Կենդանաբանական այգի

Հերթական պատահարը կենդանաբանական այգում. սատկել է բեզոարյան այծերից մեկը

150
Բեզոարյան այծի այս առանձնյակը երկուշաբթի օրը հայտնվել էր իր ազատավանդակից և Կենդանաբանական այգու սահմաններից դուրս:

ԵՐԵՎԱՆ, 12 դեկտեմբերի — Sputnik. Երևանի Կենդանաբանական այգում այսօր առավոտյան դժբախտ դեպք է տեղի ունեցել. բեզոարյան այծերից մեկին հայտնաբերել են սատկած վիճակում:

Այս մասին տեղեկացնում են Կենդանաբանական այգու մամուլի ծառայությունից։

Բեզոարյան այծի այս առանձնյակը երկուշաբթի օրը` դեկտեմբերի 10–ին, հայտնվել էր իր ազատավանդակից և Կենդանաբանական այգու սահմաններից դուրս, սակայն այգու աշխատակիցների ջանքերով նորից վերադարձվել է այնտեղ:

Կոկորդիլոս
© Sputnik / Наталья Селиверстова

Կենդանին այդ ազատավանդակում բնակվում էր 2013 թվականից՝ ծնվելու օրվանից: Հանգամանալից ուսումնասիրությունը կպարզի, թե ինչու էր կենդանին փախել իր տարածքից և ինչն է դարձել նրա անկման պատճառը։

Հիշեցնենք, որ վերջին շրջանում պատահարներն ու անցանկալի իրադարձությունները հաճախակիացել են Կենդանաբանական այգում:

Թունավորման հետևանքով զեբրի, կոկորդիլոսի և մյուս կենդանիների անկման հետ կապված ցավալի դեպքերի՝ դեռևս իրավապահների կողմից չպարզված հանգամանքների ֆոնին այսօր էլ սատկել է բեզոարյան այծերից մեկը։

Կենդանաբանական այգու տնօրինության կարծիքով` Այգու շուրջ ծավալված իրադարձություններում անհնար է չնկատել հետևողականություն և ցանկալիին հասնելու պայքար:

«Համոզված ենք, որ քանի դեռ իրավապահ մարմինները ամբողջ ուժով և ծավալով չեն զբաղվել վերջին շրջանում Կենդանաբանական այգում տեղի ունեցած իրադարձություններով և դրանց մեղավորները չեն պատժվել, այս իրավիճակը շարունակական է լինելու։

Ի դեպ, այս դեպքը կրկին մատնացույց է անում Կենդանաբանական այգու տնօրինության բազմիցս բարձրացրած՝ Այգու ամբողջական տարածքի ցանկապատման խնդրի ակտուալությունը»,–ասված է հաղորդագրության մեջ

Կենդանաբանականում այժմ կա 12 բեզոարյան այծ, որոնցից երեքը այգում ծնվել են այս տարի:

150
Ըստ թեմայի
Երևանի կենդանաբանական այգում լայնածավալ ստուգումներ կանցկացվեն. ո՞վ է առաջարկի հեղինակը
«Զեբրին դիտավորյալ են թունավորել». Կենդանաբանական այգու տնօրենը հրաժարական կտա, եթե...
Ինչու՞ են թեժացել կրքերը Կենդանաբանական այգում. Sputnik–ի հյուրն Արևիկ Մկրտչյանն է