Ծորակ

«Վեոլիա ջուր» ընկերությանը տուգանվեց 10 միլիոն դրամով

126
ՀԿ–ների ներկայացուցիչները կոչ են արել ջրամատակարարման խնդիրների մանրամասն քննարկում կազմակերպել։

ԵՐԵՎԱՆ, 6 փետրվարի — Sputnik. Հանրային ծառայությունները կարգավորող հանձնաժողովը (ՀԾԿՀ) այսօր «Վեոլիա ջուր» ընկերությանը 10 միլիոն դրամով տուգանեց գործունեության ընթացքում թույլ տված խախտումների, մասնավորապես ջրի միացումն ուշացնելու համար։

Որոշումն ընդունվեց խմելու ջրի մատակարարման և ջրահեռացման ծառայությունների մատուցման կանոնները խախտելու համար։

«Սպառողների խորհրդատվությունների կենտրոն» հասարակական կազմակերպության նախագահ Կարեն Չիլինգարյանը, որը ներկա էր նիստին, նշեց, որ ընկերությունը նման խախտման համար առաջին անգամ է տուգանվում։

«Ո՞րն է խնդիրը, ինչո՞ւ են նման հարցեր ծագում», – ասաց Չիլինգարյանը։

«Վեոլիա ջուր» ընկերության ներկայացուցիչը նշեց, որ տեխնիկական որոշակի հարցեր և խնդիրներ կան կապալառուների հետ։

ՀԾՀԿ–ն «Վեոլիա ջուր» ընկերությանն արդեն տուգանել էր 20 միլիոն դրամով չափից բարձր գնով ավելի քան 30 հազար ջրաչափ գնելու և տեղադրելու համար։

Հիշեցնենք, որ 2017թ–ից «Վեոլիան» կառավարում է Երևանում և այլ մարզերում ջրամատակարարման ցանցը։ Կոնցեսիոն պայմանագիրը կնքվել է 15 տարով։

126