Манвел Григорян

Մանվել Գրիգորյանին տեղափոխեցին կալանավայր

341
Նախկին պատգամավորը ՔԿՀ է եկել իր սեփական ավտոմեքենայով` առանց իրավապահների ուղեկցության։

ԵՐԵՎԱՆ, 22 հունվարի – Sputnik. Գեներալ–լեյտենանտ Մանվել Գրիգորյանին տեղափոխեցին «Երևան Կենտրոն» քրեակատարողական հիմնարկ։

Գրիգորյանը կալանավայր էր ժամանել իր մասնավոր ավտոմեքենայով` թիկնապահի ու վարորդի ուղեկցությամբ։ Նրան ՔԿՀ-ի մուտքի մոտ դիմավորեցին ու ներս ուղեկցեցին իրավապահները։

Հիշեցնենք, որ այսօր ՀՀ վերաքննիչ քրեական դատարանը բավարարեց ՀՀ գլխավոր դատախազության բողոքը` մերժելով Մանվել Գրիգորյանի նկատմամբ կալանքը գրավով փոխարինելու միջնորդությունը։

Վերաքննիչ դատարանի դատավոր Արսեն Նիկողոսյանի նախագահությամբ կայացած դատական նիստում որոշվեց Մանվել Գրիգորյանի նկատմամբ խափանման միջոց թողնել կալանավորումը։

Գրիգորյանի պաշտպանները դատարանից հեռացան հետնամուտքով ու մինչև այս պահն անհասանելի են լրագրողների համար։

2018թ–ի հունիսի 17-ին ԱԱԾ–ն տեսանյութ էր հրապարակել` ներկայացնելով ԵԿՄ նախագահ Մանվել Գրիգորյանին պատկանող ՀՀ Արմավիրի մարզի Արշալույս գյուղի Լճափնյա փողոցում գտնվող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան կատարված խուզարկության արդյունքները:

Դատարանը նախաքննական մարմնի միջնորդությամբ նրա նկատմամբ խափանման միջոց էր ընտրել կալանքը։

Ավելի ուշ այն փոխարինվել էր 25 մլն դրամ գրավով։ Դատախազությունը բողոքարկել էր այս որոշումը Վերաքննիչ դատարանում` պահանջելով նրա նկատմամբ ուժի մեջ թողնել կալանավորման որոշումը։

341
թեգերը:
Մանվել Գրիգորյան, Հայաստան
թեմա:
Մանվել Գրիգորյանի շուրջ ծավալված իրադարձությունները (232)
Ըստ թեմայի
Մանվել Գրիգորյանը չի ցանկացել դատի տալ Հայաստանին. փաստաբան
Մանվել Գրիգորյանը կրկին կկալանավորվի
Թուրք–ադրբեջանական զորավարժություններ

Ի՞նչն է մտահոգիչ թուրք-ադրբեջանական զորավարժություններում. ՀՀ ՊՆ մեկնաբանությունը

20
(Թարմացված է 15:30 12.08.2020)
ՀՀ ՊՆ–ից Sputnik Արմենիային մեկնաբանել են թուրք–ադրբեջանական զորավարժությունների երկարացումը և նշել, որ ռազմադիվանագիտական առումով Թուրքիայի բարձրաստիճան ռազմաքաղաքական պատվիրակության ներկայությունը զորավարժությունները մտահոգիչ են դարձնում։

ԵՐԵՎԱՆ, 12 օգոստոսի — Sputnik. Թուրք-ադրբեջանական զորավարժությունների երկարացման մտահղացմամբ մտահոգված չենք։ Թուրք–ադրբեջանական համատեղ զորավարժության մասին Sputnik Արմենիայի հարցին այսպես պատասխանեց ՀՀ ՊՆ մամուլի խոսնակ Շուշան Ստեփանյանը։

«Հաշվի առնելով այն, որ ցանկացած միջազգային զորավարժություն, բացի  մարտական պատրաստության բաղադրիչից պարունակում է նաև ռազմադիվանագիտական, ռազմաքաղաքական ուղերձներ, ապա Թուրքիայի բարձրաստիճան ռազմաքաղաքական պատվիրակության ներկայության մասին լուրը թուրք-ադրբեջանական զորավարժությունները մտահոգիչ են դարձնում վերոնշյալ ուղերձների աննախադեպության տեսանկյունից»,–ասաց Ստեփանյանը։

Նշենք, որ այսօր հայտնի դարձավ, որ հուլիսի 29-ին մեկնարկած և մինչև օգոստոսի 10-ը տևող թուրք–ադրբեջանական զորավարժությունները երկարաձգվել են։

Ադրբեջանական ԶԼՄ–ները հայտնել են, որ օգոստոսի 12-ին Ադրբեջան են ժամանել Թուրքիայի Հանրապետության Ազգային պաշտպանության նախարար Հուլուսի Աքարը, գլխավոր շտաբի պետ, բանակի գեներալ Յաշար Գյուլերը, զորքերի հրամանատարները և այլ բարձրաստիճան սպաներ:

Շրջանառության մեջ դրված հայտագիրը Հայաստանի պատասխանն է զորավարժություններին. ԱԳ նախարար

Ադրբեջանի և Թուրքիայի ցամաքային զորքերի ու ռազմաօդային ուժերի մարտական հրաձգության համատեղ մարտավարական և թռիչքային-մարտավարական զորավարժությունների շրջանակում թուրքական ռազմական պատվիրակությունը ընդլայնված կազմով կհետևի զորավարժությունների առաջին փուլի եզրափակիչ դրվագին:

20
թեգերը:
Շուշան Ստեփանյան, Զորավարժություններ, Ադրբեջան, Թուրքիա, Թուրք, ՀՀ Պաշտպանության նախարարություն (ՊՆ)
Онлайн-брифинг с участием премьер-министра Никола Пашиняна, вице-премьера Тиграна Авиняна и начальника полиции Армана Саркисяна (3 июня 2020). Еревaн

Հայաստանի ցամաքային սահմանը կշարունակի փակ մնալ. Իրանի ու Վրաստանի հետ թեման չի քննարկվում

7
(Թարմացված է 15:21 12.08.2020)
ՀՀ Պարետ Տիգրան Ավինյանն ԱԺ–ում մեկնաբանել է, թե ինչու օդային սահմանների նկատմամբ կիրառվող մեղմացումները ցամաքային սահմանի վրա չեն տարածվի։ 

ԵՐԵՎԱՆ, 12 օգոստոսի - Sputnik. Հայաստանի օդային սահմանների նկատմամբ ՀՀ կառավարության այսօր ընդունած որոշմամբ կիրառվող մեղմացումները Հայաստանի ցամաքային սահմաններին չեն վերաբերի։ Այս մասին այսօր արտակարգ դրության երկարաձգման հարցով գումարված Աժ հատուկ նիստում հայտարարեց ՀՀ փոխվարչապետ, պարետ Տիգրան Ավինյանը։

«Սահմանների բացումը դա միայն ՀՀ կառավարության որոշման հարց չէ, այլև մեր գործընկերների,– ասաց պարետը։

Ավինյանը հայտնեց, որ այս պահի դրությամբ օդային սահմանի վերաբացման հարցով ՀՀ կառավարությունը  քննարկումներ է անցկացնում ՌԴ–ի գործընկերների հետ` ուղևորահոսքերն ապահովելու նպատակով։

Մինչդեռ, Իրանի ու Վրաստանի հետ ցամաքային սահմանների վերաբացման թեման ներկա պահին չի քննարկվում։

«Իրանի ու Վրաստանի հետ սահմաններին դեռևս պահպանվում են նույն ռեժիմն ու նույն սահմանափակումները»,– նշեց փոխվարչապետը։

Նշենք, որ այսօր կառավարության նիստում, ներկայացնելով որոշմամբ նախատեսված մեղմացումները, ՀՀ արդարադատության նախարար Ռուստամ Բադասյանը նաև հայտնել էր, որ նախատեսվում է վերացնել օտարերկրյա քաղաքացիների մուտքի արգելքը։

Վերացվում է նաև ՀՀ տարածքում հանրահավաքների ու զանգվածային միջոցառումների արգելքը, որը փոխարինվում է թույլտվությամբ ու որոշակի կանոնների պահպանման կարգով, այն է` դիմակների պարտադիր դնումն ու սոցիալական հեռավորության պահպանումը։

Արտակարգ դրության պայմաններում տնտեսվարողները սկսել են ՀԴՄ կտրոններ չտրամադրել

Ընտանեկան միջոցառումների արգելքը ևս հանվում է, բայց մասնակիցների առավելագույն թիվ է սահմանվում մինչև 40 անձ։

Վերացվում է նաև մաքսային սահմանով ապրանքների փոխադրման սահմանափակումը։ Իսկ վարակակիրների հայտնաբերման համար էլեկտրոնային հսկողության կարգում հստակեցվել է վարակակիրների ու ինքնամեկուսացածների հայտնաբերման մեխանիզմը` 14-օրյա ժամկետի կտրվածքով։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը, իսկ այսօրվա արտահերթ նիստում որոշեց երկարաձգել մինչև սեպտեմբերի 11–ը։

7
թեգերը:
կորոնավիրուս, Վրաստանի Հանրապետություն, Իրանի Իսլամական Հանրապետություն, չվերթ, Արտակարգ դրություն, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն
Կես տարվա արտակարգ կյանք Հայաստանում. դրությունը պահպանվում է, փոխվում են կանոնները
Արտակարգ դրությունը ո՞ր գործարարների գրպանին է ավելի շատ հարվածել, և որոնք սոված չեն նստել
Ինչ խնդիր է լուծում ՀՀ իշխանությունը` արտակարգ դրությունը երկարաձգելով