«Հյուսիս–հարավ»

«Հյուսիս-հարավի» կառուցման ժամանակ հափշտակվել է մոտ 2 մլն դոլար. կա օտարերկրացի կասկածյալ

643
Հանցավոր արարք կատարելու կասկածանքով ֆրանսիական կազմակերպության ծրագրի թիմի արտասահմանցի ղեկավարի նկատմամբ խափանման միջոց է ընտրվել ստորագրություն չհեռանալու մասին:

ԵՐԵՎԱՆ, 3 դեկտեմբերի — Sputnik. «Հյուսիս-հարավ» ավտոճանապարհի կառուցման 2016-ի վճարման վկայագրերում ներառվել են կեղծ ու կրկնակի տվյալներ, խարդախությամբ հափշտակվել է 1.9 մլն դոլար։ Այս մասին տեղեկացնում են ՀՀ Գլխավոր դատախազության մամուլի ծառայությունից։

«Հյուսիս-Հարավ ճանապարհային միջանցք» ծրագրի վերաբերյալ ՀՀ տրանսպորտի, կապի և տեղեկատվական տեխնոլոգիաների նախարարության ներկայացրած տեղեկանքի և  պահանջված լրացուցիչ այլ փաստաթղթերի  համակողմանի ուսումնասիրության արդյունքում արդեն պարզվել էր, որ «Հյուսիս-Հարավ ճանապարհային միջանցք» ծրագրի մշակման և իրականացման գործընթացում ներգրավված պաշտոնատար անձինք 2009-2018 թվականների ընթացքում Ծրագրի ակնհայտ անարդյունավետ կառավարումը թաքցնելու, խմբային շահերից և անձնական այլ շահագրգռվածությունից ելնելով` պաշտոնեական դիրքն օգտագործել են ծառայության շահերին հակառակ կամ չեն կատարել ծառայողական պարտականությունները, ինչի արդյունքում էական վնաս է պատճառվել քաղաքացիների, հասարակության և պետության օրինական շահերին, ինչն առաջացրել է ծանր հետևանքներ:

Մասնավորապես՝ շուրջ 9 տարի՝ նախատեսված ժամկետների խախտմամբ, չեն ավարտվել Հյուսիս-Հարավ ճանապարհի կառուցման աշխատանքները, չեն իրականացվել Ծրագրով ակնկալվող նպատակներն ու արդյունքները՝ կապված երթևեկության ժամկետի կրճատման, Հայաստանի հարավն անվտանգ, որակյալ և արագընթաց ճանապարհով հյուսիսի հետ կապելու, տնտեսության ու բիզնես կապերի զարգացմանը խթանելու և այլնի հետ: Գույքային առումով պետության օրինական շահերին պատճառված վնասը կազմել է 23.553.817.000 ՀՀ դրամ:

Նշված դեպքերի առթիվ 2018թ. սեպտեմբերի 4-ին ՀՀ քրեական օրենսգրքի 308-րդ հոդվածի 2-րդ մասով ՀՀ գլխավոր դատախազությունում հարուցվել էր քրեական գործ, որի մինչդատական քրեական վարույթն իրականացվում է ՀՀ քննչական կոմիտեի ՀԿԳ քննության գլխավոր վարչությունյում:

Բացի այդ, նախաքննության ընթացքում տվյալներ են ձեռք բերվել այն մասին, որ ծրագրի Տրանշ 1-ի շինարարության ընթացքում տեխնիկական հսկողություն իրականացնող ֆրանսիական համատեղ ձեռնարկության ծրագրի թիմի ղեկավարը, նախատեսված հատվածում շինարարական աշխատանքներն իրականացնող կապալառու իսպանական ընկերության ղեկավար անձանց, ինչպես նաև ծրագրի պատշաճ իրականացման համար պատասխանատու ՀՀ տրանսպորտի, կապի և տեղեկատվական տեխնոլոգիաների նախարարության «Տրանսպորտային ծրագրերի իրականացման կազմակերպություն» ՊՈԱԿ-ի և նախարարության այլ պաշտոնատար անձանց հետ նախնական համաձայնությամբ, 2016թ. հունվար-հունիս ամիսների ընթացքում կազմված միջանկյալ վճարման վկայագրերում ներառել է աշխատանքների ծավալների վերաբերյալ կեղծ՝ կրկնակի տվյալներ, կատարել հավելագրումներ, ինչի արդյունքում խարդախությամբ հափշտակվել է շուրջ 1.9 մլն ԱՄՆ դոլար:

Հանցավոր արարք կատարելու կասկածանքով ֆրանսիական կազմակերպության ծրագրի թիմի արտասահմանցի ղեկավարի նկատմամբ խափանման միջոց է ընտրվել  ստորագրություն չհեռանալու մասին և նա քրեական գործով ներգրավվել է որպես կասկածյալ: 

643
Ըստ թեմայի
Ֆինանսական չարաշահումներ. դատախազությունը կորոշի՝ ում փոխանցել գործը
Շիրակի մարզի ուսումնական հաստատություններում կոռուպցիոն չարաշահումներ են հայտնաբերվել
Միլիոնավոր դոլարների չարաշահումներ են բացահայտվել Անշարժ գույքի կադաստրի կոմիտեում
ՀՀ ԶՈւ գլխավոր շտաբի պետի տեղակալ Տիրան Խաչատրյան

Անմիջապես Սոթքի հանքի մոտ հայկական կողմը դիրք ունի, Ադրբեջանն էլ արդեն 3 դիրք է տեղադրել

97
(Թարմացված է 00:58 27.11.2020)
ԶՈւ ԳՇ պետի առաջին տեղակալը վստահեցնում է` այս պահի դրությամբ մեր զորքերը սահմանի պաշտպանությունը զբաղեցնում են նախկինում գոյություն ունեցող մեր պետական սահմանի եզրագծով։

ԵՐԵՎԱՆ, 27 նոյեմբերի - Sputnik. Անմիջապես Սոթքի հանքի մոտ հայկական կողմը դիրք ունի։ Այսօր հրավիրված հրատապ ասուլիսի ժամանակ պատասխանելով Sputnik Արմենիայի հարցին հայտնեց ՀՀ ԶՈւ ԳՇ պետի առաջին տեղակալ Տիրան Խաչատրյանը։

«Հանքի տարածքում ադրբեջանցիների ցանկացած քայլ մեր նշանառության տակ է լինելու։ Անհանգստանալու խնդիր չկա, անվտանգությունը պահպանված է»,–ասաց Խաչատյանը։

Նա վստահեցրեց` եթե անվտանգության որևէ սպառնալիք լինի, հայկական կողմը կմիջամտի։

Խաչատրյանը հայտնեց նաև, որ ադրբեջանցիները երեք դիրք են տեղադրել հանքի` ադրբեջանական կողմում հայտնված տարածքում։ Ընդ որում, դիրքերից մեկը հանքի եզրագծով է անցնում. խոսքը հանքի թափոնների հատվածի մասին է։

ԶՈւ ԳՇ պետի առաջին տեղակալը նշեց` այս պահի դրությամբ մեր զորքերը սահմանի պաշտպանությունը զբաղեցնում են նախկինում գոյություն ունեցող մեր պետական սահմանի եզրագծով, որևէ տեղ մենք չունենք սահմանից հետ տեղադրված դիրքեր։

Քարվաճառ մտնելուց հետո պահանջել են դուրս գալ Սոթքի հանքի տարածքից. ԳՇ պետի առաջին տեղակալ

Հիշեցնենք, որ մամուլում լուրեր էին շրջանառվում, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքել էր այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

97
թեգերը:
Ադրբեջան, Հայաստան, Սոթքի հանքավայր
Ըստ թեմայի
Ադրբեջանցի զինծառայողները Սոթքի ոսկու հանքի մատույցներում են. տեսանյութ
Քարվաճառում դարպասը ժամանակավոր էր. սահմանազատում է արվում Սոթքի հանքավայրի տարածքով. ՊՆ
ՀՀ սահմաններից ներս ադրբեջանական բանակի զինվորներ չկան. Գնել Սանոսյան
ՀՀ ԶՈւ ԳՇ պետի առաջին տեղակալ Տիրան Խաչատրյան

Սոթքի հանքը կիսով չափ՝ մեր, կիսով չափ՝ ադրբեջանցիների տարածքում է. Տիրան Խաչատրյան

202
(Թարմացված է 00:45 27.11.2020)
Հանքի սեփականատերը լինելու է և կա ռուսական «Գեոպրոմայնինգ» ընկերությունը, հայտարարեց գլխավոր շտաբի պետի տեղակալը։

ԵՐԵՎԱՆ, 27 նոյեմբերի - Sputnik. ՀՀ ԶՈւ ԳՇ պետի առաջին տեղակալ Տիրան Խաչատրյանը վստահեցնում է` Քարվաճառի մուտքի մոտ տեղադրված դարպասն ադրբեջանցիները չեն կոտրել, դա բացել են։ Խաչատրյանն այդ մասին հայտնեց Սոթքի հանքի տարածքում ադրբեջանցիների հայտնվելու թեմայով հրավիրված հրատապ ասուլիսի ժամանակ պատասխանելով Sputnik Արմենիայի հարցին։

Այսօր լուրեր էին շրջանառվում, որ ադրբեջանցիները` երեկ Քարվաճառ մտնելուց հետո կոտրել են Քարվաճառի դարպասներն ու հասել Սոթքի հանքի տարածք։ 

«Իմ ունեցած տեղեկություններով` այդ դարպասն ուղղակի բացել են»,–ասաց Խաչատրյանը։

Լրագրողներից մեկի ճշգրտող հարցին` թե արդյո՞ք Սոթքի հանքի այն հատվածը, որտեղ այսօր հայտնվել էին ադրբեջանցիները, ըստ եռակողմ հայտարարության պետք է ադրբեջանական կողմին անցնի` Խաչատրյանը պատասխանեց, որ, այո, ըստ այդ համաձայնագրի` հայկական կողմը, ամեն դեպքում, այդտեղ չպետք է լինի։

«Սակայն եթե այդ տարածքը, թեկուզ ռուսների վերահսկողությամբ, գտնվում է ոչ ադրբեջանցիների հսկողության տակ, ապա մեզ համար ձեռնտու տարբերակ էր։ Ի դեպ, ադրբեջանցիները երեկ էլ են փորձել մտնել Սոթքի հանքի տարածք։ Հանքը կիսով չափ մեր, կիսով չափ նրանց տարածքում է»,–ասաց Խաչատրյանը` հավելելով, որ հանքի մի մասն ադրբեջանցիների ձեռքի տակ անցնելն իրեն հայտնի է եղել։

Ճշտող հարցին, թե այդ դեպքում ո՞վ է լինելու հանքի սեփականատերը` Խաչատրյանը պատասխանեց, որ հանքի սեփականատերը լինելու է և կա ռուսական «Գեոպրոմայնինգ» ընկերությունը։

Հարցին, թե Քարվաճառ մուտքի այն հատվածի՞ց էր սկսվում Հայաստան–Արցախի սահմանը, որտեղ ցուցանակ կար «Բարի գալուստ, Արցախ»` Խաչատրյանը պատասխանեց, որ ոչ, սահմանը սկսվում էր Սոթքի լեռնանցքից։

Հիշեցնենք, որ մամուլում լուրեր էին շրջանառվում, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքել էր այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

202
թեգերը:
Ադրբեջան, Հայաստան, Սոթքի հանքավայր
Ըստ թեմայի
Սոթք–Քարվաճառ մայրուղին վաղը կփակվի. տեսանյութ` ծանրաբեռնված ճանապարհից
ՊՆ–ն հերքում է ադրբեջանցի զինվորականների` Սոթքի հանքավայր մտնելու լուրերը
Արձանագրենք`Հայաստանն այսօր չունի իշխանություն. Նաիրա Զոհրաբյանը` Սոթքի իրավիճակի մասին
Ջո Բայդեն

Բայդենն ԱՄՆ-ն Եվրոպայի խամաճիկ կդարձնի

0
Եվրոպան շարունակում է առաջ տանել իր շահերը, բայց միաժամանակ շարունակում է եռանդուն ջանքեր գործադրել, որ Վաշինգտոն գան այն ուժերը, որոնց համար նման բանը պետք է կտրականապես անընդունելի լինի։

Իրինա Ալկսնիս, ՌԻԱ Նովոստի

ԵՄ-ն` ի դեմս Եվրախորհրդի նախագահ Շառլ Միշելի, Ջո Բայդենին առաջարկել է վերականգնել «ամուր տրանսատլանտյան դաշինքը»։

Եվ եթե նա Սպիտակ տուն մտնի (ինչը, դատելով իրադարձությունների զարգացումներից, անխուսափելի է դառնում), այս գաղափարն իրականանալու բոլոր հիմքերն ունի։ Նշանակալի է ԱՄՆ պետքարտուղարի պաշտոնում Էնթոնի Բլինկենի հնարավոր թեկնածությունը, որը «վաշինգտոնյան ճահճի» ու «գլոբալ դաշինքների պաշտպանի» ռաֆինացված կերպար է։

Որ Արևմտյան Եվրոպան ուրախ կլինի ԱՄՆ նախագահի պաշտոնում տեսնել հենց Ջո Բայդենին, հենց սկզբից էլ հասկանալի դարձավ, երբ Եվրոպական երկրների առաջնորդները սկսեցին հերթով շնորհավորել նրան ընտրություններում հաղթելու կապակցությամբ, իսկ ԳԴՀ-ն ասաց, որ Թրամփի հետ ևս չորս տարի աշխատելու տրամադրվածություն չունի։

Այնքան էլ հասկանալի չէ` ինչու է Եվրոպան նախընտրում, որ ԱՄՆ–ն ղեկավարեն գլոբալիստները, որոնք տարված են Վաշինգտոնի միանշանակ առաջատարությամբ միաբևեռ աշխարհի ստատուս քվոյի պահպանման գաղափարով։

Կարելի էր ենթադրել, որ Եվրոպայում գլուխ են բարձրացրել ամերիկամետ ուժերը, որոնք պատրաստ են իրենց երկրները զոհաբերել ԱՄՆ-ին։ Սակայն փաստերն այլ բանի մասին են վկայում։ Օրինակ՝ Գերմանիայի կառավարությունը հերթական անգամ հաստատեց իր դիրքորոշումն առ այն, որ արտատարածքային պատժամիջոցները, որոնք մշակվում են ԱՄՆ-ում «Հյուսիսային խոսք -2»-ի դեմ, անընդունելի են։

Տնտեսագետն ասել է՝ ինչ սպասել Բայդենից «Հյուսիսային հոսք-2»-ի վերաբերյալ

Այսպիսով, Եվրոպան շարունակում է առաջ տանել իր շահերն ու ուժեղացնել սեփական աշխարհաքաղաքական դերակատարությունը, միաժամանակ տենդորեն սատարում է, որ Վաշինգտոնում իշխանության գան այն ուժերը, որոնց համար տեսականորեն դա կտրականապես անընդունելի պետք է լինի։

Այս տարօրինակ հակասության պատասխանը պետք է փնտրել չորս տարվա վաղեմություն ունեցող իրադարձությունների մեջ։

Սպիտակ տուն գալուց հետո Դոնալդ Թրամփը հրաժարվեց ԱՄՆ-ի մասնակցությամբ պատրաստվող ու նույնիսկ ստորագրված բազում համաձայնագրերից։ Նման ճակատագրի արժանացավ նաև հայտնի Տրանսատլանտյան առևտրային և ներդրումային գործընկերությունը, որն այդ պահին բացահայտ չարագույժ հեղինակություն ուներ։ Ալարմիստները զգուշացնում էին, որ դրա օգնությամբ Ամերիկան իր օգտին կքաղի Եվրոպայի բոլոր պաշարները։

Սակայն Թրամփը, որը նախագահության տարիներին օգտագործում էր սեփական երկրի համար տնտեսական շահ ստանալու ցանկացած հնարավորություն, առանց վարանելու հրաժարվեց «հավից», որը կարծես թե պիտի ոսկե ձվեր ածեր Ամերիկայի համար։ Նաև բազմաթիվ անգամ հայտարարեց, որ իրականում այդ բոլոր համաձայնագրերն ընդհանրապես ձեռնտու չեն Ամերիկային։

Ենթադրությունը, թե գլոբալիստներն առաջնորդվում են ազգային շահերով, մեծ մոլորություն է։ Նրանց համար ԱՄՆ-ն կարող է շատ կարևոր լինել որպես գլխավոր էմիսիոն կենտրոն ու մոլորակի ամենահզոր բանակ։ Սակայն գրեթե 330 միլիոն բնակչություն ունեցող հսկա երկիրն ավելի շատ բեռ է, որն ավելի հեշտ է «դուրս գրել», քան որևէ բան անել նրա խնդիրները լուծելու համար։

Գլոբալիստների իրական հետաքրքրություններն ու ջերմ զգացմունքները կապված են այլ վայրերի հետ։ Նույն Էնթոնի Բլինկենի մանկության զգալի մասը Փարիզում է անցել, ու նրա անձի ձևավորման մեջ մեծ դերակատարություն է ունեցել եվրոպացի խորթ հայրը։ Այնպես որ օրինաչափ են կասկածները, թե նա ԱՄՆ պետքարտուղարի պաշտոնում որքանով է առաջնորդվելու բացառապես ազգային շահերով։

Լավ լուր Ռուսաստանի համար. Քլինթոնը հրապարակել է խաղաղության հասնելու նոր ծրագիրը

Այս «բնապատկերում» հասկանալի է դառնում Եվրոպայի դիրքորոշումը։ ԵՄ-ն առաջվա պես շատ հարցերում ունի ԱՄՆ-ի կարիքը։ Սեփական բանակ ստեղծելու եվրոպական ջանքերն անլուրջ են երևում։ Այդ իմաստով ամերիկացիների այլընտրանք չկա ու տեսանելի ապագայում չի լինի։ Սակայն Թրամփը մտադիր էր Եվրոպային ստիպել ամենաբարձր գինը վճարել ռազմական «հովանոցի» համար, իսկ ահա «վաշինգտոնյան ճահճի» հետ Բրյուսելը կամ Բեռլինը «լավով» պայմանավորվելու հնարավորություն ունեն։

Եվրոպային, ինչպես նախկինում, նաև Ռուսաստանի հակակշիռ է պետք՝ աշխարհաքաղաքական, տնտեսական ու ռազմական։ Թե չէ Մոսկվան արևմտյան ուղղությամբ շատ բարենպաստ պայմաններ ունի, ինչը չի կարող ուրախացնել Արևմտյան Եվրոպայի մայրաքաղաքներին։

Արդյունքում պարադոքսալ իրավիճակ է ստեղծվում․ շատերի աչքերում Եվրոպան «մանրադրամ» է երևում ԱՄՆ-ի համար, իրականում պետք է խղճալ ամերիկացիներին, որոնք կարող են եվրոպական նենգության ու սեփական վերնախավի դավաճանության զոհ դառնալ։

Ջո Բայդենը հայտնել է Սպիտակ տան աշխատակազմի ապագա ղեկավարի անունը

0
թեգերը:
Եվրոպա, Ջո Բայդեն, ԱՄՆ
Ըստ թեմայի
Պեսկովն ասել է՝ ինչու Պուտինը Բայդենին չի շնորհավորել ընտրություններից հետո
Թրամփի կողմնակիցների և հակառակորդների միջև բախման հետևանքով երիտասարդ է դանակահարվել
Նոր նախագահ, հին խնդիրներ. ի՞նչ պետք է անի Հայաստանը Բայդենից «օգուտ քաղելու» համար