Մեծամորի ատոմակայան

Ատոմակայանի երկրորդ տուրբոգեներատորը հասավ Հայաստան

240
Հայկական ատոմակայանի աշխատանքը 10 տարով երկարացնելու գործընթացը կավարտվի 2021 թվականին։ 1970 թ-ից աշխատող հին սարքավորումները փոխարինվում են ժամանակակից սարքերով։

ԵՐԵՎԱՆ, 4 փետրվարի — Sputnik. «Ռոսատոմ» պետկորպորացիան հայկական ԱԷԿ-ին է մատակարարել երկրորդ տուրբոգեներատորը։ Այս մասին Sputnik Արմենիային հայտնեցին «Ռոսատոմից»։

Նոր սերնդի սարքավորումը թույլ կտա բարձրացնել ՀԱԷԿ–ի արդյունավետությունն ու ավելացնել էլեկտրաէներգիայի արտադրությունը։

«ՀԱէԿ-ում սարքավորումների արդիականացումից հետո, որը ենթադրում է նաև տրամսֆորմատորների, տուրբինների, կոնդենսատորներերի և այլ սարքավորումների փոփոխումը, նույն քանակությամբ սպառվող վառելիքից մենք կարտադրենք մոտ 40 ՄՎտ-ով ավելի էլեկտրաէներգիա, քան հիմա է արտադրվում: Մեծացնելով օգտակար գործողության գործակիցը` հնարավոր կլինի նվազեցնել արտադրվող էներգիայի մեկ միավորի ինքնարժեքը, որը շատ կարևոր է բացթողման գների կայունացման համար», - նշել է Հայկական ԱէԿ-ի գլխավոր տնօրեն Մովսես Վարդանյանը։

Երկրորդ տուրբոգեներատորի տեղադրումը կիրականացվի 2019թ–ին։ Այս տարվա ընթացքում կիրականացվեն նաև կայանի հիմնական համակարգերի անվտանգության բարձրացման աշխատանքները։

«Հայկական ԱԷԿ-ի արդիականացման համար անհրաժեշտ բոլոր սարքավորումներն արդեն առաքվել են կամ կառաքվեն 2019թ-ի ընթացքում», - նշել է «Ռուսատոմ Սերվիս» ընկերության նախագծերի կառավարման գծով տնօրենի տեղակալ, ռուսական կողմից ՀԱԷԿ-ի շահագործման ժամկետի երկարաձգման նախագծի ղեկավար Վլադիմիր Բրեդովը։

ՀԱէԿ-ի արդիականացման ու շահագործման ժամկետի երկարաձգման նախագծն իրականացնում է Պետկորպորացիայի համակարգում ընդգրկված «Ռուսատոմ Սերվիս» ընկերությունը։

Ծրագրի հիմնական նպատակը կայանի աշխատանքի երկարացումն է մինչև 10 տարով և արդյունավետության մակարդակի բարձրացումը:

Նախագծով նախատեսված է բոլոր աշխատանքներն ավարտել 2021 թվականի վերջում։ Նշենք, որ ՀԱԷԿ–ի առաջին տուրբոգեներատորը մատակարարվել էր 2017թ-ին։ Դրանով փոխարինվել է 1970 թ-ից աշխատող հին սարքավորումը։

Այս պահին շահագործվում է Հայկական ԱԷԿ-ի 2-րդ էներգաբլոկը։ ՀԱԷԿ–ը տարածաշրջանի միակ ատոմակայանն է։ Այն ապահովում է Հայաստանում սպառվող էլեկտրաէներգիայի շուրջ 40%-ը։

Հայկական ԱԷԿ–ի 2-րդ էներգաբլոկի շահագործման ժամկետի երկարաձգումը Հայաստանում «Ռոսատոմի» առանցքային նախագիծն է։ «Ռոսատոմ» ընկերությունն իրականացնում է նաև ատոմային կայանի համար վառելիքի մատակարարումը։ Երկկողմ համագործակցության կարևոր ուղղություններից են նաև առողջապահական և կրթական համատեղ նախագծերի իրականացումն ու ատոմային ոլորտի կադրերի պատրաստումը։

«Ռոսատոմ» ատոմային էներգիայի պետական կորպորացիան գլոբալ տեխնոլոգիական առաջատարներից է։ «Ռոսատոմը» միավորում է ավելի քան 300 ձեռնարկություն ու կազմակերպություններ, այդ թվում`Ռուսաստանի ատոմային ոլորտի բոլոր քաղաքացիական ընկերությունները, գիտահետազոտական կենտրոններն ու աշխարհի միակ ատոմային նավատորմը:

«Ռուսատոմ սերվիս» ԲԸ-ն առաջատար դիրքեր է զբաղեցնում ոչ միայն Հայաստանի, այլև Չինաստանի, Իրանի ու Բուլղարիայի շուկաներում ՝ հանդիսանալով շահագործման ժամկետների երկարաձգման, նախազգուշական վերանորոգումների իրականացման և սարքավորումների արդիականացման հետ կապված աշխատանքների գլխավոր կապալառու: Ընկերության պատվերների ծավալն օտարերկրյա շուկաներում կազմում է 500 մլն ԱՄՆ դոլար:

240
 Beeline

Ովքե՞ր են կանգնած Beeline-ը գնել ցանկացող Novatel–ի ընկերության հետևում. մանրամասներ

15
(Թարմացված է 16:09 12.08.2020)
Ինչ ֆինանսական միջոցներով է ընդամենը երկու ամսում ստեղծված ընկերությունը «ՎԵՈՆ Արմենիայի» 100% բաժնեմասն ուզում գնել։ Novatel ՍՊԸ–ի գործադիր տնօրեն Մինաս Երզնկյանը մանրամասներ է հայտնել։

ԵՐԵՎԱՆ, 12 օգոստոսի - Sputnik. Երկու ամիս առաջ բացված Novatel ընկերությունը բանակցություններ է վարում «ՎԵՈՆ Արմենիայի» գլխավոր գրասենյակի հետ ընկերությունը գնելու համար։ Sputnik Արմենիայի հետ զրույցում տեղեկությունը հայտնեց Novatel ՍՊԸ–ի գործադիր տնօրեն Մինաս Երզնկյանը։

«Արդեն իսկ լուրջ քայլեր ենք արել, բանակցությունները վերջին փուլում են։ Դրանք ընթանում են «Վեոնի»` Ամստերդամում գտնվող գլխամասային գրասենյակի հետ։ Ընկերության հետ գաղտնիության պայմանագիր է կնքվել, ուստի մեր կողմից ներկայացված գնառաջարկի մասին չենք կարող հայտնել»,–ասաց Երզնկյանը։

Նա հայտնեց, որ Novatel ընկերությունը ստեղծվել է երկու ամիս առաջ։ Ընկերության ղեկավարները ընկերներ են, որոնք ծնվել և մեծացել են Երևանում, գործարարությամբ են զբաղվում։  Երզնկյանի խոսքով` իրենք աշխատել են միջազգային համբավ ունեցող հեռահաղորդակցման ընկերություններում, այսինքն` մեծ փորձ ունեն։

Ի դեպ, Novatel-ը, ի տարբերություն Ucom ընկերության նախկին տնօրեն Հայկ Եսայանի նորաստեղծ Team ընկերության, «ՎԵՈՆ»-ի գնման համար չի դիմել Տնտեսական մրցակցության պաշտպանության պետական հանձնաժողով։ Պատճառը, ըստ Երզնկյանի, այն է, որ Եսայանների ընկերությունն ուզում է գնել «ՎԵՈՆ»–ը` իրենց ընկերության հետ միավորելու համար, իսկ Երզնկյանն ուզում է գնել այն` պահպանելով «ՎԵՈՆ»–ի ողջ անձնակազմը։

«Հենց այս պատճառով էլ կարծում ենք, որ ՏՄՊՊՀ–ի հետ որևէ խնդիր չենք ունենալու։  Այն, որ Եսայաններն արդեն իսկ հանձնաժողովի թույլտվությունը ստացել են «ՎԵՈՆ»–ի գնման համար,  դա որևէ առավելություն չի տալիս նրանց։ Եթե կարիք լինի, մենք նույնպես կդիմենք ՏՄՊՊՀ, սակայն գլխամասային գրասենյակի հետ բանակցություններից հետո»,–ասաց Երզնկյանը։

Beeline-ի վաճառքը հայաստանյան աշխատաշուկայի համար նպաստավոր չէ. Սանդուխչյան

Այս պահին, ըստ նրա, «ՎԵՈՆ»–ը պետք է ընտրություն կատարի երկու ընկերությունների միջև։ Երզնկյանը հերքեց շրջանառվող լուրերը, որ իրենք Ucom–ի սեփականատերերի հետ առնչություն ունեն։ Նա նշեց, որ Ucom–ի ղեկավարների` Խաչատրյանների հետ կապ չունեն, անգամ անձնապես ծանոթ չէ նրանց հետ։ 

Երզկյանը հայտնեց, որ «ՎԵՈՆ Արմենիան» ուզում են գնել ամբողջությամբ, և եթե հնարավորություն լինի մասնակի բաժնետեր լինելու, ապա չեն համաձայնի։ Ինչ վերաբերվում է ֆինանսական միջոցներին, ապա նա վստահեցնում է, որ համաշխարհային համբավ ունեցող ֆինանսական կազմակերպություններն են մասնակից լինելու այդ գործում, որոնց նախնական համաձայնությունն արդեն իսկ ունեն։ Երզնկյանը ասաց, որ այլ մանրամասներ հայտնել չի կարող, քանի որ գոյություն ունի «գաղտնիության պայմանագիր»։

Նրա խոսքով` ընկերությունը ստեղծվել է հատուկ «ՎԵՈՆ Արմենիայի»  գնման գործարքին մասնակցելու համար։

Հիշեցնենք` մի քանի ամիս առաջ Հայկ Եսայանը հայտարարեց Ucom–ը լքելու մասին։ Կարճ ժամանակ անց հայտնի դարձավ, որ Եսայան եղբայրները հիմնադրել են «Թիմ» ընկերությունն ու հայտ ներկայացրել Տնտեսական մրցակցության պաշտպանության պետական հանձնաժողով՝ «ՎԵՈՆ Արմենիան» (ապրանքանիշը` Beeline) գնելու հարցով:

Ucom-ը չի գնի Beeline–ը. քննարկումները դադարեցվել են

Հուլիսի 10-ին ՏՄՊՊՀ–ն թույլ տվեց, որ Եսայան եղբայրների ընկերությունը գնի Beeline-ը: Ինչ վերաբերում է Ucom–ին, ապա ընկերության տնօրենն այժմ Արա Խաչատրյանն է։ Նա եղել է «Գալաքսի ընկերությունների խմբի» գլխավոր ֆինանսական տնօրենը։ Մայիսին Խաչատրյանը ԱԱԾ էր հրավիրվել` ՊԵԿ նախկին նախագահ Գագիկ Խաչատրյանի ու նրա որդիների վերաբերյալ քննվող քրեական գործի շրջանակներում: Գագիկ Խաչատրյանն այս պահին կալանավորված է, իսկ տղաները հետախուզման մեջ են։

15
թեգերը:
Հայկ Եսայան, Տնտեսական մրցակցության պաշտպանության պետական հանձնաժողով (ՏՄՊՊՀ), Beeline Armenia, Անդրեյ Պյատախին («ՎԵՈՆ Արմենիա» ընկերության գլխավոր տնօրեն)
Ըստ թեմայի
ՀԾԿՀ-ն ևս դեմ չէ Beeline-ի վաճառքին, բայց ժամանակ է տվել գործարքն իրականացնելու համար
Եսայան եղբայրների «Թիմը» 500 գիգաբիթ/վայրկյանում թողունակությամբ ցանց է կառուցում
ՏՄՊՊՀ-ն կարճել է «ՎԵՈՆ Արմենիա» և «Յուքոմ» ՓԲԸ-ների համակենտրոնացման մասին վարույթը
Երևան, քայլող մարդիկ

Կորոնավիրուսի հետևանքները մեղմելու ծրագրերով 144 մլրդ դրամ է տրամադրվել

2
(Թարմացված է 16:11 12.08.2020)
ՀՀ Պարետ Տիգրան Ավինյանն ԱԺ–ում ներկայացրել է, թե ինչ աջակցությւն է հատկացվել կորոնավիրուսի հետևանքով տուժած տնտեսվարողներին ու աշխատողներին։

ԵՐԵՎԱՆ, 12 օգոստոսի - Sputnik. Կորոնավիրուսի սոցիալ–տնտեսական հետևանքները մեղմելու համար ՀՀ կառավարության սահմանած տարբեր աջակցության ծրագրերով քաղաքացիներին ու տնտեսվարողներին ընդհանուր առմամբ հատկացվել է 144 մլրդ դրամ գումար։

«Այս 144 մլրդ դրամից մոտ 92.4 մլրդ դրամը տրվել է բանկային համակարգի կողմից, 26.2 մլրդ դրամը տրամադրվել է որպես սոցիալական աջակցություն տարբեր շահառուներին, տնտեսվարողներին կառավարության կողմից տրվել է մոտավորապես 17.5 մլրդ դրամ` որպես ուղիղ աջակցություն և 19.9 մլրդ դրամ` որպես փոխառություն»,– նշեց Ավինյանը։

Փոխվարչապետը հայտնեց նաև, որ կառավարությունն այժմ քննարկում է հանրային սննդի ոլորտի` համավարակի հետևանքով տուժած տնտեսվարողներին աջակցություն տրամադրելու հարցը։

Կես միլիոն մարդ սոված է մնալու․ Ծառուկյանը ճգնաժամից խուսափելու լուծումներ է առաջարկում

Նշենք, որ ՀՀ կառավարությունը 2020թ–ի մարտի 16-ից ՀՀ–ում հայտարարված արտակարգ դրության ու տնտեսական սահմանափակումների հետևանքով տուժած ոլորտների տնտեսվարողների ու աշխատողների համար առ այսօր ընդհանուր առմամբ 22 աջակցության ծրագիր է իրականացրել։

2
թեգերը:
ԱԺ, Տիգրան Ավինյան, կորոնավիրուս, ծրագիր, կառավարություն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երևանում և հարակից համայնքներում ապրող 900 անապահով ընտանիքներն աջակցություն կստանան
Աջակցություն ստացողների շրջանակն ընդլայնվեց. վարձու աշխատողներից ովքե՞ր կներառվեն ծրագրում
Հակաճգնաժամային միջոցառումների շրջանակներում 100 մլրդ դրամ աջակցություն է ցուցաբերվել
Հայաստանն աջակցություն է խնդրում աշխարհից