Էդմոն Մարուքյան

«Ես քո կլասիկ ցավը տանեմ». Էդմոն Մարուքյանն անակնալ նվեր է գտել գրասեղանին

4687
Բացի Մարուքյանից, նվերը հաստատ դուր է եկել նաև նրա էջի բաժանորդներին, որովհետև լուսանկարի հրապարակմանը հաջորդել է մեկնաբանությունների տեղատարափը։

ԵՐԵՎԱՆ, 14 դեկտեմբերի – Sputnik. «Լուսավոր Հայաստան» կուսակցության ղեկավար Էդմոն Մարուքյանին զվարճալի նվեր են մատուցել, որը նա անմիջապես լուսանկարել է և հրապարակել Facebook սոցիալական ցանցի իր էջում։

«Եկա գրասենյակ, ասացին` անակնկալ նվեր ունեմ»,– լուսանկարին կից գրել է նա։

Նրա հրապարակմանը հաջորդել են բաժանորդների մեկնաբանությունները։ «Սրանով միայն կլասիկ թեյ խմեք»,– խորհուրդ է տվել նրանցից մեկը։ Մեկ ուրիշն էլ ավելացրել է. «Ինչ պոզիտիվ եք, ապրեք դուք, ես լինեի, կմտածեի` Ծառուկյանն ա կողքի սենյակից կոմպլիմենտ ուղարկել»։

Լուսանկարն արդեն ավելի քան 2 հազար «լայքի» է արժանացել։

Հիշեցնենք, որ բաժակին գրված արտահայտությունը թևավոր խոսք դարձավ ԱԺ ընտրությունից առաջ, երբ  քաղաքական ուժերի նախընտրական ցուցակների առաջին համարները բանավիճելու նպատակով հավաքվեցին Հանրային հեռուստատեսությունում ։ Մարուքյանի և ԲՀԿ առաջնորդ Գագիկ Ծառուկյանի բանավեճի ժամանակ պատգամավորն ասաց, որ ինքը կլասիկ պատգամավոր է, իսկ Ծառուկյանն էլ ավելացրեց. «Ես քո կլասիկ ցավը տանեմ»։

4687
թեգերը:
Էդմոն Մարուքյան, Հայաստան
Ըստ թեմայի
Մնանք նոր խորհրդարանին սպասող. երբ կգումարվի ԱԺ նիստը, և երբ կձևավորվի նոր կառավարությունը
Կարմիր ուղեգորգերը փռված են. Ազգային ժողովում պատրաստվում են դիմավորել նոր պատգամավորներին
ԱԺ ընտրության քվեարկությունն ավարտվեց. պատմական օրը` լուսանկարներով
Չակ Նորիսից մինչև ապագա ամուսին. անվավեր քվեաթերթիկների էվոլյուցիան
Խորհրդարանո՞ւմ, թե՞ նրա պատերից այն կողմ. որտե՞ղ կծնվի հայկական ընդդիմությունը
Նախընտրական մեմերը սոցցանցերում. Գվատեմալայի քաղաքացուց մինչև «կլասիկ» Մարուքյան
Կին քաղաքական գործիչը պետք է խնամված լինի. Նաիրա Զոհրաբյանը ընտանիքի և ամուսնու մասին
Ախտահանում են ԱԺ նիստերի դահլիճը. արխիվային լուսանկար

Ազգային ժողովը պատրաստ է հեռավար նիստերի և քննարկումների․ լուսանկարներ

2
(Թարմացված է 22:26 04.06.2020)
Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակակիր դեռևս չկա։

ԵՐԵՎԱՆ, 4 հունիսի - Sputnik. Կորոնավիրուսային համավարակով պայմանավորված՝ ԱԺ-ում պատրաստվում են հեռավար աշխատանքի անցնել։ ՀՀ ԱԺ աշխատակազմի ղեկավար Տիգրան Գալստյանը Facebook–ի իր էջում հրապարակել է լուսանկարներ։
«ՀՀ Ազգային ժողովը պատրաստ է հեռավար նիստերի և քննարկումների», - գրել է Գալստյանը։

Լուսանկարներում երևում են մեծ հեռուստաէկրաններ, որոնք տեղադրված են նիստերի և քննարկումների դահլիճներում։

Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակակիր դեռևս չկա։

Հեռավար աշխատանքի պրակտիկան երկրում լայնորեն կիրառվել է կրթական համակարգում, ինչպես նաև մասնավոր ընկերությունների շրջանում։

Կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

2
թեգերը:
համավարակ, Հայաստան, կորոնավիրուս, ԱԺ
Ըստ թեմայի
ՀՀ կառավարությունը կարող է անցնել հեռավար աշխատանքի
Հեռավար կրթությունը Հայաստանում կարող է շարունակվել նաև աշնանը
ՌԴ ընկերությունների 25%-ն ուզում է, որ աշխատակիցների մի մասը շարունակի հեռավար աշխատել
Ոստիկան. արխիվային լուսանկար

«Հայրիկներ ջան, էս թարգեք, ցավներդ տանեմ»․ Փաշինյանը ցույց է տվել ոստիկանների աշխատանքը

40
(Թարմացված է 22:01 04.06.2020)
Տեսանյութում երևում է` ինչպես են ոստիկանության աշխատակիցները տաղավարում հավաքված նարդի խաղացող տասից ավելի տարիքով տղամարդկանց տուն ուղարկում։

ԵՐԵՎԱՆ, 4 հունիսի - Sputnik. Հայաստանի Հանրապետության վարչապետ Նիկոլ Փաշինյանը շարունակում է իր Facebook-ի իր էջում հրապարակել հակահամավարակային միջոցառումները չպահպանելու դեպքերի վերաբերյալ լուսանկարներ ու տեսանյութեր։ Այս անգամ վարչապետը հրապարակել է տեսանյութ, որում ոստիկանության աշխատակիցները տաղավարում հավաքված և նարդի խաղացող տասից ավելի տարիքով տղամարդկանց տուն են ուղարկում։

Պարետի որոշումը խախտողներ են հայտնաբերվել. ոստիկանությունը տվյալներ է հրապարակել

«Սոցցանցերի հրապարակումների հետքերով. կներեք, հայրիկներ, բայց հանուն ձեզ ենք այսպես վարվում», - տեսանյութին կից գրել է վարչապետը։

Տեսանյութում ոստիկանները մոտենում են բակային տաղավարին, որտեղ ոչ ոք այդ պահին դիմակ չէր կրում։

«Հայրիկներ ջան, ո՞ւր են ձեր դիմակները, ինչո՞ւ եք էսպես մոտ նստած, էս ամեն ինչը թարգեք, գնացեք, ձեր ցավները տանեմ», - քաղաքացիներին դիմում է ոստիկաններից մեկը։

Մի քանի տղամարդիկ հանում են իրենց գրպաններից դիմակներն ու դնում, մի քանիսն էլ սկսում են վիճել ոստիկանների հետ, թե՝ նստած խաղում ենք, ո՞ւմ ենք վնասում, ի՞նչ իրավունքով եք խանգարում։

Ոստիկանները հորդորում են քաղաքացիներին համացանցով ու հեռուստացույցով լուրերին հետևել, որպեսզի իմանան՝ ինչ իրավունքով են իրենց «խանգարում»։

Պարետը չի բացառում կարանտինային ռեժիմ սահմանելու հնարավորությունը

«Մանավանդ ձեր տարիքում` չի կարելի սենց բաներ անել, գնացեք տներով», - ասում է ոստիկաններից մեկը։

Ոստիկանների նկատողությունից ակնհայտորեն դժգոհ քաղաքացիները փակում են նարդիներն ու հեռանում։

Հիշեցնենք` կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

40
թեգերը:
Նիկոլ Փաշինյան, պապիկ, ոստիկան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Կուտակումներն անթույլատրելի են. Կենտրոնական բանկը հերթերի դեմ պայքարի ձևեր է փնտրում
«Աչքներս լույս, բախտավոր բալիկ լինի...». Փաշինյանը նոր լուսանկարներ է հրապարակել
Փաշինյանը զայրացել է. մի քանի տատիկ, պապիկ կմահանան միջոցառման պատճառով