Կրակոցներ Երևանում

Վրաստանը ՀՀ–ին է հանձնել «Թուֆենկյանի» մոտ կատարված սպանության համար մեղադրվողներին

118
Մեկուկես տարի առաջ Երևանի կենտրոնում տեղի ունեցած սպանության մեջ մեղադրվողներին հայտնաբերել էին Վրաստանում։

ԵՐԵՎԱՆ, 5 փետրվարի – Sputnik. Վրաստանի իրավասու մարմինների կողմից որոշում է կայացվել բավարարել հետախուզվողներ Ա. Կարադավիդովին և Ա. Բլբուլյանին քրեական հետապնդման ենթարկելու նպատակով Հայաստանի Հանրապետության իրավապահ մարմիններին հանձնելու մասին Հայաստանի Հանրապետության գլխավոր դատախազության միջնորդությունը: Այս մասին հայտնում է ՀՀ գլխավոր դատախազության մամուլի ծառայությունը։

Գխավոր դատախազությունը ՀՀ ոստիկանությանը հանձնարարել է կազմակերպել Ա. Կարադավիդովի և Ա.Բլբուլյանի տեղափոխումը:

Այսօր՝ փետրվարի 5-ին, նրանք տեղափոխվել են Հայաստանի Հանրապետություն:

Հիշեցնենք, որ 2017թ. սեպտեմբերի 14-ին Երևանի Հանրապետության փողոցում, «Թուֆենկյան» հյուրանոցի մոտ «Մակարով» ատրճանակից և «ԱԿ» ինքնաձիգից կրակոցներ էին արձակվել երկու քաղաքացիների ուղղությամբ, ինչի հետևանքով մեկ մարդ սպանվել էր, մեկը՝ վիրավորվել։ Նշված հանցագործությունը կատարելու համար սեպտեմբերի 15-ին որոշում էր կայացվել որպես մեղադրյալ ներգրավել Ա. Բլբուլյանին, Ա. Կարադավիդովին և Ռ. Խաչատրյանին, և նրանց նկատմամբ հայտարարվել էր հետախուզում:

2017թ. սեպտեմբերի 22-ին, Ոստիկանության կողմից Ռ. Խաչատրյանը հայտնաբերվել է Կոտայքի մարզում ու բերման ենթարկվել: Իսկ մյուս երկու հետախուզվողները՝ Ա. Բլբուլյանը և Ա. Կարադավիդովը 2017թ. հոկտեմբերի 29-ին հայտնաբերվել էին Վրաստանի տարածքում, ինչից հետո ՀՀ գլխավոր դատախազությունը վրացական կողմին միջնորդություն էր ներկայացրել քրեական հետապնդման ենթարկելու նպատակով նրանց Հայաստանի Հանրապետության իրավապահ մարմիններին հանձնելու վերաբերյալ:

118
թեգերը:
Վրաստանի Հանրապետություն, Հայաստան
Ըստ թեմայի
Վերնիսաժի մոտ տեղի ունեցած սպանության գործով մեկ մարդ ձերբակալվել է. տեսանյութ
Վերնիսաժի մոտ կատարված սպանությունը բացահայտվել է
«Թուֆենկյանի» մոտ կատարված սպանության համար հետախուզվողները հայտնաբերվեցին