Ռոբերտ Քոչարյանի պաշտպանական խումբ

Ռոբերտ Քոչարյանի պաշտպանական խումբը դատավորի ինքնաբացարկի միջնորդություն է ներկայացրել

183
Պատճառը պաշտպաններից մեկի ու դատավորի ընտանիքի միջև եղած ընկերական, բարեկամական հարաբերություններն են։

ԵՐԵՎԱՆ, 14 հունվարի — Sputnik. ՀՀ 2–րդ նախագահ Ռոբերտ Քոչարյանի կալանքը գրավով փոխարինելու և նրա կալանքը ևս 2 ամսով երկարաձգելու գործով դատական նիստը ընդմիջվեց։

Ինչպես լրագրողների հետ զրույցում ասաց Ռոբերտ Քոչարյանի փաստաբան Արամ Օրբելյանը, պաշտպանական խումբը նրա խափանման միջոցի փոփոխությունը քննող դատավոր Արթուր Մկրտչյանին ինքնաբացարկի միջնորդություն է ներկայացրել։Նրա խոսքով`պատճառն իր ու դատավորի ընտանիքի միջև եղած ընկերական, բարեկամական հարաբերություններն են։

«Նախագահող դատավորի որդու հետ ես բավականին երկար ընկերական շփում եմ ունեցել, համատեղ տարբեր միջոցառումների ենք մասնակցել, համադասարանցիներ ենք եղել, միասին դաշնամուրի ենք գնացել։ Բացի դրանից, նախագահող դատավորը շատ ջերմ հարաբերություններ ունի իմ կնոջ քեռու հետ։ Նախագահող դատավորի խնամիները մեր ընտանիքի հարազատներն են։ Կապանը փոքր քաղաք է, ու նման հարաբերությունների դեպքում կա անաչառության որոշակի արտաքին էլեմենտ», - ասաց Արամ Օրբելյանը։

Պաշտպանը ընդգծեց, որ եթե գրավը կիրառվեր ու կալանքը չերկարացվեր, քննարկման առիթ էր դառնալու։ Իսկ քննչական ծառայությունը ևս մեկ անգամ կասեր, որ դա ապօրինի որոշում էր, դրա համար ներկայացվել են այդ փաստերն ու դատարանին խնդրել ենք հայտնել ինքնաբացարկ»։

Ըստ փաստաբանի՝ նախորդ դատավորի՝ Նելլի Բաղդասարյանի ինքնաբացարկի միջնորդությունը շատ ավելի հեռու կապերի շրջանակներում էր, քան Արթուր Մկրտչյանի դեպքում էր։

Դատարանը հեռացել է խորհրդակցական սենյակ։

Հիշեցնենք, որ Ռոբերտ Քոչարյանը դատական նիստին չի մասնակցում։

«Քոչարյանը չի մասնակցում նիստին մի շարք պատճառներով։ Հիմքեր կան մի շարք ինքնաբացարկների համար, այդ թվում դատավորի. դրանք պետք է քննարկվեն։ Մեծ է հավանականությունը, որ միջնորդություններին գործը չի հասնի», – ասաց Օրբելյանը։

Նրա խոսքով` ֆորմալ առումով երկու միջնորդությունները երկու տարբեր հարցեր են, որոնք պետք է առանձին ուսումնասիրել ։

ՀՀ նախկին նախագահ Ռոբերտ Քոչարյանի նկատմամբ խափանման միջոցը փոխելու մասին գործի ուսումնասիրությունը Նելլի Բաղդասարյանի ինքնաբացարկից հետո հանձնարարվել է դատավոր Դավիթ Գրիգորյանին, սակայն նա նույնպես ինքնաբացարկ է ներկայացրել։ Այժմ գործն ուսումնասիրվում է Արթուր Մկրտչյանի նախագահությամբ։

Միևնույն ժամանակ ՀՔԾ–ն միջնորդություն է ներկայացրել ՀՀ երկրորդ նախագահ Ռոբերտ Քոչարյանին կալանքը ևս երկու ամսով երկարաձգելու մասին։

Հիշեցնենք` Քոչարյանին մեղադրանք է առաջադրվել ՀՀ քրեական օրենսգրքի 301.1 հոդվածով` Սահմանադրական կարգը տապալելը, որն ընդունվել է 2009թ.–ին։ Իսկ մինչ այդ քրեական օրենսգրքում առկա 300 հոդվածը` պետական իշխանությունը յուրացնելը, որը ՀՔԾ–ի մեկնաբանությամբ նույնանում է այսօր գործող 300.1 հոդվածի հետ, Քոչարյանի փաստաբանների համոզմամբ, այլևս իրավական ուժ չունի։

Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։

183
թեգերը:
«Մարտի 1–ի» գործով դատավարություն, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (441)
Ըստ թեմայի
Օրբելյան.«Ինքնաբացարկով փորձ է արվում խուսափել արդարադատությունից»
Ռոբերտ Քոչարյանի հետ որևէ շփում չի եղել և չի լինելու. Արմեն Գևորգյանի պաշտպան
Դատարանն այսօր կորոշի` կազատվի Քոչարյանը կալանքից, թե կմնա ևս երկու ամիս
Ինքնաթիռ

Դուբայ–Երևան չարտերային թռիչք է նախատեսված. երբ կկայանա այն

13
(Թարմացված է 13:23 04.07.2020)
Առաջիկա օրերին նախատեսված Դուբայ–Երևան չարտերային թռիչքը կիրականացվի «Արմենիա» ավիաընկերության կողմից։

ԵՐԵՎԱՆ, 4 Հուլիս — Sputnik. Արաբական Միացյալ Էմիրություններում Հայաստանի դեսպանությունը տեղեկացնում է, որ առաջիկայում կկայանա Դուբայ-Երևան չարտերային թռիչքը։

«Հուլիսի 15-ին նախատեսվում է Դուբայ–Երևան չարտերային թռիչքը, որն իրականացվելու է «Արմենիա» ավիաընկերության կողմից։ Տոմսերի ձեռքբերման և այլ մանրամասների վերաբերյալ մոտակա երկու օրերի ընթացքում կտեղեկացվի լրացուցիչ»,–նշված է դեսպանության Facebook սոցիալական ցանցի էջում։

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Պարետի որոշմամբ՝ Հայաստան վերադարձող քաղաքացիներն այլևս չեն մեկուսացվում հյուրանոցներում. նրանց ինքնամեկուսացման պահանջ է ներկայացվում։

Տոմսերը վաճառքում կլինեն.ՀՀ քաղաքացիները կարող են հայրենիք վերադառնալ Մոսկվա-Երևան չվերթով

13
թեգերը:
չվերթ, թռիչք, Երևան, Դուբայ
Արայիկ Հարությունյան

«Բավականին լավ է կազմակերպված». նախարարը ներկայացրել է քննության ընթացքը. տեսանյութ

14
(Թարմացված է 13:05 04.07.2020)
Արայիկ Հարությունյանն Արտաշատի դպրոցներից մեկն է այցելել, որտեղ ընթանում են միասնական քննություններ։ Նախարարը, ծանոթանալով կազմակերպման ընթացին, ասաց, որ պրոցեսին մի փոքր խանգարում են ծնողները։

ԵՐԵՎԱՆ, 4 հուլիսի — Sputnik. ՀՀ կրթության, գիտության, մշակույթի և սպորտի նախարար Արայիկ Հարությունյանը Արարատի մարզպետ Գարիկ Սարգսյանի հետ այսօր այցելել է Արտաշատի թիվ 1 հիմնական դպրոց, որտեղ անցկացվում են միասնական քննություններ:

«Բավականին լավ է կազմակերպված ամեն ինչ»,-Facebook–ի իր էջում ասաց Հարությունյանը` ուղիղ եթերով ներկայացնելով քննության կազմակերպման գործընթացը:

Այսօր դիմորդները քննություն են հանձնում «Աշխարհագրություն» (286 դիմորդ), «Հայոց պատմություն» (1598) և «Քիմիա» (349) առարկաներից:

Նախարարը ցուցադրեց, որ քննասրահ մտնելուց առաջ դիմորդները պահում են սոցհեռավորությունը, այնուհետև ներսում ջերմաչափում են նրանց, ախտահանում ձեռքերը։ Հարությունյանին նույնպես դպրոց մտնելիս ջերմաչափեցին։

Այնուհետև նախարարը մարզպետի հետ շրջեց քննասենյակներով ու համոզվեց` այնտեղ նույնպես անհրաժեշտ սոցիալական հեռավորությունը պահպանված է։

«Այս պրոցեսին մի փոքր խանգարում են ծնողները, որոնք կուտակվում են դրսում` դարպասների մոտ, բայց այս պահին կարծես ամեն ինչ նորմալ է»,–ասաց նա` հավելելով, որ հաջորդ` հուլիսի 6-ին կայանալիք մաթեմատիկայի քննությանը կայցելի Կապանի դպրոցներից մեկը։

Նշենք, որ Գնահատման և թեստավորման կենտրոնի մամուլի խոսնակ Խաչանուշ Գրիգորյանը հայտնում է, որ միասնական քննությունների համար ձևավորված 47 քննական կենտրոնից այսօր գործելու է 23-ը, որից 8-ը՝ մայրաքաղաքում:

Միասնական քննությունները մեկնարկում են. պարսկերենից քննություն հանձնող չի լինի

Հիշեցնենք, որ միասնական քննությունները կավարտվեն հուլիսի 8-ին։ Այս տարի կորոնավիրուսով պայմանավորված իրավիճակով դիմորդները մեկ քննությամբ բուհ կընդունվեն, իսկ քննությունները կկազմակերպվեն մեկ փուլով։

14
թեգերը:
Գարիկ Սարգսյան, Արարատի մարզ, Քննություն, դպրոց, Նախարար, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Ըստ թեմայի
ԿԳՄՍՆ–ն փոխում է դպրոցական բարքերը. գնահատականով չեն պատժի, նույն դասարանում չեն թողնի
Լավագույն տարբերակը կլինի, եթե դպրոցները բացվեն. նախարարը դիմել է ուսուցիչների օգնությանը
Պարտադիր առարկաները կնվազեն, աշակերտներին չեն համեմատի իրար հետ. նոր փոփոխություններ
Ճապոնիայի ոստիակնություն

Սարսափելի դեպք Ճապոնիայում․ ծերանոցում 14 մարդու դի են հայտնաբերել

0
Տեղատարափ անձրևների հետևանքով Ճապոնիայի հարավ-արևմուտքում՝ Կումամոտո պրեֆեկտուրայում, 145 հազար մարդու տարհանում է հայտարարվել։

ԵՐԵՎԱՆ, 4 հուլիսի – Sputnik. Ճապոնիայի ծերանոցներից մեկում 14 մարդու դի է հայտնաբերվել երկրում սկսված տեղատարափներից և ջրհեղեղներից հետո, փոխանցում է ՌԻԱ Նովոստին։

Տարեցների մահվան պատճառները և այլ հանգամանքներ առայժմ հայտնի չեն։

Ավելի վաղ հայտնի էր դարձել, որ տեղատարափ անձրևների հետևանքով Ճապոնիայի հարավ-արևմուտքում՝ Կումամոտո պրեֆեկտուրայում, 145 հազար մարդու տարհանում է հայտարարվել։ Կագոսիմա և Կումամոտո պրեֆեկտուրաների մի շարք վայրերում անձրևների պատճառով հայտարարվել է վտանգի 5-րդ՝ ամենաբարձր մակարդակ։ Տեղի բնակչության համար այդ մակարդակը նշանակում «փրկեք ձեր կյանքը»։

Օդերևութաբանական ծառայությունը բնակչությանը նախազգուշացրել է, որ տեղատարափները կարող են այնպիսի ուժգնության լինել, որպիսին երբևէ չեն եղել։ Կումամոտո պրեֆեկտուրայում 80 հազար բնակիչ անհապաղ տարհանման հրահանգ է ստացել, ևս 65 հազարին խորհուրդ են տվել տարհանվել։

0
թեգերը:
ջրհեղեղ, Դիակ, ծերանոց, ծեր, ճապոնացի, Ճապոնիա