Սմերչ

Ռուսական զենքը Հայաստան մատակարարելու բանակցությունները երբեք չեն ավարտվել․ Տողանյան

118
(Թարմացված է 15:12 17.11.2018)
Ռուսաստանում Հայաստանի դեսպանը նշել է, որ վարկի հերթական տրանշը տրամադրվել է, բանակցություններն ընթացքի մեջ են, իսկ մատակարարումը մշտատև գործընթաց է։

ԵՐԵՎԱՆ, 17 նոյեմբերի — Sputnik. Հայաստանն աշխատում է 2017 թվականին կնքված վարկի շրջանակում ռուսական զենք ստանալու ուղղությամբ և հույս ունի, որ մատակարարումների ծավալը կմեծանա։ ՌԻԱ Նովոստիի փոխանցմամբ՝ այս մասին այսօր Նովոսիբիրսկում լրագրողներին է ասել ՌԴ-ում Հայաստանի դեսպան Վարդան Տողանյանը։

2017 թվականի հոկտեմբերին Հայաստանի նախարարների կաբինետը հավանություն է տվել ՌԴ-ի հետ 100 մլն դոլարի (տարեկան 3% տոկոսադրույքով) ռազմական վարկի համաձայնագիր ստորագրելու առաջարկին։ Հայկական կողմը վարկն օգտագործում է հաշվարկված արտադրանքի մատակարարման վերաբերյալ պայմանագրերից յուրաքանչյուրի արժեքի մինչև 90 տոկոսի ֆինանսավորման համար։ Կանխավճարային վճարումները կազմում են յուրաքանչյուր պայմանագրի արժեքի ոչ պակաս, քան 10 տոկոսը և իրականացվում են հօգուտ ռուսաստանյան լիազորված կազմակերպությունների։ Հայաստանը կօգտվի այդ վարկից 2018-2022 թվականներին, իսկ վարկը կմարի 15 տարվա ընթացքում (2023-2037 թթ.)։

«Այդ բանակցությունները երբեք չեն ավարտվել։ Մենք վարում էինք այդ բանակցությունները ռուսական կողմի հետ։ Վարկային հերթական տրանշը տրամադրվել է։ Բանակցություններն ընթացքի մեջ են։ Մատակարարումը մշտատև գործընթաց է։ Այդ պատճառով մեր ռազմական գերատեսչություններն աշխատում են ձեռնարկությունների, պաշտպանական համապատասխան գերատեսչությունների հետ», - ասաց դեսպանը։

Տողանյանը դժվարացել է նշել զենքի կոնկրետ տեսակներ, որոնք նախատեսված են վարկի շրջանակում նախատեսված մատակարարումներով։

«Խոսքը տարբեր տեսակի զենքի մասին է։ Որպես կանոն` մեր զինվորականները Ռուսաստանից յուրահատուկ սպառազինություն են գնում։ Ծավալներն առայժմ նույնն են, նույն վարկերի շրջանակում, որը տրամադրվել են, բայց կա ընդհանուր առմամբ ռազմատեխնիկական համալիրի համագործակցություն, այդ պատճառով հուսով ենք, որ ապագայում ծավալները կաճեն», - ասել է նա։

Ավելի վաղ՝ նոյեմբերի 12-ին, ՀՀ պաշտպանության նախարար Դավիթ Տոնոյանն ասել էր, որ 100 միլիոն դոլարի ռուսական վարկի շրջանակում Հայաստանին սպառազինություն մատակարարելու մասին պայմանագրերը կնքվել են։ «Մատակարարման վերաբերյալ բանակցությունները ավարտված չեն։ Պայմանագրերը կնքված են, բայց քննարկումները շարունակվում են», – ասել էր նա։

Երևանն արդեն երկու անգամ Ռուսաստանից ժամանակակից ռազմական տեխնիկա գնելու վարկ է ստացել։ Առաջին համաձայնագրի շրջանակում 200 միլիոն դոլարի մատակարարումները ավարտվել են։ Տվյալ պահին արտադրություն ու մատակարարում է ընթանում երկրորդ` 100 միլիոն դոլարանոց համաձայնագրով։

118
թեգերը:
Ռուսաստան, Հայաստան
Ըստ թեմայի
Հայաստանը կարող է այլ զենք գնել ռազմական բալանսը պահպանելու համար. Ռուստամյան
Հայաստանի և Բելառուսի նախագահները քննարկել են ամեն ինչ` Արցախից մինչև զենքի մատակարարում
ԱՄՆ–ն կարող է փորձել Երևանին և Բաքվին վաճառել հին զենքը. Կլինցևիչ
«Ամերիկյան զենք գնելու կարիք չունենք, բայց առաջարկ էլ չենք ստացել». Տոնոյան
Ադրբեջանին վաճառած զենքը կրակում է ՀԱՊԿ անդամ Հայաստանի ուղղությամբ.Շարմազանովը`Բելառուսին
Գագիկ Ծառուկյան

«Բարգավաճ Հայաստանը» հայտարարություն է տարածել

14
(Թարմացված է 12:42 07.07.2020)
ԲՀԿ–ն կոչով դիմել է իշխանությանը, բոլոր քաղաքական և հանրային շրջանակներին, քաղաքացիական հասարակությանը։

ԵՐԵՎԱՆ, 7 հուլիսի – Sputnik. ԲՀԿ քաղաքական խորհուրդը խստորեն դատապարտում է իշխանության կողմից ԲՀԿ նախագահի և կուսակցական գործիչների հանդեպ իրականացվող քաղաքական հետապնդման ու էժանագին մեթոդներով հաշվեհարդարի փորձերը:

«Ակնհայտ է, որ ամենը սկսվեց Գագիկ Ծառուկյանի` հունիսի 5-ի հայտնի ելույթից հետո, որտեղ նա մատնանշեց կառավարության ձախողումներն ու տապալումները՝ նշելով կոնկրետ ոլորտներ: Սոցիալ– տնտեսական խայտառակ ցուցանիշներ, բանկային «գերության» մեջ գտնվող հարյուր հազարավոր քաղաքացիների վիճակ, փլուզման եզրին կանգնած տնտեսության ամբողջական ճյուղեր, գործազրկության ահռելի աճ, համավարակի դեմ պայքարի տապալում, ռազմավարական դաշնակիցների հետ հարաբերություններում աններելի լարվածություն: Հենց այս խնդիրների բարձրաձայնումից և կառավարության կազմի 100 տոկոսի հրաժարականի պահանջից հետո իշխանությունների կողմից սանձազերծվեց քաղաքական հետապնդումների շարք «Բարգավաճ Հայաստան կուսակցության ներկայացուցիչների նկատմամբ»,– նշված է ԲՀԿ–ի հայտարարության մեջ:

ԲՀԿ–ականները նշում են, որ չունենալով քաղաքական հակափաստարկներ` իշխանությունն անցավ բարոյական բոլոր կարմիր գծերն ու այսօր բացահայտ ոտնահարում է մարդու իրավունքներն ու պատգամավորի, քաղաքացու անձնական կյանքի անձեռնմխելիության իրավունքը։ ԵԽ անդամ, միջազգային բազմաթիվ կառույցների անդամ Հայաստանում իշխանությունը կոպտորեն խոչընդոտում է իր մասնագիտական գործունեությունը կատարող պատգամավորների և քաղաքական գործիչների աշխատանքը՝ փորձելով լռեցնել՝ քաղաքական հաշվեհարդարներ տեսնելով, անձնական ձայնագրություններ հրապարակելով, ինչը օրենքի և միջազգային բազմաթիվ կոնվենցիաների կոպտագույն խախտում է։

«Մենք արձանագրում ենք, որ անկախ Հայաստանի պատմության մեջ երբեք չի եղել նման «խաղի կանոն» և քաղաքական ամենաբարդ հարաբերությունների դեպքում անգամ անձնական կյանքը, ընտանիքը, երեխաները եղել են անձեռնմխելի թեմաներ։ Երկրի, քաղաքացու առջև այս դժվարին ժամանակներում ծառացած սոցիալական կարևորագույն խնդիրները լուծելու փոխարեն իշխանությունն իր ամբողջ ռեսուրսն ու ֆեյք ինդուստրիան, որի վրա պետական հսկայական միջոցներ են ծախսվում, ուղղել է ԲՀԿ նախագահի և ԲՀԿ պատգամավորների հանդեպ անբարո քաղաքական հաշվեհարդարների կազմակերպմանը, որևէ բարոյական արգելքի, այդ թվում՝ ընտանիք ու անձնական կյանք մտնելու բարոյական արգելքի առաջ չկանգնելով»,– գրված է հայտարարության մեջ։

ԲՀԿ քաղաքական խորհուրդը կոչ է անում իշխանությանը՝ ձեռնպահ մնալ խուլիգանական արարքներից։ Իսկ միջազգային կառույցներին և իրավապաշտպան կազմակերպություններին հորդորում է անարձագանք չթողնել ՀՀ պատգամավորների, քաղաքական գործիչների հանդեպ իշխանության կողմից սանձազերծված այս անբարո արշավը, քանզի իշխանության ընտրած այս ճանապարհը ամենակարճ ճանապարհն է դեպի բռնապետություն։

«Բարգավաճ Հայաստան» կուսակցությունը կոչ է անում բոլոր քաղաքական և հանրային շրջանակներին, քաղաքացիական հասարակությանը, գիտակից հասարակությանը` նշելով, որ սա քաղաքական հայացքների խնդիր չէ, այլ արժանապատվության և մարդու անձնական կյանքի անձեռնմխելիության խնդիր:

«Բարձրաձայնեք ձեր վրդովմունքը, միասին մերժենք անհատի և ընտանիքների վարկաբեկման ճղճիմ փորձերը»,– նշել են ԲՀԿ–ականները։

Հիշեցնենք` ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը:
Նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16-ին ԱԺ–ն որոշեց Գագիկ Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի։

Հունիսի 21-ին Երևանի ընդհանուր իրավասության դատարանը մերժել էր Ծառուկյանի նկատմամբ կալանքը որպես խափանման միջոց ընտրելու՝ ԱԱԾ-ի միջնորդությունը:

Հունիսի 23-ին հայտնի դարձավ, որ դատախազությունը վերաքննիչ բողոք է ներկայացրել Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու որոշման դեմ։

Հունիսի 26-ին էլ ԲՀԿ առաջնորդի պաշտպանները վերաքննիչ բողոք ներկայացրին Ծառուկյանի նկատմամբ որպես խափանման միջոց կալանավորումը կիրառելու միջնորդությունը քննության առնելու մասին Երևան քաղաքի ընդհանուր իրավասության առաջին ատյանի դատարանի որոշման դեմ։

14
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, Հայաստան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
«Առինջ մոլի» աշխատակիցները գործադուլ կանեն. նրանք նամակ են գրել Ծառուկյանին. լուսանկար
Լաբորատորիա

ՀՀ–ում հակամարմինների թեստավորում կիրականացվի հետազոտման նպատակով. նախարար

8
(Թարմացված է 12:29 07.07.2020)
Արսեն Թորոսյանն անդրադարձավ Հայաստանում իրականացվող նոր` հակամարմինների թեստավորմանը։

ԵՐԵՎԱՆ, 7 հուլիսի – Sputnik. Կորոնավիրուսի ախտորոշման` հակամարմիններով թեստավորում բնակչության շրջանում կիրականացվի հետազոտական նպատակով, որպեսզի հասկանան կորոնավիրուսով վարակվածների մոտավոր տոկոսը: Այսօր հրավիրված ասուլիսի ժամանակ այս տեղեկությունը հայտնեց ՀՀ առողջապահության նախարար Արսեն Թորոսյանը` պատասխանելով հարցին, թե հակամարմինների թեստերը հասանելի՞ կլինեն նաև բնակչությամբ։

Ավելի վաղ հայտնել էինք, որ հունիսի 15-ից Հայաստանում անցկացվում է նոր հետազոտություն` հակամարմինների թեստեր են հանձնում, որոնց շնորհիվ հնարավոր է պարզել` մարդը երբևէ վարակվել է կորոնավիրուսով, թե ոչ։ Այժմ բուժաշխատողների շրջանում է նոր թեստավորումն իրականացվում, և 1000-1100 բուժաշխատող հակամարմինների թեստ կհանձնի։

«Հարցն այն է, որ որևէ մեկի մոտ առկա հակամարմինների երկարատևության ժամկետի առնչությամբ ապացույց չկա։ Այսինքն` այսօր եղած հակամարմինները կարող են մի քանի ամիս լինել բավարար քանակի, իսկ հետո նորից կարող է դրանց թիվը նվազել, և մարդիկ նորից հիվանդանան։ Ավելին, քաղաքացիներ կան, որոնց մոտ հակամարմինների բավարար քանակ նույնիսկ հիվանդանալուց և լավանալուց հետո չի առաջանում»,–ասաց նախարարը։

Թորոսյանը հիշեցրեց, որ այժմ Ամերիկյան համալսարանի հետ համագործակցելով հակամարմինների հետազոտություն է իրականացվում` պարզելու բուժաշխատողների շրջանում կորոնավիրուսի տարածման ցուցանիշը։ Սակայն, ըստ նախարարի, պետությունը չի կարող քաղաքականության մշակման հարցում հիմնվել նման հետազոտությունների վրա։

Ինչ վերաբերում է մասնավոր ԲԿ–ների` հակամարմինների թեստերի իրականացմանը, ապա Թորոսյանը նշեց, որ Հայաստանում հիմա կան հակամարմինների բավական բարձրորակ թեստեր։ Թորոսյանն իր խոսքն ամփոփեց` ասելով, որ հակամարմինների թեստն անձի վարքի փոփոխման հիմք լինել չի կարող, այսինքն` եթե որևէ մեկի մոտ կան հակամարմիններ, դա հիմք չէ հակահամաճարակային կանոնները չպահելու։

Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան

Հիշեցնենք` Հայաստանում կորոնավիրուսով վարակվածների թիվն արդեն հասել է 29285–ի, վարակի զոհ է դարձել 503 մարդ։ Միայն վերջին մեկ օրում կորոնավիրուսի հետևանքով մահվան 12 դեպք է գրանցվել։

Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են

8
թեգերը:
հակամարմին, Արսեն Թորոսյան, կորոնավիրուս, Հայաստան
Ըստ թեմայի
Կորոնավիրուսի հետևանքով մահվան 12 դեպք է գրանցվել. ամենաերիտասարդը 54–ամյա կին է
Կորոնավիրուսի պայմաններում աշխատող մանկապարտեզների աշխատակիցները հավելավճար կստանան
Մեկ օրում գրանցվել է 330 դեպք. Հայաստանում կորոնավիրուսով վարակվածների թիվը դարձավ 28 936