Ատոմ Ջանջուղազյան

Պատգամավորները հարցախեղդ են արել Ջանջուղազյանին ու վկայակոչել սանիկին․ «Ժողովուրդ»

190
Թերթը մանրամասներ է ներկայացնում նախարարի ու պատգամավորների հանդիպումից։

ԵՐԵՎԱՆ, 8 փետրվարի – Sputnik. Ամանորից առաջ պետական բյուջեից նախատոնական պարգևատրումները պարզապես պաշտոնյաների քթից եկավ. այս թեմայով բացատրություններ տալու համար երեկ էլ իշխող «Իմ քայլը» խորհրդարանական խմբակցություն էր հրավիրվել ՀՀ ֆինանսների նախարար Ատոմ Ջանջուղազյանը: Այս մասին գրում է «Ժողովուրդ» օրաթերթը։

«Ընդ որում, նիստը տևեց ռեկորդային երկար՝ չորս ժամ: Եվ ինչպես պնդում են «Ժողովուրդ» օրաթերթի աղբյուրները, այդ չորս ժամվա ընթացքում պատգամավորները պարզապես հարցախեղդ են արել նախարարին»,– գրում է թերթը:

Ըստ պարբերականի` նրանք իրավացի էին, քանի որ նախարարությունում ամենամեծ պարգևատրումները ստացել են նախարարի ազգականն ու սանիկը։

«Ժողովուրդ» օրաթերթի հետ զրույցում «Իմ քայլը» խմբակցության ղեկավար Լիլիթ Մակունցն էլ ասել է. «Սանիկի հետ կապված պարոն Ջանջուղազյանն ասաց, թե անմիջապես փոխնախարարը չէ իր սանիկը, այլ երեխաները։ Այդպիսի հարց ևս քննարկվել է։ Եվ իսկապես հանդիպումը շատ երկար է տևել»։

Ջանջուղազյանն էլ, թղթակցի հարցին ի պատասխան, սկզբում փորձել է հերքել. «Ազգակցական կապ ես որևէ մեկի հետ չունեմ։ Հիմա որևէ մեկը չի հարցրել այդ մասին»: Բայց երբ վկայակոչել են Մակունցին, նա խոստովանել է. «Այո, հարց եղել է, պարզաբանել եմ»:

Նշենք, որ ֆինանսների նախարարն ԱԺ էր հրավիրվել «Իմ քայլը» խմբակցության հետ հանդիպման։ Խմբակցությունը պետական պաշտոնյաների հետ դռնփակ հանդիպումներ է կազմակերպում` հանրային լայն քննարկման արժանացած պետական ու համայնքային կառույցներում պարգևավճարների աղմկահարույց թեմայի վերաբերյալ պարզաբանումներ ստանալու նպատակով։

Հունվարի 29-ին «Իմ քայլը» խմբակցության հետ հանդիպել էր նաև ՊԵԿ նախագահ Դավիթ Անանյանը։

190
թեգերը:
Հայաստան
Ըստ թեմայի
Դավիթ Անանյանը խոստովանեց` 14 մլն դրամ պարգևավճար է ստացել
Պարգևավճարներն արդեն ավելի արդարացի կբաշխվեն. Փաշինյանը բացատրեց` ինչպես
Կադաստրում ամենաբարձր պարգևավճարները ստացել են վարորդներն ու հավաքարարները. Կադաստրի պետ
Ֆինանսների նախարարության 408 աշխատակցի տրվել է 210 038 000 դրամի չափով պարգևատրում
Բարեգործությունը չփրկեց. Ինեսսա Գաբայանն ազատվել է պաշտոնից