Զինծառայողներ

Ինչ արժե զինվորի կերած կարտոֆիլը, և ինչու ՊՆ–ն գյուղացուց կարտոֆիլ չի գնում

398
Պաշտպանության նախարարությունը մեկնաբանել է, թե ինչու է զինվորի համար սնունդ գնում ոչ թե գյուղացուց, այլ միջնորդներից։ Sputnik Արմենիան պարզել է, թե ինչ արժե բանակին մատակարարվող կարտոֆիլը, ովքեր են եղել վերջին տարիների մատակարարները։

ԵՐԵՎԱՆ, 27 նոյեմբերի — Sputnik. ՀՀ օրենսդրությունը թույլ չի տալիս ուղիղ արտադրողից մեծ ծավալով գնումներ կատարել։ Sputnik Արմենիայի հետ զրույցում, անդրադառնալով բանակի համար պաշտպանության նախարարության գնած կարտոֆիլի մասին հրապարակումներին, ասաց ՀՀ ՊՆ մամուլի քարտուղար Արծրուն Հովհաննիսյանը։

«Գնումների մասին օրենքն ունի որոշակի սահմանափակումներ, օրինակ` տենդերի մասնակցության համապատասխան փաստաթղթավորում։ Որպես կանոն` գյուղացիները փաստաթղթավորված արտադրություն չունեն և այդ ծավալը չեն կարող ապահովել, քանի որ մենք գնում ենք հարյուրավոր տոննաներ»,– ասաց Հովհաննիսյանը։

Բացի այդ, մրցութային կարգի համաձայն` ՊՆ–ի հետ պայմանագիր կնքած վաճառողը պարտավորվում է ապրանքը սեփական միջոցներով հասցնել զորամասեր։

«Հասարակ գյուղացին, որը կարտոֆիլ է ցանում, մի քանի տոննա կարտոֆիլը տվյալ զորամաս հասցնելու հնարավորություն չունի»,– ասաց նա` հավելելով, որ սրանք ոչ թե ՊՆ–ի, այլ գնումների մասին օրենքով ամրագրված պահանջներ են։

Հիշեցնենք` մամուլում հրապարակումներ էին հայտնվել այն մասին, որ պաշտպանության նախարարությունը կարտոֆիլը գնում է ոչ թե գյուղացիներից, այլ միջնորդներից, ինչի հետևանքով պետական բյուջեից շատ ավելի բարձր գին է վճարվում, գյուղացիներն էլ տուժում են։

Պետական գնումների համակարգում հրապարակված տեղեկատվության համաձայն` պաշտպանության նախարարությունը սեպտեմբերին կարտոֆիլի գնման պայմանագրեր է կնքել 3 տնտեսվարողների հետ` «Էրիզ» ՍՊԸ, «Բիզնես թրենդ» ՍՊԸ և «Դեագա» ՍՊԸ։

Սյունիքի և Տավուշի մարզերի զորամասերին կարտոֆիլի մեկ կիլոգրամը «Էրիզ» ՍՊԸ–ն մատակարարել է 93-101 դրամով, Գեղարքունիքի զորամասերին ավելի էժան` 85 դրամով։

Երևանի Արմավիրի, Կոտայքի մարզերին «Բիզնես թրենդ» ՍՊԸ–ն կարտոֆիլի մեկ կիլոգրամը մատակարարել է 83-86 դրամով, Գեղարքունիքի զորամասերին` 79 դրամով։

«Դեագա» ՍՊԸ–ն կարտոֆիլ է մատակարարել միայն Կոտայքի մարզի զորամասերին` 84.2 դրամով։

Ի դեպ, այս գները գրեթե անփոփոխ են մնացել վերջին 2-3 տարիների ընթացքում։ Իսկ 2016թ–ի համեմատ նույնիսկ նվազել են։

Պետգնումների կայքում հրապարակված տեղեկատվության համաձայն` 2016 թ–ին ՊՆ–ն 110 դրամով կարտոֆիլ է գնել Ա/Ձ Վյաչեսլավ Ամիրջանյանից և 109.2 դրամով `Ա/Ձ Էդուարդ Առուստամյանից։

Իսկ 2017 թ–ին պետական մրցույթում հաղթել են 6 տնտեսվարող` Ա/Ձ Սանասար Մուրադյանը կարտոֆիլի մատակարարման 1 կգ–ի դիմաց սահմանել է 88-89 դրամ, Ա/Ձ Հրայր Մանուկյանը`88.5-99.9, Ա/Ձ Արայիկ Աբրահամյանը`103.5, Ա/Ձ Վյաչեսլավ Ամիրջանյանը` 75-80, Ա/Ձ Տիրուհի Գևորգյանը` 69.8 , 98 և 104 դրամ, իսկ Արմեն Միտոյանը` 77.1 դրամ արժեք։

Վերադառնալով 2018թ–ի գնումներին` նշենք, որ այս պահին շուկայում կարտոֆիլի 1 կգ–ն արժե շուրջ 200 դրամ։

Ագրարագյուղացիական միավորման նախագահ Հրաչյա Բերբերյանի կանխատեսմամբ` կարտոֆիլն առաջիկա ամիսներին կարող է կրկնակի թանկանալ բերքի սակավության պատճառով։ Նրա խոսքով` արդեն դեկտեմբեր–հունվար ամիսներին կարտոֆիլի 1 կգ արժեքը կարող է հասնել 300-400 դրամի։

398
Ըստ թեմայի
Բանակից խուսափելը դժվարացել է. ո՞վ է խանգարում «հանճարեղ խորամանկություններին»
ՊՆ–ն հորդորով դիմել է զինվորներին և հատկապես ծնողներին
Դավիթ Տոնոյանը 4 զինվորականի ազատել է զինծառայությունից. պատճառը բեռնատարի վթարն է
Ոստիկանության և շտապօգնության մեքենաներ. արխիվային լուսանկար

48-ամյա տղամարդը վիճել է «քենակալի» հետ ու դանակահարել նրա որդուն. շարժառիթը պարզվել է

35
(Թարմացված է 17:14 10.07.2020)
Նա տղային դանակահարելուց հետո հեռացել է դեպքի վայրից, սակայն ճանապարհին հանդիպել է ոստիկանության ծառայողներին և բերման ենթարկվել։

ԵՐԵՎԱՆ, 10 հուլիսի – Sputnik. Արթիկում 48-ամյա տղամարդը հյուր է գնացել կնոջ քրոջ տուն, կենցաղային հարցի շուրջ վեճի բռնվել «քենակալի» հետ ու դանակահարել նրա 21-ամյա որդուն, որը փորձում էր հանդարտեցնել վիճաբանությունը։ Ինչպես հայտնում է ՀՀ քննչական կոմիտեի մամուլի ծառայությունը, դեպքը տեղի է ունեցել հուլիսի 5-ին՝ ժամը 17:30-ի սահմաններում։

Արթիկի բնակիչը, որը ոստիկանության ծառայող է, ահազանգել է, որ իր հետ նույն փողոցում բնակվող հարևանի տան բակում տեղի ունեցած վիճաբանության ժամանակ երիտասարդ է դանակահարվել:

48-ամյա տղամարդը տղային դանակահարելուց հետո հեռացել է դեպքի վայրից: Սակայն ճանապարհին հանդիպել է դեպքի վայր ժամանող ոստիկանության ծառայողներին և հայտնել, որ ինքն է դանակով հարվածել կնոջ քրոջ որդուն, որից հետո բերման է ենթարկվել և բացատրություն տվել դեպքի շուրջ:

Դեպքի առթիվ նյութերի նախապատրաստման ընթացքում պարզվել են միջադեպի մի շարք հանգամանքներ, այդ թվում՝ շարժառիթը:

«Ոնց թե դու իմ շանը զարկես...». Երևանում գարեջրի շշերով կռիվ ու դանակահարություն է եղել

Համաձայն դատաբժշկական փորձագետի եզրակացության՝ ստացած մարմնական վնասվածքը առաջացրել է կյանքին վտանգ սպառնացող առողջությանը ծանր վնաս:

Դեպքի առթիվ ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) 1-ին մասի հատկանիշներով հարուցել է քրեական գործ, որը նախաքննություն կատարելու համար ուղարկվել է ՀՀ քննչական կոմիտեի Շիրակի մարզային քննչական վարչություն և ընդունվել վարույթ:

Կատարվում է նախաքննություն:

Միջոցներ են ձեռնարկվում դեպքի հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ:

Ի՞նչ կապ կա վարչապետի բառապաշարի, ԱԺ ծեծկռտուքի և փաստաբանի տան վրա հարձակման միջև

35
թեգերը:
ՀՀ Ոստիկանություն, Ոստիկանություն, Երիտասարդ, ՀՀ քննչական կոմիտե, Կին, դանակահարություն
Ըստ թեմայի
Դանակահարություն եղբայրների միջև. մեկը հոսպիտալացվել է, մյուսը` ձերբակալվել
Նոր Նորքում դպրոցականի են դանակահարել. տղան հիվանդանոցում է
Արտակարգ դեպք Գեղարքունիքում. դանակահարել են ոստիկանության ավագ սերժանտին
Լիլիթ Մակունցը, Ալեքսանդր Սանդիկովն ու Սերգեյ Կոպիրկինը

ՍԴ շուրջ զարգացումներից մինչև ավիափոխադրումներ. ինչ են քննարկել պատգամավորները և Կոպիրկինը

29
(Թարմացված է 17:07 10.07.2020)
Լիլիթ Մակունցը ՌԴ դեսպանին է ներկայացրել Հայաստանում ընթացող ներքաղաքական զարգացումները:

ԵՐԵՎԱՆ, 10 հուլիսի - Sputnik. ՀՀ ԱԺ «Իմ քայլը» խմբակցության ղեկավար Լիլիթ Մակունցն ու իմքայլական պատգամավոր Ալեքսեյ Սանդիկովը հանդիպում են ունեցել ՀՀ-ում ՌԴ արտակարգ և լիազոր դեսպան Սերգեյ Կոպիրկինի հետ: Տեղեկությունը Facebook-ի իր էջում հայտնել է Լիլիթ Մակունցը:

Մհեր Գրիգորյանն ընդունել է ՌԴ դեսպանին

«Քննարկել ենք հայ-ռուսական հարաբերությունների զարգացմանն առնչվող օրակարգային հարցեր։ Որպես «Իմ քայլը» խմբակցության ղեկավար՝ դեսպանին ներկայացրել եմ մեր երկրում ընթացող ներքին քաղաքական զարգացումները»,- գրել է նա։

Հանդիպման ընթացքում կողմերն անդրադարձել են իրականացվող օրենսդրական փոփոխություններին, մասնավորապես, «Տեսալսողական մեդիայի մասին» օրինագծով առաջարկվող կարգավորումներին, Սահմանադրական դատարանի շուրջ ծավալվող իրադարձություններին։

Երկկողմ հարաբերությունների առաջմղման համատեքստում կարևորվել է խորհրդարանական դիվանագիտության դերը՝ ընդգծելով հատկապես կորոնավիրուսի համավարակով պայմանավորված ստեղծված իրավիճակում ընթացիկ հարցերը խորհրդարանական դիվանագիտության ճանապարհով կարգավորելու հանգամանքը։ Առանձնակի ընդգծվել է համաճարակի դեմ պայքարում Հայաստանի և Ռուսաստանի համատեղ ջանքերի կարևորությունը։

Մտքեր են փոխանակվել այս օրերին կանոնավոր ավիափոխադրումների բացակայության պայմաններում ՀՀ և ՌԴ քաղաքացիների՝ իրենց երկրներ վերադարձի ապահովման ուղղությամբ իրականացվող քայլերի մասին։

Հայ-ռուսական հարաբերությունները չպետք է դառնան ինչ–որ մեկի շահերի պատանդ. Կոպիրկին

29
թեգերը:
Ռուսաստան, Սահմանադրական դատարան, կորոնավիրուս, «Իմ քայլը» խմբակցություն, Սերգեյ Կոպիրկին, Հայաստան, Լիլիթ Մակունց
Ըստ թեմայի
Հայ և ռուս դիվանագետները գործում են միասնական ճակատում. Կոպիրկին
Հայ-ռուսական համագործակցությունը ՀԱՊԿ–ի կարևոր բաղադրիչն է. Կոպիրկին
Ռուսաստանը զգույշ է վերաբերվում Հայաստանի ներսում տեղի ունեցող գործընթացներին. Կոպիրկին
Կոպիրկինը պատմել է, թե ինչպես են Հայաստանն ու ՌԴ-ն համատեղ պայքարում կորոնավիրուսի դեմ
Министр иностранных дел Азербайджана Эльмар Мамедъяров

Սկանդալ Ադրբեջանում. Մամեդյարովը հրաժարվել է մեկնաբանել հրաժարականի մասին լուրերը

0
Մեկ շաբաթ առաջ պետական ​​անվտանգության ծառայությունը հատուկ գործողություն էր իրականացրել Արտաքին գործերի նախարարությունում: Արդյունքում՝ բարձրաստիճան պաշտոնյաներ են ձերբակալվել: Ըստ ԱԱծ-ի՝ վարչության որոշ աշխատակիցներ դիտավորությամբ չարաշահել են լիազորությունները:

ԵՐԵՎԱՆ, 10 հուլիսի - Sputnik. Ադրբեջանի արտգործնախարար Էլմար Մամեդյարովը հրաժարվել է մեկնաբանել իր հնարավոր պաշտոնանկության մասին լուրերը ԱԳՆ-ում տեղի ունեցած զարգացումների ֆոնին, բայց արձագանքել է բարձրաստիճան պաշտոնյաների ռեզոնանսային ձերբակալություններին: «Уникал» կայքին տված հարցազրույցում Մամեդյարովը նշել է, որ ցավում է տեղի ունեցածի համար:

«Ես չեմ ուզում խոսել այդ մասին, քանի որ դա նախաքննական գաղտնիք է պարունակում: Իմ հայտարարությունները կարող են ազդել քննության ընթացքի վրա: Ինչ մնում է ձերբակալություններին, ապա ես ցավում եմ», - ասել Մամեդյարովը՝ հրաժարվելով մեկնաբանել իր հավանական հրաժարականի մասին խոսակցությունները:

Մեկ շաբաթ առաջ պետական ​​անվտանգության ծառայությունը հատուկ գործողություն էր իրականացրել Արտաքին գործերի նախարարությունում: Արդյունքում՝ բարձրաստիճան պաշտոնյաներ են ձերբակալվել: Ըստ ԱԱԾ-ի՝ վարչության որոշ աշխատակիցներ դիտավորությամբ չարաշահել են լիազորությունները:

Միևնույն ժամանակ, ընդամենը մի քանի ժամ առաջ հայտնի դարձավ, որ ձերբակալվել են Ադրբեջանի արտաքին գործերի նախարարության ևս երկու բարձրաստիճան պաշտոնյաներ`Ֆայիկ Բաղիրովը և Իլգար Ալիևը:

Պաշտոնյաները ձերբակալվել են ավելի վաղ ձերբակալված Արտաքին գործերի նախարարության աշխատակիցների ցուցմունքների հիման վրա:

0