Վերքաքննիչ դատարան

Պաշտոնյաներին կաշառքի մեջ մեղադրող Սիլվա Համբարձումյանը կկանչվի՞ դատարան

285
ՀՀ նախկին պաշտոնյաներին իրենից կաշառք ստանալու մեջ մեղադրող գործարար կինն առաջիկայում կարող է հայտնվել դատարանում։

ԵՐԵՎԱՆ, 4 դեկտեմբերի — Sputnik. Գործարար Սիլվա Համբարձումյանն առաջիկայում կկանգնի դատարանի առաջ։ Ինչպես Sputnik Արմենիային հայտնում են ՀՀ 2-րդ նախագահ Ռոբերտ Քոչարյանի փաստաբանական գրասենյակից, Երևան քաղաքի առաջին ատյանի ընդհանուր իրավասության դատարանը վարույթ է ընդունել Ռոբերտ Քոչարյանի հայցն ընդդեմ Սիլվա Համբարձումյանի։

«Հայցադիմումը ներկայացվել է Ռոբերտ Քոչարյանի ներկայացուցիչ Արամ Օրբելյանի կողմից՝ զրպարտություն հանդիսացող փաստացի տվյալները հերքելու և երկու միլիոն ՀՀ դրամ փոխհատուցում բռնագանձելու պահանջներով»,– հայտնում են գրասենյակից։

Շուրջ 1 ամիս առաջ` նոյեմբերի 13-ին դատարան ներկայացված հայցադիմումի հիմքում 2018թ.–ի նոյեմբերի 2-ին «Հայացք» մամուլի ակումբում ասուլիսի ժամանակ Սիլվա Համբարձումյանի հայտարարությունն է, ըստ որի 2008 թվականին ինքը խոշոր գործարք է արել արաբների հետ և իրեն չխանգարելու համար վճարել նախագահ Ռոբերտ Քոչարյանին։

Հիշեցնենք` Սիլվա Համբարձումյանն այդ ասուլիսի ժամանակ հայտարարել էր, որ տարիներ առաջ կաշառք է տվել ոչ միայն Ռոբերտ Քոչարյանին, այլև Սերժ Սարգսյանին ու բնապահպանության նախկին նախարար Արամ Հարությունյանին։

Ի դեպ, ՀՀ Գլխավոր դատախազությունը երեկ հայտարարել է, որ առանձնապես խոշոր չափերի կաշառքի ու փողերի լվացման համար մեղադրանք է առաջադրվել նախկին նախարար, ԱԺ պատգամավոր Արամ Հարությունյանին այն բանի համար, որ նա 2008թ.–ին, զբաղեցնելով նախարարի և «Ընդերքի օգտակար հանածոների շահագործման նպատակով ուսումնասիրության հատուկ լիցենզիաներ» տրամադրող միջգերատեսչական հանձնաժողովի նախագահի պաշտոնները, Սյունիքի, Գեղարքունիքի, Լոռու, Կոտայքի մարզերի գունավոր մետաղների 10 հանքերևակումների ուսումնասիրության և շահագործման հատուկ լիցենզիաներ տրամադրելու համար, Սիլվա Համբարձումյանից պահանջել և միջնորդավորված եղանակով ստացել է 14 մլն ԱՄՆ դոլար կաշառք:

Ըստ գործի նյութերի` կաշառք վերցրած գումարներն Արամ Հարությունյանը լվացել է այլ երկրում այլ անձանց անուններով բացված բանկային հաշվիներով փոխանցումներ կատարելու եղանակով` թաքցնելով դրանց հանցավոր ծագումը։

ՀՀ գլխավոր դատախազ Արթուր Դավթյանը միջնորդություններ էր ներկայացրել ՀՀ Ազգային ժողովին` պատգամավոր Արամ Հարությունյանի նկատմամբ քրեական հետապնդում հարուցելու և նրան կալանավորելու համաձայնություն ստանալու համար։

Այդ հարցով ԱԺ նիստն այսօր չկայացավ քվորումի բացակայության պատճառով։ Հերթական նիստը նշանակված է վաղն առավոտյան։

285
թեգերը:
Ռոբերտ Քոչարյան, Հայաստան
թեմա:
Ռոբերտ Քոչարյան (453)
Ըստ թեմայի
Ռոբերտ Քոչարյանի որդիների զինծառայության թեման շարունակվում է. կրտսեր Քոչարյանի պատասխանը
Դատարանը կքննի Ռոբերտ Քոչարյանի փաստաբանների բողոքը. գլխավոր դատախազը դեմ է եղել
Որտեղի՞ց է վերցված մարտի 1-ին արտակարգ դրություն հայտարարելու մասին Քոչարյանի հրամանագիրը
Բռնություն

Մանկատան սաներին ծեծել են, հոգեկան տառապանք պատճառել․ 2 աշխատակից է ձերբակալվել

22
(Թարմացված է 18:21 19.09.2020)
Նախաքննության ընթացքում կատարվել են մի շարք քննչական գործողություններ, այդ թվում՝ հարցաքննություններ:

ԵՐԵՎԱՆ, 19 սեպտեմբերի — Sputnik. ՀՀ քննչական կոմիտեն տեղեկացնում է, որ «Մանկան տուն» ՊՈԱԿ-ի երկու աշխատակցուհիներ ձերբակալվել են՝ սաների նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով։

«Բացահայտվել է «Մանկան տուն» ՊՈԱԿ-ի աշխատակիցների կողմից նշված հաստատության սաներին առերևույթ ծեծի ենթարկելու և նրանց նկատմամբ  պարբերաբար դաժան վերաբերմունք դրսևորելու դեպք: Փաստի առթիվ ոստիկանությունում սեպտեմբերի 18-ին հարուցվել է քրգործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով»,-նշված է հաղորդագրության մեջ։

Նախաքննության ընթացքում կատարվել են մի շարք քննչական գործողություններ, այդ թվում՝ հարցաքննություններ:

Քրեական գործով էական նշանակություն ունեցող հանգամանքներ պարզելու նպատակով նշանակվել են դատաբժշկական փորձաքննություններ: Նախաքննությունը շարունակվում է:

Ինչու են մանկատան շրջանավարտներն անհավասար իրավիճակում հայտնվել. Բաթոյանի մեկնաբանությունը

22
թեգերը:
ազատում, ծեծ, երեխա, մանկատուն
Ըստ թեմայի
«25 տարի հույսով սպասել եմ». մանկատների 18 շրջանավարտ բնակարանի գնման վկայագրեր ստացան
Գյումրիում կորոնավիրուսի նոր օջախ է հայտնաբերվել. թիրախում մանկատան սաներն են
«Յուղոտ վերնագիր». կառավարությունը 166 բնակարան կնվիրի մանկատան շրջանավարտներին
Լևոն Վարդանյան

«Հին Երևանի» աշխատանքներում ամեն ինչ չէ, որ հարթ է ընթանում

20
(Թարմացված է 17:29 19.09.2020)
«Հին Երևան» նախագծի հեղինակ, ճարտարապետ Լևոն Վարդանյանը Sputnik Արմենիայի եթերում անդրադարձել է նախագծի շինարարական աշխատանքների ընթացքին։
Վարդանյան. «Հին Երևանի» նախագծի շրջանակում կանգնած ենք իրացման աշխատանքների խնդրի առջև

Լևոն Վարդանյանի տեղեկացմամբ` աշխատանքներն արդեն մոտենում են ավարտական փուլին, մնացել է միայն կենտրոնական ծածկն ու բարեկարգման ընդհանուր աշխատանքը։ Ճարտարապետը հույս է հայտնում, որ այս տարի աշխատանքները կավարտվեն։

«Մենք հիմա կանգնած ենք իրացման աշխատանքների խնդրի առջև։ Խոսքը վերաբերում է նախևառաջ Արամի և Բուզանդի փողոցների բնակիչների փոխհատուցման խնդրին։ Այդ հատվածում աշխատանքներն ավարտվում են, որտեղ կան երեք տեսակի հուշարձաններ` պահպանվող, տեղափոխվող և վերստեղծվող»,– նշում է ճարտարապետը։

Լևոն Վարդանյանի փոխանցմամբ` երբ տեղափոխվող հուշարձանները կրկին կհավաքվեն նույն տեղում, այդժամ ծրագիրը ժողովրդի համար ավելի ընկալելի կլինի։ Ճարտարապետը տեղեկացնում է, որ իր օրոք ապամոնտաժվել է մեկ շենք` «Աֆրիկյանների եկամտաբեր տունը»։ Նա սկզբից ղեկավարել է աշխատանքները  և պնդում է, որ շենքի երեսի դիմահար քարերն ամբողջությամբ պահպանվել են, իսկ ինչ վերաբերում է շինարարական մյուս հատվածներին, ապա բոլոր քարերը պետք է պահպանվեն, իսկ անհնարինության դեպքում՝անպայմանլրացվեն։

«Մինչ օրս իրացման աշխատանքների մոտ 65 տոկոսն է կատարված, մնացածի հետ կապված կան բարդություններ, որովհետև բնակիչների հետ աշխատանքներ են տարվում, տեսնենք ինչով այդ ամենը կավարտվի։ Սպասում ենք, որ գոնե ևս մեկ տարածք մաքուր լինի, որ սկսենք շինարարական աշխատանքները»,– նշում է ճարտարապետը։

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Լևոն Վարդանյանի փոխանցմամբ` տարածքի նկատմամբ գերակա շահն ի սկզբանե հաստատվեց, այնուհետև գերակա շահի մասին օրենքը վերահաստատվեց։ Այսօր շատ դժվար է իրացման աշխատաքներ կատարել ամբողջ քաղաքում, առավել ևս՝ կենտրոնում։ Ըստ նրա` նախագծի ներդրողների հետ շենքերի ֆունկցիոնալ նշանակության հարցերը դեռ չեն հստակեցվել, որովհետև դա ամենաբարդ պրոբլեմներից է։ Նախագիծը ենթադրում է բազմաֆունկցիոնալ կենտրոն, և եթե պատվիրատուն մի քանի տարի սպասում է, որպեսզի ավարտվեն իրացման աշխատանքները և ինքը սկսի շինարարությունը, ապա ինչպե՞ս կարող է անորոշ ժամանակահատվածում կոնկրետ որևէ ֆունկցիայի մասին խոսք լինել։

20
թեգերը:
ճարտարապետ, «Հին Երևան» նախագիծ
Ըստ թեմայի
«Հին Երևանը» 2–րդ սերիա կունենա. իշխանությունը համուհոտը վերադարձնելու նոր տարբերակ ունի
Ռուսերեն ու գերմաներեն հայհոյող և հայերեն խոսող «գուշակ» թութակը. կյանքը հին Երևանում
«Սիրում եմ Երևանը, որն արդեն չկա՝ Հին Բաղնիքի մոտի փողոցները». Պիոտրովսկի

Հայաստանում մեկնարկել են «Կովկաս-2020» ռազմավարական զորավարժությունները․ տեսանյութ

0
(Թարմացված է 18:51 19.09.2020)
Սեպտեմբերի 21-26-ը ռազմավարական հրամանատարական-շտաբային զորավարժությունների շրջանակում կմշակվեն միջազգային ահաբեկչության դեմ մոտոհրաձգային ստորաբաժանումների, ավիացիայի և ՀՕՊ-ի օգտագործման խնդիրները։

«Ալագյազ» զորավարժարանում տեղի է ունեցել Հայաստանում ընթացող «Կովկաս-2020» ռազմավարական հրամանատարական-շտաբային զորավարժություններին մասնակցող երկրների պետական ​​դրոշների բարձրացման հանդիսավոր արարողությունը։ Տեղեկությունը հաղորդում է Հարավային ռազմական շրջանի մամուլի ծառայությունը:

Բացման արարողությանը ներկա էին Հարավային ռազմական շրջանի (ЮВО) ռազմակայանի հրամանատար, գնդապետ Նիկոլայ Մարտինյուկը, զորքերի միավորված խմբի հրամանատար, գեներալ-մայոր Տիգրան Փարվանյանը, երկու երկրների ուժային կառույցների և դիվանագիտական ​​կորպուսի ներկայացուցիչներ:

Սեպտեմբերի 21-26-ը ռազմավարական հրամանատարական-շտաբային զորավարժությունների շրջանակում կմշակվեն միջազգային ահաբեկչության դեմ մոտոհրաձգային  ստորաբաժանումների, ավիացիայի և ՀՕՊ-ի օգտագործման խնդիրները։

Այս տարվա ռազմավարական զորավարժությունների առանձնահատկությունն այն է, որ դրանք տեղի են ունենում կորոնավիրուսի համավարակով պայմանավորված հակահամաճարակային կանոնների խիստ պահպանմամբ։ ՌՀՇԶ-ի (Ռազմավարական հրամանատարական-շտաբային զորավարժություններ) մասնակիցները գտնվելու են բժիշկների հսկողության տակ։

«Հայաստանում անցկացվող «Կովկաս-2020» ՌՀՇԶ-ի մարտական-ռազմավարական գործողություններին ներգրավված է ընդհանուր առմամբ 1,5 հազար մարդ և մոտ 300 միավոր ռազմական տեխնիկա, այդ թվում՝ երկու երկրների օպերատիվ-մարտավարական, բանակային և անօդաչու ավիացիան»,-ասվում է հաղորդագրության մեջ։

Հայաստանը կմասնակցի «Կովկաս-2020» զորավարժությունների ցամաքային մասին

Զորավարժությունների ընթացքում կմշակվեն պետությունների զորքերի (ուժերի) կիրառման հարցերը՝ ի շահ Ռուսաստանի հարավ-արևմուտքում ռազմական անվտանգության ապահովման: Համատեղ գործողությունների մշակման համար հրավիրվել են Հայաստանի, Բելառուսի, Չինաստանի, Մյանմարի և Պակիստանի զինվորական կազմավորումները, ընդհանուր առմամբ մինչև հազար օտարերկրյա զինծառայողներ:

«Կովկաս-2020» զորավարժությունը տեղի կունենա 2020 թ․-ի սեպտեմբերի 21-ից 26-ն ընկած ժամանակահատվածում՝ ՌԴ ԶՈւ գլխավոր շտաբի պետի՝ Հարավային ռազմական շրջանում Ռուսաստանի Դաշնության պաշտպանության նախարարի առաջին տեղակալի ղեկավարությամբ և ընթացիկ տարում կդառնա Ռուսաստանի Դաշնության Զինված ուժերի օպերատիվ (մարտական) պատրաստության համալիր միջոցառումների եզրափակիչ փուլը:

0
թեգերը:
Զորավարժություններ, զորք, Ռուսաստան, Հայաստան, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Ադրբեջանը չի մասնակցի Ռուսաստանում կայանալիք «Կովկաս 2020» զորավարժություններին
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին
Հայաստանում ՀԱՊԿ երկու զորավարժություն կանցկացվի. ինչ խնդիր է դրված