Էդմոն Մարուքյան

Ո՞վ է Ծառուկյանի հիշատակած Գևորգը. Մարուքյանը բացեց փակագծերը

473
«Լուսավոր Հայաստանի» նախագահ Էդմոն Մարուքյանը կատարել է իր ընտրությունը։ Նա պատասխանել է լրագրողների հարցերին, նաև` նախընտրական բանավեճից հետո առաջացած ինտրիգների մասին։

ԵՐԵՎԱՆ, 9 դեկտեմբերի — Sputnik. «Լուսավոր Հայաստանի» համամասնական ցուցակը գլխավորող Էդմոն Մարուքյանն իր ընտրությունը կատարել է Հայաստանի այն ներկայի համար, որը սկսվել է և այն ապագայի, որի մասին խոսել է քարոզարշավի ընթացքում։ Այս մասին թեկնածուն հայտնեց լրագրողներին` իր ընտրությունը կատարելուց հետո։

«Այսօր հնի և նորի կռվի ավարտն է։ Ես մեր քաղաքացիներին կոչ եմ անում շատ ակտիվ գնալ և իրենց քաղաքացիական պարտքը կարատել։ Հանկարծ չկարծեք, որ ամեն ինչ ավարտված է։ Այսօր է ամեն ինչ ավարտվելու»,– ասաց նա։

Մարուքյանը հայտնեց նաև, որ «Լուսավոր Հայաստանի» ներկայացուցիչները ընտրական տեղամասերից խախտումների վերաբերյալ մի շարք մտահոգող տեղեկություններ են ներկայացրել, որոնք իրենք փոխանցել են ոստիկանությանը։

Թե ինչ խախտումների մասին է խոսքը, Մարուքյանը չմանրամասնեց` հավելելով, որ դրանք նոր չեն, այն են, ինչ արվել է բոլոր ընտրությունների ժամանակ։

Լրագրողները Էդմոն Մարուքյանից նաև փորձեցին ճշտել` ով է հեռուստաբանավեճում Գագիկ Ծառուկյանի հիշատակած Գևորգը։

«Գևորգը այն ժամանակ էլ թամամ չի աշխատել ինձ համար»,– կես լուրջ– կես կատակ ասաց Մարուքյանը, ապա հայտնեց, որ Գևորգի հետ ծառայել են բանակում, նա մարզիկ տղա է,որին հետագայում ինքը որպես պաշտպան ներկայացրել է մի քրեական գործով։

«Գևորգը ինձ համոզում էր, որ ես գնայի Ծառուկյանին տեսնեի, բայց ես ասացի` ես ոչ մեկին չունեմ տեսնելու։ Բոլոր առաջարկները մերժվել են, և այդ մերժվածությունը մինչև այսօր նստվածք է տվել։ Ես բոլոր առաջարկներն եմ մերժել ու մնացել եմ անկախ պատգամավոր, մինչև այն պահը, որ ստեղծել եմ «Լուսավոր Հայաստանը»,– ասաց նա ու հավելեց. «Այսօր էլ հազարավոր գևորգներ են աշխատել, հազարավոր մարդիկ են աշխատել մեր օգտին»։

Հիշեցնենք, Հայաստանի Հանրային հեռուստաընկերության նախընտրական բանավեճի ժամանակ ԲՀԿ նախագահ Գագիկ Ծառուկյանը Էդմոն Մարուքյանին հիշեցրել էր ոմն Գևորգի մասին, ով, իր խոսքով, իրեն միջնորդել է ընդունել Մարուքյանին։

473
թեգերը:
Ազգային ժողովի ընտրություններ, Էդմոն Մարուքյան, Հայաստան
թեմա:
ԱԺ արտահերթ ընտրություններ 2018 (357)
Ըստ թեմայի
Փաշինյանը կնոջ և դստեր հետ է գնում քվեարկության. լուսանկար
Բիչախչյան. «Ընտրողների վերջնական թիվը 2 573 779 է»
Զվարճալի դեպք Երևանի ընտրատեղամասերից մեկում. «Եկել եմ՝ ասեմ, որ սիրում եմ բոլորիդ»
Ախտահանում են ԱԺ նիստերի դահլիճը. արխիվային լուսանկար

Ազգային ժողովը պատրաստ է հեռավար նիստերի և քննարկումների․ լուսանկարներ

5
(Թարմացված է 22:31 04.06.2020)
Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակված դեռևս չկա։

ԵՐԵՎԱՆ, 4 հունիսի - Sputnik. Կորոնավիրուսային համավարակով պայմանավորված՝ ԱԺ-ում պատրաստվում են հեռավար աշխատանքի անցնել։ ՀՀ ԱԺ աշխատակազմի ղեկավար Տիգրան Գալստյանը Facebook–ի իր էջում հրապարակել է լուսանկարներ։
«ՀՀ Ազգային ժողովը պատրաստ է հեռավար նիստերի և քննարկումների», - գրել է Գալստյանը։

Լուսանկարներում երևում են մեծ հեռուստաէկրաններ, որոնք տեղադրված են նիստերի և քննարկումների դահլիճներում։

Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակված դեռևս չկա։

Հեռավար աշխատանքի պրակտիկան երկրում լայնորեն կիրառվել է կրթական համակարգում, ինչպես նաև մասնավոր ընկերությունների շրջանում։

Կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

«Անպայման հետևեք ցուցումներին». հայտնի է Արմեն Գրիգորյանի կորոնավիրուսի թեստի պատասխանը

5
թեգերը:
համավարակ, Հայաստան, կորոնավիրուս, ԱԺ
թեմա:
Կորոնավիրուսը Հայաստանում և Արցախում
Ըստ թեմայի
ՀՀ կառավարությունը կարող է անցնել հեռավար աշխատանքի
Հեռավար կրթությունը Հայաստանում կարող է շարունակվել նաև աշնանը
ՌԴ ընկերությունների 25%-ն ուզում է, որ աշխատակիցների մի մասը շարունակի հեռավար աշխատել
Ոստիկան. արխիվային լուսանկար

«Հայրիկներ ջան, էս թարգեք, ցավներդ տանեմ»․ Փաշինյանը ցույց է տվել ոստիկանների աշխատանքը

46
(Թարմացված է 22:01 04.06.2020)
Տեսանյութում երևում է` ինչպես են ոստիկանության աշխատակիցները տաղավարում հավաքված նարդի խաղացող տասից ավելի տարիքով տղամարդկանց տուն ուղարկում։

ԵՐԵՎԱՆ, 4 հունիսի - Sputnik. Հայաստանի Հանրապետության վարչապետ Նիկոլ Փաշինյանը շարունակում է իր Facebook-ի իր էջում հրապարակել հակահամավարակային միջոցառումները չպահպանելու դեպքերի վերաբերյալ լուսանկարներ ու տեսանյութեր։ Այս անգամ վարչապետը հրապարակել է տեսանյութ, որում ոստիկանության աշխատակիցները տաղավարում հավաքված և նարդի խաղացող տասից ավելի տարիքով տղամարդկանց տուն են ուղարկում։

Պարետի որոշումը խախտողներ են հայտնաբերվել. ոստիկանությունը տվյալներ է հրապարակել

«Սոցցանցերի հրապարակումների հետքերով. կներեք, հայրիկներ, բայց հանուն ձեզ ենք այսպես վարվում», - տեսանյութին կից գրել է վարչապետը։

Տեսանյութում ոստիկանները մոտենում են բակային տաղավարին, որտեղ ոչ ոք այդ պահին դիմակ չէր կրում։

«Հայրիկներ ջան, ո՞ւր են ձեր դիմակները, ինչո՞ւ եք էսպես մոտ նստած, էս ամեն ինչը թարգեք, գնացեք, ձեր ցավները տանեմ», - քաղաքացիներին դիմում է ոստիկաններից մեկը։

Մի քանի տղամարդիկ հանում են իրենց գրպաններից դիմակներն ու դնում, մի քանիսն էլ սկսում են վիճել ոստիկանների հետ, թե՝ նստած խաղում ենք, ո՞ւմ ենք վնասում, ի՞նչ իրավունքով եք խանգարում։

Ոստիկանները հորդորում են քաղաքացիներին համացանցով ու հեռուստացույցով լուրերին հետևել, որպեսզի իմանան՝ ինչ իրավունքով են իրենց «խանգարում»։

Պարետը չի բացառում կարանտինային ռեժիմ սահմանելու հնարավորությունը

«Մանավանդ ձեր տարիքում` չի կարելի սենց բաներ անել, գնացեք տներով», - ասում է ոստիկաններից մեկը։

Ոստիկանների նկատողությունից ակնհայտորեն դժգոհ քաղաքացիները փակում են նարդիներն ու հեռանում։

Հիշեցնենք` կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

46
թեգերը:
Նիկոլ Փաշինյան, պապիկ, ոստիկան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Կուտակումներն անթույլատրելի են. Կենտրոնական բանկը հերթերի դեմ պայքարի ձևեր է փնտրում
«Աչքներս լույս, բախտավոր բալիկ լինի...». Փաշինյանը նոր լուսանկարներ է հրապարակել
Փաշինյանը զայրացել է. մի քանի տատիկ, պապիկ կմահանան միջոցառման պատճառով