Վերքաքննիչ դատարան

Պաշտոնյաներին կաշառքի մեջ մեղադրող Սիլվա Համբարձումյանը կկանչվի՞ դատարան

283
ՀՀ նախկին պաշտոնյաներին իրենից կաշառք ստանալու մեջ մեղադրող գործարար կինն առաջիկայում կարող է հայտնվել դատարանում։

ԵՐԵՎԱՆ, 4 դեկտեմբերի — Sputnik. Գործարար Սիլվա Համբարձումյանն առաջիկայում կկանգնի դատարանի առաջ։ Ինչպես Sputnik Արմենիային հայտնում են ՀՀ 2-րդ նախագահ Ռոբերտ Քոչարյանի փաստաբանական գրասենյակից, Երևան քաղաքի առաջին ատյանի ընդհանուր իրավասության դատարանը վարույթ է ընդունել Ռոբերտ Քոչարյանի հայցն ընդդեմ Սիլվա Համբարձումյանի։

«Հայցադիմումը ներկայացվել է Ռոբերտ Քոչարյանի ներկայացուցիչ Արամ Օրբելյանի կողմից՝ զրպարտություն հանդիսացող փաստացի տվյալները հերքելու և երկու միլիոն ՀՀ դրամ փոխհատուցում բռնագանձելու պահանջներով»,– հայտնում են գրասենյակից։

Շուրջ 1 ամիս առաջ` նոյեմբերի 13-ին դատարան ներկայացված հայցադիմումի հիմքում 2018թ.–ի նոյեմբերի 2-ին «Հայացք» մամուլի ակումբում ասուլիսի ժամանակ Սիլվա Համբարձումյանի հայտարարությունն է, ըստ որի 2008 թվականին ինքը խոշոր գործարք է արել արաբների հետ և իրեն չխանգարելու համար վճարել նախագահ Ռոբերտ Քոչարյանին։

Հիշեցնենք` Սիլվա Համբարձումյանն այդ ասուլիսի ժամանակ հայտարարել էր, որ տարիներ առաջ կաշառք է տվել ոչ միայն Ռոբերտ Քոչարյանին, այլև Սերժ Սարգսյանին ու բնապահպանության նախկին նախարար Արամ Հարությունյանին։

Ի դեպ, ՀՀ Գլխավոր դատախազությունը երեկ հայտարարել է, որ առանձնապես խոշոր չափերի կաշառքի ու փողերի լվացման համար մեղադրանք է առաջադրվել նախկին նախարար, ԱԺ պատգամավոր Արամ Հարությունյանին այն բանի համար, որ նա 2008թ.–ին, զբաղեցնելով նախարարի և «Ընդերքի օգտակար հանածոների շահագործման նպատակով ուսումնասիրության հատուկ լիցենզիաներ» տրամադրող միջգերատեսչական հանձնաժողովի նախագահի պաշտոնները, Սյունիքի, Գեղարքունիքի, Լոռու, Կոտայքի մարզերի գունավոր մետաղների 10 հանքերևակումների ուսումնասիրության և շահագործման հատուկ լիցենզիաներ տրամադրելու համար, Սիլվա Համբարձումյանից պահանջել և միջնորդավորված եղանակով ստացել է 14 մլն ԱՄՆ դոլար կաշառք:

Ըստ գործի նյութերի` կաշառք վերցրած գումարներն Արամ Հարությունյանը լվացել է այլ երկրում այլ անձանց անուններով բացված բանկային հաշվիներով փոխանցումներ կատարելու եղանակով` թաքցնելով դրանց հանցավոր ծագումը։

ՀՀ գլխավոր դատախազ Արթուր Դավթյանը միջնորդություններ էր ներկայացրել ՀՀ Ազգային ժողովին` պատգամավոր Արամ Հարությունյանի նկատմամբ քրեական հետապնդում հարուցելու և նրան կալանավորելու համաձայնություն ստանալու համար։

Այդ հարցով ԱԺ նիստն այսօր չկայացավ քվորումի բացակայության պատճառով։ Հերթական նիստը նշանակված է վաղն առավոտյան։

283
թեգերը:
Ռոբերտ Քոչարյան, Հայաստան
թեմա:
Ռոբերտ Քոչարյանի գործը (442)
Ըստ թեմայի
Ռոբերտ Քոչարյանի որդիների զինծառայության թեման շարունակվում է. կրտսեր Քոչարյանի պատասխանը
Դատարանը կքննի Ռոբերտ Քոչարյանի փաստաբանների բողոքը. գլխավոր դատախազը դեմ է եղել
Որտեղի՞ց է վերցված մարտի 1-ին արտակարգ դրություն հայտարարելու մասին Քոչարյանի հրամանագիրը
Գագիկ Սուրենյան. արխիվային լուսանկար

Սև ծովից ցիկլոն է գալիս. Սուրենյանն ասել է` ինչպես պաշտպանվել

7
(Թարմացված է 14:25 08.07.2020)
Հանրապետությունում ուլտրամանուշակագույն ճառագայթման ինտեսիվությունը շարունակում է նորմայից բարձր մնալ։

ԵՐԵՎԱՆ, 8 հուլիսի – Sputnik. Սև ծովից ցիկլոնի ներթափանցմամբ պայմանավորված` հուլիսի 9-13-ին` հատկապես երեկոյան ժամերին, Հայաստանի Հանրապետության առանձին շրջաններում սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ամպրոպների ժամանակ հնարավոր են ուժեղ քամիներ, պոռթկումները` մինչև 25-30մ/վրկ։ Տեղեկությունը Facebook–ի իր էջում հայտնել է Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

Հայաստանում ուժգին քամի է լինելու. ցիկլոնը վտանգավոր է

«Ազգաբնակչությանը խորհուրդ ենք տալիս ամպրոպի ժամանակ խուսափել բացօթյա տարածքներում գտնվելուց։ Օդի ջերմաստիճանը հուլիսի 9-11-ին աստիճանաբար կնվազի 6-8 աստիճանով»,–գրել է Սուրենյանը:

Նա հիշեցրել է, որ ուլտրամանուշակագույն ճառագայթման ինտեսիվությունը սպասվում է նորմայից բարձր և խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արևի ուղիղ ճառագայթներից։

Պարետը նոր որոշում է ստորագրել. ոմանք կարող են դիմակ չդնել

7
Արարատ Միրզոյան. արխիվային լուսանկար

Մենք հիմա քաղաքական հարցեր ենք քննարկում, իսկ մարդիկ մահանում են վարակից. ԱԺ նախագահ

15
(Թարմացված է 13:54 08.07.2020)
Արարատ Միրզոյանի դիտարկմամբ` գործող օրենքներն ակնհայտորեն բավարար չեն քաղաքացիներին ստիպելու դիմակ դնել, հետևաբար, իշխանությունն ինչ-որ քայլեր պետք է ձեռնարկի:

ԵՐԵՎԱՆ, 8 հուլիսի – Sputnik. Դիմակ չդնելու համար նախատեսված տուգանքներն ավելացնելու հարցի քննարկումը շարունակվում է: Այսօր ԱԺ-ում լրագրողների հետ զրույցում ԱԺ նախագահ Արարատ Միրզոյանը չբացառեց, որ որոշ շտկումներից հետո այն դարձյալ կդրվի ԱԺ քննարկման։ 

«Սա ոչ թե քմահաճույք է, սա ոչ թե տուգանելու ցանկությունից դրդված քայլ է, ոչ թե բյուջեի եկամուտները ավելացնելու քայլ է, այլ որպեսզի այն մարդիկ, որոնք գիտակցության բարձր աստիճան չունեն՝ հասկանալու, որ դիմակով փրկում են իրենց, իրենց սիրելիների, իրենց դիմացինների կյանքը, կանխում են վարակի տարածումը, գոնե այս գումարից դրդված` դիմակը կրեն»,- ասաց նա:

Միրզոյանը հայտարարեց, որ գործող օրենքներն ակնհայտորեն բավարար չեն քաղաքացիներին ստիպելու դիմակ դնել, հետևաբար, իշխանությունն ինչ-որ քայլեր պետք է ձեռնարկի:

«Մենք հիմա քաղաքական հարցեր ենք քննարկում, իսկ մարդիկ մահանում են վարակից»,- ասաց նա:

Հիշեցնենք՝ հուլիսի 6-ին հայտնի դարձավ, որ ԱԺ «Իմ քայլը» խմբակցությունը շրջանառության մեջ է դրել «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ և փոփոխություն կատարելու մասին» նախագիծը։

Առաջարկվող փոփոխություններով հանրային բաց տարածքներում դիմակ չկրելու դեպքում սահմանվում է տուգանք 20.000 ՀՀ դրամի չափով, իսկ բնակելի տարածք չհանդիսացող փակ տարածքներում, ինչպես նաև՝ տրանսպորտային միջոցներում և աշխատավայրում` 50.000 ՀՀ դրամ։

Մեծ հաճույքով կստորագրեմ. ԱԺ նախագահը սպասում է օրենքով նախատեսված ժամկետը լրանալուն

Նախատեսված արարքները վարչական տույժի նշանակման օրվանից հետո` մեկ տարվա ընթացքում կրկին կատարելը առաջացնում է տուգանքի նշանակում` տվյալ արարքների համար նախատեսված տուգանքների կրկնապատիկի չափով։
Հուլիսի 7-ին «Իմ քայլը» խմբակցությունը շրջանառությունից հանեց դիմակ չկրելու համար տուգանքների բարձրացման մասին նախագիծը։

Հայաստանում կորոնավիրուսով վարակվածների թիվն ավելացավ 535–ով և հասավ 29 820–ի

15
թեգերը:
կորոնավիրուս, ԱԺ, քաղաքականություն, Արարատ Միրզոյան
թեմա:
Կորոնավիրուսը Հայաստանում և Արցախում
Ըստ թեմայի
«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ
Պարետը նոր որոշում է ստորագրել. ոմանք կարող են դիմակ չդնել
Ֆրանսիայում ուղևորները ծեծելով սպանել են ավտոբուսի վարորդին, որը պահանջել է դիմակ դնել