Էդուարդ Շարմազանով

Հայաստանը դարձել է «իզգոյ» ՀԱՊԿ–ում. Շարմազանով

157
ՀՀԿ խոսնակ Էդուարդ Շարմազանովը քննադատեց Նիկոլ Փաշինյանի վարած արտաքին քաղաքականությունը` ներկայացնելով ձախողման կոնկրետ օրինակներ։

ԵՐԵՎԱՆ, 29 հունվարի — Sputnik. Հայաստանը դարձել է «իզգոյ» Հավաքական անվտանգության պայմանագրի կազմակերպությունում։ Այս մասին այսօր Sputnik Արմենիա մամուլի սրահում կայացած ասուլիսի ժամանակ հայտարարեց ՀՀԿ խոսնակ Էդուարդ Շարմազանովը։

«Հայաստանը ՀԱՊԿ գլխավոր քարտուղարի պաշտոնը կորցրեց Փաշինյանի պատճառով։ Չմոռանանք, որ, երբ պառլամենտում Փաշինյանին հարց ուղղվեց, ինքն ասաց, որ` այո, Հայաստանը պետք է պահպանի այդ պաշտոնը մինչև լիազորությունների ավարտը։ Հետո, երբ չստացվեց, ասում ` էական չէ» ,– ասաց Շարմազանովը։

Հայ–ռուսական հարաբերությունների վերաբերյալ Շարմազանովը հիշեց ՀՀ վարչապետի հայտարարությունն այն մասին, որ հայ–ռուսական հարաբերությունները երբեք այսքան փայլուն չեն եղել։ Բայց իրականությունը, նրա խոսքով, այլ բան է հուշում. գազը սահմանին թանկացավ, ներդրումները ՌԴ–ից չեն ավելանում։

Հիշեցնենք` 2018թ–ի հուլիսին ՀՀ քննչական ծառայությունը ՀԱՊԿ նախկին գլխավոր քարտուղար Յուրի Խաչատուրովին մեղադրանք էր առաջադրել 2008 թվականի մարտի 1-ի հետընտրական իրադարձությունների ժամանակ սահմանադրական կարգը տապալելու համար (ՀՀ Քրեական օրենսգրքի 300.1 հոդված)։

Հարուցված քրեական գործի արդյունքում ՀԱՊԿ–ում Հայաստանի ներկայացուցիչ Յուրի Խաչատուրովը 2018թ–ի նոյեմբերին հետ էր կանչվել գլխավոր քարտուղարի պաշտոնից։ Ու թեև մինչև 2020թ–ը ՀԱՊԿ ղեկավարությունը հանձնված է Հայաստանին, Խաչատուրովից հետո գլխավոր քարտուղարի պարտականությունները ստանձնել է Խաչատուրովի տեղակալ Վալերի Սեմերիկովը։ Միաժամանակ, Բելառուսն էլ այդ պաշտոնում առաջարկում է իր թեկնածուին` Անվտանգության խորհրդի քարտուղար Ստանիսլավ Զասին` որպես ՀԱՊԿ ղեկավարությունը Հայաստանից հետ հաջորդ ստանձնող երկիր։

157
թեգերը:
Հավաքական անվտանգության պայմանագիր կազմակերպություն (ՀԱՊԿ), Էդուարդ Շարմազանով, Հայաստան
Ըստ թեմայի
ՀԱՊԿ գլխավոր քարտուղարի պաշտոնում Ղրղըզստանն աջակցում է Բելառուսի ներկայացուցչին
Խաչատուրովի կազուսը. ինչո՞ւ է Մինսկը համառում ՀԱՊԿ գլխավոր քարտուղարի նշանակման հարցում
Տաջիկստանի նախագահը ստորագրեց ՀԱՊԿ գլխավոր քարտուղարի պաշտոնում Զասի նշանակման նախագիծը
Գլխավոր քարտուղարի վերաբերյալ որոշման հիմքում կլինի ՀԱՊԿ–ն ամրապնդելու սկզբունքը. դեսպան