Լրագրողներ

Կարագանդայի ողբերգությունը. ո՞րն էր հայկական ԶԼՄ–ների ու սոցցանցերի սխալը

79
Կարագանդայի սպանությունն ազգամիջյան խնդրի չվերածվեց երկու երկրի իրավապահ մարմինների ու դիվանագիտական գերատեսչությունների ճիշտ գործողությունների շնորհիվ։

ԵՐԵՎԱՆ, 11 հունվարի — Sputnik. Կարագանդայում տեղի ունեցած ողբերգական դեպքը, որին մասնակցել էին նաև տեղացի հայերը, գրագիտության ու ադեկվատության լուրջ քննություն էր հայկական ԶԼՄ–ների ու սոցցանցերի համար, բայց նրանք ընդհանուր առմամբ տապալեցին քննությունը։ Այսօր հրավիրված ասուլիսի ժամանակ այս մասին ասաց քաղաքագետ, Կովկասի ինստիտուտի տնօրեն Ալեքսանդր Իսկանդարյանը։

Դեկտեմբերի 31-ի, լույս հունվարի 1-ի գիշերը Ղազախստանի Կարագանդա քաղաքի «Հին Հռոմ» ռեստորանում վիճաբանություն էր տեղի ունեցել, որն ավարտվել էր դանակահարությամբ։ 23-ամյա մի երիտասարդ մահացել էր, ևս երեքը` վնասվածքներ ստացել։ Դրանից հետո ոմանք սկսեցին սոցցանցերում գրել, թե վիճաբանությունն ազգամիջյան հողի վրա է եղել։ Տեղեկություններ տարածվեցին, որ հայ ընտանիքները լքում են իրենց տները, վախենում են բացել իրենց խանութներն ու ռեստորանները, բայց երկու կողմն էլ հերքեցին այդ տեղեկությունները։

Իսկանդարյանի խոսքով` Ղազախստանը բազմազգ պետություն է, ու ռեստորանի մոտ տեղի ունեցած կռվին մասնակցել են տարբեր ազգերի ներկայացուցիչներ` ղազախներ, հայեր, ադրբեջանցիներ։ Ու եթե Ղազախստանի իշխանությունն ու հասարակությունն ընդհանուր առմամբ բավականին ադեկվատ արձագանքեցին ողբերգությանը, ապա նույնը չի կարելի ասել հայկական լրատվամիջոցների ու սոցցանցերի մասին։

Իրադարձությունները բավականին գրագետ ու օբյեկտիվ ներկայացնող ղազախական ԶԼՄ–ներից տեղեկություն ստանալու փոխարեն Հայաստանում որպես հիմնական աղբյուր էին օգտագործում «ԲԱՍԵ» Youtube–ի ալիքը, որը ստեղծել են Սադիկով ամուսինները։ Վերջիններս արդեն մի քանի տարի է` Ուկրաինայում են ապրում ու Ղազախստանի իշխանության ընդդիմադիրներից են։ Հայրենիքում նրանց դեմ նույնիսկ քրեական գործ է հարուցված։

«Ինձանից ընդամենը մեկ ժամ պահանջվեց, որ հասկանամ` ինչ է իրենից ներկայացնում Youtube–ի «ԲԱՍԵ» ալիքը։ Այդ ալիքը զուտ իր ներքաղաքական խնդիրներն է լուծում. ցանկացած միջադեպ օգտագործվում է Նազարբաևին, ուժային կառույցներին քննադատելու համար։ Ցավոք, մեզ մոտ Հայաստանում չխորացան այդ մանրուքների մեջ, ու հետևանքը եղավ այն, որ բավականին անհեթեթ իրավիճակում հայտնվեցին», – նշեց քաղաքագետը։

Նշենք, որ հայկական պարբերականներից շատերն այդ ընթացքում արտատպեցին կասկածելի աղբյուրների տեղեկություններն այն մասին, որ իբր Կարագանդայում ու այլ քաղաքներում հակահայկական ցույցեր են անցկացվում։ Կարագանդայի սպանությունն ազգամիջյան խնդրի չվերածվեց երկու երկրի իրավապահ մարմինների ու դիվանագիտական գերատեսչությունների ճիշտ գործողությունների շնորհիվ։

79
թեմա:
Հայերի մասնակցությամբ միջադեպ Կարագանդայում (15)
Ըստ թեմայի
Չի կարելի ազգամիջյան երանգ տալ Կարագանդայի դեպքին. Թաթոյանը հարցը քննարկել է Շակիրովի հետ
Իրավիճակը գերզգայուն է. ՀՀ–ի և Ղազախստանի ԱԳՆ ղեկավարները խոսել են Կարագանդայի դեպքի մասին
Արմեն Գրիգորյանը Կարագանդայի դեպքը քննարկել է Ղազախստանի նախագահի օգնականի հետ
«Կարագանդայի միջադեպը չի կարող ունենալ ազգամիջյան կոնտեքստ». Փաշինյան
Նիկոլ Փաշինյանը` քարոզարշավին

Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով

64
(Թարմացված է 23:38 21.06.2021)
Վերլուծաբան Սերգեյ Մարկեդոնովն անդրադարձել է Հայաստանում կայացած խորհրդարանական ընտրություններին և խոսել ընդդիմության բացթողումների մասին։

ԵՐԵՎԱՆ, 21 հունիսի – Sputnik. ՀՀ վարչապետի պաշտոնակատար Նիկոլ Փաշինյանի կուսակցության հաղթանակն օրինաչափ էր։ Այս կարծիքին է Ռուսաստանի ԱԳՆ Մոսկվայի միջազգային հարաբերությունների պետական ​​ինստիտուտի առաջատար գիտաշխատող, «Միջազգային վերլուծություն» ամսագրի գլխավոր խմբագիր Սերգեյ Մարկեդոնովը։

Նշենք, որ հունիսի 20–ին Հայաստանում կայացած արտահերթ խորհրդարանական ընտրություններին հաղթեց Նիկոլ Փաշինյանի «Քաղաքացիական պայմանագիր» կուսակցությունը. նրան հաջողվեց հավաքել ընտրողների 53,92% ձայները։ Թեև սոցհարցումներով` ընտրությունների նախօրեին Փաշինյանի կուսակցության և ՀՀ նախկին նախագահ Ռոբերտ Քոչարյանի դաշինքի միջև տարբերությունը նվազագույն էր, սակայն «Հայաստան» դաշինքին հաջողվեց ստանալ ձայների միայն 21,04%–ը։

Ռուսաստանի ԱԳՆ Մոսկվայի միջազգային հարաբերությունների պետական ​​ինստիտուտի առաջատար գիտաշխատող, «Միջազգային վերլուծություն» ամսագրի գլխավոր խմբագիր Սերգեյ Մարկեդոնովը Sputnik–ին տված հարցազրույցում ասաց, որ Փաշինյանի հաղթանակը սպասելի էր, բայց ոչ նման տարբերությամբ, հատկապես եթե հաշվի առնենք Արցախյան պատերազմում տարած պարտության գործոնը։

«Եթե հետ գնանք փետրվար, այն մեծ հույսերի, ընդդիմության բազմամարդ զանգվածային ցույցերի ամիս էր։ Սակայն քանակից որակի դրանք չվերածվեցին։ Արդեն այդ ժամանակ կարելի էր հասկանալ», – նշում է փորձագետը։

Ընդդիմության խնդիրը, ըստ Մարկեդոնովի, նաև չհամախմբվելն էր` ամեն մեկն առանձին շարասյուներով էր գնում։ Իսկ գործող իշխանությունն արդյունավետ և ստուգված ռազմավարություն կիրառեց` «հներն ընդդեմ նորերի`ասելով, որ այո, գուցե այսօր մեզ մոտ ամեն ինչ հիասքանչ չէ, բայց հիշեք, թե ինչպես էր նախկինում»։ 

«Պատիվ ունեմ»–ը չի ճանաչում ընտրությունների արդյունքները

Փաշինյանի հայտարարությանը, որ երկրում ոչ թե թավշյա, այլ պողպատե հեղափոխություն պիտի արվի, և ինքը հանդուրժող չի լինի նրանց նկատմամբ, «ովքեր թալանում էին երկիրն ու հարստություն դիզում», Սերգեյ Մարկեդոնովը թերահավատորեն է նայում։ Քանի որ նա իր կառավարման ողջ  ընթացքում կոշտ գնահատականները հաճախ հարմարեցնում էր պրագմատիկ լուծումներ գտնելու հնարավորության հետ»։

Իսկ Ռուսաստանի ղեկավարության հասցեին Նիկոլ Փաշինյանի երախտիքի խոսքերն ու խոստումները, որ խորացվելու է համագործակցությունը ՀԱՊԿ–ի և ԵԱՏՄ–ի հետ, քաղաքագետը գնահատում է որպես օրինաչափություն։

«Չէ՞ որ Փաշինյանը կառավարման երեք տարիների ընթացքում չհայտարարեց դեպի ՆԱՏՕ «թեքվելու» մասին, չասվեց, որ եվրասիական ինտեգրացիոն ուղին ավարտված է, և այսօր ընտրություն են անում եվրաատլանտիկայի օգտին, ինչպես դա արեցին Վրաստանը կամ Ուկրաինան։ Նման բան չի արվել և, կարծում եմ` չի էլ արվելու», – նշեց Մարկեդոնովը։

Եվ Ռուսաստանի առաջին երկու դեմքերի` Վլադիմիր Պուտինի և Միխայիլ Միշուստինի անունները վարչապետի կողմից առաջին ելույթի ժամանակ հնչեցնելը պատահական չէր։ «Եթե արևմտամետ կողմնորոշման մասին տարածված դիսկուրս կա, պետք է ցույց տալ` որն է կարևոր»։

«Արդյո՞ք սա նշանակում է, որ Հայաստանի ղեկավարությունը չի շփվելու Արևմուտքի հետ։ Ո՛չ, չի նշանակում։ Բայց մի՞թե Սերժ Սարգսյանի օրոք չէր`2013 թվականին, որ Հայաստանը մի քայլ էր հետ ԵՄ–ի հետ ասոցացման պայմանագիրը ստորագրելուց։ Երբ ասոցիացիան չստացվեց, համապարփակ խորացված գործընկերության համաձայնագիր եղավ։ Այլ հարց են շեշտադրումները։ Չէ՞ որ Ռուսաստանը ևս, ԵՄ–ի և ՆԱՏՕ–ի անդամ չլինելով, հանդիպում է Միացյալ Նահանգների հետ, բանակցություններ վարում  արևմտյան առաջնորդների հետ», – պարզաբանում է քաղաքագետը։

Ինչու ԲՀԿ-ն և ԼՀԿ-ն չհաղթահարեցին ԱԺ անցողիկ շեմը

Մարկեդոնովի խոսքով` ՀՀ ընդդիմությունը պետք է աշխատի սխալների վրա և նախապատրաստվի հաջորդ ընտրություններին։

64
թեգերը:
Նիկոլ Փաշինյան, ընդդիմություն, Իշխանություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
«Հայաստան» դաշինքն ընտրությունների արդյունքի առնչությամբ կդիմի Սահմանադրական դատարան
Նոր ճգնաժամ է լինելու. Արա Աբրահամյանը` ԱԺ ընտրությունների արդյունքների մասին
Արդյունքների լեգիտիմության հարցում կոնսենսուս չի լինի. Սուրենյանցը` ընտրությունների մասին
Միջազգային դիտորդներ

Միջազգային դիտորդներն անպատասխան են թողել ներկայացրած խախտումները․ «Հայաստան» դաշինք

113
(Թարմացված է 23:34 21.06.2021)
Դաշինքի ներկայացրած խախտումները ներառել են պաշտոնական դիրքի չարաշահում, վարչական ռեսուրսների չարաշահում, ատելության խոսքի տարածում, քրեական արդարադատության չարաշահումներ և այլն:

ԵՐԵՎԱՆ, 21 հունիսի – Sputnik. Միջազգային դիտորդներն անպատասխան են թողել «Հայաստան» դաշինքի կողմից բարձրացված մտահոգությունները և ներկայացրած ընտրական խախտումները։ Այս մասին տեղեկացնում է դաշինքը Facebook-ի իր էջում։

««Հայաստան» դաշինքը պարբերաբար լուրջ մտահոգություններ է ներկայացրել միջազգային հանրությանը նախընտրական արշավի ընթացքում իշխող ուժի կողմից համակարգային խախտումների վերաբերյալ: Դաշինքը նաև համոզիչ ապացույցներ է տրամադրել ԵԱՀԿ/ԺՄԻԳ դիտորդական առաքելությանը և Հայաստանում գործող այլ օտարերկրյա առաքելությունների: Խախտումները ներառում էին պաշտոնական դիրքի չարաշահում, վարչական ռեսուրսների չարաշահում, ատելության խոսքի տարածում, քրեական արդարադատության չարաշահումներ և այլն: 2021 թվականի խորհրդարանական ընտրությունները հակասում են 1990 թվականի Կոպենհագենի փաստաթղթով ամրագրված սկզբունքներին, ինչպես նաև այլ միջազգային պարտավորություններին», - նշվում է հայտարարության մեջ։

Ասվում է, որ ընտրությունների միջազգային դիտորդական առաքելությունների կողմից մտահոգությունները մնացել են անպատասխան։

«Ակնհայտ է, որ միջազգային դիտորդներին չի հաջողվել պահպանել անկողմնակալության և անկախության նվազագույն պահանջները։ Միջազգային դիտորդները չպետք է լոկ դակիչ լինեն Փաշինյանի «Քաղաքացիական պայմանագրի» համար», - ասվում է դաշինքի հայտարարության մեջ։

Մոսկվան ակնկալում է, որ ընտրությունների արդյունքները կնպաստեն ՀՀ-ի զարգացմանը. Զախարովա

Նշվում է, որ այս ընտրությունների արդյունքները փաստում են, որ հասարակության հավատն ընտրական այս գործընթացի նկատմամբ խարխլվել է խոշոր հակասությունների պատճառով, որոնք ավելի են ընդգծում հրատապ փոփոխությունների անհրաժեշտությունը:

«Զարմանալի չէ, որ շատ ընտրողներ մտահոգված են ընտրությունների լեգիտիմությամբ և դրանց արդյունքների ճշգրտությամբ։ Ընտրական գործընթացների նկատմամբ հասարակության վստահությունը կարևոր նշանակություն ունի ընտրություններին մասնակցության և դրա արդյունքների ընդունման ապահովման տեսանկյունից: Սա խիստ կարևոր է, երբ ընտրությունները տեղի են ունենում այնպիսի բարդ պայմաններում, ինչպիսին է Լեռնային Ղարաբաղի 2020 թվականի պատերազմը, հատկապես երբ գրանցվում են քաղաքական բևեռացման նման բարձր մակարդակներ», - ասվում է հայտարարության մեջ։

Նշենք, որ «Հայաստան» դաշինքը հայտարարել է, որ հրաժարվում է ընդունել ընտրությունների արդյունքները և նախատեսում է դրանք բողոքարկել Հայաստանի Սահմանադրական դատարանում:

«Քաղաքական ճգնաժամը հաղթահարված է, մենք վերադառնում ենք աշխատանքի». Նիկոլ Փաշինյան

Հիշեցնենք` հունիսի 20–ին Հայաստանում տեղի ունեցած խորհրդրանական ընտրությունների արդյունքներով «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

113
թեգերը:
Նիկոլ Փաշինյան, «Քաղաքացիական պայմանագիր» կուսակցություն, Ռոբերտ Քոչարյան, դիտորդ, Ազգային ժողովի ընտրություններ, «Հայաստան» դաշինք, Հայաստան
թեմա:
ԱԺ արտահերթ ընտրություններ 2021
Ըստ թեմայի
Մոտ օրերս ռուս զինվորականները կհաստատվեն Գեղարքունիքից մինչև Սյունիք. Գնել Սանոսյան
Փաշինյանին հրապարակում հանձնեցին «պողպատե մանդատ». տեսանյութ
Ինչու Գերմանիայի հայերը չկարողացան հասնել «Գորշ գայլերի» գործունեության արգելքին

Ինչպես անցավ իշխանության հետընտրական հանրահավաքը. լուսանկարներ

0
(Թարմացված է 23:55 21.06.2021)
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • Մխիթար Հայրապետյանը` հանրահավաքին
  • Նախընտրական քարոզարշավի ժամանակ Փաշինյանի կողմից կիրառված մուրճը ևս «մասնակցում» էր հանրահավաքին
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • Նիկոլ Փաշինյանի նախընտրական պաստառը` հանրահավաքին
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • «Քաղաքացիական պայմանագիր» կուսակցության հանրահավաքը Երևանում. 21.06.21
  • Նիկոլ Փաշինյանը մասնակցում է հետընտրական հանրահավաքին
Հանրահավաքի վերջում Փաշինյանին մի քաղաքացի հանձնեց խորհրդանշական պողպատե մանդատ՝ Սահմանադրության տեսքով:

Երևանի հանրապետության հրապարակում այսօր ՀՀ վարչապետի պաշտոնակակատր Նիկոլ Փաշինյանն իր աջակիցներին հրավիրել էր հանրահավաքի։ Հանրահավաք անել որոշել էին մինչև ընտրությունները։ Այն ժամանակ դեռ պարզ չէր` Նիկոլ Փաշինյանը շնորհակալություն կհայտնի իր ընտրողներին, թե կբողոքի ընտրության արդյունքներից ու ըմբոստության կոչ կանի։

Հայաստանում հունիսի 20–ին կայացած արտահերթ խորհրդարանական ընտրությունների արդյունքներով Փաշինյանի ղեկավարած «Քաղաքացիական պայմանագիր կուսակցությունը ստացավ ձայների մոտ 54 տոկոսը։ Այսօր հանրահավաքին Փաշինյանն կոչ արեց իր կողմնակիցներին վերջ դնել հայհոյախոսությանը և անցնել աշխատանքին։

Ի դեպ հանրահավաքի մասնակիցները բռնել էին ոչ միայն Փաշինյանի նախընտրական պաստառներն ու հայոց եռագույնը, այլ նաև ԱՄՆ–ի և Ֆրասիայի դրոշները։ Նախընտրական քարոզարշավի ընթացքում կիրառված մուրճը` եռագույն դրոշով, ևս «մասնակցում» էր հանրահավաիքն։

Հանրահավաքի վերջում Փաշինյանին մի քաղաքացի հանձնեց խորհրդանշական պողպատե մանդատ՝ Սահմանադրության տեսքով:

Փաշինյանի խոսքով` մանդատը Սահմանադրության ձևն ունի, որովհետեւ խորհրդանշում է ոչ թե իշխանավորների, այլ օրենքի դիկտատուրան։

0
  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Asatur Yesayants

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Asatur Yesayants

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • Մխիթար Հայրապետյանը` հանրահավաքին
    © Sputnik / Aram Nersesyan

    Մխիթար Հայրապետյանը` հանրահավաքին

  • Նախընտրական քարոզարշավի ժամանակ Փաշինյանի կողմից կիրառված մուրճը ևս «մասնակցում» էր հանրահավաքին
    © Sputnik / Aram Nersesyan

    Նախընտրական քարոզարշավի ժամանակ Փաշինյանի կողմից կիրառված մուրճը ևս «մասնակցում» էր հանրահավաքին

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • Նիկոլ Փաշինյանի նախընտրական պաստառը` հանրահավաքին
    © Sputnik / Asatur Yesayants

    Նիկոլ Փաշինյանի նախընտրական պաստառը` հանրահավաքին

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Asatur Yesayants

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Asatur Yesayants

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Aram Nersesyan

    «Քաղաքացիական պայմանագիր» կուսակցության հանրահավաքը Երևանում. 21.06.21

  • «Քաղաքացիական պայմանագիր» կուսակցության հանրահավաքը Երևանում. 21.06.21
    © Sputnik / Asatur Yesayants

    «Քաղաքացիական պայմանագիր» կուսակցության հանրահավաքը Երևանում. 21.06.21

  • Նիկոլ Փաշինյանը մասնակցում է հետընտրական հանրահավաքին
    © Sputnik / Aram Nersesyan

    Նիկոլ Փաշինյանը մասնակցում է հետընտրական հանրահավաքին

թեգերը:
Նիկոլ Փաշինյան, Ազգային ժողովի ընտրություններ, հանրահավաք, Հայաստան
թեմա:
ԱԺ արտահերթ ընտրություններ 2021