Մանվել Գրիգորյան

Որտե՞ղ է հիմա Մանվել Գրիգորյանը. փաստաբանի պարզաբանումը

267
ԶԼՄ-ները գրել են, որ Մանվել Գրիգորյանը մեկնել է Արցախ։ Փաստաբանը հերքում է այդ լուրը։

ԵՐԵՎԱՆ, 12 հունվարի — Sputnik. Գեներալ Մանվել Գրիգորյանը չի մեկնել Արցախ։ Sputnik Արմենիային այս մասին ասաց նրա փաստաբան Արսեն Մկրտչյանը։

Ավելի վաղ «Ժամանակ» թերթը, հղում անելով իր աղբյուրներին, գրել էր, որ Գրիգորյանը մեկնել է Արցախ։ Թերթի տեղեկություններով՝ Գրիգորյանն իբր գնացել է Հադրութ, որտեղ առանձնատուն ունի։

Փաստաբանը, որը զրույցի պահին Երևանում էր, հայտնեց, որ երեկ 24։00-ի սահմանում հանդիպել է պաշտպանյալի հետ, բացի այդ, ծրագրում է հանդիպել քիչ հետո։

«Ինքներդ դատեք՝ նա հիմա Արցախում է, թե ոչ», - ասաց Մկրտչյանը։

Հիշեցնենք, որ Երևանի ընդհանուր իրավասության դատարանը դեկտեմբերի 21-ին գեներալ-լեյտենանտ Մանվել Գրիգորյանին 25 մլն դրամ գրավի դիմաց կալանքից ազատ արձակելու որոշում էր կայացրել։

Դրանից անմիջապես հետո Էջմիածնում բողոքի ակցիաներ էին սկսվել։ Ինքնադատաստանի հնարավոր փորձերը կանխելու նպատակով, Գրիգորյանին տեղափոխել են Արմավիրի մարզի Ակնալիճ գյուղ, որտեղ նա առանձնատուն ունի։ Ոստիկանությունն այնտեղ շուրջօրյա վերահսկողություն է իրականացնում։

ՀՀ Գլխավոր դատախազությունը դեկտեմբերի 24-ին վերաքննիչ բողոք էր ներկայացրել` Մանվել Գրիգորյանի նկատմամբ կիրառված գրավը դարձյալ կալանքով փոխելու միջնորդությամբ։

267
թեմա:
Մանվել Գրիգորյանի շուրջ ծավալված իրադարձությունները (149)
Ըստ թեմայի
Դատախազությունը փորձում է Մանվել Գրիգորյանին վերադարձնել կալանավայր
Մկրտչյան. «Երբ ինձ ասոցացնում են Մանվել Գրիգորյանի հետ, ես ասում եմ, որ հպարտ եմ դրանով»
Ցուցարարները չէին թողնում Մանվել Գրիգորյանի փաստաբանին հեռանալ. տեսանյութեր
Մանվել Գրիգորյանի փաստաբանի մեքենան վնասելու դեպքով նյութեր են նախապատրաստվում