Արփինե Հովհաննիսյան

Արփինե Հովհաննիսյանը պատրաստվում է դառնալ գործազուրկ

709
ԱԺ–ի փոխնախագահը երկու օր անց կդառնա գործազուրկ, բայց Հայաստանից չի արտագաղթի։

ԵՐԵՎԱՆ, 11 հունվարի — Sputnik. Երկուշաբթի Ազգային ժողովի` դեռ գործող փոխնախագահ Արփինե Հովհաննիսյանը կդառնա գործազուրկ։ Այս մասին այսօր` հունվարի 11-ին, խորհրդարանում կազմակերպված տոնական ընդունելության ժամանակ լրագրողների հետ զրույցում հայտարարեց Արփինե Հովհաննիսյանը։

Բանն այն է, որ երկուշաբթի` հունվարի 14-ին, Ազգային ժողով կգան արդեն նոր` 7-րդ գումարման խորհրդարանի պատգամավորները։

Գործազրկությունը, սակայն, նրա խոսքով, Հայաստանից արտագաղթելու պատճառ չէ։

«Հուսով եմ` հայրենի իշխանությունն այնպիսի պայմաններ չի ստեղծի, երբ արտագաղթելն այլընտրանք չի ունենա։ Բայց նույնիսկ այդ դեպքում ես չեմ պատրաստվում արտագաղթել։ ՀՀ–ն իմ հայրենիքն է և ես այստեղ շարունակելու եմ գործունեություն ծավալել (որքան էլ պաթետիկ և հերոսական հնչի), պատասխանատվություն զգում եմ մի շարք զարգացումներին ընդառաջ, որոնց ՀՀ–ն պետք է առերեսվի, և այդ տեսանկյունից գործունեության այն ոլորտները, որոնք ես ընտրել եմ ապագայի համար, թույլ տալու են, որպեսզի ՀՀ քաղաքացիների ձայնը լսելի դարձնենք և նրանց շահերը պաշտպանենք»,– ասաց Հովհաննիսյանը։

Նա պատրաստվում է վերադառնալ մասնագիտությանը և աշխատել իրավաբանական գրասենյակում, բայց չի թաքցնում, որ կան նաև հանրային քաղաքականության հարթակում գործունություն ծավալելու պլաններ, որոնց մասին խոստացավ տեղեկացնել ավելի ուշ։

Իսկ հերթափոխը 7-րդ գումարման Ազգային ժողովի նորընտիր պատգամավորներին հանձնելով`Արփինե Հովհաննիսյանը շնորհավորեց նրանց ու հաջողություն մաղթեց` միաժամանակ հույս հայտնելով, որ նրանք կգիտակցեն իրենց վրա դրված բեռն ու պատասխանատվությունը, որ կրում են և իրենց առաքելությանը համահունչ կգործեն։

«Ես ամեն դեպքում հուսով եմ, որ իրենք կհաջողեն ոչ թե բառերով, բարձրագոչ եզրույթներով, պաթետիկ նախադասություններով, Հանրապետականին փնովելով, այլ կկարողանան ապացուցել, որ իրենք կարող են աշխատել»,– ասաց նա` հավելելով, որ որպես ՀՀ քաղաքացի` իր կյանքը ևս պայմանավորված է լինելու նոր խորհրդարանում ընդունված որոշումներով ու օրենքներով։

Ի դեպ, նշենք, որ Ազգային ժողովի տոնական ավանդական ընդունելությանն այսօր շատ քիչ պատգամավորներ էին ներկա, դահլիճում ավելի շատ լրագրողներ կային։ Գործող ԱԺ–ի վերջին միջոցառմանը ՀՀԿ խմբակցությունից մասնակցում էին խորհրդարանի նախագահ Արա Բաբլոյանն ու փոխխոսնակ Արփինե Հովհաննիսյանը, «Բարգավաճ Հայաստանից»` Նաիրա Զոհրաբյանն ու Միքայել Մելքումյանը, «Լուսավոր Հայաստանից»` միայն Էդմոն Մարուքյանը։ ՀՅԴ խմբակցությունը տոնական ընդունելությանը չէր եկել։

709
թեգերը:
Արփինե Հովհաննիսյան, Հայաստան
Ըստ թեմայի
132 հին ու նոր դեմքեր. նոր պատգամավորները`անուն առ անուն
Ում հաշվին են նոր պատգամավորները կոնյակ խմել. բացատրում է ԿԸՀ ղեկավարը
Երջանիկ դեմքեր. նոր պատգամավորների մանդատների հանձնման արարողությունը` լուսանկարներով
Արա Այվազյանն ու Մոհամմադ Զարիֆը

Իրանի և Հայաստանի միջև քաղաքական երկխոսությունը կակտիվանա. Այվազյանը զրուցել է Զարիֆի հետ

12
(Թարմացված է 14:12 06.03.2021)
Հայաստանի և Իրանի արտգործնախարարներն անդրադարձել են նաև տարածաշրջանային անվտանգության և կայունության հարցերի:

ԵՐԵՎԱՆ, 6 մարտի - Sputnik. Հայաստանի և Իրանի երկկողմ օրակարգի շուրջ այսօր ԱԳ նախարար Արա Այվազյանը հեռախոսազրույց է ունեցել Իրանի ԱԳ նախարար Մոհամմադ Ջավադ Զարիֆի հետ: Տեղեկությունը հայտնում է ՀՀ արտաքին գործերի նախարարությունը։

«Արտգործնախարարները մտքեր են փոխանակել երկկողմ օրակարգի հարցերի շուրջ։ Գոհունակություն է հայտնվել դարավոր բարեկամության վրա խարսխված հարաբերությունների զարգացման դինամիկայի առնչությամբ։ Բացի այդ, վերահաստատվել է փոխադարձ պատրաստակամությունը այն առավել ամրապնդելու առնչությամբ, այդ թվում՝ տարբեր մակարդակներում քաղաքական երկխոսության ակտիվացման միջոցով»,-նշված է հաղորդագրության մեջ։

Զրուցակիցներն անդրադարձել են նաև տարածաշրջանային անվտանգության և կայունության հարցերի: Երկուստեք կարևորվել է համակարգված փոխգործակցության դերը տարածաշրջանային նոր մարտահրավերների հասցեագրման գործում։

Մենք տնտեսական առումով լուրջ կախվածություն ունենք Իրանից. իրանագետը` Զարիֆի այցի մասին

Հիշեցնենք, որ այս տարվա հունվարին Զարիֆն այցելել էր Հայաստան։ Նրան ընդունել էր վարչապետ Նիկոլ Փաշինյանը։ Զարիֆն ընդգծել էր, որ Իրանի Իսլամական Հանրապետության դիրքորոշումը տարածաշրջանային ճգնաժամի վերաբերյալ հետևյալն է. միջազգային իրավունքի պահպանում, փոքրամասնությունների պահպանումը, ինչպես նաև տարածքային ամբողջականության պահպանումը և ուժի չկիրառումը։

Ընդհանուր տարածաշրջանային մտահոգություններ. Փաշինյանն ընդունել է Զարիֆին

12
թեգերը:
Իրանի Իսլամական Հանրապետություն, Հայաստան, Արա Այվազյան, Մոհամմադ Ջավադ Զարիֆ
Ըստ թեմայի
Չնայած ԱՄՆ պատժամիջոցներին` Իրանը կշարունակի էներգետիկ համագործակցությունը ՀՀ–ի հետ. Զարիֆ
Իրանում սպասում են Թուրքիայի նախագահի այցին․ Զարիֆ
Իրանը պատրաստ է միջնորդ լինել Ղարաբաղի հարցով բանակցություններում. Զարիֆ
Զինվորականները ՀՀ ՊՆ–ի մոտ ակցիա են սկսել ի պաշտպանություն ԳՇ պետ Օնիկ Գասպարյանի

«Օնիկ Գասպարյանն ինչ էլ անի` իր կողքին կանգնած ենք». զինվորականները ՊՆ–ի մոտ են

63
(Թարմացված է 13:55 06.03.2021)
Ի աջակցություն ԶՈւ գլխավոր շտաբի պետ Օնիկ Գասպարյանի ՊՆ–ի մոտ հավաքված զինվորականներն ասում են, որ մարզերում ապրող շատ զինվորականներ կան, որ պատրաստ են միանալ իրենց։

ԵՐԵՎԱՆ, 6 մարտի - Sputnik. Ի պաշտպանություն ԶՈւ ԳՇ պետ Օնիկ Գասպարյանի ՀՀ պաշտպանության նախարարության մոտ այս պահին բողոքի ակցիա են իրականացնում զինվորականներ ու քաղաքացիներ։

Հավաքված զինվորականները նշում են, որ իրենք նույնպես պահանջում են ՀՀ վարչապետ Նիկոլ Փաշինյանի հրաժարականը։

«Կառավարությունն իր խնդիրներն այլևս ի զորու չէ կատարել, և պետք է սթափ գնահատի իր ուժերն ու կարողությունները և հրաժարական տա։ Ասում էին` մենք երկիր չունեինք թուրքին տալու, բայց տվեցին։ Կարծես բոլորս անտարբեր կերպով հետևում ենք, թե հետո ինչ պետք է լինի։ Ասես այդպես էլ պիտի լիներ։ Սակայն մենք` սպաներս, դա թույլ չենք տա»,–լրագրողների հետ զրույցում ասաց պահեստազորի գնդապետ Կարեն Սարգսյանը։

Անդրադառնալով կարծիքներին, թե բանակն իրավունք չունի խառնվելու քաղաքականությանը` Սարգսյանը նշեց, որ բանակը քաղաքականությանը որևէ կերպ չի էլ խառնվել։

Նա հայտնեց, որ մարզերում ապրող շատ զինվորականներ կան, որ պատրաստ են միանալ իրենց։

Պահեստազորի փոխգնդապետ Կարեն Հակոբյանն էլ ասաց, որ Օնիկ Գասպարյանն այս ընթացքում ինչ էլ որոշի` նրա հետ են լինելու, նրա կողքին կանգնելու են։

«Օնիկ Գասպարյանն իմ հրամանատարն է եղել ու որպես զինվորական` իր պարտականությունները լիովին նա հիմա էլ է կատարում։ Գասպարյանը զգաց` երկրի գլխին կախված ինչ վտանգ կա, դրա համար էլ նման քայլի գնաց ու հայտարարություն տարածեց»,–ասաց նա։

Նշենք, որ բողոքի ակցիան շարունակվում է։

Հիշեցնենք` ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

63
թեգերը:
Սպա, Օնիկ Գասպարյան, ՀՀ Պաշտպանության նախարարություն (ՊՆ), Բողոքի ակցիա, Զինվոր
Ըստ թեմայի
Բանակը չի ենթարկվի Օնիկ Գասպարյանին ազատելու որոշմանը. Վազգեն Մանուկյան
Օնիկ Գասպարյանի միակ սխալը Փաշինյանին ժողովրդի վրեժից բունկերում պատսպարելն էր. Զաքարյան
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ