Դավիթ Տոնոյան. արխիվային լուսանկար

Ինչպես է պաշտպանության նախարարը շնորհավորել որդուն. Տոնոյանն անկեղծացել է

2241
Պաշտպանության նախարարը պատմել է, որ հունվարի 26-ին շնորհավորել է բանակում ծառայող որդու ծննդյան օրը:

ԵՐԵՎԱՆ, 28 հունվարի — Sputnik. ՀՀ պաշտպանության նախարար Դավիթ Տոնոյանի որդին հունվարի 26-ին ծննդյան օրը դիմավորել է բանակում: Այս մասին լրագրողների հետ զրույցում հայտնեց նախարարը՝ պատմելով, թե ինչպես է շնորհավորել որդուն:

«Ես իրեն ասացի՝ պարոն կրտսեր սերժանտ, շնորհավորում եմ ձեզ: Ինքն ինձ պատասխանեց՝ շնորհակալ եմ, պարոն նախարար: Այսպիսի հարաբերություններ են հիմա իմ և իր մեջ»,- պատմեց նախարարը:

Այդուհանդերձ, Տոնոյանը չթաքցրեց, որ որդուց ստացած որոշ լուրերին արձագանքում է որպես ծնող և ոչ թե որպես նախարար:

Հայոց բանակի օրվա առիթով նախարարի մաղթանքը հայ զինվորներին հետևյալ է. «Լավ տրամադրություն, զգոնությունը չկորցնել և ամուր ոգով ու անսասան հավատով շարժվել առաջ»:

Հիշեցնենք, որ ՀՀ պաշտպանության նախարար Դավիթ Տոնոյանի որդին բանակ է զորակոչվել 2018թ.–ի ամռանը։ Նա ծառայում է Արցախում։

2241
Ըստ թեմայի
ՊՆ–ում ներկայացրել են զորակոչիկների բուժզննման գործընթացի մանրամասները
Զորակոչիկների ավտոբուսը սահմանված կարգով ուղեկցվել է. Ոստիկանության պարզաբանումը
Հայոց բանակը 27 տարեկան է