Ռոմանոս Պետրոսյան

Կոտայքի մարզպետը դատի է տվել Facebook–ի օգտատերերին

395
(Թարմացված է 12:54 02.02.2019)
Ռոմանոս Պետրոսյանն ուզում է, որ իրեն վիրավորողները ներողություն խնդրեն։

ԵՐԵՎԱՆ, 2 փետրվարի – Sputnik. Կոտայքի մարզպետ Ռոմանոս Պետրոսյանը հրապարակային զրպարտության ու վիրավորանքի ակնհայտ տարրեր պարունակող 68 դրվագներից բաղկացած հիմնավոր փաստերով դիմել է դատարան։ Մարզպետն այս մասին գրել է Facebook սոցիալական ցանցի իր էջում։

«Դիմել եմ դատարան՝ օրենքի շրջանակում, դատական կարգով վերականգնելու իմ պատվին ու արժանապատվությանը հասցված վնասը, ըստ այդմ խնդրելով նաև դատարանին՝ պարտավորեցնելու պատասխանողին «Ֆեյսբուք» սոցիալական կայքի իր էջում տեղադրված՝ ինձ վերաբերող վիրավորանք պարունակող գրագրության արդյունքում ներողություն խնդրել ինձանից՝ սահմանելով այն հայտնելու ձևը»,– գրել է նա:

Մարզպետը խնդրել է նաև պատասխանողից բռնագանձել ՀՀ օրենսդրությամբ սահմանված առավելագույն սահմանաչափի դրամական միջոցներ` որպես վիրավորանք և զրպարտություն պարունակող գրագրությամբ պատճառված ոչ նյութական վնասի փոխհատուցում։  Նա նշել է, որ այդ գումարը կուղղվի մարզային ենթակայության դպրոցներից մեկում որևէ հիմնախնդրի լուծմանը։

Պետրոսյանը խնդրել է, որ վերջնական դատական ակտով լուծվի նաև դատական ծախսերի հարցը:

«Հայցս պարունակում է 68 դրվագ… սա նշանակում է, որ հեղափոխությունից հետո կան մարդիկ, ում միակ կամ հիմնական զբաղմունքը եղել է ամիսներ շարունակ ինձ և իմ արած աշխատանքը փնովելը, «սևացնելը», անհիմն վիրավորանքների, սին մեղադրանքների, և իհարկե, մանիպուլյացիայի ճանապարհով իմ մասին ապատեղեկատվության ու զրպարտանքի, շատ հաճախ նաև վիրավորանք պարունակող գրագրության տարածումը»,– գրել է մարզպետը:

Նա ընդգծել է, որ պատրաստ է լսել ցանկացած օբյեկտիվ քննադատություն իր կամ իր թիմի գործունեության նկատմամբ։

«Ականջալուր եմ առողջ քննադատությունից բխող՝ ցանկացած կառուցողական առաջարկի, բայց միևնույն ժամանակ մանիպուլյացիոն տեխնոլոգիաների և/կամ սեփական կամ այլ ծախու լրատվական ռեսուրսների կիրառմամբ իմ դեմ ուղղված արշավներին ես շարունակելու եմ խստագույնս հակադրել ՀՀ օրենսդրությունն ու իրավական այն ակտերը, որոնցով պաշտպանված է ՀՀ ցանկացած քաղաքացի»,– ավելացրել է մարզպետը:

ՀՀ Սահմանադրության 3-րդ հոդվածի համաձայն` Մարդու արժանապատվությունը՝ որպես նրա իրավունքների ու ազատությունների անքակտելի հիմք, հարգվում և պաշտպանվում է պետության կողմից:

ՀՀ քաղաքացիական օրենսգրքի 1087.1-րդ հոդվածի 1-ին կետի համաձայն` անձը, որի պատիվը, արժանապատվությունը կամ գործարար համբավը արատավորել են վիրավորանքի կամ զրպարտության միջոցով, կարող է դիմել դատարան` վիրավորանք հասցրած կամ զրպարտություն կատարած անձի դեմ:

395
Ըստ թեմայի
Հոկտեմբերին նշանակված Արագածոտնի մարզպետը ևս ինքն իրեն պարգևատրել է. «Հրապարակ»
Մարզպետները շատ են աշխատել, իրենց պարգևատրել են, իսկ դուք օբյեկտիվ չեք. Աղաջանյան
Արարատի մարզպետն ազատվում է անցանկալի կադրերից. «Հրապարակ»
Կոկորդիլոսել եմ և կկոկորդիլոսեմ. Տանզանիայի, ձվերի և մարզպետական անհեթեթության մասին
Նիկոլ Փաշինյանն աշխատանքից ազատել է 6 պաշտոնյայի
Ուղևորներ

Օրը հայտնի է. ՀՀ քաղաքացիներին Երևան կտեղափոխեն Մինսկից, Դամասկոսից ու Սանկտ Պետերբուրգից

8
(Թարմացված է 18:31 25.05.2020)
Ժամանող ուղևորների հարազատներին քաղավիացիայի կոմիտեն հորդորում է չգնալ օդանավակայան։ Բոլոր ժամանողները կուղեկցվեն ինքնամեկուսացման վայրեր:

ԵՐԵՎԱՆ, 25 մայիսի – Sputnik. Մայիսի 27-ին Հայաստանի քաղաքացիներին Մինսկից, Դամասկոսից ու Սանկտ Պետերբուրգից Երևան տեղափոխելու համար երեք չվերթ կիրականացվի: Տեղեկությունը հայտնում է Քաղաքացիական ավիացիայի կոմիտեն։

Մինսկ-Երևան-Մինսկ չվերթը կիրականացնի «Բելավիա» ավիաընկերությունը (ժամանում դեպի Երևան` ժամը 02:45–ին, Երևանից մեկնում` ժամը 03:35–ին), Դամասկոս-Երևան չվերթը՝ «Cham Wings» ավիաընկերությունը (ժամանում` 00:05–ին), Սանկտ Պետերբուրգ-Երևան չվերթը՝ «Ural» ավիաընկերությունը (ժամանում` 19:30–ին):

Պարետի ցուցումով ՀՀ էկոնոմիկայի նախարարության զբոսաշրջության կոմիտեն ժամանած ուղևորներին կուղեկցի դեպի ինքնամեկուսացման վայրեր, այսինքն՝ ուղևորների կողմից նախապես տրված հասցեներ։

Իսկ ժամանող ուղևորների հարազատներին անհարմարություններից զերծ մնալու նպատակով հորդորում են չգնալ օդանավակայան։

Հիշեցնենք` ՀՀ պարետի որոշմամբ` կորոնավիրուսի տարածմամբ պայմանավորված` Հայաստան ժամանող ուղևորներն այլևս չեն մեկուսացվում հյուրանոցներում: Նրանք տեղափոխվում են ինքնամեկուսացման իրենց նախընտրած վայրեր, որոնց հասցեները գրանցվում են հետագա վերահսկողությունն իրականացնելու նպատակով:

8
թեգերը:
թռիչք, չվերթ, Հայաստան
Ըստ թեմայի
Երևանում և մարզերում հայտնի սննդի օբյեկտներից 46-ը 24 ժամով չեն աշխատի․ պարետի որոշումը
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ
Մինսկից և Մոսկվայից վերադարձող ՀՀ քաղաքացիները պետք է ինքնամեկուսանան
Հայտնի է` երբ է կայանալու Երևան –Նովոսիբիրսկ –Եկատերինբուրգ թռիչքը. ովքեր կարող են մեկնել
 Նախարարն այցելել է ՊՆ կենտրոնական հոսպիտալ

Վերանորոգված և նոր կահավորված հիվանդասենյակներ. նախարարն այցելել է ՊՆ կենտրոնական հոսպիտալ

9
(Թարմացված է 18:27 25.05.2020)
Դավիթ Տոնոյանը շրջել է հիվանդասենյակներում, տեսակցել վիրավոր զինծառայողներին, քննարկել զինված ուժերում COVID-19-ի դեմ տարվող պայքարը։

ԵՐԵՎԱՆ, 25 մայիսի — Sputnik. ՀՀ պաշտպանության նախարար  Դավիթ Տոնոյանն այսօր այցելել է ՊՆ կենտրոնական կլինիկական զինվորական հոսպիտալ։

Ինչպես տեղեկացնում են ՀՀ ՊՆ մամուլի ծառայությունից, Դավիթ Տոնոյանը մասնակցել է հոսպիտալի ամբողջությամբ վերանորոգված և վերազինված բաժանմունքների բացման արարողությանը։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Բուժհաստատության վնասվածքաբանական, ուրոլոգիական և ընդհանուր վիրաբուժության բաժանմունքների հարկերը առողջական խնդիրներ ունեցող զինծառայողներին այսուհետև կընդունեն նոր պայմաններում, կսպասարկեն նոր կահավորված հիվանդասենյակներում ու վիրակապարաններում։

Պաշտպանական գերատեսչության ղեկավարը շրջել է վերաբացված բաժանմունքներում, ծանոթացել իրականացված աշխատանքներին, տեղադրված նոր սարքավորումներին ու օդափոխության համակարգերին։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Պաշտպանության նախարարի անմիջական հսկողությամբ իրականացված վերանորոգումն ու վերազինումը կատարվել է մեկ փուլով, ինչը հնարավորություն է տվել առանց ժամանակ կորցնելու անցնել բուժսպասարկման։

«Սմերչեր» և հրթիռային այլ միջոցներ. «Բաղրամյանում» մեկնարկած զորավարժության լուսանկարները

Տոնոյանի հրամանով՝ կենտրոնական կլինիկական զինվորական հոսպիտալի երեք բաժանմունքներ անվանակոչվել են բուժծառայության նվիրյալների անուններով. վիրաբուժական բաժանմունքն այսուհետ կրելու է բ/ծ մայոր Սերգեյ Հարությունյանի, նյարդավիրաբուժական բաժանմունքը՝ բ/ծ կապիտան Կարո Հեբոյանի, անզգայացման բաժանմունքը` բ/ծ լեյտենանտ Տիգրան Հովեսյանի անունները։ Բուժծառայության հիշյալ սպաները զոհվել էին առաջադրանք կատարելիս, 2000 թվականի հունվարի 19-ին՝ ուղղաթիռի վթարից։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Շրջայցի ընթացքում պաշտպանական գերատեսչության ղեկավարը տեսակցել է վիրավոր զինծառայողներին, այնուհետև հոսպիտալում տեղի է ունեցել խորհրդակցություն՝ ռազմաբժշկական ծառայության ղեկավար կազմի մասնակցությամբ։

Արցախում զինծառայողներից մի քանիսը բնակարաններ են ստացել

ՀՀ պաշտպանության նախարարն անդրադարձել է զինված ուժերում COVID-19-ի դեմ տարվող պայքարին, զորքերում իրականացվող հակահամավարակային միջոցառումներին և առաջիկա ծրագրերին։ Քննարկվել են նաև ռազմաբժշկական ծառայության ապահովմանը և ընթացիկ աշխատանքներին վերաբերող հարցեր։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Հիշեցնենք, որ այս տարվա հունվարի հայտնի դարձավ, որ ՀՀ ՊՆ կենտրոնական կլինիկական զինվորական հոսպիտալում  աննախադեպ վերանորոգում է իրականացվում:

9
թեգերը:
զինծառայող, հոսպիտալ, Դավիթ Տոնոյան
Ըստ թեմայի
«Սմերչը» կրակելու է. «Բաղրամյանում» մարտավարական զորավարժություններ են մեկնարկել
Ադրբեջանն իր զորավարժությունների մասին նախապես չի հայտարարել. Բալայան
«Սմերչերը» կրակել են. «Բաղրամյանում» թիրախները խոցվել են առանց շեղումների