Գյումրի

Այսուհետ դեկտեմբերի 7-ը ոչ միայն հիշատակի, այլև դիմակայության օր է

136
ՀՀ կառավարությունը փոփոխություն է առաջարկում տոների և հիշատակի օրերի մասին օրենքում։

ԵՐԵՎԱՆ, 7 դեկտեմբերի — Sputnik. ՀՀ կառավարության արտագնա նիստը Գյումրիում այսօր սկսվեց մեկ րոպե լռությամբ` ի հիշատակ Սպիտակի ավերիչ երկրաշարժի զոհերի։

Օրակարգային առաջին հարցով կառավարությունը հաստատեց ՀՀ ԱԻ նախարարի պաշտոնակատար Ֆելիքս Ցոլակյանի առաջարկը` դեկտեմբերի 7-ն այսուհետ նշել ոչ միայն որպես հիշատակի, այլև որպես աղետների դիմակայության օր։

ԱԻՆ ներկայացրած նախագծով առաջարկվում է «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի 15-րդ հոդվածում «հիշատակի» բառից հետո լրացնել «և աղետներին դիմակայունության» արտահայտությունը:

Նախագիծը ներկայացնելով նախարարի պաշտոնակատարը շեշտեց, որ երկրաշարժի ողբերգական հետևանքները պայմանավորված էին նաև նրանով, որ տուժած բնակավայրերի բնակչությունը պատրաստ չէր դիմակայելու բնական աղետին։

Կառավարության հաստատած նախագիծն առաջիկայում կներկայացվի ԱԺ–ի հաստատմանը։

136
թեգերը:
ՀՀ կառավարություն, Սպիտակի երկրաշարժ 1988, Գյումրի
թեմա:
Սպիտակի երկրաշարժ. 1988թ. (38)
Ըստ թեմայի
Զոհեր, ավերածություններ, կորուստներ. Սպիտակի երկրաշարժի մասշտաբները
«Աստված քո ցավն ինձ տա». Ռիժկովը հիշում է Լենինականի սարսափելի օրերը
Միլիարդավոր դրամներ ու հազարավոր անօթևաններ. աղետի գոտու 30–ամյա թշվառությունը