Գինի

«Թունդ է, բայց թարմացնում է». ապշած ֆրանսիացիները կօգնեն ճանաչելի դարձնել հայկական գինին

142
Հայկական գինին կարող է համաշխարհային ապրանքանիշների արժանի մրցակից դառնալ և նվաճել մոլորակը։ Այդ հարցում հայ արտադրողներին կօգնեն ֆրանսիացի փորձագետները։

ԵՐԵՎԱՆ, 21 նոյեմբերի — Sputnik. Հայկական գինին ֆրանսիացի փորձագետներին հմայել է իր թարմացնող հատկությամբ։ Sputnik Արմենիայի թղթակցի հետ զրույցում այս մասին ասաց Ռուսաստանում Ֆրանսիայի դեսպանատան` գյուղատնտեսական հարցերով խորհրդական Ալեքսանդր Մարտինեզը։

Մարտինեզը Հայաստանում Ֆրանսիայի դեսպանի, գինեգործության ոլորտում ֆրանսիացի փորձագետների և հայ գինեգործների հետ մասնակցել է Երևանում կազմակերպված աշխատանքային սեմինարին։ Միջոցառման ընթացքում ներկայացվել է հայկական գինու պատմությունը, քննարկվել աշխարհագրական նշումով գինիների համակարգ ստեղծելու ծրագիրը։

«Մի քանի օր առաջ համտեսել եմ ձեր գինին։ Ինձ հատկապես դուր եկավ սպիտակ գինիների որակը։ Վարդագույնն իմը չէ», – ասաց Մարտինեզը։

Նրա խոսքով` հայկական գինին մի կողմից թունդ է, մյուս կողմից` թարմացնող, և դա հիանալի է։ Նա նաև նշեց, որ Հայաստանում բոլոր հնարավորությունները կան գինու սեփական ապրանքանիշը տարածելու համար, բայց առանց կառավարության աջակցության հայ արտադրողները չեն կարողանա լուծել այդ խնդիրը։

«Իշխանությունը նույնպես պետք է հետևի գինիների որակին, քանի որ դա ազդում է տեղանքի հեղինակության վրա, որտեղ արտադրվում է այդ խմիչքը», – ասաց Մարտինեզը։

Նա վստահ է, որ Հայաստանն ու Ֆրանսիան ներուժ ունեն գյուղատնտեսության ոլորտում համատեղ նախագծեր իրագործելու համար, առավել ևս, որ երկու երկրներում էլ կան աշխատանքի նման մոդելներ։ Ֆրանսիայում մեծ ուշադրություն են դարձնում «ընտանեկան ֆերմաներին», նույնը երևում է Հայաստանում։ Ուստի երկու երկրները կարող են համատեղ նախագծեր նախաձեռնել, փոխանակել իրենց փորձը` բարելավելով ոլորտը։

Հայաստանում Ֆրանսիայի արտակարգ և լիազոր դեսպան Ջոնաթան Լաքոտը վստահ է, որ հայկական գինին լավն է, և երկիրը մեծ ապագա ունի ապրանքանիշը ճիշտ գովազդելու դեպքում։

Посол Франции в Армении Джонатан Лакот
© Sputnik / Asatur Yesayants
Ջոնաթան Լաքոտ

«Մենք հավատում ենք, որ Հայաստանը մեծ ներուժ ունի ոչ միայն գինու արտադրության ոլորտում, այլ նաև այլ մթերքների։ Ֆրանսիայից Հայաստան եկած մասնագետներն ուզում են օգնել Հայաստանին աշխարհում ազգային ապրանքանիշները տարածելու գործում», – լրագրողների հետ զրույցում ասաց Լաքոտը։

Ընդհանուր առմամբ Հայաստանում կան գինու արտադրության 42 ընկերություններ, ինչպես նաև հինգ գինեգործական շրջաններ, որոնց շարքում առավել հայտնի է Վայոց Ձորը։ Հենց այստեղ 2007թ–ին Արենի գյուղի մոտ գտնվող քարանձավների պեղումների արդյունքում հայտնաբերվեցին գինեգործության մասին վկայող մի քանի մշակութային շերտեր, որոնցից ամենահինը թվագրվում է մ.թ.ա. IV-V դարերով։ Այդ գտածոն թույլ է տալիս ասել, որ Հայաստանը կարելի է գինեգործության օրրան համարել։

Пещера Арени
© Sputnik / Janna Poghosyan
Արենիի քարանձավ

Հայաստանի խաղողագործության և գինեգործության հիմնադրամի տնօրեն Զարուհի Մուրադյանը նշեց, որ Հայաստանում աշխարհագրական նշումով գինիների համակարգի ներդնումն ու դրա լիիրավ կիրարկումը մեզ հնարավորություն կտան խթանել որակյալ գինիների արտադրությունը և ունենալ միջազգային շուկայում ճանաչելի գինիներ։

«Ֆրանսիացի փորձագետները կօգնեն մեզ մշակել աշխարհագրական նշումով գինիների համակարգ։ Դա Հայաստանի համար նոր ուղղություն է, որը վաղուց կա Եվրոպայի երկրներում», – ասաց Մուրադյանը։

Նրա խոսքով` դա կօգնի նաև հայտնի դարձնել գինին, սակայն ծրագիրը մշակումից հետո պետք է ներկայացվի Հայաստանի կառավարության քննարկմանը։

Հիշեցնենք, որ գինեգործությունը կարևոր դեր է խաղացել Հին Հայաստանում։ Այդ մասին վկայում են նաև ասորական աղբյուրները։ Հայկական գինեգործության մասին գրել են նաև պատմաբաններ Հերոդոտոսը, Ստրաբոնը և Քսենոֆոնը։

142
թեգերը:
Հայաստան
Ըստ թեմայի
Իրաքյան խոհանոց, գինի և պանիր. ինչպես է Հայաստանում զարգանում զբոսաշրջային բիզնեսը
Սա ձեզ համար կոլա չէ. ինչու եվրոպացիները չեն հավանում հայկական տնական գինին
Տավուշցի գինեգործը հարսնացու է փնտրում և պապի բաղադրատոմսով գինի առաջարկում
«Նորք» ԲԿ

Ինչու են առողջացածների տվյալները նվազել. Փաշինյանը հայտնեց հաշվարկի նոր սխեմայի մասին

5
(Թարմացված է 19:57 05.06.2020)
Նիկոլ Փաշինյանը հայտնեց, որ պարետատան նիստում տոտալ կամ մասնակի սահմանափակումների գնալու որոշում չի կայացվել։

ԵՐԵՎԱՆ, 5 հունիսի — Sputnik. Եթե նախկինում առողջապահության նախարարությունը տեղեկացնում էր կորոնավիրուսով վարակվածներից բոլոր առողջացածների տվյալները, ապա հիմա այդ մեխանիզմը փոխվել է։ Պարետատան նիստից հետո ճեպազրույցի ժամանակ հայտնեց ՀՀ վարչապետ Նիկոլ Փաշինյանը։

«Հիմա հայտնում ենք միայն ծանր և առանձնապես ծանր վիճակում գտնվողների առողջացման տվյալները, այսինքն` միայն հոսպիտալացվածների»,–ասաց Փաշինյանը։

Նա բերեց իր և իր ընտանիքի անդամների օրինակը` ասելով, թե քանի որ առանց ախտանշանների է ընթանում իրենց մոտ վարակը, և չեն հոսպիտալացվել, ապա հետո իրենց տվյալներն ընդգրկված չեն լինելու առողջացածների ցանկում։

Անդրադառնալով հետագա անելիքներին` վարչապետը նշեց, որ այսօր տոտալ կամ մասնակի սահմանափակումների գնալու որոշում չի կայացվել։ Ըստ նրա` նման որոշում չի կայացվի այնքան ժամանակ, քանի դեռ նման հնարավորություն կա։ Փաշինյանը նշեց` հավատում է յուրաքանչյուր ՀՀ քաղաքացու վարքի փոփոխությանը և հակահամաճարակային կանոնների պահպանմանը։

Ամեն ինչ օրենքի սահմաններում է. Փաշինյանը մեկնաբանել է լուսանկարներ հրապարակելու փաստը

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

5
թեգերը:
կարանտին, Նիկոլ Փաշինյան, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
ՀՀ–ում կորոնավիրուսով վարակված ավելի քան 1000 երեխա կա
Նախագահը պատրաստ է օգտագործել անձնական կապերը. Սարգսյանն ու Թորոսյանը հանդիպել են
Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան
Նիկոլ Փաշինյան

Ամեն ինչ օրենքի սահմաններում է. Փաշինյանը մեկնաբանել է լուսանկարներ հրապարակելու փաստը

5
(Թարմացված է 20:04 05.06.2020)
Եթե օգտատերն իր լուսանկարները հրապարակում է հրապարակային նշանի ներքո, բոլորը կարող են վերահրապարակել այն։

ԵՐԵՎԱՆ, 5 հունիսի – Sputnik. Պարետատան նիստից հետո կազմակերպված ճեպազրույցի ժամանակ ՀՀ վարչապետ Նիկոլ Փաշինյանն անդրադառնալով ֆեյսբուքյան ֆլեշմոբին, ասաց, որ անհատական տվյալների պաշտպանության գործակալության պատասխանատուների հետ քննարկել է Facebook սոցցանցում լուսանկարներ հրապարակելու թույլատրելիության հարցը։ 

«Հարցը քննարկել ենք անհատական տվյալների պաշտպանության գործակալության հետ և, ըստ էության, բոլոր այն քաղաքացիները, որոնք իրենց լուսանկարները հրապարակել են հրապարակային նշանի ներքո` այդպիսով թույլատրել են բոլորին վերահրապարակել դրանք»,–ասաց Փաշինյանը։

Ինչ վերաբերում է մյուս լուսանկարներին, ապա Փաշինյանը նշեց, որ եթե մեկին բերման են ենթարկում, իսկ մեկ ուրիշն ուղիղ եթերով դա ցուցադրում է` ինչո՞ւ է դա կարելի, իսկ ոստիկանության կատարած գործողությունները լուսաբանել չի կարելի։

Անդրադառնալով ռեստորաններից մեկում ոստիկանական համազգեստով «բեմականացմանը` Փաշինյանը խայտառակ միջոցառում որակեց այն։

Արդյունքն այսօր կտեսնեք. ԱԱԾ տնօրենը` ոստիկանական համազգեստով «ներկայացման» մասին

Առավոտյան վարչապետը տեսանյութ էր հրապարակել, որի կադրերում երևում է, թե ինչպես են ոստիկանական համազգեստով երկու երիտասարդ հայտարարում, որ երկրում արտակարգ դրություն է, զանգվածային միջոցառումներն արգելված են և հյուրերին խնդրում են կես ժամվա ընթացքում դադարեցնել միջոցառումը։ Բայց պարզվում է՝ այդ ամենն ընդամենը բեմադրություն է: Այնուհետև ուժային կառույցների համազգեստով մի խումբ երեխաներ սկսում էին պարել ժամանակակից ռիթմերի ներքո:

Փաշինյանը Facebook-ի իր էջում այսօր նաև լուսանկար էր հրապարակել, որտեղ մի աղջիկ մետրոյով երթևեկում էր առանց դիմակի և ձեռնոցի։ Լուսանկարի մեկնաբանություններում օգտատերերը վիրավորական արտահայտություններ էին գրել աղջկա հասցեին։ Փաշինյանն ավելի ուշ ջնջել էր այդ լուսանկարը և ներողություն է խնդրել բոլոր այն քաղաքացիներից, որոնց հասցեին իր էջում «որևէ թթու խոսք է հնչել»:

Ներողություն եմ խնդրում բոլոր նրանցից, ում հասցեին որևէ թթու խոսք է հնչել. Փաշինյան

Հիշեցնենք, որ արդեն մի քանի օր է, ինչ Նիկոլ Փաշինյանը ֆլեշմոբ է սկսել` քաղաքացիները նրան ուղարկում են լուսանկարներ, որտեղ երևում է, թե ինչպես են մարդիկ խախտում հակահամաճարակային պայմանները։ Փաշինյանն այդ լուսանկարները հրապարակում է իր ֆեյսբուքյան էջում։

5
թեգերը:
Facebook, ֆլեշմոբ, Լուսանկար, Նիկոլ Փաշինյան
թեմա:
ՀՀ վարչապետ Նիկոլ Փաշինյան
Ըստ թեմայի
«Հայրիկներ ջան, էս թարգեք, ցավներդ տանեմ»․ Փաշինյանը ցույց է տվել ոստիկանների աշխատանքը
Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին
«Պրոբլեմի ամենավառ արտահայտությունը». Փաշինյանը խախտումները հավաստող փաստեր է հրապարակել