Ջուր

Խմելու ջրի սակագինն այս տարի չի բարձրանա. կառավարությունը «Վեոլիա ջրին» կվճարի ապառիկով

94
Կրած վնասի չափը վերջնականապես կհաշվարկվի ու ընկերությանը կփոխհատուցվի տարեվերջին։

ԵՐԵՎԱՆ, 31 հունվարի – Sputnik. Բաժանորդների սոցիալական բեռը թեթևացնելու համար ՀՀ կառավարությունն այսօրվա նիստում որոշեց սուբսիդավորել ջրի սակագնի բարձրացումը։

Այդ նպատակով կառավարությունն արդեն բանակցել ու ստացել է ջրամատակարար ընկերության համաձայնությունը։

Պայմանավորվածության համաձայն` «Վեոլիա ջուր» ընկերությունը 2019թ–ի ներդրումային պարտավորությունները կկատարի սակագնի բարձրացման հետևանքով կրած վնասների չափով պակաս։

Իսկ կրած վնասի չափը վերջնականապես կհաշվարկվի ու ընկերությանը կփոխհատուցվի արդեն տարեվերջին։

Եվ քանի որ այս նպատակով բյուջեում գումար չի նախատեսվել, այն կնախատեսվի հաջորդ` 2020թ–ի բյուջեում։

Հիշեցնենք` 2018թ–ի նոյեմբերի 28-ի նիստում Հանրային ծառայությունները կարգավորող հանձնաժողովը մերժել էր ընկերության` ջրի սակագինը բարձրացնելու մասին ներկայացրած հայտը։

Ընկերությունը նախատեսում էր 2019թ.–ին սակագինը բարձրացնել 1 խմ–ի համար 14 դրամով։ Բայց այդ նպատակով իրականացված մոնիտորինգի արդյունքում որոշվել էր սակագինն ավելացնել 10,858 դրամով։

2017թ.-ի հունվարի 1-ից ՀՀ կառավարության հետ կնքված պայմանագրով Հայաստանի ողջ տարածքում ջրամատակարարման ու ջրահեռացման կառավարումը հանձնվեց ֆրանսիական « Վեոլիա » ընկերությանը։

Նույն պահից Հայաստանում սահմանվեց միանական սակագին` 1 խմ ջրի դիմաց 180 դրամ։ Մինչ այդ ամենացածր սակագինը գործում էր Երևանում և կազմում 170 դրամ, ամենաթանկ սակագինն Արմավիրում էր` 204 դրամ:

94
թեգերը:
Հայաստան
Ըստ թեմայի
Էլեկտրաէներգիայի գինը հնարավոր է նվազեցնել 3 դրամով. ինչպե՞ս
Հայաստանի համար ռուսական գազի գինը կպարզվի սեղմ ժամկետներում. քաղաքագետ
Ավինյան. «Գազի գինը կարող է վերանայվել»