Արթուր Վանեցյան

ԱԱԾ-ում աշխատելու համար ավելի քան 3 հազար մարդ է դիմել. «Հրապարակ»

250
«Հրապարակ» օրաթերթը գրում է, որ ԱԱԾ-ում զանգվածային «ներգաղթ» է սկսվել։

ԵՐԵՎԱՆ, 6 փետրվարի – Sputnik. Թավշյա հեղափոխությունից հետո ավելի քան 3 հազար մարդ է դիմել ԱԱԾ-ում աշխատելու համար։ «Հրապարակ» թերթի թղթակցի հետ զրույցում այս մասին ասել է ԱԱԾ տնօրեն Արթուր Վանեցյանը։

Նա չի թաքցրել նաև, որ 2016-2017 թվերին՝ նախկին իշխանությունների պաշտոնավարման վերջին տարիներին, ոմանք զանգվածաբար հեռացել են համակարգից։

«Ես չեմ ուզում ասել, թե ինչ պատճառներով, չեմ ուզում նախկինների մասին խոսել, մի քանի անգամ այս մասին հայտարարել եմ ու հավատարիմ եմ մնում այդ սկզբունքին»,- նշել է Վանեցյանը՝ հեռանալու պատճառները չբացահայտելով։

Հարցին՝ իսկ իր պաշտոնավարման ընթացքում ազատվե՞լ է նախկին համակարգի կարկառուն կադրերից, Վանեցյանը նկատել է, որ ինքն էլ է համարվում նախկին համակարգի «կադր», ապա հորդորել է ԱԱԾ-ն դիտարկել այլ հարթության վրա։

«ԱԱԾ-ն յուրահատուկ մտածելակերպ ունեցող մարդկանց հիմնարկ է, որ մտնում ես այդ հիմնարկ, դու դառնում ես ուրիշ մարդ, իսկ գերնպատակը լինում է ծառայել պետությանը և ապահովել պետության անվտանգությունը։ Այս համատեքստում բնական է, որ կադրային ջարդ չէր կարող լինել, ընդհակառակը՝ շատ մեծ ներհոս է եղել 2018-ի ընթացքում, մինչդեռ մեկ-երկու տարի առաջ զանգվածաբար լքում էին»,– ասել է նա։

Հիշեցնենք` ԱԱԾ–ն երեկ հայտարարություն էր տարածել` նշելով, որ կադրերի համալրումն ապահովելու համար ԱԱԾ-ն կազմակերպում է ՀՀ քաղաքացիների ուսուցում Ռուսաստանի Դաշնության առաջատար մասնագիտական բուհերում։

 

 

250
թեգերը:
Արթուր Վանեցյան, Հայաստան
Ըստ թեմայի
Չի բացառվում, որ վնասվածքներ ստացած զինվորներն աշխատեն ԱԱԾ–ում կամ ՀՖՖ–ում. Վանեցյան
Ինչու են ուզում փոխել ԱԱԾ աշխատակիցների համազգեստը. Վանեցյանի պատասխանը
Նախարարը քաղաքական պաշտոն է. Վանեցյանը` ԱԱԾ-ն նախարարության վերածելու մասին
«Երևան հիմնադրամի» կողմից պետբյուջե է վերականգնվել 1 մլրդ 807 մլն դրամ. Վանեցյան