Յուրի Խաչատուրով

Բանակի տոնը նշում են հյուրանոցում. ներկա են նախկին, այդ թվում` մեղադրյալ պաշտոնյաները

626
Ովքե՞ր են հրավիրվել բանակի 27-ամյակի տոնակատարությանը, ովքե՞ր են ընդունել հրավերն ու ինչ տրամադրությամբ են ներկայացել «Դվին» հյուրանոց։

ԵՐԵՎԱՆ, 28 հունվարի — Sputnik. Հայկական բանակի 27-ամյակը ՀՀ պաշտպանության նախարարությունն այսօր նշում է Երևանի «Դվին» հյուրանոցային համալիրում։ Լրագրողների ու չհրավիրվածների համար միջոցառման մուտքը փակ է, բայց հյուրանոցի մուտքի մոտ տեղի ունեցող ակտիվ անցուդարձից էլ պարզ է դառնում, որ հրավիրվածների թվում միայն իշխանական վերնախավը չէ. այստեղ անգամ մեղադրյալի կարգավիճակ ունեցող նախկին պաշտոնյաներ կան։

Պաշտպանության նախկին նախարար Սեյրան Օհանյանը հյուրանոց մտնելուց առաջ լրագրողներին ասաց, որ Հայաստանի նոր իշխանություններից նեղացած չէ, նույնիսկ ողջունում է Հայաստանում այսօր տիրող իրավիճակը։

«Ես դեռ 2016-ին եմ ասել, որ մեր երկրին պետք են փոփոխություններ, որոնք կտրուկ առաջընթացի պայմաններ կապահովեն»,- ասաց Օհանյանը։

Իսկ իրեն առաջադրված մեղադրանքն ու քրեական գործը Օհանյանը վստահել է փաստաբաններին։ «Մենք մեր կողմից հուշում ենք, թե ինչ անեն։ Կլսեն՝ լավ կլինի, չեն լսի՝ կփորձենք շարունակել պայքարը»,- նշեց նախկին նախարարը:

Անդրադառնալով մարտի 1-ի իրադարձություններին բանակի մասնակցությանը` Օհանյանը չհերքեց, բայց հստակեցրեց, որ դա եղել է արտակարգ դրության հրամանագրի ստորագրումից հետո, և այդ ընթացքում ոչ մի բախում չի եղել։

Մարտի 1-ի գործով մեղադրվող նախկին ԳՇ պետ, ՀԱՊԿ նախկին գլխավոր քարտուղար Յուրի Խաչատուրովը լրագրողների միջոցով հասցրեց միայն իր շնորհավորանքները հղել բանակին։

«Մենակ առողջություն, հաղթանակ, ոչ մի բանից թող չվախենան․ մենք ուժեղ ենք, վերջ»,– ասաց նա։ Լրագրողների այլ հարցերից (հատկապես մարտի 1-ի մասին քրեական գործի մասին) Խաչատուրովին փրկեց միջոցառման հրավիրողը`Պաշտպանության նախարար Դավիթ Տոնոյանը: Նա մոտեցավ Խաչատուրովին, ողջագուրվելով շնորհավորեց ու ներս հրավիրեց։

Տոնոյանի հրավերը չէր մերժել նաև պաշտպանության նախկին նախարար Վիգեն Սարգսյանը։ Նա հրաժարվեց պատասխանել լրագրողների հարցերին ու շտապեց մտնել հյուրանոց` հընթացս շնորհավորելով իրեն շրջապատած լրագրողներին։

«Շնորհավորում եմ բոլորին Բանակի տոնի կապակցությամբ, հաղթանակներ մեր բանակին և բարձր տրամադրություն՝ բոլոր զինծառայողներին»,– ասաց նա։

Լրագրողների հետ շփումից չխուսափեց գործող գլխավոր դատախազ Արթուր Դավթյանը։

Անդրադառնալով Մանվել Գրիգորյանի նկատմամբ հարուցված քրեական գործին, Դավթյանը չբացառեց, որ նախաքննության ընթացքում նրան առաջադրված մեղադրանքը կփոխվի։

«Քննությունը դեռ չի ավարտվել։ Դրվագներ կան, որոնց դեպքում բավարար ապացույցներ կան, որոշ դրվագների դեպքում՝ ոչ։ Մեղադրանք փոխելու համար ապացույցների անհրաժեշտ ծավալ պետք է լինի։ Գործերի ճնշող մեծամասնության դեպքերում մեղադրանքները սկզբում և վերջում տարբերվում են»,– ասաց նա։

Հետաքրքիր մեկ փաստ ևս. Հայաստանի և Արցախի հանրապետությունների նախագահներ «Դվին» հյուրանոց ժամանեցին միասին՝ նույն ավտոմեքենայով, որի, ի դեպ, Արմեն Սարգսյանի ծառայողական ավտոմեքենան էր։

Նախագահներն ավտոմեքենայից դուրս եկան հյուրանոցի անմիջապես մուտքի դիմաց ու շտապեցին ներս` լրագրողներին զրկելով իրենց հարցեր տալու հնարավորությունից։

Երկու երկրների նախագահներին դիմավորեց, ողջունեց ու շենք ուղեկցեց ՀՀ պաշտպանության նախարար Դավիթ Տոնոյանը:

Ամենավերջինը միջոցառմանը ներկայացավ նաև ՀՀ վարչապետ Նիկոլ Փաշինյանը։ Նա ևս ավտոմեքենայից դուրս գալով արագ մոտեցավ Տոնոյանին, սեղմեց ձեռքն ու նրա հետ մտավ միջոցառման տարածք։ Փաշինյանից հետո հյուրանոցի դռները փակվեցին։ Բանակի 27-ամյակին նվիրված տոնական միջոցառումը մնաց հանրության աչքից հեռու։

Հիշեցնենք` 2018թ–ի հուլիսին ՀՀ քննչական ծառայությունը ՀԱՊԿ նախկին գլխավոր քարտուղար Յուրի Խաչատուրովին մեղադրանք էր առաջադրել 2008 թվականի մարտի 1-ի հետընտրական իրադարձությունների ժամանակ սահմանադրական կարգը տապալելու համար (ՀՀ Քրեական օրենսգրքի 300.1 հոդված)։ Նույն հոդվածով 2019թ–ի հունվարի 14–ին մեղադրանք է առաջադրվել նաև ՀՀ պաշտպանության նախկին նախարար Սեյրան Օհանյանին։

626
թեգերը:
Հայաստան
Ըստ թեմայի
«Երբ մենք թատրոն ունեինք, դուք...»–ն այսօր չի աշխատում. Արմեն Սարգսյան
Տոնդ շնորհավոր, զինվոր. այս պահին ծառայող տղաների լուսանկարները
«Ինձ համար մեծ պատիվ է...». Արթուր Աբրահամը շնորհավորել է Հայկական բանակի օրվա առթիվ
Տղաները, որ դիրքեր հանձնել չգիտեն. նախագահը չկարողացավ զսպել արցունքները
Թող մեր սպաներին գնահատեն կենդանության օրոք, ոչ թե մահից հետո. որդեկորույս մոր մաղթանքը
Ապօրինի պատշգամբ

Երևանում կինը սպառնացել է պատշգամբից նետել երեխային. տեսանյութ

13
(Թարմացված է 16:33 12.08.2020)
Բնակիչը պատմաճարտարապետական հուշարձան հանդիսացող շենքի 2-րդ հարկում պատշգամբ էր «հարմարեցրել» ու թույլ չէր տալիս, որ այն ապամոնտաժեն։ Դեպքի վայրում նրա հետ աշխատել է ԱԻՆ հոգեբանը։

ԵՐԵՎԱՆ, 12 օգոստոսի- Sputnik. Երևանի Կիևյան փողոցի թիվ 1 շենքի 2-րդ հարկի բնակարաններից մեկի բնակիչը խոչընդոտել է ապօրինի պատշգամբի ապամոնտաժման աշխատանքները և սպառնացել է երեխային նետել պատշգամբից։ ԱԻՆ մամուլի ծառայության հաղորդմամբ՝ Ճգնաժամային կառավարման ազգային կենտրոնն այս ահազանգը ստացել է ժամը 15։35-ին։

«Դեպքի վայր են մեկնել ԱԻՆ ՓԾ Հոգեբանական աջակցության բաժնի հերթապահ հոգեբանը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ․ վերջինս անհրաժեշտությունը վերանալու պատճառով վերադարձել է»,- նշված է ԱԻՆ հաղորդագրության մեջ։

Դեպքի վայրում բնակչի հետ աշխատել է ԱԻՆ հոգեբանը, զրուցել նրա հետ։ Ձեռնարկված միջոցառումների արդյունքում պատշգամբն ապամոնտաժվել է։

Նշենք, որ այսօր Երևանի քաղաքապետի մամուլի խոսնակ Հակոբ Կարապետյանը Facebook-ի իր էջում տեղեկացրել էր, որ Կիևյան փողոցում պատասխանատուներն ապամոնտաժում են ապօրինի ավելացված պատշգամբը։

«Արաբկիրում, Կիևյան 1 հասցեի պատմաճարտարապետական հուշարձան շենքի բնակիչը մեկ գիշերվա մեջ պատշգամբ է «հարմարեցրել»»,- գրել էր Կարապետյանը։

Հրապարակմանը կից նա նաև լուսանկարներ և տեսանյութ էր հրապարակել։ Կադրերում երևում է, թե ինչպես են վերամբարձ կռունկով պատշգամբին մոտենում ոստիկանները, իսկ պատշգամբում կանգնած կինը՝ «դույլով զինված», բղավում է ոստիկանների վրա, արգելում մոտենալ պատշգամբին՝ սպառնալով դույլով ջուր լցնել նրանց վրա։ Կադրերում երևում է, որ կնոջ կողքին նաև փոքրիկ տղա է կանգնած։

Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին

13
թեգերը:
Կին, ՀՀ արտակարգ իրավիճակների նախարարություն (ԱԻՆ), Երևան, Հայաստան
 Beeline

Ովքե՞ր են կանգնած Beeline-ը գնել ցանկացող Novatel–ի ընկերության հետևում. մանրամասներ

43
(Թարմացված է 16:09 12.08.2020)
Ինչ ֆինանսական միջոցներով է ընդամենը երկու ամսում ստեղծված ընկերությունը «ՎԵՈՆ Արմենիայի» 100% բաժնեմասն ուզում գնել։ Novatel ՍՊԸ–ի գործադիր տնօրեն Մինաս Երզնկյանը մանրամասներ է հայտնել։

ԵՐԵՎԱՆ, 12 օգոստոսի - Sputnik. Երկու ամիս առաջ բացված Novatel ընկերությունը բանակցություններ է վարում «ՎԵՈՆ Արմենիայի» գլխավոր գրասենյակի հետ ընկերությունը գնելու համար։ Sputnik Արմենիայի հետ զրույցում տեղեկությունը հայտնեց Novatel ՍՊԸ–ի գործադիր տնօրեն Մինաս Երզնկյանը։

«Արդեն իսկ լուրջ քայլեր ենք արել, բանակցությունները վերջին փուլում են։ Դրանք ընթանում են «Վեոնի»` Ամստերդամում գտնվող գլխամասային գրասենյակի հետ։ Ընկերության հետ գաղտնիության պայմանագիր է կնքվել, ուստի մեր կողմից ներկայացված գնառաջարկի մասին չենք կարող հայտնել»,–ասաց Երզնկյանը։

Նա հայտնեց, որ Novatel ընկերությունը ստեղծվել է երկու ամիս առաջ։ Ընկերության ղեկավարները ընկերներ են, որոնք ծնվել և մեծացել են Երևանում, գործարարությամբ են զբաղվում։  Երզնկյանի խոսքով` իրենք աշխատել են միջազգային համբավ ունեցող հեռահաղորդակցման ընկերություններում, այսինքն` մեծ փորձ ունեն։

Ի դեպ, Novatel-ը, ի տարբերություն Ucom ընկերության նախկին տնօրեն Հայկ Եսայանի նորաստեղծ Team ընկերության, «ՎԵՈՆ»-ի գնման համար չի դիմել Տնտեսական մրցակցության պաշտպանության պետական հանձնաժողով։ Պատճառը, ըստ Երզնկյանի, այն է, որ Եսայանների ընկերությունն ուզում է գնել «ՎԵՈՆ»–ը` իրենց ընկերության հետ միավորելու համար, իսկ Երզնկյանն ուզում է գնել այն` պահպանելով «ՎԵՈՆ»–ի ողջ անձնակազմը։

«Հենց այս պատճառով էլ կարծում ենք, որ ՏՄՊՊՀ–ի հետ որևէ խնդիր չենք ունենալու։  Այն, որ Եսայաններն արդեն իսկ հանձնաժողովի թույլտվությունը ստացել են «ՎԵՈՆ»–ի գնման համար,  դա որևէ առավելություն չի տալիս նրանց։ Եթե կարիք լինի, մենք նույնպես կդիմենք ՏՄՊՊՀ, սակայն գլխամասային գրասենյակի հետ բանակցություններից հետո»,–ասաց Երզնկյանը։

Beeline-ի վաճառքը հայաստանյան աշխատաշուկայի համար նպաստավոր չէ. Սանդուխչյան

Այս պահին, ըստ նրա, «ՎԵՈՆ»–ը պետք է ընտրություն կատարի երկու ընկերությունների միջև։ Երզնկյանը հերքեց շրջանառվող լուրերը, որ իրենք Ucom–ի սեփականատերերի հետ առնչություն ունեն։ Նա նշեց, որ Ucom–ի ղեկավարների` Խաչատրյանների հետ կապ չունեն, անգամ անձնապես ծանոթ չէ նրանց հետ։ 

Երզկյանը հայտնեց, որ «ՎԵՈՆ Արմենիան» ուզում են գնել ամբողջությամբ, և եթե հնարավորություն լինի մասնակի բաժնետեր լինելու, ապա չեն համաձայնի։ Ինչ վերաբերվում է ֆինանսական միջոցներին, ապա նա վստահեցնում է, որ համաշխարհային համբավ ունեցող ֆինանսական կազմակերպություններն են մասնակից լինելու այդ գործում, որոնց նախնական համաձայնությունն արդեն իսկ ունեն։ Երզնկյանը ասաց, որ այլ մանրամասներ հայտնել չի կարող, քանի որ գոյություն ունի «գաղտնիության պայմանագիր»։

Նրա խոսքով` ընկերությունը ստեղծվել է հատուկ «ՎԵՈՆ Արմենիայի»  գնման գործարքին մասնակցելու համար։

Հիշեցնենք` մի քանի ամիս առաջ Հայկ Եսայանը հայտարարեց Ucom–ը լքելու մասին։ Կարճ ժամանակ անց հայտնի դարձավ, որ Եսայան եղբայրները հիմնադրել են «Թիմ» ընկերությունն ու հայտ ներկայացրել Տնտեսական մրցակցության պաշտպանության պետական հանձնաժողով՝ «ՎԵՈՆ Արմենիան» (ապրանքանիշը` Beeline) գնելու հարցով:

Ucom-ը չի գնի Beeline–ը. քննարկումները դադարեցվել են

Հուլիսի 10-ին ՏՄՊՊՀ–ն թույլ տվեց, որ Եսայան եղբայրների ընկերությունը գնի Beeline-ը: Ինչ վերաբերում է Ucom–ին, ապա ընկերության տնօրենն այժմ Արա Խաչատրյանն է։ Նա եղել է «Գալաքսի ընկերությունների խմբի» գլխավոր ֆինանսական տնօրենը։ Մայիսին Խաչատրյանը ԱԱԾ էր հրավիրվել` ՊԵԿ նախկին նախագահ Գագիկ Խաչատրյանի ու նրա որդիների վերաբերյալ քննվող քրեական գործի շրջանակներում: Գագիկ Խաչատրյանն այս պահին կալանավորված է, իսկ տղաները հետախուզման մեջ են։

43
թեգերը:
Հայկ Եսայան, Տնտեսական մրցակցության պաշտպանության պետական հանձնաժողով (ՏՄՊՊՀ), Beeline Armenia, Անդրեյ Պյատախին («ՎԵՈՆ Արմենիա» ընկերության գլխավոր տնօրեն)
Ըստ թեմայի
ՀԾԿՀ-ն ևս դեմ չէ Beeline-ի վաճառքին, բայց ժամանակ է տվել գործարքն իրականացնելու համար
Եսայան եղբայրների «Թիմը» 500 գիգաբիթ/վայրկյանում թողունակությամբ ցանց է կառուցում
ՏՄՊՊՀ-ն կարճել է «ՎԵՈՆ Արմենիա» և «Յուքոմ» ՓԲԸ-ների համակենտրոնացման մասին վարույթը