ԵՐԵՎԱՆ, 15 նոյեմբերի — Sputnik. Հարկային ստուգումների ընթացքում հարկային աշխատակիցները «Գազպրոմ Արմենիայում» որոշակի տեղեկություններ են բացահայտել, որոնք ներկայացվել են Հատուկ քննչական ծառայություն։ Այսօր լրագրողների հետ զրույցում, մեկնաբանելով ՊԵԿ–ի երեկվա հաղորդագրությունը «Գազպրոմ Արմենիայի» վերաբերյալ, ասաց ՊԵԿ նախագահ Դավիթ Անանյանը։

© Photo : Gazprom Armenia official site

ՊԵԿ-ը խոշոր չափերով հարկեր չվճարելու դեպքեր է բացահայտել «Գազպրոմ Արմենիա» ՓԲԸ-ում

«Որոշակի գործողություններ, որոշակի վարքագծի, որոշակի գործարքների, կապիտալ շինարարության կամ հիմնական միջոցների, կորուստների հետ կապված տեղեկություններում հայտնաբերվել են այնպիսիք, որոնց վերաբերյալ անհրաժեշտություն է առաջացել այդ վարքագծին քրեաիրավական գնահատական տալու»,– ասաց Անանյանը։

Նա նաև հայտնեց, որ ՊԵԿ հաղորդման հիման վրա քննիչի որոշմամբ արդեն հարուցվել է քրեական գործ, բայց հիշեցրեց, որ քրեական գործը դեռ դատավճիռ չէ։

Ինչ վերաբերում է հայտնաբերված խախտումներին, Անանյանը հրաժարվեց բացահայտել դրանք`նախաքննական գաղտնիքի հիմնավորմամբ։

Հարցին, թե որքանով են այս չարաշահումներն ազդել սակագնի վրա, Անանյանը դժվարացավ պատասխանել։ «Կարող են առնչվել, բայց այդպիսի շեշտադրում այս պահին չանենք, որովհետև այդպիսի նպատակադրումներ այս պահին չկան»,– ասաց նա։

Անանյանը նաև հիշեցրեց, որ ավելի վաղ ՊԵԿ–ն ուսումնասիրություններ էր իրականացրել նաև գազալցակայաններում, որի արդյունքում հարուցվել են նաև քրեական գործեր, և չբացառեց, որ դրանք ևս որոշակիորեն կարող են առնչվել «Գազպրոմ Արմենիայում» հայտնաբերված նոր խախտումներին։

Հիշեցնենք` երեկ ՊԵԿ–ը հայտարարել էր, որ կատարված ուսումնասիրությունների արդյունքում պարզվել է, որ գազաբաշխման համակարգում կորուստների մեծությունը 2018 թվականի հունիս-հուլիս ամիսներին 2018 թվականի հունվար-մայիսի համեմատությամբ նվազել է միջին հաշվով 3 անգամից ավելի:

© Photo : Gazprom Armenia official site

Մեր շահույթը հաշվելիս դուք մոռանում եք կարևորի մասին. «Գազպրոմ Արմենիայի» տնօրեն

Միաժամանակ, կատարված համեմատական հետազոտությունների արդյունքում պարզվել է, որ «Գազպրոմ Արմենիա» ՓԲԸ-ի կողմից ավտոգազալցավորման ճնշակայաններին (ԱԳԼՃԿ-ներին) մատակարարված բնական գազի ծավալները հունիս-սեպտեմբեր ամիսներին 2018 թվականի առաջին հինգ ամիսների համեմատությամբ ավելացել են շեշտակի՝ մոտ 37 տոկոսով, որի դրսևորումները նույնպիսի համամասնությամբ միաժամանակ արձանագրվել են նաև ավտոգազալցավորման գործունեությամբ զբաղվող մի շարք ընկերությունների կողմից սպառվող բնական գազի սպառման ծավալներում:

Ավելի ուշ ՊԵԿ–ի հայտարարությանն արձագանքեց նաև «Գազպրոմ Արմենիան»։ Ընկերությունը հայտարարեց, որ ՊԵԿ-ը 2018 թվականի հոկտեմբերի 1-ից ‹‹Գազպրոմ Արմենիա›› ՓԲԸ-ում փաստացի սկսել է բյուջեի հետ փոխհարաբերությունների ճշտության համալիր ստուգում, այնուհետև 2018 թվականի հոկտեմբերի 17-ին ստուգման տևողությունը երկարաձգվել է 30 աշխատանքային օրով: Իսկ նոյեմբերի 14-ին, առանց ընկերության հետ քննարկելու կամ ընկերությանը տեղեկացնելու, ՊԵԿ-ը մամուլով տարածել է միանգամայն անհիմն տեղեկություն։

ԵՐԵՎԱՆ, 3 մարտի - Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը վստահեցնում է` Բաղրամյան պողոտայում այսօր նախատեսված հանրահավաքի ժամանակ որևէ սադրանք չի լինելու` ընդդիմությունը սադրանքների չի գնալու։ Սաղաթելյանը հանրահավաքի մեկնարկից առաջ լրագրողների հետ զրույցում նման կարծիք հայտնեց` անդրադառնալով ոստիկանության հաղորդագրությանը։

© Photo : official site of the MoD of RA

Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել

Ոստիկանությունը հայտարարություն էր տարածել` ասելով, որ տվյալներ են ստացվել, որ մարտի 3-ի ժամը 16։00-ին նախատեսված հանրահավաքի ժամանակ հնարավոր են սադրանքներ։

Նշենք, որ դրանից հետո մամուլում, սոցցանցերում լուսանկարներ հայտնվեցին, որ ԱԺ դարպասները զոդում են, իսկ դարպասների ողջ երկայնքով ոստիկանական հսկողությունն ավելացել է։

«Ես ստացել եմ բազմաթիվ նամակներ, թե` մենք չենք գալիս ձեր ճառերը լսելու, դուք գործողություն չեք անում։ Այդ մարդիկ ուզում ենք, որ մենք հորթով այս կամ այն շենքերը գրավենք։ Սակայն շենքն իշխանությունը չի` երկիրը չպետք է տանենք ցնցումների»,–ասաց Սաղաթելյանը։

Նրա խոսքով` Փաշինյանն օրեցօր կորցնում է իր իշխանությունը։

Նշենք, որ քիչ հետո ԱԺ պետք է ժամանի ՀՀ վարչապետ Նիկոլ Փաշինյանը` կառավարության անդամների հետ պատգամավորների հարցուպատասխանին մասնակցելու։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : provided by Karapet Poxosyan

«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։