «Գազպրոմի» մղումների մասին
Այս պահին գազի գնի բարձրացման մասին խոսելու լավագույն ժամանակաշրջանը չէ. Փաշինյան
Փաշինյանը ԵԱՏՄ գագաթնաժողովում վերահաստատեց՝ գազի միասնական շուկան անհրաժեշտություն է
««Սուրբ Գրիգոր Լուսավորիչ» բժշկական կենտրոն

44 օր վերակենդանացման բաժանմունքում. 47-ամյա կինը հաղթահարել է կորոնավիրուսը

11
(Թարմացված է 13:21 01.06.2020)
47-ամյա կինն ունի շաքարային դիաբետ, սրտի իշեմիկ հիվանդություն, երիկամային անբավարարություն, ստանում է ծրագրային հեմոդիալիզ:

ԵՐԵՎԱՆ, 1 հունիսի- Sputnik. «Սուրբ Գրիգոր Լուսավորիչ» բժշկական կենտրոնից դուրս է գրվել 47-ամյա Ք. Մակարյանը, որը հիվանդանոցի վերակենդանացման բաժանմունքում 44 մահճակալային օր է անցկացրել։ «Սուրբ Գրիգոր Լուսավորիչ» բժշկական կենտրոնի մամուլի խոսնակ Ծովինար Խաչատրյանը Facebook-ի իր էջում տեղեկացրել է, որ նրա մոտ եղել է հաստատված կորոնավիրուս, երկկողմանի թոքաբորբ։

47-ամյա կինն ունի մի շարք հիվանդություններ, այդ թվում՝ շաքարային դիաբետ, սրտի իշեմիկ հիվանդություն, երիկամային անբավարարություն, ստանում է նաև ծրագրային հեմոդիալիզ:

«Նա բուժկենտրոն է տեղափոխվել միջին ծանրությամբ, դինամիկայում արագ առաջացել է շնչական անբավարարության խորացում, գիտակցության մթագնում, ինչի հետևանքով հիվանդը միացվել է թոքերի արհեստական շնչառության սարքին: Բուժման արդյունքում 24-րդ օրը Ք. Մակարյանը գիտակցության է եկել, անջատվել է արհեստական շնչառության սարքից, սկսել է ինքնուրույն շնչել և սնվել, բացասական է եղել նաև նոր կորոնավիրուսի թեստը»,- գրել է Խաչատրյանը։

Ինչպես է վարչապետ Փաշինյանի ինքնազգացողությունը. խոսնակը տեղեկություններ է հաղորդել

Նա տեղեկացրել է, որ 47-ամյա կինն արդեն այլ բուժկենտրոն է տեղափոխվել և մյուս հիվանդություններին համարժեք թերապիա է անցնում:

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492։

Այս պահին փաստացի բուժում է ստանում 5896 մարդ, կատարվել է 58668 թեստավորում, առողջացել են վարակվածներից 3402–ը։

Ընդհանուր առմամբ գրանցվել է կորոնավիրուսային հիվանդությունից մահանալու 139 և մահվան 55 անուղղակի դեպք:

Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի

11
թեգերը:
Կին, կորոնավիրուս, հիվանդանոց
թեմա:
Կորոնավիրուսը Հայաստանում և Արցախում
Ըստ թեմայի
Նիկոլ Փաշինյանը վարակվել է կորոնավիրուսով. տեսանյութ
Արայիկ Հարությունյանը կորոնավիրուսի թեստ է հանձնել
Հայաստանում վերջին մեկ օրում կորոնավիրուսից 8 մարդ է մահացել. մանրամասներ