Դոհա

Հայաստանը Կատարում դեսպանատուն կունենա. ծախսերի մեծ մասը և 2 մեքենա կտա Կատարը

55
(Թարմացված է 10:20 06.02.2019)
Կատարական կողմը գումարը կվճարի երեք տարում։

ԵՐԵՎԱՆ, 6 փետրվարի – Sputnik. Նկատի ունենալով Կատարի հետ Հայաստանի բարեկամական հարաբերությունները, այդ երկրի բարձր կենսամակարդակն ու ներդրումային հնարավորությունները, վերջին շրջանում Հայաստանի և Կատարի միջև աճող առևտրաշրջանառությունը, այդ երկրից Հայաստան ժամանող զբոսաշրջիկների քանակը, ձեռք է բերվել պայմանավորվածություն Կատարի Պետությունում բացել Հայաստանի Հանրապետության դեսպանություն:

Որոշումն այսօր հաստատվեց ՀՀ կառավարության նիստում։ Դեսպանատունը տեղակայված է լինելու Կատարի մայրաքաղաք Դոհայում։

Ըստ պայմանավորվածության` Կատարի Պետությունում ՀՀ դեսպանության պահպանման 192.584 ԱՄՆ դոլար ծախսից 110.000 ԱՄՆ դոլարն առաջիկա 3 տարիներին կվճարի կատարական կողմը, մնացած 82.584 դոլարը կֆինանսավորվի ՀՀ բյուջեից, որով կվճարվեն դեսպանի և մեկ դիվանագետի աշխատավարձը, դիվանագիտական ծառայության հետ կապված ծախսերի փոխհատուցումները, ինչպես նաև դիվանագետի բնակարանի վարձը:

Կատարը նաև տրամադրելու է դեսպանության համար տարածք, դեսպանի համար կեցավայր և 2 ծառայողական ավտոմեքենա:

55