Նիկոլ Փաշինյան, արխիվային լուսանկար

Փաշինյանն առաջարկեց ծափերով ճանապարհել խորհրդարան գնացողներին

252
Կառավարության այս տարվա առաջին նիստը մեկնարկեց հրաժեշտով։

ԵՐԵՎԱՆ, 10 հունվարի – Sputnik. ՀՀ կառավարության այսօրվա նիստը մեկնարկեց հրաժեշտով ու ծափերով։ Վարչապետի պաշտոնակատար Նիկոլ Փաշինյանը հիշեցրեց, որ առաջին փոխվարչապետի պաշտոնակատար Արարատ Միրզոյանը, սփյուռքի նախարարի պաշտոնակատար Մխիթար Հայրապետյանն ու մշակույթի նախարարի պաշտոնակատար Լիլիթ Մակունցն այսօր այդ պաշտոնում վերջին անգամ են մասնակցում նիստին և հենց այսօր էլ պատգամավորական մանդատներ են ստանալու։

Փաշինյանը շնորհակալություն հայտնեց նրանց աշխատանքի համար և առաջարկեց ճանապարհել ծափերով։

«Վստահ եմ, որ ԱԺ-ում էլ նրանք նույնքան կնպաստեն կառավարության աշխատանքի արդյունավետության բարձրացմանը», - ասաց Փաշինյանը։

Նա նաև անդրադարձավ նոր կառավարության ձևավորման հարցին՝ հիշեցնելով, որ այն ունենալու է նոր կառուցվածք։

«Մեր նպատակը փող խնայելը չէ, շատ ավելի կարևոր է բարձրացնել կառավարության աշխատանքի արդյունավետությունը»,- ասաց նա՝ խոսելով օպտիմալացման ծրագրի մասին։

Ինչ վերաբերում է Սփյուռքի նախարարության վերացմանը, Նիկոլ Փաշինյանը հայտարարեց, որ դրանով Հայաստան-սփյուռք կապերը չեն տուժի և կառավարությունն ամեն ինչ անելու է, որ այդ կապը դառնա առավել արդյունավետ։

Հունվարի 10-ին՝ ժամը 13.00-ին, Ա. Սպենդիարյանի անվան օպերայի և բալետի ազգային ակադեմիական թատրոնի շենքում տեղի կունենա 2018 թվականի դեկտեմբերի 9-ին կայացած Ազգային ժողովի արտահերթ ընտրությունների արդյունքում ընտրված Ազգային ժողովի պատգամավորների մանդատների հանձնման հանդիսավոր արարողությունը։

 

252
թեգերը:
ԱԺ, Նիկոլ Փաշինյան, Հայաստան
Ըստ թեմայի
ԱԺ փոխնախագահի պաշտոնն ամենաճիշտը կլինի իմ հետագա կարիերիան զարգացնելու համար. Սիմոնյան
ԿԸՀ–ն հայտարարեց ԱԺ առաջին նիստի օրը
Հայտնի է` նորընտիր ԱԺ–ի պատգամավորները երբ և որտեղ կստանան իրենց մանդատները