ԵՐԵՎԱՆ, 10 հունվարի — Sputnik. Պատգամավորների մանդատների շնորհման հանդիսավոր արարողությունը և դրան հաջորդող հյուրասիրությունը տեղի է ունեցել ոչ պետական միջոցների հաշվին։ Այս մասին լրագրողներին ասաց Հայաստանի ԿԸՀ նախագահ Տիգրան Մուկուչյանը։
Ընդունելությունն անցկացվեց Ա. Սպենդիարյանի անվան օպերային և բալետի ազգային ակադեմիական թատրոնում։ Այստեղ նոր գումարման խորհրդարանի պատգամավորներին հանձնեցին մանդատները, որից հետո կոնյակ հյուրասիրեցին և ֆուրշետ կազմակերպեցին։
Դրա համար պետական միջոցներ չեն ծախսվել։ Միջոցառումն անցկացվել է միջազգային գործընկերների աջակցությամբ՝ ընտրությունների աջակցության ծրագրի շրջանակում:
«Դրանք մեր գործընկերների տարբեր միջազգային ծրագրերն են, որոնք անցկացվում են ոչ բոլոր ընտրությունների ժամանակ, բայց այս անգամ անցկացվել են», – ասաց Մուկուչյանը։
Նշենք, որ այդ ծրագրերի աջակցությամբ ԿԸՀ–ն ընտրատեղամասերը զինել է ընտրողների էլեկտրոնային գրանցման նոր տեխնիկայով։
Նոր խորհրդարանը կգումարվի հունվարի 14–ին։
