Դավիթ Անանյան

Անանյանը միակը չի լինելու. «Իմ քայլը» չի բացառում, որ այլ պաշտոնյաներ էլ կկանչվեն ԱԺ

141
«Իմ քայլը» չի բացառում, որ շարունակելու է քննարկել պարգևավճարների թեման` մինչև իրավական լուծում գտնելը։

ԵՐԵՎԱՆ, 29 հունվարի — Sputnik. Դավիթ Անանյանը միակը չի լինելու։ ԱԺ «Իմ քայլը» խմբակցության դռնփակ նիստի ավարտին, լրագրողների հետ զրույցում ասաց խմբակցության ղեկավար Լիլիթ Մակունցը` պատասխանելով լրագրողների այն հարցին, թե ինչով է պայմանավորված հատկապես ՊԵԿ նախագահին քննարկմանը հրավիրելը։

«Եթե մենք ուզում ենք համապարփակ լուծում, չենք կարող մի գերատեսչության հետ առնչվող խնդիրներով որպես օրենսդիր լուծում տալ»,– ասաց նա։

Իսկ թե որ պաշտոնյաներին են նախատեսում հրավիրել առաջիկայում, Մակունցը խոստացավ լրագրողներին հայտնել հետո։

Իսկ այս պահին, ըստ խմբակցության ղեկավարի, փորձ է արվում հավաքագրել անհրաժեշտ տեղեկատվությունը` հասկանալու համար, թե ինչպես կարող է օրենսդիր մարմինն աջակցել իրավիճակը շտկելուն։

ԱԺ «Իմ քայլը» խմբակցությունն այսօր դռնփակ քննարկում էր հրավիրել, որի ընթացքում արծարծվել է պետական ու համայնքային կառույցներում պարգևավճարների աղմկահարույց թեման։

Քննարկմանը հրավիրված ՊԵԿ նախագահ Դավիթ Անանյանը նիստից դուրս գալով լրագրողներին հայտնեց, որ պատասխանել է պատգամավորների 15-20 հարցերի։ Նա հայտնեց նաև, որ 2018թ.–ի 8 ամսվա համար ինքը ընդհանուր առմամբ 14 մլն դրամ պարգևավճար է ստացել։

Հիշեցնենք` ավելի վաղ հայտնի էր դարձել, որ որոշ մարզերի մարզպետներ (Լոռու, Սյունիքի, Արարատի, Կոտայքի, Արմավիրի, Տավուշի) 2018թ.–ի վերջին շռայլ պարգևավճարներ են տվել իրենք իրենց և իրենց աշխատակիցներին։ Երևանի քաղաքապետարանի բոլոր աշխատակիցները ևս շուրջ 500 մլն դրամի պարգևավճարներ ու հավելավճարներ են ստացել։ Մեծ աղմուկ էր բարձրացել նաև ՊԵԿ–ի հավելավճարների շուրջ։ Ըստ մամուլում հրապարակված ցուցակի` ՊԵԿ ղեկավարությունը 8-9 մլն դրամի, աշխատակիցները` քարտուղարուհին, վարչության պետերը` 2 և ավելի միլիոն դրամ են ստացել։

141
թեգերը:
Դավիթ Անանյան, «Իմ քայլը» դաշինք, ՀՀ Ազգային ժողով
Ըստ թեմայի
Պաշտպանության նախարարը չի հերքում. պարգևավճարներ տրվել են, այն էլ` մեծ
ԱԱԾ–ում պարգևատրումների մասին մամուլից են տեղեկացել
Պետական կառույցներում պարգևավճարների խնդիրը կքննարկվի Ազգային ժողովում. Ալեն Սիմոնյան