Դրամապանակ

ՀՀ ոստիկանությունը 2018 թվականին կոռուպցիայի ավելի շատ դեպք է բացահայտել, քան 2017–ին

23
Կոռուպցիայի դեմ պայքարի արդյունքում 5,7 միլիարդ դրամի վնաս է բացահայտվել։

ԵՐԵՎԱՆ, 30 հունվարի – Sputnik. Նախորդ տարի ոստիկանությունը կոռուպցիայի դեպքերի ավելի մեծ աճ է գրանցել, քան 2017 թվականին։ 2018 թվականն ամփոփող մամուլի ասուլիսի ընթացքում այս մասին ասաց ՀՀ ոստիկանության շտաբի պետ Արմեն Ղուկասյանը։

«2018 թվականին արձանագրված հանցագործությունների թիվն աճել է 11,2%–ով (2267–ով ավել)` կազմելով 22551 դեպք», – ասաց Ղուկասյանը։

Հիմնականում աճը գրանցվել է երկու ոլորտում։ Առաջինը կոռուպցիայի հետ կապված հանցագործություններն են։ Արձանագրված դեպքերի թիվը 634–ից հասել է 1353 դեպքի (2,5 անգամ աճ)։

Ղուկասյանը նշեց, որ դրանց հայտնաբերումը իրավապահների համար ավելի բարդ է, և սա պետք է հասարակությանը ոչ թե անհանգստացնի, այլ հակառակը։

Կոռուպցիայի դեմ պայքարի արդյունքում պետությանը, կազմակերպություններին ու մասնավոր անձանց 5,7 միլիարդ դրամի վնաս է հասցվել։ 2017 թվականին այդ ցուցանիշը միայն 735 միլիոն էր կազմել։

Երկրորդ ոլորտը, որում զգալի աճ է գրանցվել, սեփականության (գույքի) դեմ ուղղված հանցագործություններն են։ 2017 թվականին մոտավորապես ¼ աճ է գրանցվել (8,1–ից 10,1 հազար դեպք)։

23
թեգերը:
Հայաստան
Ըստ թեմայի
«Նոր հայի» նոր կերպարը, կամ կոռուպցիայի դեմ պայքարը շատ չի տպավորում, բայց մտահոգում է
Քաոս Երևանի փողոցներում. «կոռուպցիայի օրոք» կարգուկանոնին ավելի լա՞վ էին հետևում
Կոռուպցիայի դեմ պայքար. ինչ կարևոր պահ է սպրդել Փաշինյանի կառավարության ուշադրությունից
Կոռուպցիա՞ն էլ «իներցիայով» կվերադառնա. պարգևավճարներ «Թավշյա հեղափոխություն» ՇՍՊԸ–ում
Фигуристка Майя Хромых (Россия), хореограф Даниил Глейхенгауз и тренер Этери Тутберидзе перед выступлением спортсменки с произвольной программой женского одиночного катания на чемпионате мира среди юниоров (7 марта 2020). Таллин

Տուտբերիձեն առաջ անցավ Հարությունյանից և աշխարհի լավագույն մարզիչ ճանաչվեց

0
Միջազգային հանրությունը գնահատեց հանրահայտ Տուտբերիձեի պրոֆեսիոնալիզմը, ինչի շնորհիվ մի շարք նվաճումների է հասել Մեդվեդևան։

ԵՐԵՎԱՆ, 11 հուլիսի - Sputnik. Ռուսաստանի գեղասահքի վաստակավոր մարզիչ Էթերի Տուտբերիձեն հաղթեց Չմշկասահքի միջազգային միության (ISU) Skating Awards մրցանակի «լավագույն մարզիչ» անվանակարգում:

Արարողությունն անցկացվեց առցանց ռեժիմով։

Ռուսաստանցի մարզիչն առաջ անցավ ամերիկացի մասնագետ Ռաֆայել Հարությունյանից, որը մարզում է աշխարհի կրկնակի չեմպիոն Նաթան Չենին, և կանադացի Բրայան Օրսերից, որն աշխատում է օլիմպիական կրկնակի չեմպիոն ճապոնացի Յուձուրու Հանյուի և աշխարհի կրկնակի չեմպիոն Եվգենյա Մեդվեդևայի հետ (վերջինս մի շարք նվաճումների հասավ, երբ նրա մարզիչը Տուտբերիձեն էր):

Մարզիչը հիմա աշխատում է 2018 թվականի օլիմպիական չեմպիոն Ալինա Զագիտովայի, 2020 թվականի Եվրոպայի չեմպիոն Ալյոնա Կոստորնայայի, Ռուսաստանի կրկնակի չեմպիոն Աննա Շչերբակովայի, Ռուսաստանի պատանեկան կրկնակի չեմպիոն Դանիել Սամսոնովի հետ:

0
Հաճախորդ

Հայաստանում գազի պատճառով մթերքը գուցե չթանկանա, բայց դրա համը կարող է դուրս գալ

15
(Թարմացված է 23:20 11.07.2020)
Ձեռնարկությունների համար գազը կթանկանա 5-6%–ով։ Սննդի գները գուցեև չաճեն, բայց ընկերությունները կարող են կրճատել ծախսերը, այդ թվում՝ աշխատողների հաշվին։

Հուլիսից Հայաստանում գազը թանկանում է: Ճիշտ է, միայն բիզնեսի համար, բայց այսպես թե այնպես բիզնեսն իր ապրանքը մեզ է վաճառում, այսինքն՝ գազի թանկացումը մեզ վրա էլ «կնստի»։ Կամ էլ գին չբարձրացնելու համար բիզնեսը կսկսի գումար տնտեսել. գուցե շահույթից, գուցեև աշխատողների աշխատավարձերից։

Ձեռնարկությունների համար գազը կթանկանա 5-6%–ով (մանրամասն` այստեղ)։ Եվ եթե պանիրը կամ հավն այսօր նույնիսկ 30-50 դրամով թանկանան, գնորդները դա ավելի սուր կզգան, քան նախկինում։ Չէ՞ որ հիմա շատերը կամ անգործ են մնացել, կամ էլ նախկինից քիչ են աշխատում (օրինակ` ռեստորաններում)։

Արտադրողներին էլ գները բարձրացնելը հեշտ չէ։ Մրցակցությունը հիմա ավելի սուր է, քան հեղափոխությունից առաջ, ուստի բիզնեսի շահութները նվազել են։

«Եթե ինչ–որ մեկը փորձի բարձրացնել գինը, անմիջապես շուկայից դուրս կմնա։ Խիստ մրցակցություն է գնում գնորդի համար, հատկապես այսօր։ Դա վերաբերում է և՛ պանրին, և՛ կաթին, և՛ կաթնամթերքին», – Sputnik Արմենիայի թղթակցի հետ զրույցում ասաց Հայաստանի պանրագործների միության նախագահ Արմեն Գիգոյանը։

Տարբեր մթերքի դեպքում տարբեր է, բայց միջինում գազը մեր կաթնամթերքի ինքնարժեքում ոչ պակաս, քան 5% է։ Իսկ կաթի կամ թթվասերի գինը նույնիսկ 10 դրամով բարձրացնելը բիզնեսի համար մեծ ռիսկ կլինի։

Ճիշտ է, ռիսկեր կան նաև գյուղացիների համար. գործարանները կարող են փորձել խնդիրը լուծել գյուղացու հաշվին և կաթը ավելի էժան մթերել: Մանավանդ որ կաթն այս տարի պիտի ավելի թանկ վաճառվեր, քանի որ դրա ծավալները համեմատաբար մեծ չէին։

Հացը շա՞տ կթանկանա

«Մանանա Գրեյն» ալյուր արտադրող ձեռնարկության (հանրապետության 2 խոշոր ընկերություններից մեկը) ղեկավար Գուրգեն Նիկողոսյանը կարծում է, որ գազի գինը ալյուրի վրա չի անդրադառնա, բայց հացը հաստատ կթանկանա։

«Ալրաղացները հիմնականում հոսանքով են աշխատում, իսկ հացի գործարանի վառարանները՝ գրեթե ամբողջությամբ գազով, այնպես որ թանկացման վտանգ այնտեղ կա», – նշեց Նիկողոսյանը։

Հացի գործարանի ներկայացուցիչներն անհասանելի էին զրույցի համար, այդ պատճառով մենք փորձեցինք մոտավոր հաշվարկ ստանալ պետական ստանդարտների հիման վրա (մեր ձեռքի տակ ռուսական ГОСТ-երն էին, սակայն հետխորհրդային պետություններում դրանք գրեթե նույնական են)։

Ըստ այդ ГОСТ-երի` կաղապարային հացի (այսինքն` հացի բոքոնի) մեկ տոննայի համար մոտ 600 հազար կիլոկալորիա ջերմություն է հարկավոր, այսինքն` մոտ 75 խմ գազ։ Թանկացումները հաշվի առնելով՝ այդ 75 խմ–ն կթանկանա 1 դոլար ու մի քիչ։ Իսկ եթե հաշվի առնենք, որ մեկ «բուխանկան» Հայաստանում 400 գրամից շատ հազվադեպ է լինում, ապա այն կարող է թանկանալ առավելագույնը 1-2 դրամով:

Նոր գլխացավանք՝ թռչնաբույծների համար

Եթե խոսենք հավի մսի և ձվի մասին, թռչնաբույծներն առանց գազի էլ գլխացավանք ունեին: Դեռ մարտին կառավարության ներկայացուցիչները կոչ արեցին նրանց մթերքի պահուստ հավաքել և պահպանել, որ արտակարգ դրության պատճառով երկիրը սննդի պակաս չզգա: «Սակայն վերջին ամիսներին սկսել են Հայաստան ներմուծել էժան հավի միս, ընդ որում՝ ոչ միշտ է, որ այն բավարարում է սանիտարական պայմաններին»,– նշում է հանրապետության թռչնաբույծների միության նախագահ Սերգեյ Ստեփանյանը:

Այդ պատճառով թռչնաբույծները չեն կարողանում իրացնել իրենց պահուստները, այդ պատճառով և՛ ձվի, և՛ հավի միսն էժանացնում են: Բայց անգամ դրանով հանդերձ վաճառելը հեշտ չէ: Նվազել է նույնիսկ ձվի սպառումը, թեև սովորաբար լինում է ճիշտ հակառակը՝ երբ մարդկանց ձեռքին չկա գումար, նրանք ավելի շատ ձու են գնում (քանի որ ձուն կալորիաներով գրեթե հավասար է մսին, բայց կրկնակի էժան է):

«Սակայն նույնիսկ այդքանից հետո ձու սկսել են քիչ գնել: Կոտրած ձվերն էլ, որ վաճառում էինք հրուշակեղենի և այլ արտադրամասերին, այսօր ավելի քիչ են սպառվում: Պարզ է՝ ինչու. մարդիկ ավելի քիչ են մթերք գնում», –նշեց Ստեփանյանը:

Նրա խոսքով` այդ պատճառով թռչնաբուծարաններում արդեն կրճատումներ են սկսվել, ինչը խիստ մտահոգիչ է: Այս ձեռնարկություններում մոտ 2800 մարդ է աշխատում, և Հայաստանի համար դա այդքան էլ քիչ չէ:

«Այս ամենի պատճառով գործարաններում նույնիսկ «մի սանտիմետր» ազատ տեղ չկա`շահույթը նվազեցնելու և գները պահպանելու համար», –հավելեց Ստեփանյանը:

Գազի նոր սակագներն ուժի մեջ կմտնեն հուլիսի 19-ից: Սննդամթերքի գները գուցեև չաճեն. գնորդներն այսօր ոչ թե չեն ցանկանում, այլ պարզապես ի վիճակի չեն նույնիսկ 1-2% ավել վճարել: Այնպես որ արտադրողները ստիպված կլինեն տնտեսել. գուցե սեփական շահույթի հաշվին, գուցեև աշխատակիցների կրճատման:

15
Ըստ թեմայի
Խաղողի առատ բերքը լուրջ խնդիր կառաջացնի. Հարությունյանը գնդակն ուղղում է գործադիրի դաշտ
Հայաստանում գազի պատճառով հոսանքն առնվազն 8 ամիս դեռ չի թանկանա. պաշտոնյայի պարզաբանումը
«Հայուհին ծիրան չսիրի՞, ոնց կարող է». կամ ինչպես խոպանչիները գործ գտան Արմավիրում