ՀՀ ԱԺ

ԿԸՀ–ն հայտարարեց ԱԺ առաջին նիստի օրը

246
Տիգրան Մուկուչյանը որոշեց` երբ կգումարվի 7-րդ գումարման խորհրդարանի առաջին նիստը։

ԵՐԵՎԱՆ, 4 հունվարի — Sputnik. ԱԺ 7-րդ գումարման առաջին նիստը կգումարվի հունվարի 14-ին, ժամը 10։00–ին։ Այս մասին այսօր ԿԸՀ նիստում հայտարարեց ԿԸՀ նախագահ Տիգրան Մուկուչյանը` հիշեցնելով, որ նորընտիր խորհրդարանի առաջին նիստի օրը որոշելու իրավասությունն օրենքով վերապահված է ՀՀ ԿԸՀ նախագահին։

Հիշեցնենք` ԱԺ Կանոնակարգ օրենքի համաձայն` ԱԺ–ի նոր նստաշրջանը պետք է հրավիրվի «նորընտիր Ազգային ժողովի կազմավորումից հետո՝ երկրորդ երկուշաբթի օրը՝ ժամը 10:00-ին»։

Քանի որ արտահերթ ընտրություններից հետո ԿԸՀ–ն վերջնական արդյունքները հրապարակել էր դեկտեմբերի 17–ին, ապա դրան հաջորդող երկրորդ երկուշաբթին դեկտեմբերի 31-ն էր` ոչ աշխատանքային օր։

Հաջորդ երկուշաբթին` հունվարի 7-ը, նույնպես ոչ աշխատանքային էր, հետևաբար, ԿԸՀ–ին մնում էր նիստը նշանակել դրան հաջորդող երկուշաբթի օրը` հունվարի 14-ին։

246
թեգերը:
Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2018 (357)
Ըստ թեմայի
«Թավշյա» 2018-ը․ հեռացող տարվա նշանակալի իրադարձությունները Հայաստանում
«Իմ քայլը» ամոթով չի թողնի. Փաշինյանի թիմում գիտեն իրենց գլխավոր խնդիրը
Խորհրդարանական ընդդիմությանն անհրաժեշտ է տրամադրել ավելի լայն լիազորություններ. Մարուքյան
Նիկոլ Փաշինյան

Փաշինյանը կարևորել է Ֆիրդուսի թաղամասի հուշարձանային շենքերի պահպանումը

3
(Թարմացված է 18:49 07.08.2020)
Ակնկալվում է, որ Ֆիրդուսի 33-րդ թաղամասի շինարարական աշխատանքների ընթացքում ստեղծվելու է 8-10 հազար նոր աշխատատեղ:

ԵՐԵՎԱՆ, 7 օգոստոսի - Sputnik. Այսօր ՀՀ վարչապետ Նիկոլ Փաշինյանի մոտ տեղի ունեցած խորհրդակցության ընթացքում քննարկվել է Երևանի Ֆիրդուսի 33-րդ թաղամասի կառուցապատման նախագիծը։ Վարչապետի մամուլի ծառայությունից հայտնում են, որ այն դեռևս մշակման փուլում է:

«Զեկուցվել է, որ կառուցապատման ընդհանուր տարածքը կազմում է 58 հազար քմ, իրացվել է 49 հազար քմ, 9 հազար քմ տարածքը գտնվում է իրացման փուլում: Արդեն իսկ փոխհատուցվել է 378 ընտանիքի, ընթացքի մեջ է 50 ընտանիքի փոխհատուցման գործընթացը»,- նշված է հաղորդագրության մեջ։

Վարչապետին ներկայացվել է, որ թաղամասի կառուցապատման նախագծերի վրա աշխատում է 60 ճարտարապետներից կազմված ճարտարապետական 7 խումբ: Փոխհատուցման ծավալը 60 մլն դոլար, է իսկ ընդհանուր թաղամասի կառուցապատման ներդրումային արժեքը 300 մլն դոլար է գնահատվում։ Ակնկալվում է, որ շինարարական աշխատանքների ընթացքում ստեղծվելու է 8-10 հազար նոր աշխատատեղ:

Թաղամասում կառուցվելու են նաև ստորգետնյա ավտոկայանատեղիներ: Փաշինյանն ընդգծել է հուշարձան շենքերի պահպանության ուղղությամբ հետևողական աշխատանքների կարևորությունը։ Նա նաև շեշտել է, որ նախապես մշակված չափորոշիչներն անհրաժեշտ է պահպանել մինչև նախագծի ավարտը: Պատասխանատուները կառավարության ղեկավարին վստահեցրել են, որ մեծ ուշադրություն է դարձվելու հուշարձան շենքերի պահպանությանը:

Հիշեցնենք՝ Երևանի կենտրոնում գտնվող Ֆիրդուսի թաղամասն առաջին անգամ հանրային գերակա շահ հռչակվեց 2008 թվականին, նույն որոշումը վերահաստատվեց նաև 2018 թվականի մարտի 22-ին` «թավշյա հեղափոխությունից» մեկ ամիս առաջ:

Ովքեր են կառուցապատելու Ֆիրդուսի թաղամասի տարածքը, և ինչ է հայտնի նոր ներդրողների մասին

Թաղամասի կառուցապատումը նախատեսվում է ավարտել 2023-2024 թվականներին: Ըստ կառուցապատման նախագծի, որի հեղինակն, ի դեպ, Երևանի նախկին գլխավոր ճարտարապետ, ապա քաղաքաշինության կոմիտեի նախկին նախագահ, վաստակավոր ճարտարապետ Նարեկ Սարգսյանն է, Ֆիրդուսի նոր թաղամասում լինելու են ինչպես բնակելի շենքեր, այնպես էլ հյուրանոցներ ու բիզնես կենտրոններ:

Գործադիրը Ֆիրդուսի թաղամասում կառուցապատումը թույլատրել է օրենքի խախտմամբ. Սարգսյան

3
թեգերը:
Ֆիրդուսի, Նիկոլ Փաշինյան, Հայաստան
Ըստ թեմայի
Մութ գործարք. աննկատ որոշում է ընդունվել Ֆիրդուսի բնակիչների վերաբերյալ
Ֆիրդուսի թաղամասի ոդիսականը. ի՞նչն է խանգարում թաղամասի շինարարությանը արդեն 10 տարի
«Գիտե՞ք` ինչքան տուրիստ ա գալիս, էս պատի մոտ նկարվում». ֆիրդուսցիների այսօրվա կյանքը
Էրեբունու թաղապետարանի շենքը

Կասեցվել է Էրեբունու թաղապետարանի աշխատանքը

18
(Թարմացված է 18:28 07.08.2020)
Կրկնակի խախտումներ արձանագրելու դեպքում կկիրառվեն վարչական պատասխանատվության առավել խիստ միջոցներ։

ԵՐԵՎԱՆ, 7 օգոստոսի- Sputnik. Այս անգամ պարետի սահմանած անվտանգության կանոնների խախտումներ են հայտնաբերվել Երևանի Էրեբունու թաղապետարանում։ ՀՀ առողջապահական և աշխատանքի տեսչական մարմնի մամուլի ծառայությունը հայտնում է, որ 24 ժամով կասեցրել է թաղապետարանի աշխատանքը։

«Այնտեղ նախորդիվ իրականացված ստուգայցի ընթացքում տեսչական մարմնի աշխատանքային խմբերը պարետի սահմանած անվտանգության կանոնների խախտումներ էին արձանագրել»,- նշված է ԱԱՏՄ տարածած հաղորդագրության մեջ։

Ուժեղացված ստուգայցերը շարունակվում են ամբողջ հանրապետության տարածքում։ Նշվում է, որ կրկնակի խախտումներ արձանագրելու դեպքում վարչական պատասխանատվության առավել խիստ միջոցներ կկիրառվեն։

Հիշեցնենք, որ կորոնավիրուսային իրավիճակից ելնելով` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։

Ծաղկաձորում կասեցվել է «Կեչառիսի» և ևս 6 հյուրանոցի գործունեությունը

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։ Սահմանվել են կազմակերպություններում անվտանգության պահպանման խիստ կանոններ։ Ըստ այդմ` կազմակերպություններում աշխատակիցների միջև պետք է ապահովված լինի անհրաժեշտ սոցիալական հեռավորություն, բոլորը լինեն դիմակներով։ Կազմակերպությունները պետք է նաև սանիտարահիգիենիկ պայմաններ ապահովեն ձեռքերը հաճախ լվանալու համար։

Հայաստանի իշխանություններն արդեն հայտարարել են, որ արտակարգ դրությունը օգոստոսի 12 -ից հետո կրկին երկարաձգվելու է ևս մեկ ամսով` մինչև սեպտեմբերի 13-ը։

18
թեգերը:
Հայաստան, Երևան, խախտում, որոշում, պարետ, ՀՀ առողջապահական և աշխատանքի տեսչական մարմին (ԱԱՏՄ)
թեմա:
Կորոնավիրուսը Հայաստանում և Արցախում
Ըստ թեմայի
Խախտում են անվտանգության կանոնները. ԱԱՏՄ-ն 55 կազմակերպություն է փակել
ԱԱՏՄ ստուգումները շարունակվում են. ովքեր են առավել հաճախ խախտում պարետի որոշումները
ՀՀ-ում կասեցվել է շուրջ 650 տնտեսվարողի գործունեություն. ԱԱՏՄ-ն խախտումներ է հայտնաբերել
Լայնածավալ կասեցումներ Գյումրիում. ովքեր են հայտնվել ԱԱՏՄ–ի թիրախում
Սամսոն Գրիգորյան

Արտակարգ դրությունը որ գործարարների գրպանին է ավելի շատ հարվածել, և որոնք սոված չեն նստել

0
(Թարմացված է 19:15 07.08.2020)
«Կասեցում» քաղաքացիական շարժման համակարգող, գործարար Սամսոն Գրիգորյանը Sputnik Արմենիայի եթերում անդրադարձել է արտակարգ դրության պայմաններում աշխատող ՓՄՁ–ների գործունեությանն ու հարկային մարմինների հետ նրանց փոխհարաբերություններին։
Գրիգորյան. «Աջակցման ծրագրերը մանր բիզնեսի ներկայացուցիչներին թույլ չեն տվել սոված նստել տանը»

«Կասեցում» քաղաքացիական շարժման համակարգող, գործարար Սամսոն Գրիգորյանի տեղեկացմամբ` ստեղծված իրավիճակում ոչինչ չի փոխվել, եթե գործարարները ժամանակին հաշվետվություններ չներկայացնեն, հարկերը չվճարեն, կունենան խնդիրներ։ Ըստ նրա` մանր բիզներսի համար հարկային շեմի նվազեցում չի եղել, իսկ խոշոր բիզնեսի պարագայում միայն շահութահարկի հետ կապված կանխավճարները հետաձգվեցին։

«Չէի ասի, թե հարկային մարմիններն ինչ–որ խնդիրներ են հարուցում, իսկ նրանք, ովքեր աշխատանքային գործունեության ոլորտում բարեխիղճ են ու պարտաճանաչ են, պրոբլեմների չեն բախվում։ Ուղղակի մանր բիզնեսն ունի խնդիրներ կապված վարձավճարների հետ, ու քանի որ զեղչեր չեն եղել այս ընթացքում, փոքր գործարարները որոշ չափով հայտնվել են դժվար իրավիճակում»,– Sputnik Արմենիայի հետ զրույցում ասաց նա։
Գրիգորյանի փոխանցմամբ` լուրջ դժվարությունների են բախվել հատկապես նրանք, ում բիզնեսը կապված է դրսից ապրանքներ ներկրելու հետ, որովհետև շատերը չեն կարողանում գնալ և տեղում ծանոթանալ ապրանքների խմբաքանակին, գործարքի պայմաններին, հետևաբար ամեն ինչ անում են առցանց ռեժիմով, ինչն էլ իր հերթին հարուցում է խնդիրներ։ 

Կառավարությունը կօժանդակի ռեստորանային բիզնեսին աշխատատեղերի պահպանման գործում

«Օնլայն տարբերակով հնարավոր չէ ամեն ինչ անել իդեալականորեն, ինչպես անմիջական շփման ժամանակ։ Շատ դժվար է նոր ապրանքներ հայթայթել, որոշ դեպքերում ապրանքները նախանշվածի նման չեն գալիս, հնարավոր չէ արդյունավետորեն հետևել տեղափոխման գործընթացին»,– նշեց գործարարը։

Գրիգորյանի համոզմամբ` թեև բիզնեսում շատ բան դանդաղել է ու բարդացել, բայց դրանք լուծվող հարցեր են, պարազապես  փոքր արտահանողները լուրջ խնդիրներ ունեն. նրանք չեն կարողանում իրենց արտադրանքը մատակարարել արտերկրի գործընկերներին, քանի որ այնտեղ էլ գրանցվել է ապրանքաշրջանառության անկում, իսկ ներկրումների ոլորտում անկումը կազմում է շուրջ 20 տոկոս։ 

Գրիգորյանն ընդգծեց, որ Կառավարության կողմից մանր ու միջին բիզնեսին առնչվող աջակցության ծրագրերը թեև արմատապես իրավիճակը չեն փոխել, սակայն շատերին թույլ չեն տվել սոված նստել տանը` ի տարբերություն ժամանցային բիզնեսի ու սպասարկման ոլորտի ներկայացուցիչների։ Սամսոն Գրիգորյանին հայտնի ՓՄՁ–ների մեծ մասն օգտվել է կառավարության հակաճգնաժամային միջոցառումներից, ոմանք նույնիսկ երկու–երեք անգամ։ 

Եթե ռեստորանները բացվել են, թատրոններն ինչո՞ւ են փակ. թատերական գործիչների առաջարկը

0
թեգերը:
համավարակ, կորոնավիրուս, Արտակարգ դրություն, ՀՀ կառավարություն, գործարար, Սամսոն Գրիգորյան
Ըստ թեմայի
ՀՀ տնտեսությունը շուրջ 5%–ով անկում է ապրել. մի փոքր օգնել են պղնձի և ոսկու «պարերը»
ՀՀ տնտեսությունն այնքան էլ վատ վիճակում չէ. որը պետք է լինի պետության միակ անելիքը
«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան
17․2% տնտեսական անկում․ ինչ վիճակում է ՀՀ տնտեսությունը, և արդյոք կավելանա արտաքին պարտքը