Հայաստան

Ժամանցային կայքը «բացահայտել» է, թե ինչից են «կազմված» հայերը. լուսանկար

220
(Թարմացված է 18:00 22.01.2019)
Զվարճալի ծաղրանկարների հեղինակները կարծում են, որ հայերը կազմված են կոնյակից, «մայրիկի տոլմայից» և «հեռվից հայրենիքի նկատմամբ սիրուց»։

ԵՐԵՎԱՆ, 22 հունվարի — Sputnik. AdMe.ru ժամանցային կայքը ներկայացրել է 16 զվարճալի ծաղրանկար, որոնցում ցույց է տրվել, թե ինչից են կազմված տարբեր ազգությունների մարդիկ։

Ցուցակում հայտնվել են հայերը, վրացիները, ռուսները, ֆրանսիացիները, իտալացիները, անգլիացիները, ամերիկացիները, նորվեգացիները, ուկրաինացիները, հոլանդացիները, հնդիկները, բելոռուսները, կուբացիները, գերմանացիները, ճապոնացիները։

Комикс adme.ru Из чего состоят армяне
Adme.ru-Ի նկարը. ինչից են «կազմված» հայերը

Ծաղրանկարների հեղինակների կարծիքով` հայերը կազմված են կոնյակից, «մայրիկի տոլմայից» և «հեռվից հայրենիքի նկատմամբ սիրուց»։ Իսկ ահա հարևան վրացիները` հյուրընկալությունից, խինկալիից և «ասսայից» (բացականչություն պարի ժամանակ, հայկական «տաշիի» անալոգը)։

220
Ռուբեն Հայրապետյան

Դատարանը չի հաստատել Ռուբեն Հայրապետյանին մեղսագրված արարքներից երկուսը. որոնք են դրանք

119
(Թարմացված է 22:51 28.05.2020)
Պաշտպան Մակինյանի խոսքով` սա ոչ այլ ինչ է, քան նաև այս հերթական գործի հիմնովին ջախջախում:

ԵՐԵՎԱՆ, 28 մայիսի — Sputnik. Դատարանը չի հաստատել ՀՖՖ նախկին նախագահ, նախկին պատգամավոր Ռուբեն Հայրապետյանին մեղսագրված արարքներից երկուսը։ Տեղեկությունը Facebook-ի իր էջում հրապարակել է Հայրապետյանի պաշտման Ամրամ Մակինյանը։

«Դատարանը չի հաստատել Ռուբեն Հայրապետյանին մեղսագրված ֆիզիկական ուժեղ ցավ կամ հոգեկան ուժեղ տառապանք պատճառելու և նրա կողմից որևէ անձի ապօրինի ազատությունից զրկելու վերաբերյալ հիմնավոր կասկածը»,–գրել է նա:

Նրա խոսքով` երկու ամիս քրտնաջան աշխատանքի արդյունքում դատարան ներկայացված 500 թերթից ավելի նյութերում այդպիսի տվյալներ դատարանը չի արձանագրել, որը ոչ այլ ինչ է, քան նաև այս հերթական գործի հիմնովին ջախջախում:

«Առայժմ առաջարկում եմ իրենց բուն գործը թողած ապատեղեկատվություն տարածողներին, տաս չափել, մեկ գրել, հակառակ դեպքում կրկին փաստաբանի կարիք կունենան»,–գրել է նա:

Հիշեցնենք, որ այսօր ՀՀ քննչական կոմիտեն տեղեկություն տարածեց, համաձայն որի` Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները:

Էլեկտրաշոկով հարվածել է ու սպառնացել․ ՔԿ-ն Ռուբեն Հայրապետյանին մեղադրանք է առաջադրել

Ռուբեն Հայրապետյանի, որդու և նրա ընկերների կողմից «Հարսնաքար» ռեստորանահյուրանոցային համալիրի գործադիր մարմնի ղեկավարի նկատմամբ առերևույթ կատարված ինքնիրավչության, նրան ազատությունից ապօրինի զրկելու և ֆիզիկական ուժեղ ցավ, հոգեկան ուժեղ տառապանք պատճառելու դեպքերի առթիվ քննվող քրեկան գործով 5 անձի նկատմամբ կալանավորումը որպես խափանման միջոց ընտրելու վերաբերյալ միջնորդությունները բավարարվել են:

119
թեգերը:
պաշտպան, Մեղադրանք, Դատարան, Ռուբեն Հայրապետյան
ԱՄՆ ոստիկանություն, արխիվային լուսանկար

Թուրքիայի գլխավոր հյուպատոսին սպանած Համբիկ Սասունյանը կմնա անազատության մեջ. որոշում

98
(Թարմացված է 21:57 28.05.2020)
Սասունյանի փաստաբանները հիասթափված են նահանգապետի որոշումից։ Նրանք հույս են հայտնել, որ գոնե այս անգամ նահանգապետի որոշման մեջ Թուրքիայի մատը խառը չէ։

ԵՐԵՎԱՆ, 28 մայիսի - Sputnik. Կալիֆոռնիայի նահանգապետ Գևին Նյուսոմը մերժել է Թուրքիայի գլխավոր հյուպատոսին սպանած Համբիկ Սասունյանին ազատ արձակելու որոշումը: Այս մասին հայտնում է Կալիֆոռնիայի հայկական «Ասպարեզ» պարբերականը։

2019 թվականի դեկտեմբերին բանտարկյալների ներման դիմումները քննող խորհուրդը որոշել էր ազատ արձակել Սասունյանին։

Իր որոշման մեջ նահանգապետը նշել է, որ անցած տասնամյակների ընթացքում Սասունյանը զգալի ջանքեր է գործադրել իր պահվածքը շտկելու համար: Այնուամենայնիվ, դեռ դժվար է հավատալ, որ նա ազատ կարձակվի:

«Ես բարձր եմ գնահատում Սասունյանի ջանքերը, բայց կան ավելի համոզիչ հանգամանքներ, որոնք խանգարում են նրան ազատ արձակելուն: Իմ կարծիքով՝ Սասունյանը շարունակաբար թերագնահատում է իրենից պահանջվող աչալրջությունը, ներկայում և ապագայում՝ հետևողականորեն գործելու օրենքի պահպանելու և նույնիսկ անուղղակիորեն բռնություն հրահրելուց խուսափելու վարքագծով:Այդ պատճառով նա հասարակության համար մնում է վտանգավոր»,–նշված է նամակում։

Սասունյանի փաստաբանները հիասթափված են նահանգապետի որոշումից: 

«Բանտում անցկացրած տարիներին Համբիկն արել է ամեն ինչ իր վարքագիծը լավացնելու համար և դարձել է օրինակելի բանտարկյալ: Դա փաստ է, որն անգամ նահանգապետն է ընդունել: Հուսանք, որ ինչպես նախկինում, նահանգապետը տեղի չի տվել թուրքական կառավարության ճնշումներին՝ Սպիտակ տունն օգտագործելով իր նպատակների համար»,-ասել են նրանք:

Амбик Сасунян
© Photo : Agos
Համբիկ Սասունյան

Ըստ փաստաբանների՝ բանտարկյալների ներման դիմումները քննող խորհուրդը պետք է շարունակի աշխատանքը և փորձի այլ ճանապարհներ գտնել Սասունյանին ազատ արձակելու համար:

Հիշեցնենք, որ Համբիկ Սասունյանը ցմահ ազատազրկման էր դատապարտվել 1982 թվականին Լոս Անջելեսում Թուրքիայի գլխավոր հյուպատոսի սպանության համար:

Հյուպատոս Քեմալ Արըքանը սպանվել էր Լոս Անջելեսում իր մեքենայի մեջ կարմիր լույսի տակ գտնվելու ժամանակ: Նրա վրա կրակած երկու անձանցից մեկը Սասունյանն էր: Սպանությունից հետո «Հայոց ցեղասպանության արդարության մարտիկներ» խումբը զանգահարել էր տեղի լրատվամիջոցներին ու ստանձնել սպանության պատասխանատվությունը:

Սպանության հետաքննության ժամանակ դատախազները նշել էին, թե Սասունյանը սպանությունն իրականացրել է՝ ի նշան վրեժի օսմանյան թուրքերի կողմից հայերի նկատմամբ գործած ցեղասպանության: 1984 թվականին դատարանը վճռել էր նրան դատապարտել ցմահ ազատազրկման՝ առանց պայմանական ազատ արձակման իրավունքի՝ ընդգծելով, որ սպանությունն իրականացվել է Արըքանի ազգային պատկանելության պատճառով:

Թուրքիան ԱՄՆ–ին կոչ է արել ազատ չարձակել Հայոց եղեռնի համար վրեժ լուծած Համբիկ Սասունյանին

Սասունյանն ի սկզբանե մերժում էր հյուպատոսին սպանելու փաստը և միայն սպանությունից 20 տարի անց՝ 2002 թվականին, նա բանտից ազատվելու հնարավորության դիմաց խոստովանել է իր դերակատարությունը Արըքանի սպանության գործում՝ նշելով, որ կիսում է վերջինիս ընտանիքի կորստյան ցավը:

Հանցանքը խոստովանելու դիմաց դատախազները համաձայնեցին նրա մեղադրականից հանել «սպանությունն ազգային հողի վրա իրականացնելու» դրույթը, ինչը նրան պայմանական ազատ արձակելու հնարավորություն է ընձեռում:

98
թեգերը:
փաստաբան, որոշում, Թուրքիա, Կալիֆոռնիա, ԱՄՆ, Դատարան, Սպանություն, Համբիկ Սասունյան
Ըստ թեմայի
Դինքի սպանությունը լիովին չի բացահայտվի, քանզի ընդգրկված են պետական կառույցներ. Մելքոնյան
Աբովյանում 40–ամյա տղամարդու սպանությունը բացահայտվել է. կա ձերբակալված
Ծակ կոշիկներով հարուստը. ինչպե՞ս են հիշում Հրանտ Դինքին
Հրանտ Դինքին սպանած Օգյուն Սամասթը կարող է ազատ արձակվել
Վրաստան, շտապօգնություն

«Մենք ձեր կողքին ենք»․Վրաստանը կօգնի Հայաստանին կորոնավիրուսի դեմ պայքարում, եթե դիմեն

211
(Թարմացված է 00:03 29.05.2020)
Հայաստանն ու Վրաստանը աջակցում են միմյանց շատ հարցերում, և COVID-19-ի դեմ պայքարը բացառություն չի լինի։

ԵՐԵՎԱՆ, 28 մայիսի – Sputnik. Եթե Հայաստանին որևէ օգնություն պետք լինի, այդ թվում նաև նոր տիպի կորոնավիրուսով վարակված պացիենտների բուժման հարցում, Վրաստանը պատրաստ է օգնել։ Այս մասին ճեպազրույցի ժամանակ ասել է Վրաստանի Հիվանդությունների վերահսկման ազգային կենտրոնի տնօրեն Ամիրան Գամկրելիձեն։

Գամկրելիձեն պատասխանում էր հարցին, թե արդյո՞ք Վրաստանը կարող է ծայրահեղ ծանր վիճակում գտնվող հիվանդներ ընդունել Հայաստանից, ինչպես Գերմանիան էր ընդունում հարևան երկրներից։

«Գիտեք, անցած շաբաթ փոքրիկ թյուրիմացություն տեղի ունեցավ։ Մենք եղբայրական ժողովուրդներ ենք, միշտ աջակցում ենք միմյանց և լավ հարաբերություններ ունենք Հայաստանի Հիվանդությունների վերահսկման և կանխարգելման կենտրոնի հետ»,-ասաց Գամկրելիձեն։

Նա ընդգծեց, որ երկու կենտրոնները հաճախ են տարբեր դեղամիջոցներ, պատվաստանյութեր փոխանակել, երբ ունեցել են դրա կարիքը։

Վրաստանի անկախության տոնին Հայաստանն անակնկալ է մատուցել հարևանին

«Եթե հայկական կենտրոնը մեզ դիմի օգնության խնդրանքով, ապա մենք մեր իրավասությունների շրջանակում ամեն ինչով պատրաստ ենք օգնել․նաև թեստավորման կամ այլ հարցերով»,-ասաց Գամկրելիձեն։

Պացիենտների բուժման հարցում էլ, եթե Հայաստանն այսօր դրա կարիքն ունենա, Գամկրելիձեի խոսքով, Վրաստանի կառավարությունն ու առողջապահության նախարարությունը ոչ միայն պատրաստ են օգնել, այլև կանեն ամեն հնարավոր բան։

«Այդ հարցը առաջին հերթին Հայաստանի Առողջապահության նախարարությունը պետք է բարձրացնի։ Վստահ եմ, որ Վրաստանը պատրաստակամությամբ կընդունի առաջարկը»,-ասաց Գամկրելիձեն։

Նա հիշեցրել է, որ 1988թ․-ի երկրաշարժից հետո վրացիներն առաջինն են եղել, որ հասել են օգնության։ «Մենք միշտ ձեր կողքին ենք»,-եզրափակել է նա։

Ավելի վաղ ՀՀ առողջապահության նախարար Արսեն Թորոսյանը Հանրային Խորհրդի նիստում խոստովանել էր, որ Վրաստանում ընդունված և դեռևս գործող սահմանափակումներն ավելի խիստ և արդյունավետ են եղել։ Սակայն միաժամանակ նա կասկած էր հայտնել վարակակիրների հաշվարկի մեթոդաբանության վերաբերյալ,` նշելով, որ Հայաստանում հակահամաճարակային համակարգն ավելի լավ է զարգացած, քան հարևաններինը։

Թորոսյանի խոսքերը մեծ իրարանցում էին առաջացրել Վրաստանում, բժշկական հանրությունը պահանջում էր ներողություն խնդրել։ Ավելի ուշ ՀՀ Առողջապահության նախարարությունը դիվանագիտական ճանապարհով պաշտոնական Թբիլիսիին փոխանցել էր, որ ափսոսում է արված հայտարարության համար։

Տևական ժամանակ Վերին Լարսում գտնվող քաղաքացիները տեղափոխվել են Հայաստան

Մայիսի 28-ի դրությամբ Հայաստանում կորոնավիրուսով վարակման դեպքերի թիվը հասնել է 8216-ի։ Մեկ օրվա ընթացքում վիրուսի բարդացումներից մահացել են 7 տղամարդ և 8 կին։ Մահացածներից ամենաերիտասարդը 43 տարեկան էր, ամենատարեցը՝ 92։ Այդպիսով, կորոնավիրուսից մահացածների թիվը Հայաստանում կազմում է 113 մարդ։

211
թեգերը:
թեստ, համավարակ, վարակ, կորոնավիրուս, Վրաստանի Հանրապետություն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բերդի կարի արտադրամասում կորոնավիրուսի օջախ է հայտնաբերվել. 80 հոգի թեստավորվել է
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
Կոլապսն անխուսափելի է. կորոնավիրուսն Ամերիկայի «մեջքը կոտրեց»