Ռոբերտ Քոչարյան

Որտեղի՞ց է վերցված մարտի 1-ին արտակարգ դրություն հայտարարելու մասին Քոչարյանի հրամանագիրը

500
(Թարմացված է 18:17 03.12.2018)
ՀՀ երկրորդ նախագահի փաստաբանը կասկածում է, որ գործին կցված հրամանագիրն իրական է։

ԵՐԵՎԱՆ, 3 դեկտեմբերի — Sputnik. Մարտի 1-ին արտակարգ դրություն հայտարարելու մասին ՀՀ երկրորդ նախագահ Ռոբերտ Քոչարյանի հրամանագիրը հնարավոր է իրականում գոյություն չի ունեցել։

Այս մասին այսօր լրագրողներին ասել է Քոչարյանի փաստաբան Հայկ Ալումյանը։

«Մենք չենք ասում` այդ հրամանը չի եղել։ Բայց երբ դուք կարդաք այդ հրամանագիրը, շատ հիասթափված կլինեք։ Ոչ թե այն, ինչը թերթի մեջ է գրված, որովհետև թերթի մեջ մի հատված էր, այլ այն, ինչ հիմա գործի մեջ է դրված։ Ոչ ամիս–ամսաթիվ կա, ոչ տարեթիվ կա, ոչ համար կա։ Այսինքն` մենք ասում ենք, որ դա ՊՆ–ից չի վերցված, այն հրամանից չի վերցված, որն իրականում գոյություն է ունեցել»,– ասաց Ալումյանը։

Փաստաբանը նշեց, որ Քոչարյանը որոշ տեղեկություններ հայտնել է հրամանագրի մասին, բայց չցանկացավ այս պահին բացահայտել դրանք։

Հիշեցնենք` Քոչարյանի նկատմամբ հարուցված քրեական գործի նախաքննությունն իրականացնող ՀՔԾ պետն ավելի վաղ հայտարարել էր, որ արտակարգ դրությունը հայտարարվել է փետրվարի 23-ով թվագրված թիվ 0038 հրամանով։ Դրանով ՀՀ զինված ուժերի ողջ անձնակազմը փետրվարի 23֊ին, ժամը 18։00-ից պետք է տեղափոխվեր զորանոցային վիճակի մինչև հատուկ կարգադրության ստացումը։ ՀՀ ՊՆ կենտրոնական ապարատի վարչություններում, առանձին բաժիններում պետք է ստեղծվեին սպայական խմբեր` զինված տաբելային զենքով, Երևան քաղաքի կայազորի պետ, պաշտպանության նախարարի տեղակալ, գեներալ-լեյտենանտ Խաչատուրովի աշխատանքը ապահովելու նպատակով պետք է ստեղծվեր։Միաժամանակ բոլոր ստորաբաժանումները պետք է զինվեին հրաձգային զենքերով։

ՀՔԾ պետի մեկնաբանությամբ` եթե հրամանագիրը ստորագրվել է 2008 փետրվարի 20-ին, երբ դեռ որևէ տեղեկություն չկար մարտի 1-ին սպասվող անհնազանդությունների մասին, փորձ է արվել բանակը ներքաշել այդ գործընթացներում, ինչն էլ ըստ քննչական մարմնի հանդիսանում է սահմանադրական կարգի տապալման փորձ։

Հիշեցնենք` նոյեմբերի 27-ից Վերաքննիչ դատարանում քննվում է Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու պաշտպանների բողոքը։

Ավելի վաղ Վճռաբեկ դատարանը նույն հիմքով բողոքի հիման վրա որոշում էր կայացրել գործն ուղարկել լրացուցիչ քննության։

ՀՀ 2–րդ նախագահ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։

500
թեգերը:
«Մարտի 1–ի» գործով դատավարություն, Ռոբերտ Քոչարյան, Հայաստան
թեմա:
Ռոբերտ Քոչարյան (456)
Ըստ թեմայի
Ռոբերտ Քոչարյանի դատավարության օրը հայտնի է
Ռոբերտ Քոչարյանի գրասենյակի ղեկավարն էլ է վստահ` դատարաններին ճնշում են
Ռոբերտ Քոչարյանի որդիների զինծառայության թեման շարունակվում է. կրտսեր Քոչարյանի պատասխանը
Ձնապատ ճանապարհ, արխիվային լուսանկար

Հայաստանի ո՞ր ճանապարհներն են փակ. վերջին տվյալներ

22
(Թարմացված է 00:18 27.01.2021)
Ստեփանծմինդա-Լարս ավտոճանապարհը բաց է , բայց ռուսական կողմում հարյուրավոր բեռնատարներ են կուտակված։

ԵՐԵՎԱՆ, 27 հունվարի – Sputnik. ՀՀ արտակարգ իրավիճակների նախարարությունը տեղեկացնում է, որ ժամը 00։00-ի դրությամբ ՀՀ տարածքում կան փակ և դժվարանցանելի ավտոճանապարհներ։

«Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները: Վարդենյաց լեռնանցքը և Սյունիքի մարզի Գորիս-Սիսիան ավտոճանապարհը դժվարանցանելի է կցորդիչով բեռնատարների համար»,– նշված է հաղորդագրության մեջ։

Վայոց Ձորի մարզի Ջերմուկ-Սարավան-«Զանգեր» և Սյունիքի մարզի բոլոր ավտոճանապարհներին տեղ-տեղ առկա է մերկասառույց։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար․ ռուսական կողմում կա մոտ 600 կուտակված բեռնատար ավտոմեքենա:

Գազի բալոններով մեքենաների վարորդներին նոր «փորձություն» է սպասում

ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:

Վարորդներին խորհուրդ է տրվում երթևեկել բացառապես ձմեռային անվադողերով։

Կոտայքում ավտոմեքենան ընկել է կամրջից. վարորդը հիվանդանոցում մահացել է

22
թեգերը:
վարորդ, Ճանապարհ, Հայաստան
Ըստ թեմայի
Վարորդների նկատմամբ տուգանային միավորներ չեն կիրառվի մինչև 2022-ի հուլիսի 1-ը
Քանի՞ վարորդ է 2020 թվականին 6 ամսով զրկվել մեքենա վարելու իրավունքից. «Հայկական ժամանակ»
Վթար Երևանում. «Infinity»–ի վարորդն ու ուղևորը 15 տարեկան են
Իրանի արտգործնախարարը ժամանեց Հայաստան

Իրանի արտգործնախարարը ժամանեց Հայաստան

65
(Թարմացված է 00:08 27.01.2021)
Զարիֆին օդանավակայանում դիմավորել է ՀՀ արտաքին գործերի նախարարի տեղակալը։

ԵՐԵՎԱՆ, 26 հունվարի – Sputnik. Տարածաշրջանային այցի շրջանակում Հայաստան է ժամանել Իրանի արտաքին գործերի նախարար Մոհամմադ Ջավադ Զարիֆը։ Տեղեկությունը հայտնում ՀՀ արտգործնախարարությունը։

«Զարիֆին «Զվարթնոց» օդանավակայանում դիմավորել է ՀՀ արտաքին գործերի նախարարի տեղակալ Գագիկ Ղալաչյանը»,– նշված է հաղորդագրության մեջ:

Ավելի վաղ հայտնել էինք, որ հունվարի 27-ին ՀՀ ԱԳՆ-ում կկայանա Հայաստանի և Իրանի արտգործնախարարների հանդիպումը։

Այցի շրջանակում Իրանի Իսլամական Հանրապետության արտաքին գործերի նախարարին կընդունի ՀՀ վարչապետ Նիկոլ Փաշինյանը։

Նշենք, որ Զարիֆը տարածաշրջանային այցը սկսել էր Ադրբեջանից, այնուհետև մեկնել Ռուսաստան։ 

ՌԴ–ն ու Իրանը շահագրգռված են ԼՂ–ի շուրջ երկխոսությամբ. ի՞նչ են քննարկել Լավրովն ու Զարիֆը

Հիշեցնենք` 2019թ․ փետրվարի 27-28-ը տեղի է ունեցել ՀՀ վարչապետ Նիկոլ Փաշինյանի պաշտոնական այցն Իրանի Իսլամական Հանրապետություն ԻԻՀ նախագահ Հասան Ռոհանիի հրավերով։ Այցի շրջանակում ստորագրվել է երեք փաստաթուղթ, ձեռք են բերվել պայմանավորվածություններ երկկողմ համագործակցությունն ընդլայնելու և որակական նոր մակարդակի բարձրացնելու վերաբերյալ։ 2019թ. հուլիսի 2-ին Թեհրանում տեղի է ունեցել հայ-իրանական միջկառավարական հանձնաժողովի համատեղ 16-րդ նիստը, որի արդյունքում ստորագրվել է ՀՀ և ԻԻՀ միջկառավարական հանձնաժողովի տասնվեցերորդ համատեղ նիստի մասին փոխըմբռնման հուշագիրը։

2019թ. հոկտեմբերի 1-ին Երևանում կայացած ԵԱՏՄ Բարձրագույն տնտեսական խորհրդի նիստին մասնակցելու նպատակով Հայաստան էր այցելել ԻԻՀ նախագահ Հասան Ռոհանին: Վերջինիս այցի շրջանակներում տեղի է ունեցել հանդիպում ԻԻՀ նախագահի և ՀՀ վարչապետ Նիկոլ Փաշինյանի միջև:

Իրանը Հայաստանի 4-րդ առևտրային գործընկերն է։ 2020թ. ընթացքում, չնայած COVID-19 համավարակի տարածման բացասական հետևանքներին, հայ-իրանական առևտրաշրջանառությունը լրջագույն փոփոխությունների չի ենթարկվել, իսկ արտահանումը նույնիսկ որոշ չափով մեծացել է՝ կազմելով 2020թ. առաջին 10 ամիսների ընթացքում մոտ 74 մլն ԱՄՆ դոլար (2019թ. հունվար-հոկտեմբեր ամիսներին նույն ցուցանիշը կազմել է մոտ 71 մլն ԱՄՆ դոլար):

Էներգետիկ ոլորտում իրականացվում է գազ էլեկտրաէներգիայի դիմաց փոխանակման ծրագիրը: Շարունակվում են բարձրավոլտ էլեկտրահաղորդման 3-րդ գծի կառուցման աշխատանքները, որոնք նախատեսվում է ավարտել մինչև 2021թ․ վերջը։ Ծրագրի իրականացումը շեշտակիորեն կմեծացնի գազի և էլեկտրաէներգիայի փոխանակման և վաճառքի ծավալները։ Երկկողմ առևտրատնտեսական կապերի աշխուժացման առումով կարևոր է Իրանի հետ սահմանին ստեղծված Մեղրիի ազատ տնտեսական գոտին (մեկնարկը տրվել է 2017թ. դեկտեմբերին). ներկայումս առկա է ԱՏԳ-ն արդիականացնելու, ինչպես նաև մի շարք տեխնիկական խնդիրներ լուծելու անհրաժեշտություն:

Այժմ Իրանի հետ քննարկվում է «Հյուսիս-հարավ» միջազգային տրանսպորտային միջանցքի ձևավորման գործընթացը։ Երկկողմ և տարածաշրջանային առևտրատնտեսական կապերն ակտիվացնելու տեսանկյունից կարևոր է «ԵԱՏՄ-Իրան ազատ առևտրի գոտու ձևավորմանը միտված ժամանակավոր համաձայնագիրը»։ Ժամանակավոր համաձայնագիրն ուժի մեջ է մտել 2019թ. հոկտեմբերի 27-ին:

65
թեգերը:
Մոհամմադ Ջավադ Զարիֆ, Իրանի Իսլամական Հանրապետություն, Հայաստան
Ըստ թեմայի
Մոսկվան շահագրգռված է Թեհրանի հետ ղարաբաղյան իրավիճակի վերաբերյալ երկխոսության ակտիվացմամբ
Հայաստանն ու Իրանը տնտեսական հուշագիր են ստորագրել
Հնարավոր է շրջանցել պատժամիջոցները. որ ոլորտներում է Իրանը պատրաստ համագործակցել ՀՀ-ի հետ