ԵՐԵՎԱՆ, 4 դեկտեմբերի – Sputnik. ՀՀ վարչապետի պաշտոնակատար, «Իմ քայլը» դաշինքի նախընտրական ցուցակի առաջին համար Նիկոլ Փաշինյանը Facebook սոցիալական ցանցում հրապարակել է ԿԸՀ ներկայացրած հայտարարարագիրը, որում երևում է, թե որքան շարժական և անշարժ գույք ու եկամուտ ունի նա։
«Երեկ մամուլում հրապարակումներ տեսա, թե իբր ես ԿԸՀ հայտարարագիր չեմ ներկայացրել։Իհարկե, նման պնդումը իրականության հետ որևէ կապ չունի։ Օրենքով սահմանված կարգով՝ թղթային կրիչի վրա հայտարարագիրը ներկայացվել է սահմանված ժամկետում։ Իսկ եթե լրատվամիջոցի ստացած թվային տեղեկատվությունը իրենց համակարգչի վրա չի բացվել, դա կներեք, իմ մեղքը չէ»,– լուսանկարներին կից գրել է Փաշինյանը։
Նա նշել է, որ հայտարարագիրը ԿԸՀ է ներկայացվել դեռևս նոյեմբերի 24-ին՝ օրենքով սահմանված ժամկետում։
