Արա Բաբլոյան

ՀՀԿ–ական պատգամավորը մնում է անձեռնմխելի. ԱԺ–ում սպասում են քվորումին

140
Գործընկերոջը պատգամավորական անձեռնմխելիությունից զրկելու ցանկություն ունի 11 պատգամավոր։

ԵՐԵՎԱՆ, 5 դեկտեմբերի — Sputnik. Կաշառքի ու փողերի լվացման մեջ մեղադրվող ԱԺ ՀՀԿ խմբակցության պատգամավոր Արամ Հարությունյանին պատգամավորական անձեռնմխելիությունից զրկելու հարցի քննարկումը դարձյալ հետաձգվեց` մինչև քվորումի ապահովումը: Այդ հարցով հրավիրված ԱԺ նիստին այս պահին ներկա է 11 պատգամավոր։

«Գրանցվել է 11 պատգամավոր, քվորում չկա, պետք է սպասենք»,– պատգամավորների գրանցումից հետո հայտարարեց նիստը վարող ԱԺ նախագահ Արա Բաբլոյանը։

ԱԺ Կանոնակարգ օրենքի 51-րդ հոդվածի 4-րդ մասի համաձայն` նիստը շարունակվում է մինչև անհրաժեշտ թվով պատգամավորների գրանցվելը, բայց ոչ ավելի, քան 4 ժամ։ Փաստորեն, Ազգային ժողովը ստիպված է բացականերին սպասել մինչև 14։00-ն։

Հիշեցնենք` ՀՀ գլխավոր դատախազությունը դեկտեմբերի 3-ին հայտարարել էր, որ կաշառքի ու փողերի լվացման փաստով հարուցված քրեական գործով մեղադրանք է ներկայացվել ԱԺ ՀՀԿ խմբակցության պատգամավոր, նախկին բնապահպանության նախարար Արամ Հարությունյանին։ Գլխավոր դատախազը դիմել էր ԱԺ նախագահին` Արամ Հարությունյանին անձեռնմխելիությունից զրկելու հարցով ԱԺ արտահերթ նիստ հրավիրելու միջնորդությամբ:

140
թեգերը:
Հայաստան
Ըստ թեմայի
Հայտնի է Արամ Հարությունյանին անձեռնմխելիությունից զրկելու ԱԺ նիստի օրը
Արամ Հարությունյանին անձեռնմխելիությունից զրկելու երկրորդ փորձը խորհրդարանը կանի վաղը
Արամ Հարությունյանի գործով կալանավորվել են նրա 2 գործընկերները. «Ժողովուրդ»