Մանկապարտեզ, արխիվային լուսանկար

Երևանցիները բողոքում են` մանկապարտեզը գործում է հոգեբուժարանի շենքի առաջին հարկում

110
Մարդու իրավունքների պաշտպանն ու պատգամավորները «Ձորակ» հոգեկան առողջության կենտրոն այցելության ընթացքում բացահայտում են արել։

ԵՐԵՎԱՆ, 1 փետրվարի — Sputnik. Երևանի Արաբկիր համայնքի բնակիչները Մարդու իրավունքների պաշտպանի գրասենյակ բողոքներ են ներկայացրել, որ իրենց թաղամասում գործող մանկապարտեզը տեղակայված է «Ձորակ» հոգեկան առողջության խնդիրներ ունեցող անձանց խնամքի կենտրոնի մասնաշենքերից մեկի առաջին հարկում։

Բողոքի մեջ նշված խնդրին ծանոթանալու համար Մարդու իրավունքների պաշտպան Արման Թաթոյանը, ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը, ԱԺ առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը, պատգամավորներ Անի Սամսոնյանն ու Աննա Կարապետյանը համատեղ այցելել են «Ձորակ» հոգեկան առողջության խնդիրներ ունեցող անձանց խնամքի կենտրոն։

Կենտրոնն ու մանկապարտեզը գտնվում են Քանաքեռի շրջանցիկ թունել 52 շենք հասցեում։ Այս տարածքը երևանցիներին առավել հայտնի է որպես «Կորեայի ձոր»։

Այցի ընթացքում պարզվել է, որ քաղաքացիների բողոքում նշված փաստերը համապատասխանում են իրականությանը։ Մանկապարտեզ ու հոգեկան առողջության կենտրոնը բաժանված չեն արգելապատնեշով։ Երեխաներն ու հիվանդները երբեմն նույնիսկ շփվում են իրար հետ։

Այցի արդյունքում որոշվել է հավաքագրված փաստերն ու առկա մտահոգությունները փոխանցել ՀՀ կառավարությանը։

 

110
թեգերը:
Հայաստան
Ըստ թեմայի
Շատ լավ հասկանում ենք դպրոցներն ու մանկապարտեզները փակելու պահը. Արսեն Թորոսյան
«Լապտերիկ» մանկապարտեզի տնօրենն ընդունել է իր մեղքը և փոխհատուցել վնասը
Ես ամեն ինչ անելու եմ, որ մեր բոլոր մանկապարտեզներն սկսեն որակապես բարձրանալ. Մարության
Մանկապարտեզների աշխատակիցների աշխատավարձը Երևանում 20% կբարձրանա. Մարության
Ինչպես հաղթահարել մանկապարտեզի տարիներով ձգվող հերթը. քաղաքապետարանի նոր դեղատոմսը