Հայկ Ալումյան

Քոչարյանին կալանավորած դատավորն ապահովեց իր տեղը դատական նոր համակարգում. փաստաբան

174
ՀՀ երկրորդ նախագահ Ռոբերտ Քոչարյանի նկատմամբ դատական նիստը հետաձգվեց։ Մեղադրող կողմը ժամանակ է խնդրել։

ԵՐԵՎԱՆ, 29 հունվարի — Sputnik. Ռոբերտ Քոչարյանի խափանման միջոցի վերաբերյալ Վերաքննիչ դատական նիստը հետաձգվեց։ Այն կշարունակվի հունվարի 31-ին, ժամը 14:00-ին:

Այս մասին դատական նիստի ավարտին լրագրողներին հայտնեց նրա փաստաբան Հայկ Ալումյանը։ Փաստաբանը նաև ասաց, որ Քոչարյանը դատարան չէր ներկայացել։

Իսկ այսօրվա նիստում, նրա խոսքով, պաշտպանական խումբը ներկայացրել է իր բողոքը, իսկ մեղադրանքի կողմը դատարանին խնդրել է ժամանակ տրամադրել դրան ծանոթանալու և հակափաստարկներ ներկայացնելու համար:

Ալումյանը նաև կարևոր հանգամանք համարեց այն, որ այս անգամ բողոքի քննությունը ՀՀ վերաքննիչ քրեական դատարանի դատավոր Մնացական Հարությունյանին է մակագրվել էլեկտրոնային եղանակով, ինչը, ըստ փաստաբանի միակ օբյեկտիվ տարբերակն է դատարանի կազմը որոշելու համար։

Ինչ վերաբերում է դատական համակարգի ու դատավորների անկողմնակալությանը, Հայկ Ալումյանը կարծիք հայտնեց, թե Քոչարյանի գործին առնչվող որոշ դատավորներ փորձում են իրենց տեղն ամրագրել դատական համակարգում։

«Ես կարծում եմ պարոն Արթուր Մկրտչյանն իր տեղն ապահովեց ապագա դատական համակարգում։ Հիմա ցանկացած դատավոր պատկերացնում է, որ, եթե դեմ գնաց այսօրվա թրենդին, հստակ պատվերին, ապա, ամենայն հավանականությամբ, հաջորդ դատական համակարգում, անցումային փուլից հետո, այլևս դատավոր չի աշխատի»,– ասաց Ալումյանը։

Փաստաբանը, չհերքեց, որ կան նաև արդարադատությունն ու օրենքը կարևորող դատավորներ, ովքեր չեն առաջնորդվում անձնական շահով։

Հունվարի 14-ին, ՀՀ 2-րդ նախագահ Ռոբերտ Քոչարյանի գրավով ազատ արձակելու գործը քննող դատավոր Արթուր Մկրտչյանն ինքնաբացարկ չէր հայտնել` մերժելով այդ մասին Քոչարյանի փաստաբանների միջնորդությունը։ Նրանք դատավորին ինքնաբացարկի միջնորդություն էին ներկայացրել, հիմնավորելով, որ փաստաբան Արամ Օրբելյանի և դատավոր Մկրտչյանի ընտանիքների միջև ջերմ հարաբերություններ կան։

Վերաքննիչ դատարանում այսօր` հունվարի 29-ին, մեկնարկել է Ռոբերտ Քոչարյանի պաշտպանների բողոքի քննությունը։ Դրանով նրանք բողոքարկում են Քոչարյանի կալանքի ժամկետը ևս 2 ամսով երկարացնելու մասին առաջին ատյանի որոշումը։

Հիշեցնենք, որ հունվարի 18-ին առաջին ատյանի դատարանը բավարարել էր Հատուկ քննչական ծառայության քննիչի միջնորդությունը՝ Ռոբերտ Քոչարյանին կալանքի տակ պահելու ժամկետը 2 ամսով երկարացնելու վերաբերյալ և մերժել՝ պաշտպանների միջնորդությունը Ռոբերտ Քոչարյանի նկատմամբ որպես խափանման միջոց ընտրված կալանքն այլընտրանքային խափանման միջոց գրավով փոխարինելու մասին:

174
թեգերը:
Ռոբերտ Քոչարյան
թեմա:
Ռոբերտ Քոչարյան (451)
Ըստ թեմայի
Արմեն Գևորգյանը չի կալանավորվի
Քոչարյանի դեմ մեղադրանքը իրավական տգիտություն է. փաստաբանը` մարտի 1–ի գործի մասին
Մարտի 1–ի գործը սկզբունքային է Հայաստանի, այլ ոչ թե ինձ համար. Փաշինյան
«Տրյոխգոռնայա մանուֆակտուրայի» ՋԷԿ–ի մշակույթի տան շենքը

Կարապետյանի ընկերությունը կպահպանի «Տրյոխգոռնայա մանուֆակտուրայի» ՋԷԿ–ի պատմական շենքերը

7
(Թարմացված է 16:52 12.08.2020)
Մոսկվայի «Կրասնոպրեսնենսկայա նաբերեժնայայում» գտնվող ՋԷԿ-7–ը կառուցվել է 1920-ականներին՝  մերձակայքում գտնվող «Տրյոխգոռնայա մանուֆակտուրա» հին տեքստիլ ձեռնարկությունը սպասարկելու համար։

ԵՐԵՎԱՆ, 12 օգոստոսի – Sputnik. Մոսկվայում «Տրյոխգոռնայա մանուֆակտուրա» ջերմաէլեկտրակենտրոնի տարածքի շինարարության ժամանակ կպահպանվեն  և կվերակառուցվեն պատմական շենքերը։ Լուրը ՌԻԱ Նովոստիին հայտնել է «Տաշիր» նախագծի ներկայացուցիչ Զառա Աճեմյանը։

2010 թվականին շահագործման հանձնված էլեկտրակայանը ճանաչվել է  մշակութային ժառանգության օբյեկտ։ Այն կառուցվել է մերձակայքում գտնվող «Տրյոխգոռնայա մանուֆակտուրա» հին տեքստիլ ձեռնարկությունը սպասարկելու համար։

Московский хлопчатобумажный комбинат Трехгорная мануфактура имени Ф.Э.Дзержинского
© Sputnik / Борис Приходько
Բամբակի արտադրամաս Մոսկվայի «Տրյոխգոռնայա մանուֆակտուրայի» տարածքում

«Տաշիրը», որը 2014 թվականին ՋԷԿ–ի հետ միասին գնել էր հողատարածքը, մտադիր է այնտեղ կառուցել բազմաֆունկցիոնալ համալիր։

«Մշակութային ժառանգության օբյեկտը քանդելու մասին» որևէ խոսք չկա։ Այդ լուրերը չափազանցված են։ Հակառակը, հայտնի էլեկտրակայանը կպահպանի իր նախնական տեսքը, կվերակառուցվի և կդառնա տեսարժան վայր՝ մայրաքաղաքի բնակիչների և հյուրերի համար։ Նախագիծը համաձայնեցվել է Մոսկվայի մշակութային ժառանգության դեպարտամենտի հետ 2019 թվականի մայիսին», – հայտնել է Աճեմյանը։

Մոսկվայի մշակութային ժառանգության դեպարտամենտում իրենց հերթին պարզաբանել են, որ ՋԷԿ–ի տարածքում բազմաֆունկցիոնալ համալիր կառուցելուց բացի, նախատեսում է  նաև «Տրյոխգոռնայա մանուֆակտուրա էլեկտրակայանի» վերակառուցում և հարմարեցում։ Նոր շինարարությունը նախատեսվում է իրականացնել մշակութային ժառանգության օբյեկտի սահմաններից դուրս։

«Տվյալ շենքի վերաբերյալ հաստատվել է պահպանման առարկա, որը նախատեսում է շենքի` 1925-1928 թվականներին թվագրվող բոլոր տարրերի պահպանում»,– պարզաբանել է գերատեսչությունը։

«Տաշիրի» ներկայացուցիչը հավելել է, որ ընկերությունը հաշվի է առնում հողատարածքի տեղակայման կարևոր պատմական կոնտեքստը և նախագծումը հանձնարարել է Վենետիկի բիենալեի դափնեկիր, ճարտարապետ Իլյա Ուտկինին, որը հայտնի է իր՝ պատմական միջավայրի վերարտադրման և պահպանման հաջողված աշխատանքներով։

Սամվել Կարապետյանի կինը ցույց է տվել՝ ինչպես են նշել թոռան ծննդյան օրը

Սամվել Կարապետյանին պատկանող «Տաշիր» ընկերությունների խումբը հանդիսանում է սեփականատեր և ղեկավարում է շինարարական, արդյունաբերական ոլորտի, վերավաճառքի, ռեստորանային բիզնեսի, էներգետիկայի և ֆինանսական հատվածի ակտիվներ։ Անշարժ գույքի ոլորտում ակտիվների ընդհանուր պորտֆելը, ընկերության տվյալներով, շուրջ 2.5 մլն քմ է։

7
թեգերը:
Մոսկվա, Սամվել Կարապետյան, «Տաշիր» ընկերությունների խումբ
Ըստ թեմայի
Forbes-ը ներկայացրել է Ռուսաստանի 200 ամենահարուստներին. Սամվել Կարապետյանը նրանց մեջ է
Սամվել Կարապետյանի ընտանիքում ևս մեկ աղջիկ է ծնվել
Սամվել Կարապետյանի դուստրը Լոնդոնում է․ ի՞նչ է նա կորցրել մառախլապատ Ալբիոնում․ լուսանկար
Միլիարդատեր Սամվել Կարապետյանի դուստրը պատմել է իր թուլության մասին
Ապօրինի պատշգամբ

Երևանում կինը սպառնացել է պատշգամբից նետել երեխային. տեսանյութ

22
(Թարմացված է 16:33 12.08.2020)
Բնակիչը պատմաճարտարապետական հուշարձան հանդիսացող շենքի 2-րդ հարկում պատշգամբ էր «հարմարեցրել» ու թույլ չէր տալիս, որ այն ապամոնտաժեն։ Դեպքի վայրում նրա հետ աշխատել է ԱԻՆ հոգեբանը։

ԵՐԵՎԱՆ, 12 օգոստոսի- Sputnik. Երևանի Կիևյան փողոցի թիվ 1 շենքի 2-րդ հարկի բնակարաններից մեկի բնակիչը խոչընդոտել է ապօրինի պատշգամբի ապամոնտաժման աշխատանքները և սպառնացել է երեխային նետել պատշգամբից։ ԱԻՆ մամուլի ծառայության հաղորդմամբ՝ Ճգնաժամային կառավարման ազգային կենտրոնն այս ահազանգը ստացել է ժամը 15։35-ին։

«Դեպքի վայր են մեկնել ԱԻՆ ՓԾ Հոգեբանական աջակցության բաժնի հերթապահ հոգեբանը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ․ վերջինս անհրաժեշտությունը վերանալու պատճառով վերադարձել է»,- նշված է ԱԻՆ հաղորդագրության մեջ։

Դեպքի վայրում բնակչի հետ աշխատել է ԱԻՆ հոգեբանը, զրուցել նրա հետ։ Ձեռնարկված միջոցառումների արդյունքում պատշգամբն ապամոնտաժվել է։

Նշենք, որ այսօր Երևանի քաղաքապետի մամուլի խոսնակ Հակոբ Կարապետյանը Facebook-ի իր էջում տեղեկացրել էր, որ Կիևյան փողոցում պատասխանատուներն ապամոնտաժում են ապօրինի ավելացված պատշգամբը։

«Արաբկիրում, Կիևյան 1 հասցեի պատմաճարտարապետական հուշարձան շենքի բնակիչը մեկ գիշերվա մեջ պատշգամբ է «հարմարեցրել»»,- գրել էր Կարապետյանը։

Հրապարակմանը կից նա նաև լուսանկարներ և տեսանյութ էր հրապարակել։ Կադրերում երևում է, թե ինչպես են վերամբարձ կռունկով պատշգամբին մոտենում ոստիկանները, իսկ պատշգամբում կանգնած կինը՝ «դույլով զինված», բղավում է ոստիկանների վրա, արգելում մոտենալ պատշգամբին՝ սպառնալով դույլով ջուր լցնել նրանց վրա։ Կադրերում երևում է, որ կնոջ կողքին նաև փոքրիկ տղա է կանգնած։

Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին

22
թեգերը:
Կին, ՀՀ արտակարգ իրավիճակների նախարարություն (ԱԻՆ), Երևան, Հայաստան