ԵՐԵՎԱՆ, 15 նոյեմբերի — Sputnik. Ժողովուրդը պետք է որոշի, թե ում պետք է տեսնի ԱԺ–ում։ Այսօր կառավարության նիստի ավարտին լրագրողների հետ զրույցում, անդրադառնալով երեկ ԱԺ–ում սկսված ու սոցիալական հարթակներում շարունակվող ՀՀԿ–ՔՊ փոխադարձ քննադատություններին, ասաց ՀՀ կրթության և գիտության նախարարի պաշտոնակատար Արայիկ Հարությունյանը։

«Ես ցավում եմ, որ Արմեն Աշոտյանն իրեն մրցակից է համարում այդ կոմպոնենտները»,– ասաց Հարությունյանը` մեկնաբանելով Արմեն Աշոտյանի հայտարարությունն այն մասին, որ եթե անգամ առաջադրվեն Նիկոլի ուսապարկը, «Դուխով» գլխարկն ու հազը, ՔՊ–ն էլի նույն 80 տոկոս ձայնը կհավաքի։

© Sputnik / Asatur Yesayants

Նիկոլ Փաշինյանի ուսապարկը

«Ուսումնասիրեք անցյալ տարվա ռեյտինգային ընտրություններն ու կտեսնեք, թե Նիկոլ Փաշինյանի թիմակիցներն ինչպես են աշխատել ընտրատարածքներում և այդ սահմանափակումների պայմաններում որքան շատ ձայներ են հավաքել»,– ասաց նա։

Երեկ Արմեն Աշոտյանին արձագանքել էր նաև Ալեն Սիոնյանը։ «Կտեսնենք` այն պարագայում, երբ ընտրողների վրա ճնշումներ չեն լինելու, որքան ձայն կհավաքի իրեն ընդդիմություն հայտարարած ՀՀԿ-ն»,– ասել էր Սիմոնյանը։

Նա նաև հայտարարել էր, որ առաջադրվելու է նույն 4-րդ ընտրատարածքում, որտեղ առաջադրվելու է Աշոտյանը։

Ազգային ժողովի ընտրությունը նախատեսված է դեկտեմբերի 9-ին։

ԵՐԵՎԱՆ, 3 մարտի - Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը վստահեցնում է` Բաղրամյան պողոտայում այսօր նախատեսված հանրահավաքի ժամանակ որևէ սադրանք չի լինելու` ընդդիմությունը սադրանքների չի գնալու։ Սաղաթելյանը հանրահավաքի մեկնարկից առաջ լրագրողների հետ զրույցում նման կարծիք հայտնեց` անդրադառնալով ոստիկանության հաղորդագրությանը։

© Photo : official site of the MoD of RA

Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել

Ոստիկանությունը հայտարարություն էր տարածել` ասելով, որ տվյալներ են ստացվել, որ մարտի 3-ի ժամը 16։00-ին նախատեսված հանրահավաքի ժամանակ հնարավոր են սադրանքներ։

Նշենք, որ դրանից հետո մամուլում, սոցցանցերում լուսանկարներ հայտնվեցին, որ ԱԺ դարպասները զոդում են, իսկ դարպասների ողջ երկայնքով ոստիկանական հսկողությունն ավելացել է։

«Ես ստացել եմ բազմաթիվ նամակներ, թե` մենք չենք գալիս ձեր ճառերը լսելու, դուք գործողություն չեք անում։ Այդ մարդիկ ուզում ենք, որ մենք հորթով այս կամ այն շենքերը գրավենք։ Սակայն շենքն իշխանությունը չի` երկիրը չպետք է տանենք ցնցումների»,–ասաց Սաղաթելյանը։

Նրա խոսքով` Փաշինյանն օրեցօր կորցնում է իր իշխանությունը։

Նշենք, որ քիչ հետո ԱԺ պետք է ժամանի ՀՀ վարչապետ Նիկոլ Փաշինյանը` կառավարության անդամների հետ պատգամավորների հարցուպատասխանին մասնակցելու։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : provided by Karapet Poxosyan

«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։