Многоцелевой истребитель Су-30СМ на Международном конкурсе «Авиадартс-2018» (27 марта 2018). Краснодарский край

Հայաստանը նախնական փուլում ռուսական 4 կործանիչ կգնի

164
Պաշտպանության նախարարությունը Ռուսաստանի հետ ստորագրել է կործանիչները ձեռք բերելու գործարքը։

ԵՐԵՎԱՆ, 4 փետրվարի – Sputnik. Նախնական փուլում Հայաստանը Ռուսաստանից 4 Սու-30ՍՄ բազմաթիրախային կործանիչ կգնի։ Sputnik Արմենիայի հետ զրույցում այս մասին ասաց ՀՀ ՊՆ մամուլի խոսնակ Արծրուն Հովհաննիսյանը։

Ավելի վաղ հայտնել էինք, որ Հայաստանի Հանրապետության կողմից ռուսաստանյան Սու–30ՍՄ ինքնաթիռների ձեռքբերման վերաբերյալ համապատասխան գործարքը ստորագրվել է։

ՌԴ կողմից սպառազինությունների ձեռքբերման նպատակով 100 միլիոն դոլար վարկի շրջանակում նախատեսված ձեռքբերումները գտնվում են իրականացման փուլում։

Պաշտպանության նախարար Դավիթ Տոնոյանը դեկտեմբերի 1–ին ռուսաստանցի լրագրողների հետ հանդիպմանը հայտնել էր, որ ինքնաթիռներ ձեռք բերելու գործընթացը մոտ է ավարտին։ Նա հաղորդել էր նաև, որ եզրափակիչ փուլում են 100 միլիոն դոլար ռուսական վարկի շրջանակում սպառազինություններ առաքելու մասին բանակցությունները։

Սու–30ՍՄ–ը ռուսական արտադրության բազմաթիրախային կործանիչ է։ Իր տեխնիկական և թռիչքային բնութագրերի շնորհիվ Սու-30ՍՄ–ը դասվում է 4++ սերնդի շարքը։ Այս մեքենայի գլխավոր նպատակը օդային տարածությունում գերիշխանություն հաստատելն է։ Այն կարող է կատարել իր առջև դրված առաջադրանքները` անկախ եղանակից և օրվա ժամից։

164
թեգերը:
Ռուսաստան, Հայաստան
Ըստ թեմայի
Հայաստանը ռուսական ՍՈւ–30ՍՄ կործանիչներ է գնել
ՍՈՒ–30ՍՄ–ը Հայաստանում. ցուցադրական «շքեղությո՞ւն», թե՞ ՌՕՈՒ զարգացմանն ուղղված քայլ