Դատարան, արխիվային լուսանկար

Դատարանն ազատ է արձակել «Շշի Մելոյի» տղային

360
Նախկին պատգամավորի որդուն ազատ են արձակել դատարանի դահլիճից։

ԵՐԵՎԱՆ, 2 փետրվարի – Sputnik. Դատարանը երեկ՝ փետրվարի 1-ին, ազատ է արձակել ԱԺ նախկին պատգամավոր, «Շշի Մելո» մականվամբ Մելիք Մանուկյանի 24-ամյա տղային` Շանթ Մանուկյանին։ Այս մասին հայտնում է shamshyan.com–ը։

Հայաստանի քննչական կոմիտեի հատկապես կարևոր գործերով (ՀԿԳ) քննության գլխավոր վարչության քննիչը միջնորդություն է ներկայացրել Երևան քաղաքի ընդհանուր իրավասության դատարան, որպեսզի դատարանը, որպես խափանման միջոց, երկամսյա կալանքի որոշում կայացնի հունվարի 29-ին Կոտայքի մարզում Ազգային ժողովի նախկին պատգամավոր, «Շշի Մելո» մականվամբ Մելիք Մանուկյանին պատկանող «Պարտեզ» ռեստորանային համալիրում և նրան հարակից տարածքում տեղի ունեցած սպանության, կրակոցների, խուլիգանության փաստով հարուցված քրեական գործի շրջանակում ձերբակալված «Շշի Մելոյի» տղայի և ևս մի քանի անձանց նկատմամբ։

Դատարանը 1 հոգու կալանավորել է, իսկ «Շշի Մելոյի» տղային ազատ է արձակել դատարանից։

Հիշեցնենք` հունվարի 29-ին նախկին պատգամավորին պատկանող «Պարտեզ» ռեստորանային համալիրում կրակոցներ էին հնչել։ Հրազենային վնասվածքներ էին ստացել 8 անձ , որոնցից մեկը՝ Աբովյան քաղաքի բնակիչ Արտաշես Գևորգյանը՝ ծնված 1989թ., ստացած մարմնական վնասվածքների հետևանքով մահացել էր։

360
Ըստ թեմայի
Կրակոցներ ԱԺ նախկին պատգամավորի ռեստորանում. կա 1 զոհ, 8 վիրավոր
Աբովյանի կրակոցների հետքերով. ձերբակալվածներից մեկը ԱԺ նախկին պատգամավորի որդին է
Խուզարկել են Գագիկ Ծառուկյանի տունը. «Առավոտ»