Հայկ Մարության

Հայկ Մարությանը խոստացել է գնալ ամեն կոռուպցիոն խոսակցության հետևից

90
(Թարմացված է 18:39 23.01.2019)
Քաղաքապետը պահանջել է, որ բոլոր պրոցեսները լինեն թափանցիկ, ընկերությունը պետք է հաշվետու լինի քաղաքացիներին։

ԵՐԵՎԱՆ, 23 հունվարի — Sputnik. Երևանի քաղաքապետ Հայկ Մարությանը քաղաքապետարանի ենթակայության տակ գտնվող կառուցվածքային ստորաբաժանումներից թափանցիկ գործելաոճ է պահանջել:

Ինչպես տեղեկացնում են Երևանի քաղաքապետարանի մամուլի ծառայությունիցԱյս մասին նա ասել է, երբ  «Քաղաքաշինություն» ՓԲԸ-ի աշխատակազմին է ներկայացրել ընկերության տնօրենի ժամանակավոր պաշտոնակատար Արմեն Գևորգյանին:

«Բազմիցս այս ՓԲԸ-ի մասին լսել եմ բացասական լուրեր: Դա նշանակում է, որ ներսում եղել են գործառույթներ, գործողություններ, որոնք ընդհանրապես չեն համապատասխանում մեր նոր Հայաստանի պահանջներին: Նկատի ունեմ, որ բոլոր պրոցեսները պետք է լինեն թափանցիկ, ընկերությունը պետք է հաշվետու լինի մեր քաղաքացիներին և բոլոր գործընթացներին պետք է քաղաքացիները տիրապետեն՝ ինչ է կատարվում, ոնց է կատարվում, ինչ գումարների մասին է խոսքը: Բացի դրանից, շատ լավ գիտեմ, որ կային ինչ-որ կից ՍՊԸ-ներ, որոնք սպասարկում էին այս ՓԲԸ-ն: Այսինքն` այն գործը, որը պետք է ընկերությունն աներ, ուղարկում էին ինչ-որ ՍՊԸ-ների մոտ, որոնք, ի դեպ, ներսի մարդկանց բացած ընկերություններն էին և այդ ընկերությունները գումարներ էին աշխատում քաղաքացիների հաշվին: Էս պրակտիկան այսուհետ վերանում է»,- նշել է քաղաքապետը:

Երևանի քաղաքապետարանի «Քաղաքաշինություն» ՓԲԸ-ն իրականացնում է գեոդեզիայի (տարածքների չափագրում), գլխավոր հատակագծերի, ինչպես նաև ինքնակամ շինությունների մասնագիտական եզրակացությունների տրամադրման ու մի շարք այլ գործառույթներ:

«Ես ուղղակի թույլ չեմ տա, որ քաղաքապետարանի հետ կապված ինչ-որ մի ՓԲԸ-ի մասին խոսակցություն լինի, որ այդտեղ կոռուպցիա կա: Մենք ուշի-ուշով հետևելու ենք ընկերության գործունեությանը և, եթե մեկ ահազանգ եղավ, որ ինչ-որ մի պրոցես կա, վստահեցնում եմ ձեզ, մինչև վերջ ես գնալու եմ՝ պարզելու համար՝ ինչ է եղել, ով է եղել և ինչպես է եղել»,- ընդգծել է Հայկ Մարությանը:

Նա խոստացել է նաև, որ առանց հապաղելու քրեական գործեր են հարուցվելու:

90
թեգերը:
Հայկ Մարության
Ըստ թեմայի
Երևանի քաղաքապետարանը ձնամաքրման համար նոր տեխնիկան ձեռք է բերել առանց մրցույթի. Խաժակյան
Չիպեր և հատուկ կլինիկա. քաղաքապետարանը տնային կենդանիների կրեատիվ հարկ է խոստանում
Բողոքի ցույց Երևանի քաղաքապետարանի մոտ. տաքսիստները պահանջում են չեղարկել տուգանքները