Նիկոլ Փաշինյան

Փաշինյանը դեմ է «ռամիլսաֆարովներին» Ադրբեջանին հանձնելու առաջարկին

164
Նիկոլ Փաշինյանն անդրադարձավ գերիների խնդրին ու հրապարակավ արտահայտեց իր կարծիքը` Ադրբեջանի առաջարկած փոխանակման տարբերակի մասին։

ԵՐԵՎԱՆ, 20 նոյեմբերի— Sputnik. Ադրբեջանի կողմից գերեվարված Կարեն Ղազարյանին Հայաստան վերադարձնելու պահանջով բողոքի ակցիան Նիկոլ Փաշինյանի համար անհասկանալի ու անընդունելի է։ Այս մասին ՀՀ վարչապետի պաշտոնակատարն ասաց այսօր լրագրողների հետ հանդիպմանը։

«Ակցիան բազմաթիվ հարցեր առաջացրեց` ո՞ւմ դեմ էր այն ուղղված։ Եթե Ադրբեջանի, ինչո՞ւ է փակվում այն ճանապարհը, որի փակումը Ադրբեջանի ստրատեգիական նպատակներից մեկն էր,– ասաց Փաշինյանը։–Հարգանքով եմ վերաբերվում այդ ընտանիքի ցավին, բայց հայ-վրացական ճանապարհի փակումն ինձ համար անհասկանալի էր։

«Եվ բացի այդ, մենք ունենք ևս մեկ տղա գերության մեջ։ Իսկ ինչո՞ւ նրա համար ճանապարհներ չեն փակվում, որովհետև նա որբանոցի տղա՞ է։ Իսկ նրան ո՞վ պիտի պաշտպանի։ Ես այս մոտեցումը չեմ կիսում»,– ասաց նա։

Փաշինյանը հայտարարեց, որ Հայաստանը ջանքեր պիտի գործադրի, բայց այդ պրոցեսը պետք է համապատասխանի Հայաստանի շահերին։ Դա հեշտ ու պարզ հարց չէ։

Ինչ վերաբերում է Ադրբեջանի առաջարկած` գերիների փոխանակման «բոլորը բոլորին» տարբերակին, Փաշինյանը շեշտեց, որ Հայաստանում գտնվող ադրբեջանցիները հասարակ քաղաքացիներ չեն, այլ ծանր հանցագործության, այդ թվում`խաղաղ քաղաքացիների սպանության համար մեղադրված հանցագործներ։

«Դա կստացվի, որ մենք երկու Ռամիլ Սաֆարով ենք վերադարձնում Ադրբեջանին»,– ասաց նա։

Այդուհանդերձ, Փաշինյանը պատրաստակամություն հայտնեց հանդիպելու Կարեն Ղազարյանի հարազատների հետ և հիշեցրեց, որ իր կինը երկու անգամ այցելել է այդ ընտանիքին։

Ադրբեջանում գերության մեջ գտնվող Կարեն Ղազարյանի հարազատները նոյեմբերի 17-ին բողոքի ակցիա էին կազմակերպել՝ փակելով Հայաստան-Վրաստան միջպետական ճանապարհը։ Նրանք պահանջում էին իրենց հարցին լուծում տալ՝ հայրենիք վերադարձնել գերեվարվածին։

ՀՀ պաշտպանության նախարարի պաշտոնակատար Դավիթ Տոնոյանը նոյեմբերի 6-ին հերքել էր լրատվամիջոցներում տարածված լուրերն այն մասին, թե Բաքուն Հայաստանին գերիների փոխանակման առաջարկ է արել։

Հիշեցնենք, որ 2004թ-ի փետրվարին հայ սպա Գուրգեն Մարգարյանն անգլերենի դասընթացների էր մասնակցում ՆԱՏՕ-ի «Գործընկերություն հանուն խաղաղություն» ծրագրի շրջանակում: Դասընթացներին մասնակցում էին նաև սպաներ Ադրբեջանից, նրանց թվում՝ Ռամիլ Սաֆարովը:

Փետրվարի 19-ի գիշերը Սաֆարովը մտել էր Գուրգեն Մարգարյանի սենյակ և կացնահարել քնած հայ սպային: Դեպքից երկու տարի անց մարդասպան Սաֆարովը Բուդապեշտի դատարանի կողմից ցմահ ազատազրկման էր դատապարտվել` 30 տարի առանց ներման իրավունքի: 2012թ. օգոստոսի 31-ին Սաֆարովն արտահանձնվեց Ադրբեջանին, որտեղ նրան ներում շնորհվեց, զինվորական բարձր կոչում տրվեց և միանվագ վճարվեց 8 տարվա աշխատավարձը:

164
թեմա:
ՀՀ վարչապետ Նիկոլ Փաշինյան (1063)
Вид на село Антарамеч, Гегаркуник

12 տարի շարունակ գրպանել է․ Գանձակի դպրոցներից մեկի նախկին տնօրենի դեմ քրգործ է հարուցվել

1
Հրաչիկ Ասատրյանը բյուջեից մոտ 115 միլիոն դրամ է հափշտակել։ Նա պաշտոնից զրկվել է հեղափոխությունից հետո՝ 2018-ի սեպտեմբերին։

ԵՐԵՎԱՆ, 3 օգոստոսի – Sputnik. Գեղարքունիքի մարզի Գանձակ (նախկինում՝ Բատիկյան) համայնքի թիվ 2 միջնակարգ դպրոցի նախկին տնօրեն Հրաչիկ Ասատրյանի դեմ հարուցվել է քրեական գործ՝ պետական բյուջեից առանձնապես խոշոր չափի գումար հափշտակելու փաստով։ Տեղեկությունը հայտնում է  ԱԱԾ մամուլի ծառայությունը։

Հաղորդագրության համաձայն՝ Ասատրյանը 2006թ-ի հունվարից 2018թ-ի սեպտեմբեր, 12 տարի շարունակ, 14 անձանց կեղծիքներով գրանցել է դպրոցում լաբորանտների, բանվորների, պահակների և այլ պաշտոններում։ Տվյալ անձինք աշխատանքի չեն հաճախել, տնօրենն էլ գրպանել  է նրանց բոլորի աշխատավարձերը՝ ամեն տարի կազմելով կեղծ փաստաթղթեր, ինչի  հետևանքով նա բյուջեից հափշտակել է մոտ 115 միլիոն դրամ։

ԱԱԾ-ն բացահայտել է նաև, որ Ասատրյանը  2008թ-ի փետրվարին, նախնական համաձայնության գալով իր խնամու՝ Գանձակ համայնքի նախկին ղեկավարի հետ, կեղծ փաստաթղթերի միջոցով սեփականաշնորհել  է շուրջ 1,4 մլն արժեք ունեցող հողամաս։

Սնանկության դատարանի աշխատակազմի ղեկավարը 5 հոգու փոխարեն աշխատավարձ է ստացել. ԱԱԾ

Ասատրյանի դեմ հարուցվել են քրեական գործեր, մասնավորապես՝ ՀՀ քրեական օրենսգրքի 179-րդ հոդվածի 3-րդ մասի 1-ին կետի (յուրացում՝ պաշտոնեական դիրքի չարաշահումով, առանձնապես խոշոր չափերի), 314-րդ հոդվածի  1-ին մասի (պաշտոնեական կեղծիք),  178-րդ հոդվածի 2-րդ մասի 1-ին, 1.1 և 2-րդ կետի (խարդախություն՝ պաշտոնեական դիրքի չարաշահումով, առանձնապես խոշոր չափերի), 308-րդ հոդվածի 1-ին մասի (պաշտոնեական լիազորությունները չարաշահելը) հատկանիշներով։

Գեղարքունիքում 93 մլն դրամը յուրացրել են, անասուններն անջուր են մնացել. ԱԱԾ–ի բացահայտումը

Ասատրյանը դադարել է պաշտոնավարել հեղափոխությունից հետո՝ 2018-ի սեպտեմբերից։ Նրան փոխարինում է Անուշ  Բարսեղյանը։

1
Ծիծեռնակաբերդի հուշահամալիր. արխիվային լուսանկար

Հայոց ցեղասպանության մասին պատմող ֆիլմը դուրս կգա համաշխարհային վարձույթ

5
(Թարմացված է 16:12 03.08.2020)
«Խոստումը» ֆիլﬕ նկարահանման ծախսերը հոգացել է աﬔրիկահայ գործարար, ﬕլիարդատեր Քըրք Քըրքորյանը՝ 2015թ-ին, բայց այդ մասին հայտնի է դարձել միայն նրա մահից հետո:

ԵՐԵՎԱՆ, 3 օգոստոսի — Sputnik. Ամերիկյան «Նեթֆլիքս» ընկերությանը ձեռք է բերել Հայոց ցեղասպանության մասին պատմող ֆիլմի ցուցադրման հեղինակային իրավունքը: Facebook-ի իր էջում լուրը հայտնել է Ամերիկայի հայկական համագումարը:

«Նեթֆլիքս»-ը հայտարարել է, որ ֆիլմի ցուցադրությունը մեկնարկելու է օգոստոսի 8-ից։

Ֆիլմի համաշխարհային պրեմիերան տեղի է ունեցել 2016 թվականի սեպտեմբերի 11-ին՝ Տորոնտոյի միջազգային կինոփառատոնի ժամանակ: Հայաստանում այն ցուցադրվել է 2017 թվականի ապրիլի 27-ին: Ֆիլմի ռեժիսորը Թերի Ջորջն է, պրոդյուսերը՝ հայազգի Էրիկ Էսրայելյանը:

«Խոստումը» ֆիլﬕ նկարահանման ծախսերը հոգացել է աﬔրիկահայ գործարար, ﬕլիարդատեր Քըրք Քըրքորյանը՝ 2015թ-ին, բայց այդ մասին հայտնի է դարձել միայն նրա մահից հետո:

Հայը` Մադրիդի կենտրոնում կամ ով Իսպանիայում թոնրի լավաշ թխեց «Խոստումը» ֆիլմի համար

Ամերիկայի հայկական համագումարի մեկնաբանմամբ` Հայոց ցեղասպանության մասին ֆիլմ նկարահանելու նպատակը մարդկանց պատմական ճշմարտության մասին տեղեկացնելն է:

Այսօր էլ կազմակերպությունը ցուցադրություն-քննարկումներ է կազմակերպում ամերիկյան համալսարանների ուսանողների ու դասախոսների համար:

«Խոստումը» ֆիլմում հնչող երգը «Գրեմմի» մրցանակի է առաջադրվել

Ֆիլմի իրադարձությունները ծավալվում են երեք երիտասարդ հերոսների՝ հայրենի գյուղից սովորելու ու աշխատելու համար Կոստանդնուպոլիս մեկնած դեղագործ Մայքլի, Առաջին համաշխարհային պատերազմի ընթացքը լուսաբանելու համար այստեղ հասած ամերիկացի լրագրող Քրիսի ու Փարիզում սովորած հայ նկարչուհի Անայի շուրջ, որին երկու երիտասարդները սիրահարված են:

5
թեգերը:
Հայոց ցեղասպանություն, ֆիլմ
Ըստ թեմայի
Հոլոքոսթի մասին շվեդական ֆիլմը Հայոց ցեղասպանության տարելիցին ընդառաջ նոր կյանք է ստացել
Տիգրան Քեոսայանը` երևանյան իր մանկության, հայերի ու Ցեղասպանության ֆիլմ նկարելու մասին
«Ոչնչացնելու մտադրություն». ցեղասպանության մասին ֆիլմն առաջադրվել է «Էմմի» մրցանակի