Կշեռք

Նոր Հայաստան, նոր ՀԴՄ, նոր ծախս. ո՞վ է տուժելու հունվարի 1-ից ուժի մեջ մտած նոր օրենքից

236
2019 թվականի հունվարի 1-ից ուժի մեջ է մտել հարկային նոր օրենսգիրքը, որի դրույթներից մեկն էլ պարտադրում է տնտեսվարողներին նոր սերնդի ՀԴՄ–ներով աշխատել:

ԵՐԵՎԱՆ, 9 հունվարի — Sputnik. Հարկային օրենսգիրքը որոշ դժվարություններ կառաջացնի հատկապես փոքր ու միջին բիզնեսի համար։ Այսօր լրագրողների հետ հանդիպմանը նման տեսակետ հայտնեց Հայաստանի ՓՄՁ հաշվապահների ասոցիացիայի նախագահ Վահագն Համբարձումյանը։

«Այն փոքր բիզնեսները, որոնք մինչև հիմա կամուկացի մեջ էին` պահեն բիզնեսը, թե չպահեն, միանշանակ հիմա փակվելու են»,– ասաց Համբարձումյանը` անդրադառնալով հունվարի 1-ից նոր սերնդի հսկիչ դրամարկղային մեքենաների պարտադիր կիրառության մեջ դնելու որոշմանը։

Համբարձումյանի դիտարկմամբ` հեռավոր գյուղում ամսական 70 000 դրամ վաստակող խանութի համար 160 հազար դրամանոց ՀԴՄ–ն ուղղակի կործանարար կարող է լինել։

Նրա հաշվարկով` այս որոշման ազդեցությունը կզգան շուրջ 28 000 տնտեսվարողներ։ Իսկ շուրջ 26 000 տնտեսվարողներ արդեն իսկ աշխատում են նոր սերնդի ՀԴՄ–ներով կամ, ինչպես Վահագն Համբարձումյանն է կոչում, մինի համակարգիչներով։

Հսկիչ դրամարկղային մեքենաների արժեքը 160 հազար դրամ է, ու թեև բիզնեսը դրանց դիմաց կարող է վճարել տարաժամկետ տարբերակով, բայց, բանախոսի համոզմամբ, այս հավելյալ ծախսը շուկայում ապրանքների թանկացման չի հանգեցնի, բայց հատկապես փոքր տնտեսվարողները կզգան դրա ծանրությունը։

2019 թվականից բոլոր տնտեսավարող սուբյեկտները պարտադիր պետք է սկսեն աշխատել նոր սերնդի ՀԴՄ-ներով: Այս պահանջը սահմանված է ՀՀ հարկային օրենսգրքի 457-րդ հոդվածի 5-րդ մասով:

Ինչպես դեկտեմբերին հայտարարել էր ՊԵԿ–ը, տնտեսվարողները կարող են հսկիչ դրամարկղային մեքենաների գինը վճարել կա՛մ ամբողջությամբ և միանվագ, կա՛մ 2 տարվա ընթացքում տարաժամկետ վճարումներով՝ ամսական համամասնությամբ:

Տարաժամկետ վճարման առուվաճառքի պայմանագիր ունեցող և հարկային մարմին դիմում ներկայացրած տնտեսվարողների նկատմամբ տուգանքներ չեն կիրառվի:

236
թեգերը:
Հայաստան
Ըստ թեմայի
Հարկային մանևրումներ հայկական ձևով, կամ 2018թ.-ի կարևոր տնտեսական 10 իրադարձությունները
Դեմքով դեպի աշխատավոր դասը. ՀՀ իշխանությունն ի՞նչ հարկեր կքննարկի 2019 թվականին
Նոր գաղափար՝ արդյունաբերության համար. Sputnik զրույցի հյուրը Հակոբ Ավագյանն է
Ի՞նչ փոփոխություններ են ծրագրված Հայաստանի հարկային դաշտում
Արմեն Սարգսյան

Արմեն Սարգսյանը գույքահարկին վերաբերող օրենքի վրա վետո կդներ, եթե նման իրավունք ունենար

24
(Թարմացված է 13:51 03.07.2020)
Նախագահը տեղեկատվական տեխնոլոգիաների ոլորտի ներկայացուցիչների հետ հանդիպման ժամանակ անդրադարձել է գույքահարկի մասին օրենքին։

ԵՐԵՎԱՆ, 3 հուլիսի — Sputnik. ՀՀ նախագահ Արմեն Սարգսյանը գույքահարկին վերաբերող օրենքի վրա վետո կդներ, եթե այդ իրավունքն ունենար։ Նա նման կարծիք է հայտնել տեղեկատվական տեխնոլոգիաների ոլորտի մի շարք ընկերությունների ղեկավարների հետ հանդիպման ժամանակ։

«Օրենքը դրվում է իմ սեղանին, և այն Սահմանադրության հետ հակասություն չունի: Ես չեմ կարող այն ուղարկել Սահմանադրական դատարան: Սակայն ես գտնում եմ, որ այն ժամանակավրեպ է: Եթե ես ունենայի վետո դնելու իրավունք, ապա կդնեի: Եթե ես ունենայի իրավունք օրենքը հետ ուղարկելու ԱԺ և նշեի, որ արվեն փոփոխություններ, կանեի: Ես չունեմ այդ իրավունքը»,–ասել է Սարգսյանը։

Նրա խոսքով` օրենքն ունի դրական տարրեր, քանի որ գույքահարկը պետք է կանոնակարգվի. չես կարող 20 տարի առաջվա գույքահարկով ապրել և այլն: Օրենքում նշված դրույթները բոլորը ճիշտ են, բայց կան տարրեր, որոնք, ըստ Սարգսյանի, հաշվի առնված չեն:

Նախագահը նշել է, որ, օրինակ, պետք է հաշվի առնել Երևանի կենտրոնում՝ «Նաիրի» կինոթատրոնի հարակից տարածքում, ապրում են մարդիկ, որոնք այդ տունը ստացել են իրենց պապիկից, որը եղել է ակադեմիկոս: Հիմա այդ մարդը դոցենտ է և ի վիճակի չի լինելու վճարել ավելացված հարկը: «Ի՞նչ եմ անում ես: Եթե չեմ ստորագրում, միևնույն է, այն ստորագրվելու է ԱԺ նախագահի կողմից և ուժի մեջ է մտնելու: Սահմանադրական դատարան չեմ կարող դիմել: Ի՞նչ է մնում ինձ անել՝ ստորագրել: Ստորագրում եմ և նաև տարածում հայտարարություն՝ մանրամասն բացատրելով, թե որոնք են խնդիրները, և ինչ կարելի է անել»,–ասել է նախագահը:

Արմեն Սարգսյանը ժամանակավրեպ է համարում գույքահարկի մասին օրենքը, բայց ստորագրել է

Դիմելով տեղեկատվական տեխնոլոգիաների ոլորտի ընկերությունների ղեկավարներին` Սարգսյանը նշել է, որ եթե դրա առնչությամբ առաջարկությամբ հանդես գան, և եթե համաձայն լինի այդ առաջարկության հետ, ապա իր հնարավորության սահմաններում կպաշտպանի այն: Նախագահը ՏՏ ոլորտի ներկայացուցիչներին կոչ է արել պաշտպանել իրենց բիզնեսը, քանի որ ՏՏ ոլորտը մեր երկրի ապագան է:

Հիշեցնենք՝ հունիսի 25-ին ՀՀ ԱԺ-ն կառավարության առաջարկով ընդունեցեց «Հարկային օրենսգրքում փոփոխություններ և լրացումներ կատարելու» օրենսդրական փաթեթը, որն ուժի մեջ է մտնելու 2021 թ.-ի դեկտեմբերից: 2021թ․-ից հարկի բարձրացումը ուժի մեջ կմտնի 25%-ով և մինչև 2026թ․-ն աստիճանաբար կհասցվի 100%-ի։

24
թեգերը:
Արմեն Սարգսյան, Հայաստան, Երևան, Անշարժ գույք, գույքահարկ
թեմա:
Հայաստանի Հանրապետության 4-րդ նախագահը
Ըստ թեմայի
Ասա՝ որտեղ ես ապրում, ասեմ՝ ինչքան ես վճարելու. պաշտոնյաների պատասխանը բնիկների ֆլեշմոբին
ՊԵԿ նոր նախագահը մտահոգված է հարկերի հավաքագրման ցուցանիշներով
«Աշխարհը փոխել է մեր խնդիրները». նախագահը գյուղատնտեսներին առաջարկել է օգտվել իր կապերից
ՍԴ շենք

Միջադեպ ՍԴ շենքի մուտքի մոտ. Հրանտ Նազարյանին չեն թույլատրել մտնել ՍԴ

15
(Թարմացված է 13:56 03.07.2020)
Սահմանադրական դատարանի աշխատակազմից Sputnik Արմենիային հայտնել են, թե ինչ է տեղի ունեցել առավոտյան ՍԴ շենքի մոտ։

ԵՐԵՎԱՆ, 3 հուլիսի - Sputnik. Մամուլում շրջանառվող լուրերը, թե Սահմանադրական դատարանի շենքի մուտքի մոտ միջադեպ է տեղի ունեցել, համապատասխանում են իրականությանը։ Այդ մասին Sputnik Արմենիային հայտնեցին ՍԴ–ի աշխատակազմից։

ՍԴ–ից տեղեկացրին, որ ՍԴ նախկին դատավոր Հրանտ Նազարյանը փորձել է մուտք գործել ՍԴ շենք, սակայն շենքի պահպանությունն իրականացնող ոստիկանները նրան թույլ չեն տվել։

Նշենք, որ հունիսի 22-ին ԱԺ–ն ընդունեց Սահմանադրությունում փոփոխությունների փաթեթը, որն ուժի մեջ մտավ հունիսի 26-ին։ Սա նշանակում է, որ հունիսի 26-ից Սահմանադրական դատարանի գործող նախագահը պաշտոնանկ է արվում ու շարունակում աշխատել որպես ՍԴ անդամ, իսկ ՍԴ երեք անդամները` Ալվինա Գյուլումյանը, Հրանտ Նազարյանն ու Ֆելիքս Թոխյանը, որոնք այդ պաշտոնում աշխատել են 12 տարուց ավելի, դադարում են պաշտոնավարել:

Սարգսյանի ստորագրել-չստորագրելն օրենքի համար գրեթե նշանակություն չունի. սահմանադրագետ

Նույն օրը խորհրդարանն ընդունեց նաև «ԱԺ կանոնակարգ» օրենքում առաջարկվող փոփոխությունը, որով դադարեցվեց սահմանադրական փոփոխությունները ՀՀ նախագահի կողմից ստորագրելու լիազորությունը: Նախագահը պետք է ստորագրեր միայն «ԱԺ կանոնակարգի» փոփոխությունը, ինչը նա արեց հունիսի 24-ին՝ կեսգիշերն անց։

Արմեն Սարգսյանը հայտնել է, որ Սահմանադրական դատարանին վերաբերող օրենքը չի ստորագրի

Միջադեպի առնչությամբ ոստիկանությունը հաղորդագրություն է տարածել` հայտնելով, որ եթե լրացել է ՍԴ անդամի կամ դատավորի` պաշտոնավարման ընդհանուր տևողությամբ ոչ պակաս, քան 12 տարին, ապա նրա լիազորությունները համարվում են դադարած: Իսկ ՍԴ արդեն նախկին անդամներն իրավունք չունեն մուտք գործելու Սահմանադրական դատարանի վարչական շենք:

15
թեգերը:
Ալվինա Գյուլումյան (ՍԴ դատավոր), Հրայր Թովմասյան, Ֆելիքս Թոխյան (ՍԴ դատավոր), Սահմանադրական փոփոխությունների նախագիծ, Դատավոր, Սահմանադրական դատարան, միջադեպ
Ըստ թեմայի
«Ես չեմ համարվում ՍԴ նախագահի պարտականությունները կատարող». Աշոտ Խաչատրյան
ՍԴ–ում դատավորների թափուր տեղերը կլրացվեն 2 ամսվա ընթացքում. ԱԺ հայտարարությունը
Նիկոլ Փաշինյանը իմաստնություն է մաղթել ՍԴ նախագահի պաշտոնը ստանձնած դատավորին
Չի համապատասխանում հորդորներին․ ԵԺԿ-ն ցավում է ՀՀ ԱԺ–ի` ՍԴ-ի վերաբերյալ որոշման համար