Լևոն Սարգսյանն ու Սերժ Սարգսյանը

Սերժ Սարգսյանի եղբոր խափանման միջոցի գործով բողոք է ներկայացվել

240
Դատարաններն ամռանից քննում են Սերժ Սարգսյանի եղբոր՝ հետախուզման մեջ գտնվող Լևոն Սարգսյանի կալանքի գործով բողոքները։

ԵՐԵՎԱՆ, 6 փետրվարի – Sputnik. Ապօրինի հարստացման և հայտարարագրման ենթակա գույքը թաքցնելու առթիվ հարուցված քրեական գործի շրջանակներում 2018 թվականի հուլիսի 7-ին առաջին ատյանի դատարանը Լևոն Սարգսյանի նկատմամբ խափանման միջոց էր ընտրել կալանավորումը և նրա նկատմամբ հետախուզում հայտարարել։ ՀՀ գլխավոր դատախազի խորհրդական Գոռ Աբրահամյանը Sputnik Արմենիային հայտնեց, որ այս որոշման դեմ Սարգսյանի պաշտպանական կողմը բողոք է ներկայացրել Վերաքննիչ դատարան, որտեղ առաջին ատյանի դատարանի որոշումը բեկանվել ու գործն ուղարկվել է նույն ատյան՝ նոր քննության:

Առաջին ատյանի դատարանը հիմնավոր է համարել Լևոն Սարգսյանի նկատմամբ խափանման միջոց կալանավորումը:

Աբրահամյանի խոսքով` քննելով գործը` դատարանը Սարգսյանին առաջադրված մեղադրանքներից մեկով կալանք խափանման միջոցի կիրառման պայմանի առկայության հետ կապված խնդիր է տեսել և Վերաքննիչ բողոք ներկայացրել: Ենթադրվում է, որ Լևոն Սարգսյանի կալանքի որոշման դեմ Վերաքննիչ քրեական դատարան բողոք է ներկայացրել նաև պաշտպանական կողմը։

Հիշեցնենք, որ Պետական եկամուտների կոմիտեի քննչական վարչությունում հարուցվել, ապա Հատուկ քննչական ծառայության վարույթ էր փոխանցվել հայտարարագրման ենթակա գույքը թաքցնելու և ապօրինի հարստանալու դեպքերի առթիվ հարուցված քրեական գործը, որով անցնում են Լյովա Սարգսյանը, վերջինիս դուստրը՝ Անի Սարգսյանը և որդին՝ Նարեկ Սարգսյանը:

Ըստ ՀՔԾ-ի կողմից տարածված հաղորդագրության՝ «ՋԼՋ Պրոյեկտ Քոմփանի» ՍՊԸ բաժնետեր Նարեկ Սարգսյանի բնակության վայրում կատարված խուզարկության ընթացքում հայտնաբերվել և առգրավվել են նրա, իր հետ համատեղ բնակվող հոր՝ Լյովա Սարգսյանի և քրոջ՝ Անի Սարգսյանի անվամբ 2017թ.-ի 2-րդ կիսամյակի ընթացքում որպես ավանդ ՀՀ-ում գործող բանկերից մեկում ներդրված շուրջ 6 միլիոն 800 հազար ԱՄՆ դոլար գումարով ավանդի պայմանագրեր:

Քննությամբ պարզվել է նաև, որ ՀՀ հատուկ հանձնարարություններով դեսպան, պաշտոնատար անձ հանդիսացող Լյովա Սարգսյանն ու վերջինիս դուստրը 2017թ.-ի հաշվետու ժամանակաշրջանի համար հայտարարատու պաշտոնատար անձի համար սահմանված դեպքերում և կարգով ՀՀ բարձրաստիճան պաշտոնատար անձանց էթիկայի հանձնաժողով են ներկայացրել իրենց գույքի և եկամուտների հայտարարագրերը, որտեղ չեն հայտարարագրել իրենց կողմից որպես ավանդ ներդրված գումարները և թաքցրել են դրանք, ինչը հանգեցրել է Լյովա Սարգսյանի և Անի Սարգսյանի մասով առանձնապես խոշոր չափերով գույքի չհայտարարագրմանը, ինչպես նաև հաշվետու ժամանակահատվածում նրանց գույքերի ավելացումն էականորեն գերազանցել է նրանց օրինական եկամուտները, ինչը ողջամտորեն չի հիմնավորվում հայտարարագրերով, այսինքն` վերջիններս ապօրինի հարստացել են:

Լևոն Սարգսյանի դուստրը՝ Անի Սարգսյանը ներկայացել է քննությունն իրականացնող մարմնին և նրա նկատմամբ խափանման միջոց է ընտրվել չհեռանալու մասին ստորագրությունը:

240
թեգերը:
Սերժ Սարգսյան, Հայաստան
Ըստ թեմայի
Ոտքի՛, դատարանն է գալիս. նոր Հայաստանի ամենաաղմկահարույց ձերբակալություններն ու կալանքները
Լևոն Սարգսյանի նկատմամբ հայտարարվել է հետախուզում. ԱԱԾ. տեսանյութ
Военнослужащие на торжественной церемонии встречи турецких военных, прибывших на учения в Азербайджан. Стоп-кадр с видео, предоставленного Минобороны Азербайджана (26 июля 2020).

Ի՞նչն է մտահոգիչ թուրք-ադրբեջանական զորավարժություններում. ՀՀ ՊՆ մեկնաբանությունը

11
ՀՀ ՊՆ–ից Sputnik Արմենիային մեկնաբանել են թուրք–ադրբեջանական զորավարժությունների երկարացումը և նշել, որ ռազմադիվանագիտական առումով Թուրքիայի բարձրաստիճան ռազմաքաղաքական պատվիրակության ներկայությունը զորավարժությունները մտահոգիչ են դարձնում։

ԵՐԵՎԱՆ, 12 օգոստոսի — Sputnik. Թուրք-ադրբեջանական զորավարժությունների երկարացման մտահղացմամբ մտահոգված չենք։ Թուրք–ադրբեջանական համատեղ զորավարժության մասին Sputnik Արմենիայի հարցին այսպես պատասխանեց ՀՀ ՊՆ մամուլի խոսնակ Շուշան Ստեփանյանը։

«Հաշվի առնելով այն, որ ցանկացած միջազգային զորավարժություն, բացի  մարտական պատրաստության բաղադրիչից պարունակում է նաև ռազմադիվանագիտական, ռազմաքաղաքական ուղերձներ, ապա Թուրքիայի բարձրաստիճան ռազմաքաղաքական պատվիրակության ներկայության մասին լուրը թուրք-ադրբեջանական զորավարժությունները մտահոգիչ են դարձնում վերոնշյալ ուղերձների աննախադեպության տեսանկյունից»,–ասաց Ստեփանյանը։

Նշենք, որ այսօր հայտնի դարձավ, որ հուլիսի 29-ին մեկնարկած և մինչև օգոստոսի 10-ը տևող թուրք–ադրբեջանական զորավարժությունները երկարաձգվել են։

Ադրբեջանական ԶԼՄ–ները հայտնել են, որ օգոստոսի 12-ին Ադրբեջան են ժամանել Թուրքիայի Հանրապետության Ազգային պաշտպանության նախարար Հուլուսի Աքարը, գլխավոր շտաբի պետ, բանակի գեներալ Յաշար Գյուլերը, զորքերի հրամանատարները և այլ բարձրաստիճան սպաներ:

Ադրբեջանի և Թուրքիայի ցամաքային զորքերի ու ռազմաօդային ուժերի մարտական հրաձգության համատեղ մարտավարական և թռիչքային-մարտավարական զորավարժությունների շրջանակում թուրքական ռազմական պատվիրակությունը ընդլայնված կազմով կհետևի զորավարժությունների առաջին փուլի եզրափակիչ դրվագին:

11
թեգերը:
Զորավարժություններ, Ադրբեջան, Թուրքիա, Թուրք, ՀՀ Պաշտպանության նախարարություն (ՊՆ)
Онлайн-брифинг с участием премьер-министра Никола Пашиняна, вице-премьера Тиграна Авиняна и начальника полиции Армана Саркисяна (3 июня 2020). Еревaн

Հայաստանի ցամաքային սահմանը կշարունակի փակ մնալ. Իրանի ու Վրաստանի հետ թեման չի քննարկվում

5
(Թարմացված է 15:21 12.08.2020)
ՀՀ Պարետ Տիգրան Ավինյանն ԱԺ–ում մեկնաբանել է, թե ինչու օդային սահմանների նկատմամբ կիրառվող մեղմացումները ցամաքային սահմանի վրա չեն տարածվի։ 

ԵՐԵՎԱՆ, 12 օգոստոսի - Sputnik. Հայաստանի օդային սահմանների նկատմամբ ՀՀ կառավարության այսօր ընդունած որոշմամբ կիրառվող մեղմացումները Հայաստանի ցամաքային սահմաններին չեն վերաբերի։ Այս մասին այսօր արտակարգ դրության երկարաձգման հարցով գումարված Աժ հատուկ նիստում հայտարարեց ՀՀ փոխվարչապետ, պարետ Տիգրան Ավինյանը։

«Սահմանների բացումը դա միայն ՀՀ կառավարության որոշման հարց չէ, այլև մեր գործընկերների,– ասաց պարետը։

Ավինյանը հայտնեց, որ այս պահի դրությամբ օդային սահմանի վերաբացման հարցով ՀՀ կառավարությունը  քննարկումներ է անցկացնում ՌԴ–ի գործընկերների հետ` ուղևորահոսքերն ապահովելու նպատակով։

Մինչդեռ, Իրանի ու Վրաստանի հետ ցամաքային սահմանների վերաբացման թեման ներկա պահին չի քննարկվում։

«Իրանի ու Վրաստանի հետ սահմաններին դեռևս պահպանվում են նույն ռեժիմն ու նույն սահմանափակումները»,– նշեց փոխվարչապետը։

Նշենք, որ այսօր կառավարության նիստում, ներկայացնելով որոշմամբ նախատեսված մեղմացումները, ՀՀ արդարադատության նախարար Ռուստամ Բադասյանը նաև հայտնել էր, որ նախատեսվում է վերացնել օտարերկրյա քաղաքացիների մուտքի արգելքը։

Վերացվում է նաև ՀՀ տարածքում հանրահավաքների ու զանգվածային միջոցառումների արգելքը, որը փոխարինվում է թույլտվությամբ ու որոշակի կանոնների պահպանման կարգով, այն է` դիմակների պարտադիր դնումն ու սոցիալական հեռավորության պահպանումը։

Արտակարգ դրության պայմաններում տնտեսվարողները սկսել են ՀԴՄ կտրոններ չտրամադրել

Ընտանեկան միջոցառումների արգելքը ևս հանվում է, բայց մասնակիցների առավելագույն թիվ է սահմանվում մինչև 40 անձ։

Վերացվում է նաև մաքսային սահմանով ապրանքների փոխադրման սահմանափակումը։ Իսկ վարակակիրների հայտնաբերման համար էլեկտրոնային հսկողության կարգում հստակեցվել է վարակակիրների ու ինքնամեկուսացածների հայտնաբերման մեխանիզմը` 14-օրյա ժամկետի կտրվածքով։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը, իսկ այսօրվա արտահերթ նիստում որոշեց երկարաձգել մինչև սեպտեմբերի 11–ը։

5
թեգերը:
կորոնավիրուս, Վրաստանի Հանրապետություն, Իրանի Իսլամական Հանրապետություն, չվերթ, Արտակարգ դրություն, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն
Կես տարվա արտակարգ կյանք Հայաստանում. դրությունը պահպանվում է, փոխվում են կանոնները
Արտակարգ դրությունը ո՞ր գործարարների գրպանին է ավելի շատ հարվածել, և որոնք սոված չեն նստել
Ինչ խնդիր է լուծում ՀՀ իշխանությունը` արտակարգ դրությունը երկարաձգելով