Մանվել Գրիգորյան

Մանվել Գրիգորյանի գործն ամենաաղմկահարույցն է. էլ ի՞նչն է ցնցել ՀՀ քաղաքացիներին

531
Հայաստանի քաղաքացիները խոսել են վերջին ժամանակների ամենաաղմկահարույց գործերի մասին և գնահատել ուժային կառույցների աշխատանքը։

ԵՐԵՎԱՆ, 31 հոկտեմբերի — Sputnik. Հայաստանի քաղաքացիները կարծում են, որ գեներալ Մանվել Գրիգորյանի հետ կապված գործն ամենաաղմկահարույցն էր։ Այսօր լրագրողների հետ հանդիպման ժամանակ այս մասին ասաց GALLUP International association-ի հայաստանյան ներկայացուցչության տնօրեն Արամ Նավասարդյանը։

Նա հրապարակեց 2018 թվականի սեպտեմբերի 3–ից 11–ն անցկացված հարցման արդյունքները։ Հարցմանը մասնակցել են 1106 մարդ։ Տվյալների անճշտության մակարդակը 3% է։

«Հարցվողների մեծ մասը (83,3%) հիշում է գեներալ Մանվել Գրիգորյանի գործը, երկրորդ տեղում Մարտի 1–ի գործն է և ՀՀ երկրորդ նախագահ Ռոբերտ Քոչարյանի մասնակցությունն այդ գործին (39,9%), երկրորդ տեղում (37,5%) Ալեքսանդր Սարգսյանի ու նրա որդիների գործն է», – ասաց Նավասարդյանը։

Հիշեցնենք` ԱԱԾ-ն հունիսի 17-ին տեսանյութ էր հրապարակել` ներկայացնելով ՀՀ Արմավիրի մարզի Արշալույս գյուղի Լճափնյա փողոցում գտնվող, Մանվել Գրիգորյանին սեփականության իրավունքով պատկանող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան կատարված խուզարկության արդյունքները: Զինվորներին հասցեագրված արկղերին կից նամակներից ակնհայտ էր, որ արկղերի պարունակությունը դեռևս 2016-ին ապրիլյան քառօրյա պատերազմի օրերին ուղարկված օգնությունն էր առաջնագծի զինվորներին` զինվորական շապիկներ, գուլպաներ, դեղորայք, բինտեր, վիրակապեր դեղահաբեր։

Հարցման մասնակիցների 64,8%–ը վստահաբար նշել է, որ Մարտի 1–ի գործի մեղավորները կպատժվեն, 24,7%–ն էլ կարծում է, որ մեղավորներն անպատիժ կմնան։

Բացի այդ, 86,3%–ը վստահ է, որ մարտի 1–ի գործով պետք է հարցաքննվեն Սերժ Սարգսյանն ու Ռոբերտ Քոչարյանը, իսկ 52,4% ասել է, որ պետք է հարցաքննել ՀՀ առաջին նախագահ Լևոն Տեր–Պետրոսյանին ու նրա կողմնակիցներին։

Հիշեցնենք, որ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել «Մարտի 1»-ի գործով վկայի կարգավիճակով՝ հարցաքննության։ Նույն օրը նրան մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։ Oգոստոսի 13-ին ՀՀ վերաքննիչ դատարանն ազատ էր արձակել ՀՀ երկրորդ նախագահ Ռոբերտ Քոչարյանին` հայտարարելով, որ բավարարում է պաշտպանների բողոքը, վերացնում է առաջին ատյանի դատարանի որոշումը` հաշվի առնելով, որ Ռոբերտ Քոչարյանն անձեռնմխելի է, և նրա գործողությունները բխել են իր լիազորություններից։

Նավասարդյանը նշեց նաև, որ հարցման արդյունքների համաձայն` Հայաստանի քաղաքացիների մեծ մասը (66,2%) դրական է գնահատում Ազգային անվտանգության ծառայության գործունեությունը, 56,7%–ը` ոստիկանության գործունեությունը, 52,6%–ը` Հատուկ քննչական ծառայության։

531
Ըստ թեմայի
Ռոբերտ Քոչարյանի անձեռնմխելիությունը կհաստատվի. Ֆիցջերալդ
Փաշինյանն ու Քոչարյանը թայմ աութ են վերցրե՞լ
«Աստված նրանց առողջություն տա, թող շարունակեն». Փաշինյանը` Քոչարյանի դատական հայցի մասին
Հարուցված գործը բխում է Փաշինյանի՝ իմ հանդեպ ունեցած անձնական ատելությունից. Քոչարյան
Վալենտինա Մատվիենկո

Հայաստանն օգնություն չի խնդրել Ռուսաստանից. Մատվիենկո

11
(Թարմացված է 17:41 01.03.2021)
Վալենտինա Մատվիենկոյի խոսքով՝ Ռուսաստանը երբեք չի միջամտում ինքնիշխան պետությունների գործերին:

ԵՐԵՎԱՆ, 1 մարտի - Sputnik. Հայաստանն օգնության խնդրանքով չի դիմել Ռուսաստանին։ ՌԻԱ Նովոստիի հետ զրույցում ասել է Դաշնության խորհրդի նախագահ Վալենտինա Մատվիենկոն։

«Այն ամենը, ինչ տեղի է ունենում ՀՀ–ում, Հայաստանի ներքին գործն է։ Հայաստանին ինչ-որ բանով օգնելու ոչ մի խնդրանք Հայաստանի ղեկավարությունից, իմ գործընկերոջից (Հայաստանի խորհրդարանի նախագահից) չի եղել», - ասել է նա։

Մատվիենկոն ընդգծել է, որ Ռուսաստանը երբեք չի միջամտում ինքնիշխան պետությունների գործերին:

«Դա մեր կանոններից դուրս է», - ընդգծել է Դաշնության խորհրդի խոսնակը:

Հիշեցնենք` հայաստանյան ներքաղաքաղական իրավիճակն ավելի սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Փետրվարի 27-ին Փաշինյանը հայտարարեց, որ մարտի 1-ին հանրահավաք է անցկացնելու Հանրապետության հրապարակում։ Նա բոլորին հորդորել է մասնակցել հանրահավաքին ու երթին։ Իսկ ժամը 18։00-ին Բաղրամյան պողոտայում մեկնարկելու է ընդդիմության հանրահավաքը։ 

11
թեգերը:
Վալենտինա Մատվիենկո, Ռուսաստան, Հայաստան
Ըստ թեմայի
Նիկոլ Փաշինյանն ու Արմեն Սարգսյանը հանդիպել են. ՀՀ նախագահը վատառողջ է
Նիկոլ Փաշինյանը երթն ուղղորդելո՞ւ է Բաղրամյան 26. Վահագն Ալեքսանյանի արձագանքը
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Քննչական կոմիտե

Անհետ կորած զինվորի մորից ավելի քան 1 մլն դրամ է պահանջել որդուն վերադարձնելու պատրվակով

14
(Թարմացված է 17:30 01.03.2021)
Գեղարքունիքի մարզի բնակիչներից մեկը որոշել է գումար աշխատել կանանց միջոցով, օրինակ` մեկի հետ ծանոթացել է «Օդնոկլասնիկի» սոցցանցում ու համատեղ կյանքի համար բնակարան գնելու պատրվակով գումար շորթել նրանից։

ԵՐԵՎԱՆ, 1 մարտի - Sputnik. Գեղարքունիքի մարզի բնակիչներից մեկը կալանավորվել է խարդախության համար։

ՀՀ քննչական կոմիտեն բացահայտել է, որ 41-ամյա տղամարդը 2020թ. նոյեմբերին ծանոթացել է Հրազդան քաղաքի բնակչուհու հետ, ապա իմանալով, որ նրա զինծառայող որդին մասնակցել է պատերազմին ու հոկտեմբերի 1-ից համարվում է անհետ կորած, հայտնել է, թե իբր ծառայում է զինված ուժերում, ծանոթներ ունի և զբաղվում է նրա որդու որոնողական աշխատանքներով:

Նա նաև ասել է, թե տղան վիրավորվել է և հայտնվել գերության մեջ: Իսկ որդու բուժման և Հայաստան վերադարձնելու պատրվակով կնոջից մաս-մաս պահանջել է 1 271 000 դրամ, որը Հրազդանի բնակչուհին փոխանցել է նրա տրամադրած հաշվեհամարին։

21 և 26–ամյա կանայք շանտաժով 1 մլն դրամ են շորթել երիտասարդ տղամարդուց. ՔԿ

2019թ. հոկտեմբերին նույն 41-ամյա տղամարդը «Օդնոկլասնիկի» էլեկտրոնային կայքով ծանոթացել է նաև Չարենցավան քաղաքի 45-ամյա մեկ այլ բնակչուհու հետ, որին ամուսնանալու սուտ խոստումներ է տվել` նրանից թաքցնելով ամուսնացած լինելու և երեխաներ ունենալու հանգամանքը։ Հայտնել է, թե իբր ծառայում է ՀՀ զինված ուժերում և Երևան քաղաքում պետք է բնակարան ստանա: Տղամարդն այդ նպատակով ու համատեղ կյանքով ապրելու պատրվակով կնոջից մաս-մաս պահանջել է 735․000 ՀՀ դրամ գումար։

Ձեռք բերված բավարար ապացույցների համակցությամբ՝ 41-ամյա տղամարդուն 2 դրվագով մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով (խոշոր չափերով խարդախություն)։

Անհետ կորածի հորից 1500 դոլար է վերցրել իբր թե լուր տրամադրելու համար. ԱԱԾ-ի բացահայտումը

 

14
թեգերը:
տղամարդ, Կին, փող, որդի, անհետ կորած, Գեղարքունիքի մարզ, Հայաստան