Գեներալների «վեճ» Հայաստանում. ի՞նչ է կատարվում ՊՆ–ի հետազոտական համալսարանում
ԵՐԵՎԱՆ, 14 հունվարի –Sputnik, Դավիթ Սարգսյան. Հունվարի սկզբին վեճ էր ծագել ՀՀ ՊՆ պաշտպանական ազգային հետազոտական համալսարանի շուրջ, նախկին և նոր ղեկավարությունը փոխադարձ մեղադրանքներ է հնչեցրել։
ՀՀ ՊՆ պաշտպանական ազգային հետազոտական համալսարանի նախկին ղեկավար, գեներալ–լեյտենանտ Հայկ Քոթանջյանը հայտարարություն էր տարածել այն մասին, որ համալսարանը դադարեցնում է ռազմավարական հետազոտությունները «ելնելով Հայաստանի, Արցախի և ողջ հայության ազգային անվտանգության շահերից»։ Այս ֆոնին, նրա խոսքով, երիտասարդ և հայտնի պրոֆեսիոնալ գիտնականները լքում են համալսարանը։
Կառույցի նոր ղեկավարությունը «տակ» չմնաց։ Գործող ղեկավար գեներալ–մայոր Գենադի Տավարացյանը բավական խիստ արձագանքեց` տարակուսանք հայտնելով Քոթանջյանի հայտարարության վերաբերյալ։ Նա ընդգծեց, որ համալսարանը հիմա չի զբաղվում «հեռանկար չունեցող կամ կիրառության առումով մշուշոտ, ինչպես նաև պաշտպանության համակարգում որոշումների ընդունման վրա չազդող, իսկ երբեմն էլ նեղ խմբային շահեր հետապնդող նախագծերով և հետազոտություններով»։
Տավարացյանը նշել է, որ համալսարանը սկսել է զբաղվել կարևորագույն օպերատիվ և ռազմավարական կրթական ծրագրերի իրականացմամբ։ Իսկ համալսարանից հեռացող աշխատակիցները համատեղությամբ աշխատում էին։
Sputnik Արմենիայի հետ զրույցում ռազմական փորձագետ Դավիթ Հարությունովը նշեց, որ տեղի ունեցող դեպքերը առանձին երևույթ չեն, այլ ավելի գլոբալ գործընթացի մաս։ Նրա կարծիքով` նախկին իշխանությունների օրոք ստեղծվել էր գիտահետազոտական կենտրոնների ցանց, կենտրոններ, որոնք նաև գիտական աշխատանք էին կատարում, սակայն նրանց գործունեության մեջ որոշակի քաղաքական տարր կար։
«Նոր իշխանությունն իր գիտական և ինտելեկտուալ վերնախավն ունի։ Նրանք, կարծում եմ, ձգտելու են ինտեգրել իրենց այս համակարգում։ Ըստ էության, մենք մի իրավիճակում ենք, որի պարագայում փակվում են նախկին կենտրոնները (այդ թվում «Նորավանքը»)», – ասաց Հարությունովը։
Նրա խոսքով` չի բացառվում, որ այլընտրանքային կենտրոններ կստեղծվեն, սակայն արդեն գիտական և փորձագիտական հանրության բացարձակ այլ սեգմենտի համար։
Բացի այդ, Հարությունովի խոսքով, սա տնտեսման քաղաքականության մի մասն է, որը կառավարությունն իրականացնում է վերջին շրջանում (այդ թվում` նախարարությունների թվի կրճատումով)։
«Ինչ վերաբերում է նմանօրինակ կենտրոնների, նույն ՊՆ պաշտպանական ազգային հետազոտական համալսարանի աշխատանքի իրական արդյունավետությանը, ապա դրանք միշտ էլ ոչ հանրային են եղել», – ասաց Հարությունովը։
Ինչ–որ աշխատանք, ըստ նրա, արվում էր, փաստաթղթեր հայտնվում էին, սակայն չի կարելի ասել, որ նրանց աշխատանքի արդյունավետությունն արձանագրվում էր հանրային մակարդակում։
©
Sputnik / Asatur Yesayants
Պաշտպանության նախարարությանն առընթեր վերլուծական բևեռի ձևավորման գաղափարն ինքնին, իհարկե, ճիշտ է։ Նորը չստեղծելով` հները փակելը սխալ է, թեև դեռ պարզ չէ, թե ինչ է լինելու ապագայում։
«Միևնույն ժամանակ, այն, ինչ եղել է մինչ օրս, որոշակի հարցեր էր ծնում», – ընդգծեց Հարությունովը։
Ինչպես պնդում է ՀՀ ՊՆ կայքը, Հայաստանում պաշտպանական ազգային հետազոտական համալսարան ստեղծելու նախագիծը մշակվել և փորձարկվել էր 2003-2004 թվականներին քաղաքական գիտությունների դոկտոր, գնդապետ Հայկ Քոթանջյանի կողմից` ԱՄՆ–ի պաշտպանության ազգային համալսարանում ակադեմիական ստաժավորում անցնելու ժամանակ։
Համալսարանի նպատակը հետազոտական և կրթական գործունեության միջոցով Հայաստանի անվտանգության և պաշտպանության համակարգերի արդյունավետության բարձրացումն է։ Համալսարանի առաջ դրված խնդիրների թվում են տարածաշրջանային անվտանգության դինամիկայի, կիբեռանվտանգության, տեղեկատվա–հաղորդակցական տեխնոլոգիաների ոլորտում արվող ուսումնասիրությունները, ինչպես նաև թվայնացված կիբերռեսուրսների կառավարումը։ Այս ուսումնասիրությունների հիման վրա Հայաստանի ռազմաքաղաքական ղեկավարությանն են ներկայացվում համապատասխան վերլուծական նամակներ և առաջարկներ, ինչը նպաստում է ռազմավարական տեսանկյունից գիտական հիմնավորում ունեցող որոշումների ընդունմանը, ինչպես նաև երկրի ռազմաքաղաքական ղեկավարության քաղաքական-անվտանգության գիտելիքների ընդլայնմանը։
ՀՀ նախագահը մի շարք զինծառայողների հետմահու պարգևատրելու հրամանագիր է ստորագրել
(Թարմացված է 23:35 04.03.2021)
Նրանք հետմահու պարգևատրվել են մարտական գործողությունների ընթացքում ցուցաբերած խիզախության և անմնացորդ նվիրումի համար։ ՀՀ նախագահը հրամանագիրը ստորագրել է` հիմք ընդունելով Նիկոլ Փաշինյանի միջնորդությունը։ԵՐԵՎԱՆ, 4 մարտի - Sputnik. ՀՀ նախագահ Արմեն Սարգսյանը, հիմք ընդունելով ՀՀ վարչապետ Նիկոլ Փաշինյանի միջնորդությունը, մի շարք զինծառայողների հետմահու պարգևատրելու հրամանագիր է ստորագրել։
Աղջկա հետ առևտուր եմ անում, բոլորը զարմացած նայում են. Արտյոմի կյանքն ամպուտացիայից հետո
Հայրենիքի պաշտպանության գործում ներդրած ավանդի, մարտական գործողությունների ընթացքում ցուցաբերած խիզախության և անմնացորդ նվիրումի համար Հայաստանի Հանրապետության պաշտպանության նախարարության ներքոհիշյալ զինծառայողները հետմահու պարգևատրվել են.
Քիմիական զենքն Արցախում․ ինչի՞ մասին են վկայում հայ զինվորների այրվածքները
«Մարտական խաչ» 1-ին աստիճանի շքանշանով՝
Նարեկ սարկավագ Պետրոսյան` Հայաստանի Հանրապետության զինված ուժերի հոգևոր առաջնորդության առաջնորդի օգնական։
«Դոբրին». զոհված Վարուժան Մատոսյանն ուզում էր 100 տարի ապրել և Արարատը բարձրանալ
Արիության մեդալով՝
Խաչիկ Լևոնի Ավետիսյան` թիվ N զորամասի գումարտակի հրամանատարի տեղակալ, մայոր,
Սևակ Վարդանի Օհանյան` թիվ N զորամասի վաշտի հրամանատար, կապիտան,
Մնացական Գեղամի Խաչատրյան` թիվ 70179 զորամասի դասակի հրամանատար, ավագ լեյտենանտ,
Գևորգ Եղիշեի Մանուկյան` թիվ 60925 զորամասի ժամկետային պարտադիր զինծառայող, շարքային,
Գնել Աբելի Պետրոսյան` թիվ N զորամասի ժամկետային պարտադիր զինծառայող, շարքային։
«Չեմ կարող վախկոտի պես ապրել». Վահեն իր վերջին վիրավորին կուրանալուց փրկեց, ինքը զոհվեց
Մարտական ծառայության մեդալով՝
Ռուդոլֆ Յուրիկի Դոխոյան` թիվ N զորամասի բաժանմունքի պետ, փոխգնդապետ,
Կարեն Հրահատի Հակոբյան` թիվ N զորամասի դիվիզիոնի հրամանատար, փոխգնդապետ,
Ռաֆայել Հովհաննեսի Վասիլյան` թիվ N զորամասի զորատեսակի պետ, մայոր,
Խորեն Հրանտի Ալեքսանյան` թիվ N զորամասի գումարտակի հրամանատարի տեղակալ, մայոր,
Ռուբեն Աշոտի Պրազյան` թիվ N զորամասի վաշտի հրամանատար, կապիտան,
Արարատ Կապլոյի Ծատուրյան` թիվ N զորամասի ջոկի սանհրահանգիչ, ենթասպա,
Արամիկ Կամոյի Դանիելյան` թիվ N զորամասի ջոկի հրամանատար, ենթասպա,
Արթուր Արայիկի Առաքելյան` թիվ N զորամասի բուժակ, ենթասպա,
Նարեկ Յուրիկի Ելուղյան` թիվ N զորամասի պայմանագրային զինծառայող, սերժանտ,
Տիգրան Արթուրի Խաչատրյան` թիվ N զորամասի պայմանագրային զինծառայող, սերժանտ,
Հարություն Կառլենի Հարությունյան` թիվ N զորամասի պայմանագրային զինծառայող, կրտսեր սերժանտ,
Մելիք Ռոբերտի Աթոյան` թիվ N զորամասի պայմանագրային զինծառայող, կրտսեր սերժանտ,
Վահագն Վանիկի Աֆրիկյան` թիվ N զորամասի պայմանագրային զինծառայող, կրտսեր սերժանտ,
Արա Յուրիկի Ափյան` թիվ N զորամասի պայմանագրային զինծառայող, շարքային,
Իգոր Համլետի Մանուկյան` թիվ N զորամասի պայմանագրային զինծառայող, շարքային,
Դավիթ Աշոտի Գևորգյան` թիվ N զորամասի պայմանագրային զինծառայող, շարքային,
Գարիկ Վաչագանի Բեգլարյան` թիվ N զորամասի պայմանագրային զինծառայող, շարքային,
Վահե Վաչիկի Գասպարյան` թիվ N զորամասի պայմանագրային զինծառայող, շարքային,
Ավագ Գևորգի Ռևազյան` թիվ N զորամասի պայմանագրային զինծառայող, շարքային,
Լևոն Գագիկի Եղիազարյան` թիվ N զորամասի պայմանագրային զինծառայող, շարքային,
Տիգրան Վահանի Զաքարյան` թիվ N զորամասի պայմանագրային զինծառայող, շարքային,
Սերգեյ Պավելի Բալբաբյան` թիվ N զորամասի պայմանագրային զինծառայող, շարքային,
Գոռ Արտուշի Իսախանյան` թիվ 95532 զորամասի պայմանագրային զինծառայող, շարքային,
Հայկ Մկրտչի Մկրտչյան` թիվ N զորամասի ժամկետային պարտադիր զինծառայող, շարքային,
Գոռ Վարդանի Երմալովյան` թիվ N զորամասի ժամկետային պարտադիր զինծառայող, շարքային,
Իսրայել Գագիկի Ակինյան` թիվ N զորամասի ժամկետային պարտադիր զինծառայող, շարքային,
Ավետիս Հակոբի Վարդանյան` թիվ N զորամասի ժամկետային պարտադիր զինծառայող, շարքային,
Վաղարշակ Հրաչիկի Բաղդասարյան` թիվ N զորամասի ժամկետային պարտադիր զինծառայող, շարքային,
Մորիս Գագիկի Խումարյան` թիվ N զորամասի ժամկետային պարտադիր զինծառայող, շարքային,
Գրիգոր Արայիկի Հովսեփյան` թիվ N զորամասի ժամկետային պարտադիր զինծառայող, շարքային,
Հարություն Ալիկի Պապեյան` թիվ N զորամասի ժամկետային պարտադիր զինծառայող, շարքային,
Արման Արշակի Մանուչարյան` թիվ N զորամասի ժամկետային պարտադիր զինծառայող, շարքային,
Գառնիկ Մանուկի Խաչատրյան` թիվ N զորամասի ժամկետային պարտադիր զինծառայող, շարքային,
Գարիկ Վալենտինի Մարգարյան` թիվ N զորամասի ժամկետային պարտադիր զինծառայող, շարքային,
Ռոբերտ Արտաշեսի Անանյան` թիվ N զորամասի ժամկետային պարտադիր զինծառայող, շարքային,
Հովհաննես Սմբատի Հովհաննիսյան` թիվ N զորամասի ժամկետային պարտադիր զինծառայող, շարքային,
Գևորգ Մնացականի Մնացականյան` թիվ N զորամասի ժամկետային պարտադիր զինծառայող, շարքային,
Արտյոմ Սարգսի Քոլանջյան` թիվ N զորամասի զինծառայող, ավագ սերժանտ,
Ռուբեն Ռաֆայելի Կիրակոսյան` թիվ N զորամասի զինծառայող, շարքային,
Համլետ Վլադիկի Աբրահամյան` թիվ N զորամասի զինծառայող, շարքային:
Հիշեցնենք` արդախյան վերջին պատերազմի զոհերի վերջնական թիվը մինչև այսօր հայտնի չէ։ Փետրվարի 18-ին ՀՀ գլխավոր դատախազությունը հայտնել էր, որ նույնականացվել է 3389 զինծառայողի մարմին։
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։