Ռոբերտ Քոչարյան

Ռոբերտ Քոչարյանը ներկայացել է դատարան. քննարկվում է կալանքի հարցը

177
ՀՀ Վերաքննիչ դատարանում քննարկվում է Քոչարյանի կալանքի ժամկետը երկարացնելու դեմ պաշտպանական կողմի ներկայացրած բողոքը։

ԵՐԵՎԱՆ, 31 հունվարի — Sputnik. ՀՀ երկրորդ նախագահ Ռոբերտ Քոչարյանը Վերաքննիչ դատարանում է։ Նա մասնակցում է դատական նիստին, որի ընթացքում քննարկվելու է իր նկատմամբ կիրառված կալանավորումը երկու ամսով երկարացնելու որոշման դեմ բերված բողոքը։

Դատական նիստից առաջ Քոչարյանի փաստաբան Արամ Օրբելյանը լրագրողների հետ զրույցում ասաց, որ չի կարծում, թե դատական նիստն այսօր կավարտվի, քանի որ այսօր դեռ նոր բողոք պետք է ներկայացվի։

«Ինչպես տեղեկացված եք երկու բողոք է ներկայացվել՝ մեկը ներկայացվել է Առաջին ատյանի հրապարակման օրը, երկրորդ բողոքը դեռ պետք է ներկայացվի: Դրանից հետո պետք է լսենք առարկությունները, որից հետո դատարանը պետք է գնա խորհրդակցական սենյակ»,- ասաց Օրբելյանը:

Հիշեցնենք` Վերաքննիչ դատարանում բողոքի քննությունը սկսվել էր հունվարի 29-ին։ Դատական առաջին նիստում Քոչարյանի փաստաբանները ներկայացրել էին իրենց բողոքը, իսկ մեղադրական կողմը դատարանին խնդրել էր ժամանակ տրամադրել դրան ծանոթանալու և հակափաստարկներ ներկայացնելու համար:

Հունվարի 18-ին առաջին ատյանի դատարանը բավարարել էր Հատուկ քննչական ծառայության քննիչի միջնորդությունը՝ Ռոբերտ Քոչարյանին կալանքի տակ պահելու ժամկետը 2 ամսով երկարացնելու վերաբերյալ և մերժել՝ պաշտպանների միջնորդությունը Ռոբերտ Քոչարյանի նկատմամբ որպես խափանման միջոց ընտրված կալանքն այլընտրանքային խափանման միջոց գրավով փոխարինելու մասին:

177
թեգերը:
«Մարտի 1–ի» գործով դատավարություն, Ռոբերտ Քոչարյան
թեմա:
Ռոբերտ Քոչարյանի գործը (258)
Ըստ թեմայի
Ռոբերտ Քոչարյանի որդու և դստեր համար բացառություն են արել
Քոչարյանին կալանավորած դատավորն ապահովեց իր տեղը դատական նոր համակարգում. փաստաբան
Սահմանադրական դատարանը մերժել է Ռոբերտ Քոչարյանի փաստաբանի դիմումը