Հայաստանն` ամենաանվտանգ երկրների տասնյակում. ի՞նչ է փոխվել զբոսաշրջության ոլորտում
(Թարմացված է 19:12 22.11.2018)
Միանգամից երեք ատյան` կոմիտեն, հիմնադրամը և ֆեդերացիան ձեռնամուխ են եղել Հայաստանում զբոսաշրջության զարգացմանը։ԵՐԵՎԱՆ, 22 նոյեմբերի — Sputnik. Հայաստանը տարածաշրջանում միակն է, որ ընդգրկվել է ճանապարհորդության համար ամենաանվտանգ երկրների լավագույն հնգյակում։ Այս մասին Sputnik Արմենիային ասաց ՀՀ Տնտեսական զարգացման և ներդրումների նախարարության զբոսաշրջության պետական կոմիտեի նախագահ Հռիփսիմե Գրիգորյանը։
«Տուրիզմի հայկական ֆեդերացիայի» առաջին ընդհանուր նիստի շրջանակներում այսօր տեղի ունեցավ Կոմիտեի, ֆեդերացիայի և զբոսաշրջության զարգացման հիմնադրամի միջև համագործակցության մասին համաձայնագրի ստորագրումը։
©
Sputnik / Nana Martirosyan, Aram Nersesyan
«Հայաստանը ԱՄՆ զբոսաշրջիկների համար անվտանգության տեսանկյունից ութերորդ երկիրն է համարվում», – ասաց Գրիգորյանը։
Նրա խոսքով` Զբոսաշրջության կոմիտեն թիրախային շուկաներում զբաղվում է Հայաստանի առաջխաղացմամբ նախևառաջ որպես անվտանգության և ճանաչման տեսանկյունից գրավիչ երկիր։ Նա ընդգծեց, որ անվտանգության մասին խոսում են ոչ միայն տեղի բնակիչները, այլև զբոսաշրջիկները։
Հայաստանն անվտանգ երկրի կարգավիճակ ունի նաև տարբեր ուսումնասիրությունների արդյունքներով։
Ռուսաստանից, Իրանից, Ֆիլիպիններից, Լիբանանից և այլ երկրներից Հայաստան զբոսաշրջիկների հերթական հոսքը սպասվում է Ամանորին։ Ձմեռային զբոսաշրջության զարգացման համար, Աշոցքի լեռնադահուկային հանգստավայրի հետ մեկտեղ, կբացվի նաև դահուկային կայան։
Զբոսաշրջության զարգացմանը նպաստում է նաև Կոմիտեի, ֆեդերացիայի և հիմնադրամի միջև ստորագրած համաձայնագիրը։ Դրանում համոզված է ՀՀ զբոսաշրջության զարգացման հիմնադրամի գործադիր տնօրեն Արա Խզմալյանը։
«Ֆեդերացիայում ընդգրկված են ներկայացուցիչներ մասնավոր հատվածից, ինչը շատ կարևոր է պետության համար։ Փաստորեն, ֆեդերացիան պետության և մասնավոր հատվածի միջև կապող օղակ է դառնում», – ասաց Խզմալյանը։
Նա ընդգծեց, որ առանց պետության և մասնավոր հատվածի սերտ համագործակցության զբոսաշրջության զարգացումը անհնար է պատկերացնել։ Պետական քաղաքականությունը չի կարող շրջանցել մասնավոր հատվածը, որը, մեծ հաշվով, բոլորից շատ է հետաքրքրված զբոսաշրջության զարգացման հարցում։
Առաջնահերթ խնդիրների շարքում, որոնք կողմերը պետք է լուծեն, Խզմալյանը նշեց միջազգային հարթակներում Հայաստանի ներկայացված լինելը։
442 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում
(Թարմացված է 10:47 05.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։
Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։
Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։
Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։
Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։
2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։
«Շուտով Հայաստանի կողմից կգնաս»․ Կիրկորովը «Եվրատեսիլի» մասնակցություն է խոստանում Դավային
(Թարմացված է 10:55 05.03.2021)
«Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին:ԵՐԵՎԱՆ, 5 մարտի – Sputnik. Ռուսական էստրադայի արքա Ֆիլիպ Կիրկորովը երաժիշտ ու բլոգեր Դավիթ Մանուկյանին (Դավա) խոստանում է, որ նա կմասնակցի «Եվրատեսիլ» երգի մրցույթին։ Տեղեկությունը հայտնում է StarHit-ը:
©
Sputnik / Екатерина Чеснокова
Կիրկորովը Մանուկյանին դա ասել է Sugar երգի մոսկովյան շնորհանդեսի ժամանակ։ Այս կատարմամբ Նատալյա Գորդիենկոն «Եվրատեսիլում» ներկայացնելու է Մոլդովան: Կիրկորովը երգի հեղինակներից և պրոդյուսերներից է։
«Նատալյան «Եվրատեսիլի» աստղն է։ Իսկ շուտով դու՝ Դավիթ, կգնաս Հայաստանի կողմից», - ասել է Կիրկորովը Մանուկյանին, որը նույնպես հրավիրված էր շնորհանդեսին։
Սկզբում Դավան Կիրկորովի խոսքերը որպես կատակ է ընդունել, սակայն ավելի ուշ խոստովանել է, որ պատրաստ է քննարկել առաջարկը:
««Եվրատեսի՞լ» ենք գնում։ Հաջորդ տարին մերն է։ Չեմ կարող մերժել փոփ-արքային», - ասել է Դավան։
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:
Ավելի ուշ Հայաստանի Հանրային հեռուստաընկերությունը Facebook-ի պաշտոնական էջում հայտնեց, որ 2021թ. Եվրատեսիլի անցկացման և Հայաստանի պատվիրակի մասնակցության վերաբերյալ տեղեկություն դեռ չկա․ պարզ չէ՝ Հայաստանը «Եվրատեսիլ 2021»-ին Աթենա Մանուկյա՞նը կներկայացնի, թե՞ նոր մասնակից կընտրեն, բայց մի բան հստակ է՝ «Եվրատեսիլ 2021»-ին երկիրը պետք է ներկայանա նոր երգով։
Սոցցանցերում տեսանյութ է հայտնվել Օլգա Բուզովայի և Դավիթ Մանուկյանի հարսանիքից