Նիկոլ Փաշինյան, արխիվային լուսանկար

Փաշինյանը կոչով դիմել է հայրենակիցներին. «Հայերեն տեքստերը գրեք հայատառ»

736
Նիկոլ Փաշինյանի համար բոլոր օրերը փետրվարի 7 են։

ԵՐԵՎԱՆ, 7 փետրվարի – Sputnik. Հասարակական նախաձեռնությամբ 2012 թվականից ի վեր փետրվարի 7-ը հռչակվել է համացանցում հայատառ գրելու օր: ՀՀ վարչապետ Նիկոլ Փաշինյանը Facebook սոցիալական ցանցում անդրադարձել է համացանցում հայատառ գրելու խնդրին։

«Այս առումով ինձ համար բոլոր օրերն էլ փետրվարի 7-ն են եւ ուզում եմ բոլորիդ կոչ անել՝ համացանցում հայերեն տեքստերը գրել հայատառ»,– գրել է նա:

Փաշինյանը նշել է, որ դա առավել հարգալից մոտեցում է ոչ միայն մեր ազգային հանճարի՝ Մեսրոպ Մաշտոցի, այլեւ բոլոր այն օգտատերերի նկատմամբ, ովքեր կարդում են գրառումները։

Նշենք, որ այս գրառմանն անմիջապես հաջորդել են մեկնաբանությունները, որոնց թվում քիչ չեն նաև լատինատառ գրառումները։

736
թեգերը:
Նիկոլ Փաշինյան, Հայաստան
Ըստ թեմայի
Փաշինյանը դրական փոփոխություններ է արձանագրել ՃՏՊ–ների հարցում. ի՞նչն է ոգևորել վարչապետին
Նիկոլ Փաշինյանի «դուխովի» նոր չափաբաժինը. ներդրումներն ուրախացրել են վարչապետին
Նիկոլ Փաշինյանն աշխատանքից ազատել է 6 պաշտոնյայի
Ռոբերտ Քոչարյան

Քոչարյանը կարծում է`իր կորոնավիրուսի թեստի պատասխանը կեղծել են, որպեսզի Մոսկվա չմեկնի

62
(Թարմացված է 13:04 04.03.2021)
ՀՀ երկրորդ նախագահը հայտնել է` հիմնավոր կասկածներ ունի, որ իրեն ուղղակի թույլ չեն տվել մեկնել Ռուսաստան։

ԵՐԵՎԱՆ, 4 մարտի – Sputnik. Հայաստանի երկրորդ նախագահ Ռոբերտ Քոչարյանը կասկածում է, որ պատերազմի օրերին դեպի Մոսկվա նախատեսած իր այցը, որի ժամանակ պետք է ՌԴ նախագահ Վլադիմիր Պուտունի հետ հանդիպեր, հայաստանյան գործող իշխանությունները հատուկ են վիժեցրել։ Ռուսական լրատվամիջոցների հետ հանդիպման ժամանակ, պատասխանելով Sputnik Արմենիայի հարցին, ասել է Ռոբերտ Քոչարյանը։

Հոկտեմբերի վերջին հայտնի դարձավ, որ Քոչարյանին քննչական մարմինը վերադարձրել է անձնագիրը, քանի որ նա պիտի գնար Ռուսաստան` պատերազմի օրերին օգնության տրամադրման հարցերը քննարկելու համար։ Սակայն դրան հաջորդեց հայտարարությունը, որ Քոչարյանի` Մոսկվա այցը չեղարկվել է, քանի որ նրա կորոնավիրուսի թեստի պատասխանը դրական է եկել։

«Ըստ էության, շատ մութ պատմություն էր իմ թեստի պատասխանին առնչվող դեպքը։ Ես մի օր կպատմեմ այդ մասին, բայց միայն իշխանափոխությունից հետո։ Ես չեմ ուզում վատ դրության մեջ դնել մարդկանց, որոնք ինձ մանրամասներ են հայտնել այդ մասին։ Սակայն հարցն այն է, որ կորոնավիրուսի թեստից հետո ես հակամարմինների թեստ հանձնեցի, որի պատասխանը բացասական էր»,–պատմեց Քոչարյանը։

Հաշվի առնելով այդ հանգամանքը` Քոչարյանը հիմնավոր կասկածներ ունի, որ իրականում իրեն ուղղակի թույլ չեն տվել մեկնել Ռուսաստան։
Ռոբերտ Քոչարյանը հավելեց, որ պատերազմի ընթացքում Ռուսաստանի նախագահի հետ ուղիղ շփումներ չի ունեցել, սակայն նա հնարավորություն ունեցել է իրավիճակի վերաբերյալ իր նկատառումներն ու դիրքորոշումը փոխանցել Ռուսաստանի ղեկավարությանը:

Ինչո՞ւ Տեր-Պետրոսյանն ու Քոչարյանն այդպես էլ չմեկնեցին Մոսկվա. Փաշինյանը գրառում է արել

Հիշեցնենք, որ 2020–ի հոկտեմբերի 30-ին Փաշինյանի մամուլի խոսնակ Մանե Գևորգյանը հայտնել էր, որ ՀՀ նախկին նախագահներ Լևոն Տեր-Պետրոսյանն ու Ռոբերտ Քոչարյանը ցանկանում են Մոսկվա մեկնել Լեռնային Ղարաբաղում ստեղծված իրավիճակը ռուսական էլիտայի հետ քննարկելու համար։

Ըստ Գևորգյանի` Փաշինյանը, ընդգծելով, որ չի կարող խոչընդոտ հանդիսանալ ի նպաստ Հայաստանի և Արցախի հնարավոր որևէ քայլի՝ համաձայնել էր առաջարկությանը։

Նույն օրը, սակայն, ՀՀ երկրորդ նախագահի գրասենյակից հայտնեցին, որ Քոչարյանն առայժմ չի կարող մեկնել Մոսկվա, քանի որ կորոնավիրուսով է վարակվել։

62
թեգերը:
Արցախյան պատերազմ, Վլադիմիր Պուտին, Ռուսաստան, Հայաստան, Ռոբերտ Քոչարյան
Ըստ թեմայի
Նախագահը պետք է կողմնորոշվի. Քոչարյանը մեկնաբանել է՝ ԳՇ-ի հայտարարությունը որտեղից է գալիս
Վայոց Ձորի փոխմարզպետ, գնդապետ «Մախնոն» որպես «արժանապատիվ սպա»` հրաժարական է տվել
Սորոսի արժեքները Հայաստանին տանում են ինքնաոչնչացման. ՀՀ երկրորդ նախագահ
Արխիվային լուսանկար

Վայոց Ձորի փոխմարզպետ, գնդապետ «Մախնոն» որպես «արժանապատիվ սպա»` հրաժարական է տվել

16
(Թարմացված է 12:58 04.03.2021)
Արայիկ Մուրադյանը հայտարարել է, որ միանում է ՀՀ ԶՈւ գլխավոր շտաբի հայտարարությանը և իր զորակցությունը հայտնում ԳՇ պետ Օնիկ Գասպարյանին։

ԵՐԵՎԱՆ, 4 մարտի - Sputnik. Վայոց Ձորի մարզպետի տեղակալ, պահեստազորի գնդապետ Արայիկ Մուրադյանը, որն Արցախյան առաջին պատերազմի տարիներից հայտնի է «Մախնո» մականվամբ, հրաժարականի դիմում է ներկայացրել։

Այս մասին նա հայտարարություն է տարածել։

«Մասնակից լինելով պետականաշինության գործին, անընդունելի համարելով երկրում ստեղծված իրավիճակը՝ հրաժարվում եմ Վայոց Ձորի մարզպետի տեղակալ-աշխարհազորային զորամիավորման ղեկավարի (հրամանատարի) պաշտոնից և որպես արժանապատիվ սպա՝ հայտարարում եմ, որ միանում եմ ՀՀ ԶՈւ գլխավոր շտաբի հայտարարությանը և իմ զորակցությունն եմ հայտնում ԳՇ պետ, գեներալ-լեյտենանտ Օնիկ Գասպարյանին»,– գրում է նա։

ՀՀ զինված ուժերը պահանջում են ՀՀ վարչապետի և կառավարության հրաժարականը

Իր զինակից ընկերներին, Հայոց բանակի զինծառայողներին Մուրադյանը հորդորում է ամուր պահել մեր հայրենի սահմանները, չկորցնել զգոնությունը և ամենայն պատասխանատվությամբ կատարել իրենց գործը։

Արայիկ Մուրադյանը փոխմարզպետ է նշանակվել ՀՀ վարչապետի 2020 թվականի հոկտեմբերի 29-ի որոշմամբ, այն բանից հետո, երբ Արցախյան պատերազմի ընթացքում որոշվեց մարզերում ունենալ մարզպետի տեղակալ-աշխարհազորային զորամիավորման ղեկավար–հրամանատարի հաստիքներ։

«Այս ամենը չեմ կարող հանդուրժել». գեներալ փոխմարզպետը հրաժարականի դիմում է ներկայացրել

16
թեգերը:
Օնիկ Գասպարյան, Հրաժարական, փոխմարզպետ, Վայոց Ձոր
Ըստ թեմայի
Սերժ Սարգսյանը պատասխանել է հարցին՝ արդյոք Օնիկ Գասպարյանն իր դրդմամբ է գործում
Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել
Բանակը չի ենթարկվի Օնիկ Գասպարյանին ազատելու որոշմանը. Վազգեն Մանուկյան
Արամ Սաֆարյան

Տեսակամուրջ. «Հայ-ռուսական տնտեսական համագործակցություն` սպասումներ և հեռանկարներ»

0
(Թարմացված է 13:06 04.03.2021)
Մարտի 5–ին` ժամը 12:00-ին, Sputnik Արմենիա մուլտիմեդիոն մամուլի կենտրոնում տեղի կունենա Մոսկվա - Երևան տեսակամուրջ, որի ընթացքում կամփոփվեն ԵԱՏՄ-ին անդամակցության համատեքստում Հայաստանի 2020 թ.-ի տնտեսական հետազոտության արդյունքները:

Խոսք կգնա նաև Հայաստանի, Ադրբեջանի և Ռուսաստանի միջև տրանսպորտային հաղորդակցությունների վերաբացման արդյունքում Հայաստանի տնտեսության զարգացման հեռանկարների և Ռուսաստանի, Ադրբեջանի և Հայաստանի ղեկավարների միջև եռակողմ հայտարարության կատարման արդյունքում Հայաստանի համար սպառնալիքների և մարտահրավերների մասին:

Մասնակիցներ.

Մոսկվայում`

- քաղաքական գիտությունների թեկնածու, քաղաքագետ Սերգեյ Մարկեդոնով

- Ռուսաստանի գիտությունների ակադեմիայի տնտեսագիտության ինստիտուտի առաջատար գիտաշխատող, տնտեսագիտության դոկտոր Ազա Միգրանյան

Երևանում`

- «Ինտեգրացիա և զարգացում» ՀԿ նախագահ, Եվրասիական փորձագիտական ակումբի համակարգող, քաղաքական վերլուծաբան Արամ Սաֆարյան

- տնտեսագիտության դոկտոր, պրոֆեսոր Աշոտ Թավադյան

- տնտեսագիտության դոկտոր, պրոֆեսոր Թաթուլ Մանասերյան

Հարգելի գործընկերներ, դուք կարող եք ներկա գտնվել Sputnik Արմենիա մուլտիմեդիոն մամուլի կենտրոնում և հարցերն ուղղել անձամբ:

Մուտքը՝ միայն դիմակներով: Երաշխավորում ենք սոցիալական հեռավորության պահպանումը և ախտահանիչ նյութերի առկայությունը:

Տեսակամուրջը կհեռարձակվի Sputnik Արմենիայի էջում, ինչպես նաև Facebook- ում և Youtube- ում:

Հարցերը կարող եք ուղարկել v.aloyan@sputniknews.com էլեկտրոնային հասցեին:

Հեռ.` +374 (98) 180-626, +374 (91) 42-12-35։

Հասցե՝ ք. Երևան, Ամիրյան 4/7, Իմպերիում պլազա բիզնես-կենտրոնի շենք, 4-րդ հարկ։

0